Teymisþjálfarinn

Örn Haraldsson
  • 5.0 (2)
  • Management

Hér ræðum við um teymi og teymisþjálfun, ásamt skírskotunum í aðra þætti eins og leiðtogafræði, vinnustaðamenningu, mannauðsstjórnun og fleira.

Episodes

  1. 17 Aug

    Anna Valgerður Sigurðardóttir

    Enn fáum við nýtt sjónarhorn á teymisþjálfun. Að þessu sinni er það Anna Valgerður Sigurðardóttir, mannauðsráðgjafi hjá sveitarfélaginu Árborg, sem deilir sinni reynslu. Hún færir okkur fjölbreytt sjónarhorn, hlið mannauðsstjórnunar, sveitarfélags og skólamenningar á teymisvinnu og teymisþjálfun, og segir frá því hvernig hún hefur unnið með teymisþjálfun í því umhverfi. Að venju kynnumst við líka Önnu á persónulegum nótum, hvaðan hún kemur og hver hennar saga er inn á vettvang teymisþjálfunar.

  2. 19 Apr

    Torben Nielsen #2

    Þá er komið aftur að Torben Nielsen. Í fyrsta samtali okkar frá júní 2025 kynntum við hann og hugmyndafræðina að baki Conscious Consulting. Í þetta skipti förum við nánar í það hvernig þau vinna með sínum kúnnum. Við ræðum meðal annars hversu löng vegferðin er með kúnnanum — oft 4–5 ár — og hvernig hún skiptist upp í ákveðna fasa. Torben deilir líka sjónarmiðum sínum um hvað hann telur algengustu vandamálin sem hann sér í menningu fyrirtækja og hvernig Conscious Consulting nálgast þau.

  3. 23 Mar

    Colin M. Fisher

    Í þessum þætti tala ég við prófessor Colin M. Fisher um vísindin á bak við bókina hans, The Collective Edge, sem kom út árið 2025. Þetta er að mínu mati ein besta bókin sem gefin hefur verið út um samvinnu fólks á undanförnum árum. Colin er prófessor við University College London's School of Management, en hefur líka þá skemmtilegu og óhefðbundnu baksögu að hafa verið atvinnu-jazztrompetleikari.

  4. 9 Feb

    Sagan mín

    Í þessum þætti segi ég frá minni eigin vegferð inn í teymisþjálfun - hvaðan ég kem og fer yfir eitthvað af þeim hugmyndum, reynslu, fólki og umhverfi sem hefur haft mótandi áhrif á mig sem teymisþjálfara og manneskju.

  5. 19/06/2025

    Torben Nielsen

    Viðmælandi minn í þessum þætti er Torben Nielsen. Hann þekkir stjórnendahlutverkið vel af eigin raun og á að baki áhugaverða og djúpa þroskaleið. Torben brennur fyrir framþróun manneskjunnar og vill leggja sitt af mörkum á því sviði, meðal annars í gegnum fyrirtækið Conscious Consulting, sem hann rekur ásamt fleirum og er með starfsstöðvar í Danmörku og á Íslandi. Í þættinum ræðum við sögu Torbens, ásamt hugmyndafræði og nálgun Conscious Consulting. Við fórum töluvert á dýptina í samtalinu, og stefnum á annan þátt síðar þar sem við munum kafa enn frekar í sértækar aðferðir í þjálfun og kúltúrmótun.

  6. 09/04/2025

    Dr. Catherine Carr

    Nú er komið að sjónarhorni handleiðslumeistara og reynslubolta í þjálfun teymisþjálfara sem og í teymisþjálfun, og það er engin önnur en Dr. Catherine Carr. Ég var svo heppinn að kynnast henni í teymisþjálfunarnámi sem ég var í fyrir nokkrum árum og fékk að velja hana sem handleiðara í því námi. Það hélt áfram eftir námið en ekki nóg með það heldur var ég (og nemendurnir 😀) svo ljómandi heppinn að fá hana til liðs við mig með teymisþjálfunarnámið sem ég býð upp á hér á landi, þar sem hún sér um handleiðslu þátttakenda. Hún er stjórnenda- og teymisþjálfari, kennari (Systemic Team Coaching), rithöfundur, handleiðari og margt fleira. Það er skemmtilegt frá að segja að bókin Team of Teams, sem hún skrifar með Dr. Peter Hawkins, kemur út núna í júní 2025. Í þættinum segir hún okkur frá hennar vegferð og við skoðum allskonar varðandi teymisþjálfun, til dæmis hvernig eitt stykki teymisþjálfunarvegferð með teymi getur litið út. Samtalið er á ensku.

  7. 11/02/2025

    Thor Ólafsson

    Í þessum fimmta þætti ræði ég við Thor Ólafsson um teymisþjálfun út frá sjónarhóli leiðtogaþjálfunar. Thor er sannkallaður reynslubolti, með áratuga reynslu af leiðtogaþjálfun á efstu stigum, bæði hérlendis og erlendis. Fyrirtæki hans, Strategic Leaders, starfrækir í dag skrifstofur í þremur löndum. Ég sá fyrst til Thors árið 2014 þegar hann hélt erindi um Innri Áttavitann, og í þessum þætti fáum við að heyra magnaða sögu um hvernig hann varð til – sem og margt fleira. Góða skemmtun! 🎧

  8. 26/01/2025

    Guðrún Aðalsteinsdóttir

    Nú er komið að sjónarhorni leiðtogans á teymi og teymisþjálfun og það er hún Guðrún Aðalsteinsdóttir, framkvæmdastjóri Krónunnar, sem spjallar við mig um sína vegferð, leiðtogahlutverk og teymispælingar. Guðrún hefur spilað allskonar hlutverk, bæði hérlendis og erlendis og því sérlega ánægjulegt að fá hana í þáttinn.

  9. 12/12/2024

    Daði Ingólfsson

    Í þessum þætti beini ég sjónum okkar að þjálfun hugbúnaðarteyma og fæ til mín sérfræðing í þeim efnum, Daða Ingólfsson, sem starfar sem teymisþjálfari hjá hugbúnaðarfyrirtækinu Kolibri. Hann hefur gríðarlega reynslu í þessum efnum og á stóran þátt í útbreiðslu á þekkingu og nýtingu á Agile hugmyndafræðinni hér á landi ásamt Pétri Orra Sæmundsen og fleirum, ekki síst í gegnum ráðstefnuna Agile Ísland sem var árlegur viðburður um alllangt skeið.

  10. 02/12/2024

    Gestur Pálmason

    Í þessum þætti ræði ég við Gest Pálmason sem starfar sem teymisþjálfari og stjórnendamarkþjálfi hjá fyrirtækinu Complete Coherence. Hann vinnur að stórum hluta erlendis og hefur frá ýmsu fróðlegu að segja, bæði er varðar teymisþjálfun en einnig frá reynslu sinni áður en teymisþjálfunin fór á fullt skrið.

  11. 25/11/2024

    Kristrún Anna Konráðsdóttir

    Í þessum fyrsta þætti ræði ég við Kristrúnu Önnu Konráðsdóttur sem er sjálfstætt starfandi teymisþjálfari. Hún hefur heldur betur verið að viða að sér þekkingu og reynslu undanfarin misseri og er á fleygiferð í faginu. Það er því sannarlega gleðiefni að fá hana í þáttinn að deila sögu sinni, reynslu og hugmyndum um teymi og teymisþjálfun, og af hverju hún er í þessu fagi í dag.

  • 11 Episodes

Ratings & Reviews

5
out of 5
2 Ratings

About

Hér ræðum við um teymi og teymisþjálfun, ásamt skírskotunum í aðra þætti eins og leiðtogafræði, vinnustaðamenningu, mannauðsstjórnun og fleira.

Information

  • Creator
    Örn Haraldsson
  • Years Active
    2024 - 2026
  • Episodes
    11
  • Rating
    Clean
  • Copyright
    © Copyright 2024 All rights reserved.
  • Show Website
    Teymisþjálfarinn

You Might Also Like