La populara

Radiotelevisiun Svizra Rumantscha (RTR)

La musica populara dal Grischun e da la Svizra chatta ses lieu en questa emissiun.

  1. 03/09/2025

    «In bocca d’luf»

    Musica populara per il pli bel temp da l’onn. Ina «Populara» dal mais settember è adina reservada per sauts e musica che han da far culla chatscha – che ha be gist cumenzà. Per il pli bel temp da l’onn preschentain nus perquai tocs deditgads a la chatscha, a tschiervs e chamutschs, star da cumpagnia e giudair la vita in chamona – ina «Populara» per chatschadras e chatschaders – e per quels e quellas che taidlan gugent noss’emissiun. I dat bleras cumposiziuns, che tractan la pli gronda passiun grischuna, cun schottischs, polcas, e valsers. Vus udis las chapellas Alpafründa, Alp Stätz, Echo vom Kinzig, Oberalp, Vadret e Grischuna, ils Schwyzerörgeli-Fründa Felsberg ed Ils Jauers Arno ed Aldo.

    59 min

  2. 01/09/2025

    Perlas or da l'archiv

    Gronds semperverds e raritads da la musica populara svizra or da l'archiv da signur Hold. Per l’emissiun dad oz avain nus preparà anc ina giada bleras scuvertas che nus avain survegnì da signur Johann Georg Hold. El è s’annunzia tar nus ed ha raquinta da sia collecziun da plattas fonograficas, bleras raritads e bleras fitg veglias. Quai ha sveglià noss interess e nus avain digitalisà diversas da quellas per noss archiv, ed oz as preschentain nus puspè in pèr da quellas truvaglias che vus udis forsa per l’emprima giada. Nus avain tschernì registraziuns dals onns 70 e vus udis furmaziuns sco la Ländlerkapelle Arno Jehli, la chapella Grossmann da Cuira, las chapellas Alpafründa, Gürgaletsch, Erni e Barba Peder.

    59 min

  3. 01/09/2025

    Popularischem

    Semperverds eterns da la musica populara svizra En la populara dad oz udis schottischs, polcas e marchas fitg enconuschentas e popularas. Nus tuts tadlain gugent tocs sco: «Bündner Maitali», il «Eckstein-Schottisch», la marcha «Ein frohes Wiedersehen», ubain il schottisch «Maloja Wind». Quists tocs sunan furmaziuns da tut la Svizra. Ils Schwyzerörgeli-Fründa Felsberg, la chapella Grischuna, ils Engadiner Ländlerfründa, la chapella Rhätikon, la chapella Oberalp e Peter Zinsli e ses musicants.

    58 min

  4. 25/08/2025

    In saut – autras versiuns

    Reprisas en la musica populara En la musica populara datti blers sauts enconuschents e semperverds che vegnan interpretads da pliras chapellas en differentas versiuns. La chapella «Swiss Ländler Gamblers» suna il schottisch «Urnerbode-Kafi» tut auter co la chapella «Echo vom Stanserhorn» – e la «Wildheuer-Polka» è tar la chapella «Bodaguat» fitg differenta da la versiun da la chapella «Rhätikon». En l’emissiun da musica populara da questa gievgia udis tocs enconuschents en versiuns d’autras chapellas.

    59 min

  5. 11/08/2025

    Musicantas e musicants giuvens

    Giuven e frestg – musica da las chapellas Rusch Büeblä, Prättigauer Power, Berner Jungmusikanten e Die jungen Stelser. Bleras furmaziuns da la musica populara existan gia dapi blers onns. Però er la giuventetgna fa gugent musica - ed en Svizra datti blers talents. «La populara» cuntegna blers sauts da chapellas cun musicantas e musicants giuvens. Ils Rusch Büeblä, Prättigauer Power, Berner Jungmusikanten, Die jungen Stelser, ils Quöllfrisch-Buebe, Niklaus Hess, il Ländlertrio Augenschmaus e la Rümli Gäng.

    1 h

  6. 28/07/2025

    Ils Fränzlis da Tschlin: Tschlin – Wien retour

    Melodias tradiziunalas da Tschlin, Vienna ed auters lieus, tocs preferids d'antruras e cumposiziuns novas. Dals Engiadinais vain ditg ch'els hajan encreschadetgna er cur ch'els èn a chasa. Ils Fränzlis (e cun els bleras e blers da Tschlin) resentan questa brama intensiva magari er – pero betg sch’els èn a Vienna. Lura als vai pli u main bain. La brama vers l'ost ha pero ina raschun: l'En collia l'Engiadina ed il Tirol gia dapli eternitads, bler pli ferm ch'il Pass dal Flüela cun il rest dal Grischun. Las relaziuns trinaziunalas èn perquai stretgas: i dat in barat transcunfinal da forzas da lavur, recepts da gnocchis e notas da valsers. Cun lur program actual calman ils Fränzlis lur brama e viagian da Tschlin a Vienna (la musica! Ils pasts! la glisch dal passà!) e puspè enavos (l’encreschadetgna!). E durant il viadi prendan els cun sai quai che plascha: flottas paraulas, jodlers, melodias tradiziunalas da Tschlin, Vienna ed auters lieus, tocs preferids d'antruras e cumposiziuns novas che daventan forsa ina giada ils tradiziunals da damaun (a Tschlin, Vienna ed utrò).

    59 min

  7. 28/07/2025

    Sin culms e muntognas, tras guauds e bellas cuntradas

    Viandar en regiuns da muntogna da tut la Svizra. En regiuns pli bassas datti uss savens chalurs. Bler pli agreablas èn las temperaturas sin ils auts – ed uss è in dals megliers temps per viandar e far spassegiadas sur munts e vals. En la musica populara grischuna e svizra datti blers sauts deditgads a quest bel passatemp. Vus udis las chapellas Diä urchigä Glarner, ils Engadiner Ländlerfründa, Budaguat, Echo vom Gätterli, la chapella Jünaiver, ils Schwyzerörgeli-Fründa Felsberg ed ils Bergüner Ländlerfründa cun sauts sco: I der SAC-Hütte, Pro'l Lai da Rims, Chum mit i d'Berge, Klänge vom Wildstrubel, Uf em Gipfelchrüz e Uf dr Corviglia.

    59 min

  8. 17/07/2025

    Or da l’archiv – chapellas grischunas e lur sauts dals onns 80

    Truvaglias da questa giada: S Bündner Püürli, Härt wie Pfyffeholz, Dr Hit us am Schanfigg. La populara dad oz deditgain nus puspè a registraziuns in pau pli veglias. Quai èn sauts pli vegls che nus avain en noss archiv da musica, pertge là datti bleras da questas perlas dal temp passà, dals onns 40 fin 80, veritablas truvaglias. Vus udis oz sauts dals onns 80, schottischs, polcas, valsers e mazurcas sco: la Felsberger Mazurka, Am Bündnerball in Basel, Daheime im Stübli, Alma-Walzer, Dr Hit us am Schanfigg, S Bündner Püürli, Locker vom Hocker, S'isch guat, ds Valserwasser, Jagdfieber, Hoch Prättigau, Am Kerstelenbach e Klänge aus Siebnen.

    58 min
Tout afficher (15)

À propos

La musica populara dal Grischun e da la Svizra chatta ses lieu en questa emissiun.

Informations

  • Création
    Radiotelevisiun Svizra Rumantscha (RTR)
  • Années d’activité
    2015 - 2025
  • Épisodes
    15
  • Classification
    Tous publics
  • Copyright
    © 2026 SRG SSR
  • Site web de l’émission
    La populara

Plus de contenus par RTR – Radiotelevisiun Svizra Rumantscha