Bíófíklar

Bíófíklar Hlaðvarp

Hlaðvarp um bíódellu. Umsjónarmenn eru Kjartan Rúnarsson og Tómas Valgeirsson.

  1. Súrt og svarað: Gervigreind í bíómyndum

    4 DAYS AGO

    Súrt og svarað: Gervigreind í bíómyndum

    Hver væri versta kvikmyndin til að talsetja á íslensku? Hvaða bíósería veitir ekki af því að vera tekin í gegn með ‘Evil Dead’-vinkli? Hvaða eintak í þekktum myndabálki væri ásættanlegt að gera ef hún væri skrifuð af gervigreind? Hvaða titlar eru endanlega ónýtir út af ofbeldisfólki? Tommi, Atli Freyr og Vilmundur Örn skoða þessar sturluðu og helvíti súru spurningar ásamt fleirum í þessu tiltekna innslagi af spurningarleik Bíófíkla þar sem hvorki eru til rétt eða röng svör; aðeins gamanið sem gert er til að veita innsýn inn í smekk þeirra sem við mækana sitja. Hlustandi er hvattur til að hlera þessa steik og svara í eigin kolli. Efnisyfirlit: 00:00 - ‘Leikreglur’ og vangaveltur 14:13 - “Pop-up” aðlögun 20:19 - Frægir Íslendingar í myndum 25:41 - Leikstjóraegó á næsta stigi 46:08 - AI skrifar bíómynd… 51:50 - Talsetningar á íslensku 01:02:45 - Evil Dead-vinkillinn 01:12:17 - Af tvennu ömurlegu… 01:20:56 - Óæskileg röðun 01:28:03 - Leynigestur…!

    1hr 33min
  2. I Swear (2025)

    11 APR

    I Swear (2025)

    Einstaka sinnum koma út bíómyndir sem óhætt er að mæla með fyrir alla. Þá bókstaflega alla; óháð aldurshópi, stétt, pólitískum gildum, lífsreynslu og fleira þess háttar. Svona myndir sem hitta einfaldlega bara vel í mannsálina, auka skilning á átökum náungans og skilja ýmist eftir sig.  I Swear er ein slíkra mynda. Eða svo segir allavega annar þáttastjórnenda Bíófíkla. Myndin er byggð á sannri sögu og fjallar um hinn ljúfhjartaða John Davidson, sem hefur frá unglingsaldri glímt við Tourette heilkenni. Útkoman er ljúfsár og einstaklega yljandi þar sem varpað er sterku ljósi á umræðuefni sem ber að fræða margan manninn um (ekki síður í ljósi umtalaða atviksins á BAFTA verðlaununum…). Þá má jafnframt fullyrða að atburðarás þessarar kvikmyndar kann að vera lyginni líkust, enda er veruleikinn gjarnan furðulegri en skáldskapur. Kjartan og Tommi fara ítarlega í frásögnina, ‘biopic’-formúlur, mýtur og vangaveltur um Tourette, kosti myndarinnar og galla. Gætu hugsanlega líka dúkkað upp leynigestir í miðjum tökum. Hendum okkur í þetta helvíti!… Efnisyfirlit: 00:00 - BAFTA-skandallinn… 05:38 - “Of mikil biopic-mynd”? 09:05 - Skilningur og umburðarlyndi  15:37 - Baylen Out Loud 20:44 - Of gott til að vera… (spillar!) 29:28 - Flæði tilfinninga 37:19 - Nei sko, leynigestir…! 43:03 - Erfiðu samtölin 49:17 - Listin að tilheyra

    55 min
  3. The Super Mario Galaxy Movie (2026)

    4 APR

    The Super Mario Galaxy Movie (2026)

    Mario-bræður og vinir möluðu gjörsamlega gull í aðsókn á heimsvísu þegar fyrsta bíómyndin mætti með látum árið 2023. Þá kom að sjálfsögðu ekki annað til greina en að halda samstarfinu áfram hjá Nintendo og Illumination. Hvar endar þetta? Skipta gæðin einu sinni máli þegar um ræðir svona þekkt vörumerki og skilyrðislausar vinsældir? Er kannski bara nóg að krakkarnir gangi alsælir og sáttir út úr bíóinu? (og ekki er það beinlínis neikvætt að börn flykkist í kvikmyndahús til að byrja með…). Laumast kannski meira undir yfirborði Super Mario myndanna en eingöngu sykurvíma, tilvísanir og ‘páskaegg’? Svör þessi reyna á mat sérfræðings og Kjartan og Tommi fengu Arnór Stein Ívarsson úr Tölvuleikjaspjallinu til að greiða úr gúmmelaðinu. Tengsl hvers og eins við tölvuleikina eru einnig krufin, almenn nostalgía og hlutleysi. Skellum í okkur sveppina og kýlum á þetta. Efnisyfirlit: 00:00 - Nintendo mafían 09:00 - Mario-legasían 18:01 - Super Mario ’64… 26:38 - Fyrri myndin 29:27 - Hegðun í bíósal 36:28 - Illumination-lógík 40:01 - Super Mario Galaxy 43:41 - Star Fox og cast’ið… 48:56 - Lagstuldur… 52:48 - Samantekt og krítík

    1hr 3min
  4. Topp 10: Svavar Máni

    3 APR

    Topp 10: Svavar Máni

    Svavar Máni Geislason brunaði beinustu leið frá Akureyri til að skella sér í stúdíó Podcast-stöðvarinnar til að setjast niður með Bíófíklum, enda mikill slíkur sjálfur að eigin sögn. Þegar upp kom spurningin um umfjöllunarefni þá varð vissulega svonefndur 'kósí-þáttur' fyrir valinu; kósí fyrir þáttastjórnendur, krefjandi fyrir gestinn. Eins og það á að vera... Smekkur Svavars fer yfir víðan völl og leiðir hann Kjartan og Tomma í gegnum sínar topp 10 uppáhalds kvikmyndir, með viðeigandi sem og furðulegum útúrdúrum annað slagið. Þess að auki myndast merkilega skondnar umræður um vægi og gildi Óskarsverðlauna. Efnisyfirlit: 00:00 - Bíóið á Akureyri 09:21 - Aftersun 16:09 - In Bruges 22:11 - Beautiful Boy 33:23 - Better Man 43:43 - The Holdovers 53:14 - Scott Pilgrim Vs. The World 01:01:34 - Pulp Fiction 01:09:27 - All of Us Strangers 01:13:16 - One Flew Over the Cuckoo’s Nest 01:19:00 - The Green Mile 01:31:07 - Magnolia 01:38:16 - One Battle After Another

    1hr 52min
  5. Meet the Feebles (1989)

    28 MAR

    Meet the Feebles (1989)

    Ef það er til eitthvað steiktara frá leikstjóra The Lord of Rings-myndanna heldur en Braindead eða jafnvel Bad Taste, þá er það klárlega Meet the Feebles! Hér er enginn afsláttur veittur og öll velsæmismörk eru svo gott sem ósýnileg. Það er að minnsta kosti öruggt að aldrei hefur áður eða síðan sést eitthvað í líkingu við hana. Við viljum vita hvers vegna…. Tommi og Frikki settu upp prakkaralegt glott og völdu þessa kvikmynd með séróskir um að Kjartan fengi ekkert að kynna sér né lesa sig til um hana fyrirfram, að hann þurfti sumsé að horfa á hana algjörlega blindandi. Þekkjandi Kjartan eru viðbrögðin klárlega skrautleg og umræðan verður svoleiðis sprellfjörug að Atli Freyr Bjarnason stóðst heldur ekki mátið að vera með í öllu glensinu.  Þetta er Meet the Feebles frá Peter Jackson, og hún er vægast sagt ein spes bíómynd. Hlustandi er vitaskuld hvattur til að taka þátt í smekkleysunni. Efnisyfirlit: 00:00 - “Fokkaðu þér, Frikki” 07:15 - Stoltur viðbjóður 14:48 - Metnaður? 26:23 - Söguþráðurinn… 34:43 - Samantekt(ish)

    44 min
  6. Project Hail Mary (2026)

    21 MAR

    Project Hail Mary (2026)

    Er þetta með betri sci-fi skáldverkum undanfarinna ára, spurning? Bókin eftir Andy Weir virðist allavege eiga stóran hóp aðdáenda og þá er bara að skoða hvernig til tekist hefur með kvikmyndaaðlögunina. Nöfnin eru allavega ekki af slakari endanum; Leikstjórateymið Lord & Miller, handrit eftir Drew Goddard, Ryan Gosling í burðarrullunni og ein stjarnfræðilega krúttleg geimvera að nafni Rocky. Svo fáein dæmi séu nefnd. Kjartan, Tommi og Birgir Snær skella sér í þessi sendiför og meta hvort allt hæperbólið standist, ásamt mögulega einum leynigesti. En ekki hvað? Efnisyfirlit: 00:00 - Tuð, nostalgía og hasar 09:51 - Weir, Goddard og Lord/Miller 28:54 - Samantekt án spilla 47:13 - Dýpra kaf (þ.e. spillar) 01:00:05 - Fíllinn í aspect ratio’inu… 01:07:46 - Leynigestur 01:12:01 - Brúða en ekki brella 01:17:10 - Í hvaða sal? 01:26:00 - “Æðisleg. Fullyrðing”

    1hr 29min
  7. The Commitments (1991)

    18 MAR

    The Commitments (1991)

    Dögg Mósesdóttir er leikstjóri, naglharður múltítaskari og með heldur betur heilmikla reynslu af kvikmyndahátíðum á Íslandi. Undanfarin ár hefur hún verið dagskrástýra Stockfish en að hennar eigin sögn er þemað ákaflega fjörugt í ár. Írsk menning er allsráðandi þetta árið en Dögg settist niður með Kjartani og Tomma til að ræða Sprettfiskinn næstkomandi, feril sinn, áhugasvið, íslenska kvikmyndabransann og eina af sínum uppáhaldsmyndum. Það mun vera stuðmyndin The Commitments, sem á sér skemmtilega sögu og legasíu. Myndin naut mikilla vinsælda á sínum tíma og fylgir henni hafsjór af bæði hressilegum tónlistaratriðum og fjörugum fróðleiksmolum. Efnisyfirlit: 00:00 - Írskur fókus 14:31 - Íslandstenging 19:30 - Hagkerfi kvikmyndagerðar 36:47 - The Commitments 40:50 - Fjölbreyttur soul-hópur 50:36 - Óreyndir naglar 58:31 - Súrrealisminn heillar

    1hr 3min
  8. The Bride! (2026)

    16 MAR

    The Bride! (2026)

    Maggie Gyllenhaal veitir engan afslátt með nýstárlegri túlkun sinni á Brúður Frankenstein. Þessi pönkaða útrásarmynd með Jesse Buckley og Christian Bale í aðalhlutverkum hefur skipt gagnrýnendum í fylkingar og tapað heilmiklum stúdíópeningum. Án þess að skafa af því er sennilega um að ræða eitt stærsta flopp þessa árs. Vinsældir og gæði haldast þó ekkert alltaf í hendur og þau Kjartan, Tommi og Steingerður Friðriksdóttir rýna í öll rugluðu efnistökin sem tröllríður öllu. Er þetta misskilinn geimsteinn, tilvonandi költari, hálfbökuð hugmyndasúpa eða ein stór óreiðuklessa?  Eða kannski bara þetta allt saman? Hendum okkur á dansgólfið og finnum öll svörin í sameiningu. Efnisyfirlit: 00:00 - Menningarsjokk 16:46 - IMAX upplifunin 27:11 - Óreiða brúðarinnar 33:48 - Útúrdúr um ‘Menn’… 36:41 - Pönk og andsetning 39:41 - Leynigestur og spillar… 43:36 - “Röngu skilaboðin” 47:47 - Neitunarvaldið 51:45 - Hliðstæða “parið” 56:42 - Draugurinn Shelley 01:00:41 - Markhópur og samantekt

    1hr 8min
See All (116)

About

Hlaðvarp um bíódellu. Umsjónarmenn eru Kjartan Rúnarsson og Tómas Valgeirsson.

Information

  • Creator
    Bíófíklar Hlaðvarp
  • Years Active
    2025 - 2026
  • Episodes
    116
  • Rating
    Clean
  • Copyright
    © Bíófíklar Hlaðvarp
  • Show Website
    Bíófíklar

You Might Also Like