Hvítþvottur

Sigurður Páll Guttormsson

5.0 (13)
Business
Monthly

Hlaðvarp um peningaþvætti.

01/03/2024

10. Lögmenn og peningaþvætti (Ingvar Smári Birgisson)

Ingvar Smári Birgisson, lögmaður, setur fram áleitnar spurningar um núgildandi regluverk peningaþvættisvarna hér á landi. Við lítum einnig á hið ótrúlega magn illa fengins fés sem flæðir um fjármálakerfi heimsins, þann mannlega skaða sem hlýst af peningaþvætti og stofnun nýrrar peningaþvættisskrifstofu Evrópsambandsins. Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

27 min
19/01/2024

9. Áhættumat Ríkislögreglustjóra (Katrín Ýr Árnadóttir)

Katrín Ýr Árnadóttir, lögreglufulltrúi hjá Ríkislögreglustjóra, fer yfir nýútgefið áhættumat vegna peningaþvættis og fjármögnunar hryðjuverka. Við lítum einnig á skýrslu FATF um misnotkun í tengslum við kaup og sölu á ríkisborgararétti og umfangsmikla aðgerð Europol sem leiddi til handtöku meira en eitt þúsund burðardýra í peningaþvætti. Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

32 min
07/12/2023

8. Milljarðasekt Binance og barátta fjármálafyrirtækja gegn peningaþvætti

Í þessu fyrsta fréttahorni Hvítþvottar förum við yfir milljarðasekt Binance og fall rafmyntakóngsins Sam Bankman-Fried með Kjartani Ragnars, regluverði Myntkaupa. Auk þess veltum við upp þeirri spurningu hvort barátta fjármálafyrirtækja snúi fremur að því að verjast eftirlitsaðilum heldur en glæpamönnum. Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

17 min
01/05/2023

7. Lucinity, tæknilausnir og peningaþvætti (Guðmundur Kristjánsson)

Guðmundur Kristjánsson, stofnandi og forstjóri Lucinity, segir frá mikilvægi tæknilausna og gervigreindar í baráttunni gegn peningaþvætti. Guðmundur líkir þeirri byltingu sem er að eiga sér stað í gervigreind við tilkomu rafmagnsins og segist vera hræddari við það hvernig fólk nýtir tæknina heldur en tæknina sjálfa. Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

51 min
07/03/2023

6. Grunsamleg viðskipti og Skrifstofa fjármálagreininga lögreglu (Guðmundur Halldórsson)

Guðmundur Halldórsson, lögreglufulltrúi hjá Skrifstofu fjármálagreininga lögreglu, segir frá því hvers vegna tilteknum aðilum er skylt að tilkynna um grunsamleg viðskipti, hvað verður um slíkar tilkynningar og hvort aukinn fjöldi tilkynninga sé af hinu góða. Guðmundur fer einnig yfir það hvað felst í góðri tilkynningu, mikilvægi þess að tilkynningarskyldir aðilar sinni rannsóknarskyldu sinni og hvernig mæla má árangur í baráttunni gegn peningaþvætti. Viðtalið var tekið upp undir lok ársins 2022 . Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

1hr 16min
27/01/2023

5. Fjársvik og fjármálafyrirtæki (Brynja María Ólafsdóttir)

Brynja María Ólafsdóttir, sérfræðingur í regluvörslu Landsbankans, segir frá ólíkum tegundum fjársvika, allt frá ástarsvikum til fjárfestasvika, hvernig þau fara fram hér á landi og hvernig má varast þau. Brynja ræðir einnig um hlutverk fjármálafyrirtækja í baráttunni gegn peningaþvætti, hvernig peningaþvætti og varnir gegn því hafa þróast á síðustu árum og hvað felst í áhættumiðaðri nálgun. Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

47 min
09/12/2022

3. Vernd uppljóstrara, Panamaskjölin og hlutverk blaðamanna (Helgi Seljan)

Blaðamaðurinn Helgi Seljan ræðir um vernd uppljóstrara, Panamaskjölin, tengsl siðferðis og laga og meintar mútugreiðslur Samherja. Helgi segir einnig frá áreitni í garð blaðamanna, falli þýsku greiðslumiðlunarinnar Wirecard og heimildum blaðamanna til þess að taka á móti gögnum sem eru fengin með ólögmætum hætti. Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

1hr 22min
02/12/2022

2. Lögreglan, peningaþvætti og Encrochat (Grímur Grímsson)

Grímur Grímsson, yfirlögregluþjónn, segir frá því hvernig peningaþvætti fer fram hér á landi, rannsókn lögreglu á Encrochat-málinu og tíma sínum hjá Europol. Grímur greinir einnig frá efasemdum sínum um hvort heimildir lögreglu í baráttunni gegn peningaþvætti séu fullnægjandi. Í þættinum kemur fram að áætlað sé að um 64 milljarðar íslenskra króna séu þvættaðir hérlendis á ári hverju. Þessar upplýsingar koma úr greiningu breska öryggisfyrirtækisins Credas, byggðri á gögnum OECD, frá því fyrr á þessu ári. Þeim hlustendum sem vilja fræðast meira um skipulagða brotastarfsemi er bent á SOCTA (Serious and Organised Crime Threat Assessment) skýrslu Europol frá 2021 sem vísað er til í þættinum. Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

44 min
25/11/2022

1. FTX, rafmyntir og peningaþvætti (Kjartan Ragnars)

Regluvörður Myntkaupa ræðir um fall einnar stærstu rafmyntakauphallar heims, hvernig peningaþvætti fer fram með rafmyntum og hvers vegna hann telur rafmyntir ekki áhættusamari en aðra greiðslumiðla þegar kemur að peningaþvætti. Þessi þáttur er styrktur af Rapyd. Söluaðilar velja lausnir Rapyd til að einfalda greiðslur og auka sölu.

1hr 20min

9 Episodes

5

out of 5

13 Ratings

Hlaðvarp um peningaþvætti.

Creator

Sigurður Páll Guttormsson
Years Active

2022 - 2024
Episodes

9
Rating

Clean
Copyright

© Sigurður Páll Guttormsson
Show Website

Hvítþvottur