სოციალური სამართლიანობის ცენტრის პოდკასტები

Social Justice Center
  • 0.0 (0)
  • Social Sciences

სოციალური სამართლიანობის ცენტრი გთავაზობთ პოდკასტების სერიას. ამ პოდკასტებში ჩვენ შემოგთავაზებთ იმ სოციალური ჯგუფებისა და ადამიანთა ისტორიებს, რომელთა ხმები საზოგადოებას სუსტად, ან საერთოდ არ ესმის. პოდკასტის მიზანი მათთვის ამ ხმების გაჟღერების შესაძლებლობის მიცემაა. ასევე, გთავაზობთ ჩვენი ინტერვიუების ციკლის - „სხვა კუთხის" აუდიომასალებს, სადაც შეგიძლიათ მოისმინოთ ქვეყანაში მიმდინარე სხვადასხვა მნიშვნელოვან სოციალურ-პოლიტიკურ და საზოგადოებრივ საკითხებზე მსჯელობები.

  1. 28/07/2022

    კრიზისიდან კრიზისამდე - მანგანუმის მოპოვება ჭიათურაში

    რა მოხდა ითხვისში?; როგორია ჭიათურაში მანგანუმის მოპოვების ისტორია, ბუნება და გეოგრაფია?; როგორ ჩამოყალიბდა რეგიონში სოციალურად და ეკოლოგიურად უპასუხისმგებლო რეჟიმი?; რა შეცვალა სპეციალური მმართველის დანიშვნამ და რა გამოსავალი არსებობს ამ მდგომარეობიდან? სოციალური სამართლიანობის ცენტრის მკვლევართან, გიორგი ცინცაძესთან ერთად პასუხებს გავცემთ ამ კითხვებს და აქვე, გავიხსენებთ, იმ მნიშვნელოვან სოციალურ აფეთქებებსა და პროტესტებს, რაც ჭიათურაში ამ წლების განმავლობაში მიმდინარეობდა.

    კრიზისიდან კრიზისამდე - მანგანუმის მოპოვება ჭიათურაში

  2. 06/06/2022

    დაკარგული ხმები: ტყვია ბავშვების სისხლში

    სოციალური სამართლიანობის ცენტრი აგრძელებს პოდკასტების ციკლს „დაკარგული ხმები“. ამ პოდკასტებში ჩვენ შემოგთავაზებთ იმ სოციალური ჯგუფებისა და ადამიანთა ისტორიებს, რომელთა ხმები საზოგადოებას სუსტად, ან საერთოდ არ ესმის. დღევანდელი პოდკასტი გვინდა დავუთმოთ ფოთში, ჯავახიშვილის ქუჩაზე მცხოვრებ ლუბა ჩალაიას. ლუბა ერთ-ერთი მშობელია, რომლის შვილსაც 2021 წელს ჩატარებული კვლევის შედეგად სისხლში ტყვიის გადამეტებული შემცველობა აღმოაჩნდა. ჯავახიშვილის ქუჩის ბოლოს, ორი ხუთსართულიანი კორპუსი დგას. ამ კორპუსებს ფოთის პორტის ერთერთ ტერმინალთან სულ რამდენიმე მეტრი აშორებს. გზა, რომელიც ტერმინალსა და საცხოვრებელ სახლებს შორის გადის, პორტს ემსახურება და დატვირთულ დღეებში, ტექნიკა აქ თითქმის უწყვეტად მოძრაობს. უბნის მოსახლეობა აქ დიდი ხანია ჰაერის დაბინძურებაზე საუბრობს. ყველაზე საგანგაშო ნიშნები აქ შარშან გაჩნდა, როცა სამედიცინო კვლევის შედეგად უბანში მაცხოვრებელ ბავშვებს ტყვიის დასაშვებზე მაღალი კონცენტრაცია დაუდასტურდათ. უფრო ვრცლად ამ ამბავს ლუბა ჩალაია მოგვიყვება.  პოდკასტის ავტორია გიორგი ცინცაძე, სოციალური სამართლიანობის ცენტრის მკვლევარი.

    დაკარგული ხმები: ტყვია ბავშვების სისხლში

  3. 28/02/2022

    დაკარგული ხმები: ფსიქიკური ჯანმრთელობა - თინათინის ისტორია

    სოციალური სამართლიანობის ცენტრი აგრძელებს პოდკასტების ციკლს „დაკარგული ხმები“. ამ პოდკასტებში ჩვენ შემოგთავაზებთ იმ სოციალური ჯგუფებისა და ადამიანთა ისტორიებს, რომელთა ხმები საზოგადოებას სუსტად, ან საერთოდ არ ესმის. ჩვენი პოდკასტი ფსიქიკურ ჯანმრთელობას ეხება და სტუმრად თინათინ შალამბერიძე გვყავს. ფსიქიკური ჯანმრთელობა სოციალური პოლიტიკის საკითხიცაა. თუმცა ხშირად, როცა მედია ამ საკითხს დროს უთმობს, ფსიქიკური ჯანმრთელობა ინდივიდუალურ პრობლემად, ან ვიწროდ სამედიცინო საკითხად მოჩანს. ჩვენი დღევანდელი ეპიზოდის მიზანია მსჯელობა ფსიქიკურ ჯანმრთელობაზე გავამდიდროთ გამოცდილებებით, რომელიც ხაზს უსვამს ფსიქიკური ჯანმრთელობის სოციალურ განზომილებას და იმ ჩავარდნებს, რომელიც არსებული მიდგომების მიღმა იკითხება. პოდკასტის ავტორია გიორგი ცინცაძე, სოციალური სამართლიანობის ცენტრის მკვლევარი.

    დაკარგული ხმები: ფსიქიკური ჯანმრთელობა - თინათინის ისტორია

  4. 28/02/2022

    დაკარგული ხმები: რატომ ტოვებენ ქისტები პანკისს?

    სოციალური სამართლიანობის ცენტრი წარმოგიდგენთ პოდკასტების ციკლს „დაკარგული ხმები“. ამ პოდკასტებში ჩვენ შემოგთავაზებთ იმ სოციალური ჯგუფებისა და ადამიანთა ისტორიებს, რომელთა ხმები საზოგადოებას სუსტად, ან საერთოდ არ ესმის. პოდკასტი პანკისის ხეობას და პანკისიდან მიგრირებულ ადამიანებს ეხება. ჩვენი სტუმრები არიან პანკისიდან ევროპის სხვადასხვა ქვეყანაში მიგრაციაში მყოფი ადამიანები. ამ ეპიზოდის მიზანია მოკლედ აღწეროს ბოლო წლებში პანკისში განვითარებული მოვლენები, ქარტეხილები და ახლანდელი რეალობა. ბოლო რამდენიმე წელია ხეობას უამრავი ოჯახი და ახალგაზრდა ტოვებს. პოდკასტის ავტორია მარიამ შალვაშვილი, სოციალური სამართლიანობის ცენტრის მკვლევარი ანთროპოლოგი.

    დაკარგული ხმები: რატომ ტოვებენ ქისტები პანკისს?

  5. 28/02/2022

    დაკარგული ხმები: ტრანსგენდერი ქალების გამოწვევები

    სოციალური სამართლიანობის ცენტრი წარმოგიდგენთ პოდკასტების ციკლს „დაკარგული ხმები“. ამ პოდკასტებში შემოგთავაზებთ იმ სოციალური ჯგუფებისა და ადამიანთა ისტორიებს, რომელთა ხმები საზოგადოებას სუსტად, ან საერთოდ არ ესმის. დღევანდელი პოდკასტი ტრანსგენდერ ქალებს ეხება. ჩვენი სტუმარია ლიკა, ტრანსგენდერი ქალი, რომლის სახელი და ხმაც, ანონიმურობის დაცვის მიზნით, შეცვლილია. ვიმედოვნებთ, რომ ამ და მომდევნო პოდკასტებში გაჟღერებული ხმები და ისტორიები ერთი მხრივ, ადამიანებისთვის საკუთარი პრობლემებისა და წუხილების გაზიარების, მეორე მხრივ კი პოლიტიკის ცვლილებების ხელშემწყობი გახდება. ამ ეპიზოდის მიზანია აღწეროს ის სტრუქტურული წინაღობები და პრობლემები, რომლებიც ტრანს ადამიანებს, კონკრეტულად კი ტრანს ქალებს უდგათ სოციალური და სამართლებრივი კუთხით, ჯანდაცვის სფეროსა და ყოველდღიურ ურთიერთობებში. ასევე გვსურს, უფრო ნათელი გავხადოთ ის სტრუქტურული მიზეზები, რაც ტრანს ადამიანებს სრულფასოვან ცხოვრებაში უშლით ხელს. თუმცა, ამას გარდა, გვინდა ვაჩვენოთ ის პერსპექტივები და სასიცოცხლო სტრატეგიები, რომლებიც ტრანს ადამიანებს გადარჩენაში ეხმარება და რომელსაც, ხშირად, ისინი თავადვე ქმნიან. საინტერესოა, როგორ ახერხებენ ისინი ახალ ალტერნატივებზე ფიქრს უკიდურესი, მრავალმხრივი მარგინალიზების პირობებში. პოდკასტის ავტორია მარიამ შალვაშვილი, სოციალური სამართლიანობის ცენტრის მკვლევარი ანთროპოლოგი.

    დაკარგული ხმები: ტრანსგენდერი ქალების გამოწვევები

  6. 28/02/2022

    დაკარგული ხმები: თემო ხატიაშვილი ჩანაცვლებით მკურნალობაზე

    სოციალური სამართლიანობის ცენტრი წარმოგიდგენთ ზეპირი ისტორიების ციკლს „დაკარგული ხმები“. ამ პოდკასტებში ჩვენ შემოგთავაზებთ სხვადასხვა ჯგუფებისა და ადამიანების ისტორიებს, რომელთა ხმები საზოგადოებას სუსტად, ან საერთოდ არ ესმის. პოდკასტის მიზანი, მათთვის ამ ხმების გაჟღერების შესაძლებლობის მიცემაა. ეს პოდკასტი მეტადონის პროგრამის ბენეფიციარებს ეხება. ჩვენი სტუმარი თემო ხატიაშვილია, რომელსაც მეტადონის პროგრამაში ყოფნის, ასევე სამოქალაქო აქტივიზმის დიდი გამოცდილება აქვს. ვიმედოვნებთ, რომ ამ და მომდევნო პოდკასტებში გაჟღერებული ხმები ერთი მხრივ ადამიანებისთვის შვების მომტანი, მეორე მხრივ კი პოლიტიკის ცვლილებების ხელშემწყობი გახდება. მეტადონის პროგრამა ოპიოდებით ჩანაცვლებითი თერაპიაა, რომელიც ოპიოიდურ ნარკოტიკებზე დამოკიდებულების მკურნალობას გულისხმობს. მეტადონის პროგრამების სრულფასოვანი დანერგვა ერთ-ერთი გადამწყვეტია ჰუმანური, ზრუნვასა და მხარდაჭერაზე დაფუძნებული ნარკოპოლიტიკის შექმნის კუთხით. საქართველოში ნარკოპოლიტიკა დღემდე რეპრესიულია. ნარკოტიკების მომხმარებლების ბედი დღემდე უფრო მჭიდროდ არის დაკავშირებული დასჯასთან, ვიდრე მკურნალობის სათანადო სერვისებთან. მეტადონის პროგრამის ბენეფიციარების გამოცდილება ამის ნათელი მაგალითია. პოდკასტის ავტორია თორნიკე გერლიანი, სოციალური სამართლიანობის ცენტრის მკვლევარი.

    დაკარგული ხმები: თემო ხატიაშვილი ჩანაცვლებით მკურნალობაზე

  7. 28/02/2022

    სხვა კუთხე: სამშვიდობო პოლიტიკა და საქართველო

    კითხვები, რომლებიც სამშვიდობო პოლიტიკის გარშემო არსებობს და მოსაზრებები, თუ რა გზებით ცდილობს საქართველო ბოლო ათწლეულების განმავლობაში აფხაზებთან და ოსებთან ურთიერთობების დალაგებას? რამდენად გავიაზრეთ 2008 წლის აგვისტოს ომი? და რამდენად სწორი და ეფექტურია ენა, რომლითაც აფხაზებსა და ოსებს ვესაუბრებით? სოციალური სამართლიანობის ცენტრის ინტერვიუების ციკლის - „სხვა კუთხის" ამ ეპიზოდში შემოგთავაზებთ ამ კითხვებზე პასუხს. ჩვენი სტუმარია პაატა ზაქარეიშვილი, რომელიც წლების წინ, შერიგებისა და სამოქალაქო თანასწორობის საკითხებში, სახელმწიფო მინისტრი იყო და მას აქვს ხანგრძლივი გამოცდილება კონფლიქტის თემაზე მუშაობის და პირდაპირი დიალოგის აფხაზებთან და ოსებთან.

    სხვა კუთხე: სამშვიდობო პოლიტიკა და საქართველო

  8. 28/02/2022

    სხვა კუთხე: სოციალური მსახურება და ეკლესია

    საპატრიარქო ხშირად აკრიტიკებს თანამედროვეობას, ცრუთავისუფლებას, სხვადასხვა უმცირესობის მიმართ პოლიტიკას, თუმცა, როგორც წესი, არაფერს ამბობს გაბატონებული ეკონომიკური და პოლიტიკური წესრიგის ბნელ მხარეებზე, რომელიც მუდმივად გვაღარიბებს და გვართმევს ღირსებას. სასულიერო პირები თითქმის არასდროს ჩანან მშრომელთა გაფიცვების, სოციალური პროტესტების დროს. აინტერესებს თუ არა ქრისტიანობას ჩაგვრა და მისგან გათავისუფლების საკითხები თეოლოგიურად და რას ნიშნავს ქრისტიანობაში სოციალური მსახურების იდეა? როგორია ამ კუთხით სხვადასხვა ქრისტიანული ეკლესიის და წარსულში საქართველოს ეკლესიის სწავლება და გამოცდილება? რატომ არ იყენებს ეკლესია მის პოლიტიკურ ძალაუფლებას და გავლენებს საზოგადოებაში არსებული სოციალურ წუხილების პოლიტიკურ დღის წესრიგში დაყენებისთვის? აქვს თუ არა მას თავად სამრევლოებსა და ეკლესიებში სოციალური გადანაწილების და მხარდაჭერის პოზიტიური პრაქტიკები? ამ და სხვა საკითხებს დაეთმობა მსჯელობა „სხვა კუთხის" ახალ ეპიზოდში, რომლის სტუმარია თეოლოგი და ეკლესიის ისტორიკოსი, შოთა კინწურაშვილი.

    სხვა კუთხე: სოციალური მსახურება და ეკლესია
See All (25)

About

სოციალური სამართლიანობის ცენტრი გთავაზობთ პოდკასტების სერიას. ამ პოდკასტებში ჩვენ შემოგთავაზებთ იმ სოციალური ჯგუფებისა და ადამიანთა ისტორიებს, რომელთა ხმები საზოგადოებას სუსტად, ან საერთოდ არ ესმის. პოდკასტის მიზანი მათთვის ამ ხმების გაჟღერების შესაძლებლობის მიცემაა. ასევე, გთავაზობთ ჩვენი ინტერვიუების ციკლის - „სხვა კუთხის" აუდიომასალებს, სადაც შეგიძლიათ მოისმინოთ ქვეყანაში მიმდინარე სხვადასხვა მნიშვნელოვან სოციალურ-პოლიტიკურ და საზოგადოებრივ საკითხებზე მსჯელობები.

Information