Kultur

Radio 100,7
Radio 100,7

Interviewen, Kriticken, Commentairen a Reaktiounen zu der kultureller Aktualitéit

  1. -5 h

    Film vun der Woch: "Omaha"

    De Michel Delage an d'Vesna Andonovic iwwer dësen amerikaneschen Independant-Drama, deen déi grouss Problemer vu klenge Leit thematiséiert.

  2. -6 h

    Éischt grouss Retrospektiv iwwer déi Lëtzebuerger Molerin Berthe Brincour

    Wann ee Kënschtler vun engem Grupp vu Konschtexperte mat “hors norme, hors temps” bewäert gëtt, huet en et eigentlech gepackt, oder? En plus kënnt dës Aschätzung net vum Konschtmaart a wier eventuell e Verkafstrick, mee aus eisem Nationalmusée. Doriwwer eraus geet et ëm eng lëtzebuergesch KënschtlerIN, an zwar eng, déi tëschent 1879 an 1947 gelieft huet, zu enger Zäit also, wou Fraen an der Reegel guer keng professionell Karriär am Konschtberäich maache konnten, ënner anerem well et keng Héichschoule fir si gouf. Sämtlech Departementer vum Nationalmusée hu sech zesummegedoen, fir déi spannend Expo “Berthe Brincour, une artiste hors norme et hors temps” op d’Been ze stellen. D’Kerstin Thalau gouf am MNAHA vun der Expo-Commissairin Liz Hausemer méi gewuer.

  3. -3 j

    D'Néckel Scholtus mat 41 weidere Kënschtler bei "Les (Dé)généré(e)s"

    Mir haten iech dëser Deeg mat bei d‘Néckel Scholtus an hir Kënschtlerinne-Residenz zu Arles geholl. De Beitrag iwwert der Fotokënschtlerin hir Zäit am Kontext vun de Rencontres d‘Arles fannt dir op eisem Site 100komma7.lu. Begleet gouf si vun zwee Mentoren; een dovunner war de Fotograf a Curateur Nicolas Havette. An dee presentéiert nach bis de Sonnden inclus d‘Gruppenexpo „Les (Dé)généré(e)s“ an engem OFF-Space, souzesoen nieft dem renomméierte Fotofestival. D‘Kerstin Thalau ass vum Nicolas Havette gewuer ginn, wéi d‘Néckel Scholtus Deel vun der Expo ginn ass, a firwat fir hien haut de Sujet „Les Dégénérés“ an der Konscht nees esou aktuell ass.

  4. -3 j

    Keng EU-Gelder méi fir d'Konschtbiennale zu Venedeg

    D’Konschtbiennale vu Venedeg ass zanter Enn Mee amgaangen, mat der Lëtzebuerger Contributioun dës Kéier vun der Aline Bouvy, déi do hir Kuerzfilminstallatioun “La Merde” weist. Un deene ville Kontroversen, déi dës Editioun vun der Biennale geplot gouf, ass de Lëtzebuerger Pavillon net bedeelegt, a rezent koum nach eng dobäi, oder eng Konsequenz dovunner. De Marc Clement aus der Kulturredaktioun bericht.

  5. -4 j

    Erkundung des Bösen an Im Einklang mit dem Tod vum PalmArtPress Verlag

    De chineesesche Schrëftsteller Yang Lian kann op e beweegte Liewen zeréckkucken. Dat spigelt engersäits seng Lyrik an anersäits seng opschlossräich Essayen. Vum Yang Lian leien zwee Bicher vir, “Erkundung des Bösen”, mat Lyrik, an “Im Einklang mit dem Tod” mat Essayen. Iwwer en Auteur, deen tëschent historeschen Epochen a Kulture säi Wee huet misste sichen, verréit de Léon Renaldetti méi.

  6. -4 j

    D'Lëtzebuerger Veräinswiesen an den USA

    Ee bis dohi wéineg beliichten Aspekt vun der Lëtzebuerger Auswanderung an d'USA: fräiwëlleg Ënnerstëtzungsveräiner hunn hire Membere materiell Hëllef ugebueden a fir d'Erhale vun der Lëtzebuerger Kultur gesuergt. D'Historikerin Caroline Resch beschreift dee Phenomeen an der aktueller Ausgab vun der Geschichtszäitschrëft Hémecht.

  7. -5 j

    Kee Kabes: "La nature" de Néckel Scholtus

    Zanter 10 Joer versichen d‘Membere vun der ASBL Lët‘z Arles déi Lëtzebuerger Fotografie am Kontext vun de Rencontres de la photo d‘Arles international méi bekannt ze maachen. An zwar net just duerch Fotokonscht-Expoen um renomméierte Festival. D‘Fotografin Néckel Scholtus, zum Beispill, war mat hirem neie Projet fir eng länger Kënschtlerinne-Residenz zu Arles selektionéiert ginn. Wat si dëse Februar, Mee a Juli a Südfrankräich erlieft, a wéi de Projet evoluéiert huet, ass d‘Kerstin Thalau wärend der Semaine d‘ouverture des Rencontres vun der Néckel Scholtus gewuer ginn.

  8. -5 j

    Srdjana Jovanovic - Überall ohne Ort

    Dëse Summer proposéiert d‘Valerija Berdi nees eng Rei Bicher, déi hir ganz besonnesch gefall hunn. Hei ass et d‘Gedichtband vun der Srdjana Jovanovic mam Titel: “Überall ohne Ort”. D'Buch koum an Zesummenaarbecht mat Ënnert de Radar - Produktiounen a fata.luxembourg eraus.

Tout afficher (50)

À propos

Interviewen, Kriticken, Commentairen a Reaktiounen zu der kultureller Aktualitéit

Informations

  • Chaîne
    Radio 100,7
  • Création
    radio 100,7
  • Années d’activité
    2017 - 2026
  • Épisodes
    50
  • Classification
    Tous publics
  • Copyright
    © Média de Service public 100,7
  • Site web de l’émission
    Kultur

Plus de contenus par Radio 100,7

Vous aimeriez peut‑être aussi