Noss chors

Radiotelevisiun Svizra Rumantscha (RTR)

L’emissiun preschenta Voss giavischs da noss chors. Gust da crear Voss'atgna emissiun? Scrivai a musica@rtr.ch

  1. 18 giu

    Noss chors: Chor viril Breil

    In'ura cun ina massa chant da chor viril. Il chor viril Breil è in chor viril da tradiziun da la Surselva cun ragischs fin l'onn 1901. Suenter il focus inizial sin chant sacral sa deditgescha il chor oz surtut a musica da chor profana, surtut era a chanzuns rumantschas. Cun numerusas preschentaziuns e la tgira dal possess da chanzuns regiunalas è el fin oz ina part impurtanta da la vita culturala a Breil.

  2. 16 giu

    Noss chors: consonus vokalensemble

    Chantaduras e chantadurs han rimnà da tuttas sorts chanzuns. Consonus vokalensemble è in ensemble vocal svizzer che realisescha projects cun chantaduras e chantadurs cun experientscha. La furmaziun interpretescha musica da chor en tuttas colurs. Il dirigent da quest chor è Mauro Ursprung ch'è creschì si a Cuira.

  3. 5 giu

    Noss chors: Chor mischedau Vignogn

    Noss chors porta ils giavischs musicals dal Chor mischedau Vignogn. Cun grond engaschi e plaschair chantan las dunnas ed ils umens da Vignogn e conturn en il chor. Dapi radund dus onns diregia Annette Stopp il chor. Ella deriva da la Bassa ed ha emprendì rumantsch. Ils giavischs musicals da chantaduras e chantadurs portan in'ura curturella e divertiment, magari er in zic nostalgia.

  4. 29 mag

    Noss chors: Chor Uvriu

    Il chor maschadà da Danis-Tavanasa festivescha quest onn giubileum da 20 onns. Sper il concert per l'onn da giubileum cun novas chanzuns rumantschas han chantaduras e chantadurs dal chor Uvriu giavischà chanzuns da tuttas sorts. Ordlunder hai dà in'emissiun da chant da tuttas coluras, spartas e geners. In'ura divertenta che fa buna luna e porta curturella.

  5. 21 mag

    Noss chors: Cor masdà Tschlin

    Chantadurs e chantaduras han rimnà chanzuns en tuttas colurs. Il Cor masdà Tschlin datti dapi la fin dal 19. tschientaner. Enfin oz enramescha la furmaziun differentas occurenzas dal vitg cun tuns vocals.

  6. 18 mag

    Giavischs da vuschs giuvnas

    Il Chor da giuvenils grischun ha rimnà chanzuns plain variaziun. L'emissiun porta da tuttas sorts chanzuns - chant popular rumantsch, musica da pop sco era tuns classics.

  7. 7 mag

    Salids musicals da Suraua

    Chantaduras e chantadurs preschentan intginas chanzuns preferidas. Durant in emprova en connex cun lur project actual «VIASPRAS ROMONTSCHAS» ha il Chor mischedau Suraua era rimnà giavischs per l'emissiun «Noss chors». L'ura porta ina massa chant rumantsch.

  8. 5 mag

    «CHURMIXT» cun tuns da tut gener

    Il chor da project da Cuira e conturn ha creà in'ura cun musica en tuttas colurs. En connex cun lur project «CHURMIXT GOES POPSONGS» - ina cooperaziun cun «Jazz Chur» ha il chor da project da Martina Hug mess ensemen in'ura cun chant tenor lur gust.

Elenco completo (14)

Descrizione

L’emissiun preschenta Voss giavischs da noss chors. Gust da crear Voss'atgna emissiun? Scrivai a musica@rtr.ch

Informazioni

  • Creatore
    Radiotelevisiun Svizra Rumantscha (RTR)
  • Anni di attività
    2015 - 2026
  • Puntate
    14
  • Classificazione
    Contenuti adatti a tutti
  • Copyright
    © 2026 SRG SSR
  • Sito web del podcast
    Noss chors

Altro da RTR – Radiotelevisiun Svizra Rumantscha