Mäin Element

FNR | Studio J (Lëtzebuerger Journal)

E Podcast vum Luxembourg National Research Fund (FNR) an Zesummenaarbecht mam Studio J vum Lëtzebuerger Journal. De Max Kasel trëfft sech reegelméisseg mat Fuerscher*innen zu Lëtzebuerg a schwätzt mat hinnen iwwert hiert Liewen an hier Passioun fir d'Wëssenschaft. "Mäin Element" weist de Mënsch hannert der Fuerschung.

  1. 7 lug

    Mäin Element - Christine Schiltz

    Wat heescht et Dyskalkulie ze hunn a wéi geet en domadden ëm? Déi Fro stellt sech d’Christine Schiltz. Si ass Dozentin op der Uni.lu a fuerscht als Neurowëssenschaftlerin ronderëm Theema vun der Dyskalkulie. An der neister Episod vu Mäin Element schwätze mir virun allem doriwwer wat déi Diagnos an der Praxis bedeit a wéi d’Christine Schiltz dorobber komm ass vum Sportstudium an d’Neurowëssenschaft ze goen. E Podcast an Zesummenaarbecht mam Luxembourg National Research Fund (FNR), deen d’Mënschen hannert der Fuerschung weist.

    Mäin Element - Christine Schiltz

  2. 9 giu

    Mäin Element - Sophie Pilleron

    Kriibs als Diagnos verbannen déi meescht mat engem héijen Alter. An awer gëtt an der Fuerschung net genuch iwwert Kriibs am héijen Alter gefuerscht, esou d’Sophie Pilleron. D’Epidemiologin fuerscht mat hirem Team op der Uni Lëtzebuerg zu der Diagnos am Alter a well konkret rausfannen: Wat bréngt Dokteren dozou den diagnostesche Prozess bei eelere Leit an d’Liewen ze ruffen? Ëm dat, hiert Liewen a Neuseeland a villes méi geet et an der neister Episod vum Podcast Mäin Element.

    Mäin Element - Sophie Pilleron

  3. 16 apr

    Mäin Element - Axel Hochkirch

    Déi meescht Leit denke beim Geräisch vun Heesprénger un eng waarm Summernuecht. Eisen Invité denkt dobäi u seng Fuerschung. Den Axel Hochkirch fuerscht nämlech am Beräich vun den Heesprénger. Den däitsche Biolog, deen sech op Naturschutz a Biodiversitéit spezialiséiert huet, erzielt dem Max, wéi en dozou komm ass. Zousätzlech schwätzt hien och iwwert aner Sujeten, wéi zum Beispill, ob et den Axel jeemools an d’Politik kéint zéien.

    Mäin Element - Axel Hochkirch

  4. 31 mar

    Mäin Element - Benoît Majerus

    Wann ee mam Benoît Majerus schwätzt, ginn engem d'Gespréichstheemen net aus. Virun allem dann, wann ee mat him iwwert déi faméis Bréifboite-Firmen zu Lëtzebuerg schwätzt. De Fuerscher erzielt eis iwwert säi Letterbox-Projet, bei deem hien iwwert d'Geschicht vun de Bréifboite-Firme fuerscht an iwwert den historesche Kontext, deen een aus den Tintin-Comics erausliese kann. Zousätzlech erzielt de Benoît wéi et ass, wann een als Kand vun engem Sexolog opwiisst.

    Mäin Element - Benoît Majerus

  5. 10 feb

    Mäin Element - Ann Kiefer

    Wat huet de Graf Zahl mam Manneke Pis ze dinn? Op den éischte Bléck net vill – an awer spille béid eng wichteg Roll am Liewe vun eiser Invitée aus dëser Episod „Mäin Element“. D’Ann Kiefer hëlt eis mat an d’Welt vun der Mathematik a schwätzt mat eis iwwer hire Parcours: vun der Schoul an d’Fuerschung a vun do aus erëm zréck an de Klassesall - just eben net als „typesch Mathésprof“, wat dat genau heescht, héiert Dir an der neier Episod. Vill Spaass!

    Mäin Element - Ann Kiefer

  6. 13 gen

    Mäin Element - Jordi Cabot

    KI, Katalounien a Cabot - Dat kéint den Titel vun dëser Episode "Mäin Element" sinn. Zesumme mam Jordi Cabot maache mir ee Rant iwwert d'Recherche, blécken hannert d'kënschtlech Intelligenz a reesen op Plazen, déi bis ewell onberéiert vum Massentourismus bliwwe sinn. Vill Spaass mat der neier Episode vu Mäin Element!

    Mäin Element - Jordi Cabot

  7. 22/10/2025

    Mäin Element - Christophe Ley

    Stellt Iech fir, dir wéisst virun all Sportevent schonn am viraus d‘Resultat? Onwarscheinlech, oder? Dobäi mécht eisen Invitée vun haut genau dat, wat soss just en Oktopus wärend der WM kann - e rechent d‘Gewënner vun der EM a WM am Fussball aus. De Christophe Ley huet zu Bréissel studéiert an huet sech do net nëmmen eng Expertise mä huet do nach eng weider Passioun vun sech kennen ausliewen: d'Léift zu Comics a Bandes-Dessinés. Freet Iech op eng léierräich Episode mat spannenden Insights, informative Geschichten an en Abléck an d'Formel mat där een all Tippspill gewanne kann! Du wëlls méi iwwert de FNR wëssen?⁣⁣⁣⁣⁣ https://www.fnr.lu

    Mäin Element - Christophe Ley

  8. 30/09/2025

    Mäin Element - Dominique Santana

    Wann Film op Geschicht trëfft, dann denkt ee meeschtens un den Indiana Jones… Schued u sech. Fir dësen Episod hate mir d'Dominique Santana als Gaascht. Si verbënnt dës zwou Saachen – Film a Geschicht – a ganz spannend Projeten. Daucht mat hir a mam Max an dat "brasilianescht Esch", d'Success-Story vun RTL Radio an natierlech och an dem Dominique säi Wee vun der lokaler Tëlee bis zum multimediale Fuerschungsprojet. Du wëlls méi iwwert de FNR wëssen?⁣⁣⁣⁣⁣ https://www.fnr.lu https://colonia.lu/de https://radio.lu/de/

    Mäin Element - Dominique Santana
Elenco completo (38)

Descrizione

E Podcast vum Luxembourg National Research Fund (FNR) an Zesummenaarbecht mam Studio J vum Lëtzebuerger Journal. De Max Kasel trëfft sech reegelméisseg mat Fuerscher*innen zu Lëtzebuerg a schwätzt mat hinnen iwwert hiert Liewen an hier Passioun fir d'Wëssenschaft. "Mäin Element" weist de Mënsch hannert der Fuerschung.

Informazioni

  • Creatore
    FNR | Studio J (Lëtzebuerger Journal)
  • Anni di attività
    2021 - 2026
  • Puntate
    38
  • Classificazione
    Contenuti adatti a tutti
  • Copyright
    © Lëtzebuerger Journal
  • Sito web del podcast
    Mäin Element

Potrebbero piacerti anche…