Kiwal taariindi

RFI Fulfulde

Hannde neɗanke faamii wonnde, ɓamtaare waawaa laataade e hoore leydi ndin, si tawii o waylaani noone no o wuuriri e dow mayri. Ngam yo o waawu foolude mbayliigu weeyo, caɗeele taariindi, nguleendi e kokke, ko maa o wayla noone ngurdam makko. Ngam faddaade caɗeele, hejjina yimɓe e dow jam, gire arooje waawa ronude leydi hecciɗundi,  hoɗuɓe e hoore mayri no haani ndartude ko’e maɓɓe. E nder oo taskaram Kiwal Taariindi, Abdulaay JALLO jaɓɓoto hertiyankooɓe e  yarlitiiɓe gollooɓe e ɗen baŋŋe.

  1. -3 J

    Taskaram men hannde yewtata ko e nokkuuje haakooje maa mbiyen hecciɗuɗe no wi’ee "espace vert" e ɗemngal faransiire

    Tedduɓe on calminaama! Bisimilla mon e taskaram men Kiwal Taariindi. Hannde e oo ɗoo taskaram en yewtay ko yowitii e nokkuuje haakooje maa mi wi'a hecciɗuɗe no wi’ee "espace vert" e ɗemngal faransiire. Ɗen nokkuuje no ŋakki e yogga e nder Afrik wano Moritani haa e leyɗe godɗe ɗe Afrik. Etee ɗee nokkuuje no jogii nafoore to baŋŋe taarindi haa teeŋti noon e cellal neɗɗo. Ko woni ɗeen nafooje? Holno ɗii nokkuuji toppitirtee? Ngam yaajnaade heen en bismoto hoɓɓe men. Moussoukoro Sidibe Moritanaajo hertorɗo to baŋŋe taarindi e Algasimou Diallo, Ginénaajo ardiiɗo fedde nde wonaa laamuyankoore wi’eteende Guinée Verte. Kono ko adii en heɗoto Lamine Ibn Oumar Diallo mo Gambie e Demba Sall gooto e daraniiɗo e reenude taarindi Moritanie.

    10 min

  2. 4 MARS

    Alhaali tuunugol henndu foofeteendu e caɗeele mum cellal neɗɗo

    E oo ɗoo taskaram men hannde en yewtay ko yowitii e tuundi henndu foofeteendu e nder winndere nden, haa tentinii non e duunde Afrik. Ɗum non ko caggal nde teskaa ɗee jonte ɓennuɗe tuundi henndu foofeteendu e nder Senegaal. Holko woni sabu ɗum ? Holko ɗum waawi battinde e taarindi ndii haa e cellal neɗɗo? Holko foti wonde safaara walla pehe ngam haɓude oo musiiba ? Ngam yaajnaade heen en bismoto Ibrahima Sori BAH gooto e ardiiɓe suudu halfinaandu Metewo Guinee. Kono ko adii ɗum en heɗoto miijooji ɗi heɗiyankooɓe men addani ka tongoode men Whatsapp. En jofniray e Aminata Mbow Senegalnaajo, ardiiɗo suudu halfinaandu henndu foofeteendu. Ɗum non bissimillah mon

    10 min

  3. 25 FÉVR.

    Darnde rewɓe Afriknaaɓe ko faati e reende taariindi ndii

    Wano woowiri non maayɗe lewru kala, e oo ɗoo taskaram en yewtay fii darnde rewɓe afriknaaɓe ko yowitii e mbayliigu weeyo walla reenude taarindi men. Ko foti wonde darnde maɓɓe e nder pelle ɗe ɓe tawaa e mum ɗen? Holɗe e pehe woɓɓe e maɓɓe woni e ƴettude ngam haɓude mbayliigu weeyo? Ngam yeewtude e dow ɗee toɓɓe en bismoto hoɓɓe men Arabiyatou Jallow mo gambie tawaaɗo e ardiiɓe fedde nde wonaa laamuyankoore wieteende Green Up Gambie. Kono ko adii en heɗoto yiyande gooto e heɗiyankoojomen Lamin Ibn Oumar Jallo ko feewti e ndee toɓɓere. Ka joofingol en bismoto kadi Saabado Vaaz dariiɗo e fedde makko to Gine Bissau gila ɗuuɓi cappanɗe tati e jowi ngam háɓude mbayliigu weeyo e nder leydi maɓɓe ndin

    10 min

  4. 18 FÉVR.

    Ko holɗum ɗee pineeje huutoraaɗe hawkaaɗe battinta e ndii taariindi?

    Hannde yewtere taskara men yowitii ko battane pineeje (poneeje) huutoraaɗe hawkaaɗe e dow taariindi ndii. Ɗee pineeje e nder Afrik ummorii ko e naatgol pineeje kuutorteeɗe, moofteteteeɗe e nder gure. Ɗum no bonna leydi, henndu, e ndiyam, na addana kadi caɗeele cellal. Pineeje ko tuuɗe jogiiɗe batte bonɗe e weeyo. Tigi rigi holko ɗum waawi battinde e taarindi? Holko pehe fotaa ƴetteeɗe ngam haɓude ɗum?

    10 min

  5. 11 FÉVR.

    Alhaali ɓee lorriiɓe, mbaliigu weeyo woni sabu haa eggi e nokkuuje ɗe ɓe hoɗi e mum

    Hannde yewtere taskara men yowitotoo ko battane mbayliigu weeyo e ɗannagol walla eggayɓe sabu caɗeele mbayliigu. Hannde e oo ɗoo saaha ɗum addii caɗeele tiiɗude yimɓe wano durooɓe remooɓe walla kadi woɓɓe. Holko saabi haa hannde hitaande kala e leyɗe goɗde no teskee eggayɓe sabu mbayliigu weeyo ? Holko foti wonude pehe ngam haɓude ko yowitii e oo alhaali. Holi foti wonude darnde ardiiɓe ɓee, kono kadi ɓee yimɓe dogayɓe egga sabu battane mbayliigu weeyo ? Ngam yaajnaade e ndee toɓɓere en bismoto koɗo men Dr Fatumata Mayga malinaajo jannoowo e wiɗtotooɗo ka duɗal toowngal wonungal Bamako ko feewti e caɗeele walla bonandaaji yowitiiɗi e mbayliigu weeyo. Kono ko adii ɗum en heɗoto Demba Ba senegalnaajo egguɗo sabu ilam e wuro Baalo e nder diiwal Tambakunda e fuɗnaange leydi ndii e Mamadou Oury Barry egginaaɓe caggal masiibo waɗuɗo Maaneya e nder Guinee waɗuɗo rowani. Ka jofingol en heɗoto kadi Amadou Boukari ardinooɗo fedde wi'eteende yare deggal yowitiinde e lumbugol daabeeji.

    10 min

  6. 4 FÉVR.

    Toɓɓere men hannde yowitii ko e alhaali battane golle mahanteeri e nder taariindi ndii

    E oo taskaram Kiwal taariindi en yewtay ko yowitii e golle laamu e nder yoga e leyɗe Afriknaaje, haa teeŋti noon e eɓɓooje mawɗe mahngo wano laabi, ponwuuji, baraasuuji. Ɗeen golle ina waawi battinde e weeyo walla mbiyen e taariindi rewrude e ustude rimɗinɗe leydi remeteendi, e ustude leɗɗe, e tuuninde henndu e ndiyam. En ƴettay yeru Gine, golle laamu walla gollidiiɓe laamu ngu no battini sanne e dow taariindi ndii haa e nguurndam yimɓe ɓee. Hino tawaa e ɗeen golle wano oogirɗe Simandu walla kadi laabi wonaaɗi e moƴƴineede hakkunde Mamou e Labe. Ɗum saaɓi haa fedde nde wonaa laamuyankoore Gine wi’ateende ONG des paroles et des actes jeertinii ko faati e battane mun e dow taariindi ndii haa e nguurndam yimɓe ɓee. Ko halfinaaɗo kala ko yowitii e taariindi e ndiyam ndeen fedde, hertorɗo taariindi woni koɗo men. Himo wi’iee Mamadou Diouhe Diallo.

    10 min

  7. 28 JANV.

    [Taskaram Fillitaaɗo] Ko haani wonnde darnde rewɓe ko yowitii e reenugol taariindi ndii?

    Wano woowiri non lewru kala, e oo ɗoo taskaram en yewtay fii darnde rewɓe afriknaaɓe ko yowitii e mbayliigu weeyo walla reenude taarindi men. Ko foti wonde darnde maɓɓe e nder pelle ɗe ɓe tawaa e mum ɗen? Holɗe e pehe woɓɓe e maɓɓe woni e ƴettude ngam haɓude mbayliigu weeyo? Ngam yewtude e dow ɗee toɓɓe en bismoto hoɓɓe men Faatumata Binta JALLO, ginenaajo tawaaɗo e fedde ACOREC woni fedde dariinde e daditiinde ngam haɓuɗe mbayliigu weeyo e Abi Jah ardiiɗo fennde nde wonaa laamuyankoore daraniinde taariindi noddirteende  Ndaygu " Lumière"  sakkitorɗen konngol Kolo Kulibali, iwarinaajo koolaaɗo kuuɓal fedde noddirteende " Page verte" Hello haakowo. Ko ɗum ɗoo woni loowdi yewtere hannde. On jaarnaama

    10 min

  8. 21 JANV.

    Hannde hiɗen arta e pehe kaanɗe ƴetteede ngam dartinde walla ustude tuundi waddeteendi e maaje ɗee

    On njaarnaama e keɗagol, e rewindaade RFI Fulfulde, daaɗe dunuyaaru. Bisimilla mon e ka taskaram Kiwal Taariindi.Yontere yawtunde, en njeewtii e ko faati e tuundi maaje ɗee. Holko waɗata ɗum e holko ɗum waawi battinde e taariindi ndii e kuuɓal wonndude e maaje ɗee. Hannde ngartaten ko e ñawndooje kaanɗe waɗeede ngam dartinde walla ustude tuundi waɗateendi e maaje ɗee. Ngam yewtude heen, eɗen ngonndi e Moussokoro Sidibe, keertoriiɗo taarindi, jooɗiiɗo to Mauritanie. Bandiraaɓe, bisimilla mon…

    10 min
Tout afficher (24)

À propos

Hannde neɗanke faamii wonnde, ɓamtaare waawaa laataade e hoore leydi ndin, si tawii o waylaani noone no o wuuriri e dow mayri. Ngam yo o waawu foolude mbayliigu weeyo, caɗeele taariindi, nguleendi e kokke, ko maa o wayla noone ngurdam makko. Ngam faddaade caɗeele, hejjina yimɓe e dow jam, gire arooje waawa ronude leydi hecciɗundi,  hoɗuɓe e hoore mayri no haani ndartude ko’e maɓɓe. E nder oo taskaram Kiwal Taariindi, Abdulaay JALLO jaɓɓoto hertiyankooɓe e  yarlitiiɓe gollooɓe e ɗen baŋŋe.

Informations

  • Chaîne
    RFI Fulfulde
  • Création
    RFI Fulfulde
  • Années d’activité
    2021 - 2026
  • Épisodes
    24
  • Classification
    Tous publics
  • Copyright
    © France Médias Monde
  • Site web de l’émission
    Kiwal taariindi
  • Fournisseur

Plus de contenus par RFI Fulfulde