បទសម្ភាស

RFI ខេមរភាសា / RFI Khmer

បទសម្ភាស​ជាមួយ​​អ្នក​នយោបាយ តំណាង​សង្គម​ស៊ីវិល ឬ​អ្នកឯកទេស​ផ្សេងៗ ដើម្បី​និយាយ​ពី​ព្រឹត្តិការណ៍​សំខាន់ៗ ដែល​កើតមាន​ឡើង​នៅ​ក្នុង​ប្រទេស​កម្ពុជា។

  1. 7月30日

    លោក អ៊ិន ចាន់នី៖ ការលុបបំណុលទាំងស្រុងដល់យុទ្ធជនពលី ​ជាការតបស្នងគុណដ៏ធំធេង

    ធនាគារ និងគ្រឹះស្ថានមីក្រូហិរញ្ញវត្ថុមួយចំនួនបានសម្រេចលុបចោលបំណុលទាំងស្រុង និងបំណុលតាមការកំណត់ទឹកប្រាក់ណាមួយ ដល់យុទ្ធជន ដែលបានពលី ពិការ និងរងរបួសក្នុងការប្រយុទ្ធគ្នាជាមួយថៃនៅតាមព្រំដែនកាលពីពេលថ្មីៗកន្លងទៅ។ ដោយឡែក ក្នុងកិច្ចសម្ភាសជាមួយវិទ្យុបារាំង RFI នៅថ្ងៃទី៣០ ខែកក្កដា ឆ្នាំ២០២៥នេះ លោក អ៊ិន ចាន់នី ប្រធាននាយកប្រតិបត្តិនៃធនាគារអេស៊ីលីដា បានបញ្ជាក់ថា ការសម្រេចលុបចោលបំណុលទាំងស្រុងដល់យុទ្ធជនពលី ដែលជាកូនបំណុលរបស់អេស៊ីលីដា និងអ្នករួមកម្ចី គឺជាការដឹងគុណដ៏ធំធេងដល់យុទ្ធជន ដែលបានតស៊ូច្បាំងនឹងថៃ។ ជាការច្បាំងដ៏ប្តូរផ្តាច់ និងលះបង់សាច់ស្រស់ឈាមស្រស់ ដើម្បីការពារបូរណភាពទឹកដី សេចក្តីសុខសាន្តរបស់ពលរដ្ឋ ព្រមទាំងផ្តល់នូវបរិយាកាសល្អដល់ការធ្វើអាជីវកម្មនៃវិស័យធនាគារផងដែរ។

    13分

  2. 7月24日

    លោក ម៉េត មាសភក្តី៖ពលរដ្ឋនៅក្បែរតំបន់ហានិភ័យខ្ពស់ត្រូវបានជម្លៀសចេញដោយសុវត្ថិភាព

    កងទ័ពកម្ពុជា និងកងទ័ពថៃ បានបើកការវាយប្រយុទ្ធគ្នានៅព្រឹកថ្ងៃទី២៤ ខែកក្កដា ឆ្នាំ២០២៥នេះ នៅតាមព្រំដែននៃប្រទេសទាំងពីរ។ ការផ្ទុះអាវុធនេះ ផ្តើមចេញពីកងទ័ពថៃ ដែលបានបាញ់ប្រហារមកលើកងទ័ពកម្ពុជាមុននៅចំណុចប្រាសាទតាមាន់ធំ។ ពលរដ្ឋមួយចំនួន ដែលកំពុងរស់នៅជុំវិញតំបន់ដែលមានហានិភ័យខ្ពស់នៃការប្រយុទ្ធគ្នារវាងកងទ័ពកម្ពុជា និងកងទ័ពថៃនេះ ត្រូវបានជម្លៀសទៅកាន់ទីតាំងសុវត្ថិភាព។ នៅក្នុងកិច្ចសម្ភាសខ្លីជាមួយវិទ្យុបារាំងRFI នាថ្ងៃទី២៤ ខែកក្កដា ឆ្នាំ២០២៥ លោក ម៉េត មាសភក្តី អភិបាលរង និងជាអ្នកនាំពាក្យសាលាខេត្តឧត្តរមានជ័យបានថ្លែងថា ពលរដ្ឋនៅជុំវិញតំបន់ហានិភ័យនៃការផ្ទុះអាវុធ ត្រូវបានជម្លៀសចេញដោយសុវត្ថិភាព ដែលអាជ្ញាធរខេត្តបានត្រៀមលក្ខណៈមុន ជាយូរមកហើយ។

    5分

  3. 7月23日

    លោក អួន ស៊ីឡុត៖ រដ្ឋគួរតែពន្លឿនការបង្កើតសួនកសិ-ឧស្សាហកម្មស្វាយចន្ទីឱ្យបានច្រើន

    នៅថ្ងៃទី២០ ខែកក្កដា សមាគមស្វាយចន្ទីកម្ពុជាបានសម្តែងការព្រួយបារម្ភចំពោះតម្លៃគ្រាប់ស្វាយចន្ទីកម្ពុជា ដែលអាចជួបហានិភ័យ ដោយសារតែការប្រមូលផលដំណាលគ្នាជាមួយចន្ទីអាហ្រ្វិកខាងលិច។ ការព្រមានយ៉ាងដូច្នេះ ធ្វើឡើងក្រោយសមាគមស្វាយចន្ទីកម្ពុជាសង្កេតឃើញគ្រាប់ស្វាយចន្ទីនៅតំបន់អាហ្វ្រិកខាងលិចមានតម្លៃថោក ខណៈបរិមាណ និងគុណភាពផលិតរបស់គេខ្ពស់។ ក្នុងបទសម្ភាសជាមួយវិទ្យុបារាំង RFI នៅថ្ងៃទី២៣ ខែកក្កដា ឆ្នាំ២០២៥នេះ លោក អួន ស៊ីឡុតប្រធានសមាគមស្វាយចន្ទីកម្ពុជាបានឱ្យដឹងថា ក្នុងរដូវប្រមូលផលកន្លងទៅ គ្រាប់ស្វាយចន្ទីកម្ពុជាហាក់ធ្លាក់ថ្លៃបន្តិច តែធ្លាក់ក្នុងរយៈពេលខ្លី។ តែជាយន្តការដើម្បីធានាថា ស្វាយចន្ទីកម្ពុជាមិនប៉ះពាល់ផ្នែកតម្លៃ លោក អួន ស៊ីឡុត ជំរុញឱ្យរដ្ឋាភិបាលពន្លឿនការបង្កើតសួនកសិ-ឧស្សាហកម្មស្វាយចន្ទី ខណៈមានក្រុមហ៊ុនកែច្នៃគ្រាប់ស្វាយចន្ទីមួយចំនួនកំពុងមានចំណាប់អារម្មណ៍។

    11分

  4. 7月17日

    លោក ហ្សាក់ ប៉ឺឡេ៖ បារាំងនឹងផ្តល់ផែនទី និងឯកសារពាក់ព័ន្ធនឹងព្រំដែនដល់កម្ពុជា និងថៃ

    ឯកអគ្គរដ្ឋទូតបារាំងប្រចាំនៅកម្ពុជា ​លោក ហ្សាក់ ប៉ឺឡេ នឹងត្រូវបញ្ចប់អាណត្តិរបស់លោកនៅដំណាច់ខែកក្កដា ឆ្នាំ២០២៥នេះ បន្ទាប់ពីលោកបានបំពេញបេសកកម្មការទូតនៅកម្ពុជាអស់រយៈពេល៤ឆ្នាំ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១៦ ខែកក្កដា ឆ្នាំ២០២៥ លោក ហ្សាក់ ប៉ឺឡេ បានវាយតម្លៃថាបេសកកម្មការទូតរបស់លោកនៅកម្ពុជាប្រព្រឹត្តទៅបានល្អ។ ជាមួយគ្នានេះ លោកឯកអគ្គរដ្ឋទូតបានលើកឡើងដែរ ពីសមិទ្ធផលការងាររបស់លោកនៅកម្ពុជាលើផ្នែកនយោបាយ សេដ្ឋកិច្ច វប្បធម៌ អប់រំ វេជ្ជសាស្ត្រ នីតិសាស្ត្រ យោធា និងកិច្ចសហប្រតិបត្តិការជាច្រើនទៀត។ លើសពីនេះ លោក ហ្សាក់ ប៉ឺឡេ ក៏បានបញ្ជាក់ជំហររបស់ប្រទេសបារាំងជាថ្មីទាក់ទងទៅនឹងជម្លោះព្រំដែនកម្ពុជា-ថៃ ថាបារាំងផ្តល់លទ្ធភាពដល់ប្រទេសទាំងពីរ ដែលចង់បានផែនទី និងឯកសារដែលពាក់ព័ន្ធនឹងព្រំដែន។

    14分

  5. 7月11日

    លោក​ គឹម មាសសុខសីហា៖ ការទទួលទាន​ភេសជ្ជៈប៉ូវកម្លាំងរបស់កុមារ​ជាបញ្ហា​អា​ទិភាពដែល​​ត្រូវ

    អគ្គនាយកដ្ឋាន​ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ហៅកាត់ថា​ (ក.ប.ប) បាន​​ចុះអប់រំផ្សព្វផ្សាយអំពីសុវត្ថិភាពម្ហូបអាហារ និងបទប្បញ្ញត្តិពាក់ព័ន្ធនានា នៅតាមសាលារៀន​ទូទាំងប្រទេសចំនួន ​២ឬ​ ៣ដងក្នុងមួយខែ ដើម្បីពង្រឹងការយល់ដឹង​អំពី​​សុវត្ថិភាពម្ហូបអាហារ​​​របស់សិស្សសាលា​។ ក្នុងបទសម្ភាស​ជាមួយវិទ្យុបារាំងអន្តរជាតិ RFI នៅថ្ងៃទី​១១ ខែកក្កដា ឆ្នាំ​២០២៥នេះ លោក គឹម មាសសុខសីហា អគ្គនាយកនៃអគ្គនាយកដ្ឋាន​ ក.ប.ប ​បាន​លើកឡើងថា ក្រៅពីអប់រំផ្សព្វផ្សាយ ក.ប.ប ក៏បានចុះត្រួតពិនិត្យ​ឆែកឆេ​រ​​ចំណីអាហារដែលដាក់លក់នៅតាមសាលារៀនផងដែរ។ បើតាម ​លោក គឹម មាសសុខសីហា ការទទួលទានភេសជ្ជៈប៉ូវកម្លាំងរបស់កុមារនៅតាមសាលារៀន​​​ជាបញ្ហា​ដែល ក.ប.ប ​ត្រូវ​​ដោះស្រាយអាទិភាពមួយ​​​​។ ​

    13分

  6. 7月10日

    បណ្ឌិត យង់ ពៅ៖ ទស្សនៈដឹកនាំរដ្ឋ និងច្បាប់ជាង៥០០ជាភាសាសំស្រឹ្កតនិងបាលី នឹងត្រូវបកជាភាសាខ

    រាជបណ្ឌិតសភាកម្ពុជា នៅថ្ងៃពុធទី៩ ខែកក្កដាឆ្នាំ ២០២៥ បានប្រកាសដំណើរការគម្រោងស្តីពី «ការស្រាវជ្រាវ និងបកប្រែសិលាចារឹកជាភាសាសំស្ក្រឹត និងភាសាបាលីមកជាភាសាខ្មែរសម័យទំនើប»។ ជាគម្រោងដែលជីកគាស់សិលាចារឹកជាង៥០០ផ្ទាំង ដែលជាភាសាសំស្រឹ្កត និងភាសាបាលី យកមកបកប្រែជាភាសាខ្មែរសម័យទំនើប។ នៅក្នុងបទសម្ភាសជាមួយវិទ្យុបារាំងអន្តរជាតិ នៅថ្ងៃទី១០ ខែកក្កដា ឆ្នាំ២០២៥នេះ លោកបណ្ឌិត យង់ ពៅ អគ្គលេខាធិការនៃរាជបណ្ឌិតសភាកម្ពុជា និងជាប្រធានគម្រោងបកប្រែនេះ បានឲ្យដឹងថា សិលាចារឹកជាង៥០០ផ្ទាំង សុទ្ធសឹងជាទស្សនៈដឹកនាំរដ្ឋ ទស្សនៈច្បាប់ និងទស្សនៈអប់រំល្អៗ សម្រាប់បម្រើជាប្រយោជន៍ដល់ពលរដ្ឋខ្មែរក្នុងសម័យទំនើប។

    12分

  7. 7月8日

    លោក វ៉ាត់ ចំរើន៖ កម្ពុជាប្រកាន់ជំហរចូលរួមប្រកួតកីឡាស៊ីហ្គេមនៅថៃនាចុងឆ្នាំ២០២៥

    ការប្រកួតកីឡាអាស៊ីអាគ្នេយ៍(ស៊ីហ្គេម)លើកទី៣៣ នឹងត្រូវរៀបចំធ្វើឡើងនៅអំឡុងខែធ្នូ ឆ្នាំ២០២៥ នៅប្រទេសថៃ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី០៨ ខែកក្កដា ឆ្នាំ២០២៥នេះ លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជា បានថ្លែងថាកម្ពុជាកំពុងប្រមូលផ្តុំអត្តពលិករបស់ខ្លួនដើម្បីហ្វឹកហាត់​ និងរក្សាការចូលរួមការប្រកួតកីឡាស៊ីហ្គេមនៅប្រទេសថៃដដែល។ មន្ត្រីកីឡាជាន់ខ្ពស់រូបនេះឲ្យដឹងថាម្ចាស់ផ្ទះថៃ កាលពីពេលថ្មីៗនេះ បានធានាអះអាងចំពោះសុវត្ថិភាពរបស់កីឡាករ កីឡាការិនី និងប្រតិភូរបស់កម្ពុជាស្របតាមធម្មនុញ្ញកីឡាអូឡាំពិក និងគោលការណ៍កីឡាតំបន់ ដោយថាកីឡាមិនពាក់ព័ន្ធនឹងរឿងនយោបាយឡើយ។

    12分

  8. 7月3日

    លោកស្រី ដោ សម្ផស្ស៖ សាលាក្រុងប្តេជ្ញាបង្ក្រាបបទល្មើសឆបោកអនឡាញឱ្យរឹតតែមានប្រសិទ្ធភាពជាង

    រដ្ឋបាលរាជធានីភ្នំពេញនៅថ្ងៃទី០២ ខែកក្កដា ឆ្នាំ២០២៥ បានសម្រេចបង្កើតគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា(Online Scam)រាជធានីភ្នំពេញ​ ដើម្បីបង្កើនសកម្មភាពបង្ក្រាបបទល្មើសឆបោកអនឡាញក្នុងភូមិសាស្ត្ររាជធានីភ្នំពេញ។ ក្នុងកិច្ចសម្ភាសជាមួយវិទ្យុបារាំងអន្តរជាតិRFIនៅថ្ងៃទី០៣ ខែកក្កដា ឆ្នាំ២០២៥នេះ លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញបានបញ្ជាក់ថា តាមរយៈការបង្កើតគណៈកម្មការមួយច្បាស់លាស់បែបនេះ នឹងជួយជំរុញឱ្យការអនុវត្តវិធានការបង្ក្រាបបទល្មើសឆបោកតាមអនឡាញក្នុងរាជធានីភ្នំពេញកាន់តែមានប្រសិទ្ធភាពបន្ថែមទៀត។ តែលោកស្រី​ ដោ សម្ផស្ស ក៏មិនភ្លេចបញ្ជាក់ថា ការបង្កើតគណៈកម្មការមួយនេះពុំមែនមានន័យថា ភូមិសាស្ត្ររាជធានីភ្នំពេញសម្បូរទៅដោយបទល្មើសឆបោកអនឡាញនោះទេ។

    8分
すべて見る（26）

番組について

បទសម្ភាស​ជាមួយ​​អ្នក​នយោបាយ តំណាង​សង្គម​ស៊ីវិល ឬ​អ្នកឯកទេស​ផ្សេងៗ ដើម្បី​និយាយ​ពី​ព្រឹត្តិការណ៍​សំខាន់ៗ ដែល​កើតមាន​ឡើង​នៅ​ក្នុង​ប្រទេស​កម្ពុជា។

情報

RFI ខេមរភាសា / RFI Khmerの他の作品

その他のおすすめ