牛哥講經會員專屬內容

立即收聽《牛哥解經》、《西哲幼稚園》、《生活雜談》！（支持牛某製作不同內容）

Gratuit pendant 3 jours, puis 9,99 US$/mois

牛哥講經丨廣東話哲學、書籍分享

讀物農莊 Anybooks Farm
  • 0,0 (0)
  • LIVRES
  • CHAQUE SEMAINE

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

  1. 【高敏感情緒管理101－第一堂】認識、鑑別高敏感；鬼滅邊個柱係高敏感？丨得閒讀書會（22）丨〈你是高敏感情緒者嗎？〉

    -3 J

    【高敏感情緒管理101－第一堂】認識、鑑別高敏感；鬼滅邊個柱係高敏感？丨得閒讀書會（22）丨〈你是高敏感情緒者嗎？〉

    高敏感人，即係點？ 要回答呢個問題，最好就交畀《高敏感情緒自救手冊》嘅作者卡魯恩・霍爾（Karyn D. Hall）。佢係心理學家、辯證行為治療（DBT）治療師，休斯頓辯證行為療法中心主任，佢專長研究嘅，係高敏人——同大多數人相比，高敏人即係會更頻繁、更持久咁經歷強烈情感嘅人群。 而作者認為情緒高度敏感既係一種天賦，亦係一種負擔。因為高敏人好多時都係具有兩面性： 有啲人喺情緒嘅洪流中受益匪淺 有啲人就掙扎喺負面情緒中，難以自拔，好難留意到呢啲情緒背後嘅積極意義。 點解高敏人都係情緒高度敏感，但係會得到咁唔同嘅結果呢？ 如果你係一個情緒敏感嘅人，咁你對他人嘅關心、狂喜嘅快樂、強烈嘅情感連繫，以及對大自然嘅熱愛，都會為你嘅人生增添目標感、意義同滿足感。但如果情緒一再將你吞噬，太大嘅負擔就可能令你唔會覺得高度敏感係一種天賦。學識管理情緒唔單止可以減少你嘅痛苦，仲可以幫你享受情緒帶嚟嘅更多恩賜。 管理情緒需要你承認同接受自己嘅情緒，用健康嘅方式應對唔舒服嘅感覺，並學會揀選合適嘅行為去管理情緒。 例如，當你覺得唔舒服時，糾結於需唔需要請人幫手照顧活潑好動嘅小朋友。結果你可能會瘋狂購物直至荷包扁晒，可能會暴飲暴食，又或者會對你心愛嘅人亂發脾氣。 我哋會一齊慢慢讀呢本書，每一個章節後面仲會有一啲練習題。當你讀到一啲對你有幫助嘅技能或者觀點嘅時候，記得我哋喺《最高學以致用法》當中所講嘅：要記錄呢一啲嘅觀點，然後將觀點確切咁樣輸出。 無論你嘅情緒係唔係高度敏感都好，希望你都可以更加了解自己嘅情緒，得到一個更加輕鬆、愉悅嘅日常生活，而唔係被情緒操控。 我哋會假設你係一個情緒敏感嘅人嚟論述，如果你唔係情緒敏感，咁你就可以睇下情緒敏感嘅人係點樣諗嘢——因為你唔係，你家人、伴侶、朋友都可能係。 【高敏感情緒管理101－第一堂】認識高敏感之兩面——恩賜與詛咒 高敏人嘅基本特徵 愛好大自然 對他人情感高度敏感 過度包容或過度偏執 人際中嘅誤解 對拒絕敏感 情緒打工仔 選擇困難症 直覺強者（半盲） 創造力 強烈嘅正義感 不斷變化嘅身份 情緒點解咁敏感？ 高敏人一定係心理障礙者？ 小結 建議配合集數： 牛哥讀經（14）丨伯特蘭・羅素1丨如果想開心，不如「一天天的少關心自己」？羅素為你分析人類三大心病，揭露畏罪狂、自溺狂、自大狂嘅共通點丨傅雷譯，《幸福之路》，〈甚麼使人不快樂？〉 牛哥三個字｜不快樂 為咗得出情緒敏感嘅積極意義，依家我哋就要了解一下情緒敏感嘅特點。 逢星期三夜晚九點直播 （如有字幕，字幕由ai生成，我無時間檢查，如有需要，自行取用） 閱讀材料： 《高敏感情緒自救手冊》 🐮 Follow IG：https://www.instagram.com/cowgortalk 🐂 加入讀物農莊，一齊閱讀，一齊討論！ https://www.patreon.com/cowgortalk 【文稿可於Patreon免費閱讀】 成為頻道會員並獲得福利： https://www.youtube.com/channel/UC6i3xQE-WhlKsu9l1cqzEQw/join 【聽Podcast】 🎧 Apple Podcast：https://podcasts.apple.com/podcast/id... 🎧 Spotify：https://open.spotify.com/show/0yFR7YK... 🎧 Google Podcast：https://bit.ly/3Cknf1m 🎧 KKBOX：https://bit.ly/3RneS9t

    1 h 37 min
  2. 牛哥解經（27）：【寓哲學於文學嘅大文豪】莊子同沙特：時差二千年，地隔八千里，以文學語言共同展開「痛苦探索」丨命中自由（1）丨《兩種自由的追求・莊子與沙特》

    19 SEPT. • ABONNÉS UNIQUEMENT

    牛哥解經（27）：【寓哲學於文學嘅大文豪】莊子同沙特：時差二千年，地隔八千里，以文學語言共同展開「痛苦探索」丨命中自由（1）丨《兩種自由的追求・莊子與沙特》

    ——「莊子與沙特的生活年代、社會背景有極大不同，但他們都代表了社會下層（莊子）或社會中層（沙特）的知識分子在社會現實生活中找不到出路、卻又非要發現一條小路的痛苦探索」 專門研究道家嘅劉笑敢喺一九八零年代寫咗《兩種自由的追求・莊子與沙特》（下稱《兩種自由》）呢本書仔，顧名思義，就係要將兩位相隔超過二千年嘅中西哲人作比較，更要對比兩者嘅自由觀。一睇到呢度，心水清嘅讀者就會問，到底兩者可唔可以有效咁比較呢？到底先秦哲學講唔講到「自由」呢？ 劉笑敢對於呢兩條問題嘅答案都係：可以。 喺呢個總共四到五集嘅小系列「命中自由」，我希望能夠同你用少少嘅時間，重溫兩位哲人從巨大嘅「命」限底下，所思索嘅自由。為此，我哋會睇下點解莊子同沙特係可以有效對比，以及兩者對自由嘅睇法到底係點。 由於我唔完全同意劉笑敢嘅論述（佢本人喺《兩種自由》寫完十年後，寫嘅〈後記〉亦指出《兩種自由》嘅限制或未盡之處），所以我並唔會只使用《兩種自由》嘅理解。而我會使用劉笑敢嘅論述，只係因為箇中有令人容易記憶、以及有部分有意義嘅對比。對於沙特哲學嘅補充，會使用勞思光嘅《存在主義哲學新編》；對於莊子哲學嘅補充，會使用徐復觀嘅《中國人性論史》。 今集，我哋主要從背景同文學手段嚟對比兩者。內容包括： 「人物對比」：雖然莊子同沙特生活喺唔同文化、地區，但如果我哋嘗試抽取佢哋背景嘅特徵，咁就會發現兩者有相當多可以對比嘅地方。 「以文學翅膀思考」：雖然莊子同沙特都以文學為手段呈現思想，但兩者所使用嘅文學方式有所不同。劉指出莊子係「莊子是中國古代第一個浪漫主義文學家」，而沙特就係存在主義嘅文學流派領袖。

    41 min
  3. 牛言信箱（2）：本月主題：快樂——共讀《真正的快樂處方》

    19 SEPT.

    牛言信箱（2）：本月主題：快樂——共讀《真正的快樂處方》

    每月最後一個星期三夜晚九點直播 （如有字幕，字幕由ai生成，我無時間檢查，如有需要，自行取用） 本集內容： 開始 🐮 Follow IG：https://www.instagram.com/cowgortalk 🐂 加入讀物農莊，一齊閱讀，一齊討論！ https://www.patreon.com/cowgortalk 【文稿可於Patreon免費閱讀】 成為頻道會員並獲得福利： https://www.youtube.com/channel/UC6i3xQE-WhlKsu9l1cqzEQw/join 【聽Podcast】 🎧 Apple Podcast：https://podcasts.apple.com/podcast/id... 🎧 Spotify：https://open.spotify.com/show/0yFR7YK... 🎧 Google Podcast：https://bit.ly/3Cknf1m 🎧 KKBOX：https://bit.ly/3RneS9t

    2 h 29 min
  4. 【Faker書單】【牛言信箱精華】（2）：科學家已經搵到快樂嘅秘訣！？一場改變瑞典精神醫學專家對大腦理解嘅研究——安德斯・韓森，《真正的快樂處方》

    17 SEPT.

    【Faker書單】【牛言信箱精華】（2）：科學家已經搵到快樂嘅秘訣！？一場改變瑞典精神醫學專家對大腦理解嘅研究——安德斯・韓森，《真正的快樂處方》

    是次精華取自2025年8月牛言信箱： https://www.youtube.com/live/G4DDec0pjOA?si=r9uqdMVSC-yet8SS 作者介紹： 安德斯·韓森（Anders Hansen） 瑞典精神醫學專家，仲有斯德哥爾摩經濟學院嘅MBA學位。喺全球最有聲望嘅卡羅琳醫學大學（亦係頒發諾貝爾生醫獎嘅機構）接受培訓，累積咗多年研究成果，至今發表咗超過2000篇醫學論文，係世界級嘅研究者。出版咗多本關於大腦嘅書，成為瑞典超級暢銷作家。佢喺瑞典嘅地位同《真確》作者漢斯·羅斯林差唔多，係瑞典嘅國民醫師，同時亦係一位好受歡迎嘅演講者，即將喺瑞典電視臺播出有關大腦嘅系列紀錄片。 佢喺《真正的快樂處方》開頭就寫到一場令佢改變對大腦認知嘅研究：「這些年來，我讀過數以千計的研究成果，如果非得從中選擇一個最吸引我的，將會是這項不僅改變我對醫學和健康的看法，而且在一定程度上改變我對整個生活看法的研究。……」

    18 min
  5. 【廣東話字幕】牛哥三個字｜無條件：再多嘅不得已，無阻人無條件去愛——"I am I and my circumstances", José Ortega y Gasset；陶國璋： 「生命一旦存在，即有命限，一切個體人生，如是如是地負荷

    15 SEPT.

    【廣東話字幕】牛哥三個字｜無條件：再多嘅不得已，無阻人無條件去愛——"I am I and my circumstances", José Ortega y Gasset；陶國璋： 「生命一旦存在，即有命限，一切個體人生，如是如是地負荷

    【此為廣東話字幕之重製版本】 呢次會係一次三部曲，三部曲依次係：孤獨感、被拋擲、無條件。今集係第三部曲，亦係最後一部曲，會講講「無條件」。 上兩次嘅三個字，提到孤獨、被拋擲係人所共通嘅不得已，不得已之下，就係無條件，此話何解？今集內容包括： 1.智人係一個演化之下嘅不安於現狀、唔順從本性嘅動物 2.人有住與生命嘅終始隔離、與他人隔離、與世界隔離嘅原始芒昧。人係既孤獨又被拋擲。 3.人係不得已嘅倫理主體，一個又講人倫又講主體性嘅矛盾存在。從不得已嘅起源，迎接不得已嘅命限。其中一個命限，就係身處於人倫當中，亦即係處境。 正因為以上三點，人先能夠無條件去做事。 陶國璋用九個字講盡儒家面對根本芒昧嘅情感。 西班牙存在主義哲學家José Ortega y Gasset 對笛卡兒嘅「我思故我在」嘅反思，得出“I am I and my circumstances“ 用無條件貫穿海德格對此在（dasein)嘅思考、卡繆嘅《反抗者》 最後，送一首詩畀一位朋友，同埋一首歌畀你。 ____ Instagram： @cowgortalk (https://www.instagram.com/cowgortalk/) Patreon：patreon.com/cowgortalk (https://www.patreon.com/cowgortalk) 文字版：cowgortalk.wordpress.com (https://cowgortalk.wordpress.com/)

    50 min
  6. 【廣東話字幕】【十分鐘道家入門】美國大學生哲學入門課（1）：道家係中國文化當中嘅少數派？錯！佢係以自然之名跳出儒家框架，挑戰人間秩序嘅「高蹈支流」丨哲學即食麵（15）丨《中

    12 SEPT.

    【廣東話字幕】【十分鐘道家入門】美國大學生哲學入門課（1）：道家係中國文化當中嘅少數派？錯！佢係以自然之名跳出儒家框架，挑戰人間秩序嘅「高蹈支流」丨哲學即食麵（15）丨《中

    牟復禮係一位西方漢學家，佢為美國大學生設計咗一個中國文化入門，最終編成咗呢本《中國思想淵源》。我哋之前喺牛哥解經（11）講過佢論述中西思想不同，如果你有聽過，應該都會覺得佢思想相當敏銳，例如佢指出： 「對於外來者而言，他最難以發現的是中國沒有創世的神話，這在所有民族中，不論是古代的還是現代的，原始的還是開化的，中國人是唯一的。這意味著中國人認為世界和人類不是被創造出來的，而這正是一個本然自生（spontaneously self generating life）的宇宙的特徵，這個宇宙沒有造物主、上帝、終極因、絕對超越的意志，等等。」 以一個西方人視角，要留意到中國文化無西方式上帝，其實唔係易事。而我哋現代人往往用西方思維思考，以此回望中國哲學，就會覺得晦暗不明。但牟復禮就嘗試喺西方背景，離開西方嘅獨斷，捕捉返中國文化嘅精神所在。 適逢最近會講多啲道家思想，所以我就打算同你一齊用《中國思想淵源》嚟得到一個簡單易明嘅道家哲學入門。 建議配合集數： 牛哥解經（11)：西方漢學家為美國大學生所寫嘅中國文化入門；從神話角度切入，顯示中西宇宙論嘅唔同丨《中國思想淵源》 S2EP53 莊子哲學入門（2.1）：「天之小人，人之君子」——戰國狂人莊子，喺亂世中決意「游戲污瀆之中自快」丨王博《莊子哲學》第一章〈狂人與狂言〉 S2EP54 莊子哲學入門（2.2）：游戲人間，選擇「陸沉」；從寓言呈露狂氣，思考何謂語言丨王博，《莊子哲學》第一章〈狂人與狂言〉 本集章節： 00:00 開講 🐮 Follow IG：https://www.instagram.com/cowgortalk 🐂 加入讀物農莊，一齊閱讀，一齊討論！ https://www.patreon.com/cowgortalk 【文稿可於Patreon免費閱讀】 成為頻道會員並獲得福利： https://www.youtube.com/channel/UC6i3xQE-WhlKsu9l1cqzEQw/join 【聽Podcast】 🎧 Apple Podcast：https://podcasts.apple.com/podcast/id... 🎧 Spotify：https://open.spotify.com/show/0yFR7YK... 🎧 Google Podcast：https://bit.ly/3Cknf1m 🎧 KKBOX：https://bit.ly/3RneS9t

    22 min
  7. 【廣東話字幕】牛哥三個字｜被拋擲：冇主線任務嘅人生遊戲，如何爆機？——略論莊子之原始芒昧

    8 SEPT.

    【廣東話字幕】牛哥三個字｜被拋擲：冇主線任務嘅人生遊戲，如何爆機？——略論莊子之原始芒昧

    【此為廣東話字幕之重製版本】 呢次會係一次三部曲，三部曲依次係：孤獨感、被拋擲、無條件。今集係第二部曲，會講講「被拋擲」，希望你會鍾意。上次三個字講到孤獨感係本然嘅情況，當人被逼面對孤獨感，又唔去將自己投身於諸神，就會發現要忘記本然嘅孤獨，實在係難事。體會孤獨以後，我哋仲會發現自己係被拋擲，人唔單止孤獨、仲係被拋擲，探掘落去，會得出啲乜嘢思考呢？今集會講講： ・莊子嘅《齊物論》點樣思考人生嘅原始芒昧 ・陶國璋對被拋擲嘅思考 ・命限嘅不可控，不可知 ・儒家所講嘅承擔 ・「不得已」呢三個字嘅意思 依家，一齊喺被拋擲當中思考。 _____ Instagram： @cowgortalk (https://www.instagram.com/cowgortalk/) Patreon：patreon.com/cowgortalk (https://www.patreon.com/cowgortalk) 文字版：cowgortalk.wordpress.com (https://cowgortalk.wordpress.com/)

    26 min
  8. 【唯一突破生物限制嘅存在】「認知革命正是歷史學從生物學脫離而獨立存在的起點。」——由同黑猩猩無異，到成為萬物主宰丨生活雜談EP39丨《人類大歷史》（4）丨哈拉瑞史觀4.2

    5 SEPT. • ABONNÉS UNIQUEMENT

    【唯一突破生物限制嘅存在】「認知革命正是歷史學從生物學脫離而獨立存在的起點。」——由同黑猩猩無異，到成為萬物主宰丨生活雜談EP39丨《人類大歷史》（4）丨哈拉瑞史觀4.2

    當我同你講：「原始人因為相信鬼神，所以每次月圓之夜，都會喺營火旁邊跳舞，以此鞏固佢哋嘅社會秩序」，你好可能會覺得理所當然——因為你會有一個預設，遠古人類好原始，所以要信埋晒啲虛構嘅嘢。 但係，相信虛構嘅嘢並唔係遠古人類嘅專利。因為現代社會嘅運作機制，一樣倚賴於虛構嘅嘢。「以現代商業領域為例，商人和律師其實就是法力強大的巫師。」 哈拉瑞認為，現代人嘅故事比起過去部落嘅巫師可謂過之而無不及、仲要誇張。而寶獅汽車（Peugeot）嘅故事，就係相當好嘅例子。 今集內容包括以下部分： 寶獅汽車：「公司」呢個概念並唔係現實地存在，但佢卻成為咗人類社會極為重要嘅概念。上次我哋講到家庭企業可以用八卦嚟維繫，但當一間家庭企業變成跨國企業，咁佢嘅營運模式就會大有不同，我哋會藉由寶獅汽車嚟開始思考乜嘢係虛構存在。 雙重現實：《連結》嘅哈拉瑞，分出三重現實；而《人類大歷史》仲分緊做兩重現實。我哋依然會睇睇佢點講。 突破基因演化：上集我哋用黑猩猩社會講咗自然情況下嘅社會極限，今集我哋會更詳細講下虛構故事嘅靈活。 遠距離貿易與百人狩獵：尼安德塔人同智人嘅分別，可能就在於遠距離貿易同百人狩獵。 歷史學之始：哈拉瑞認為，「認知革命正是歷史學從生物學脫離而獨立存在的起點。」我哋會睇睇虛構能力嘅優勢。 總結：生物學到歷史學：計埋今集，我哋一共用咗四集將十萬年計嘅時光濃縮，完成由生物學到歷史學嘅過程。 【唯一突破生物限制嘅存在】 寶獅汽車 雙重現實 突破基因演化 遠距離貿易與百人狩獵 歷史學之始 總結：生物學到歷史學 依家，我哋就要思考一下寶獅汽車嘅personal identity 喇

    50 min
Tout afficher (314)

Bande-annonce

À propos

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

Informations

  • Création
    讀物農莊 Anybooks Farm
  • Années d’activité
    2021 - 2025
  • Épisodes
    314
  • Classification
    Tous publics
  • Copyright
    © 讀物農莊 Anybooks Farm
  • Site web de l’émission
    牛哥講經丨廣東話哲學、書籍分享
  • Fournisseur
    cowgortalk

Vous aimeriez peut‑être aussi