Nuus

Kosmos 94.1
  • 0.0 (0)
  • News
  • Updated Daily

Kry die nuus soos dit breek.

  1. 44m ago

    Parlement se werkstempo is maar traag

    Volgens die Nasionale Vergadering se jongste ordelys is ses wetsontwerpe tans in die tweede leesfase en word gedebatteer. Dit sluit in die grond-wetsontwerp en die petroleum-wysigingswetsontwerp. Na die tweede leesfases gefinaliseer is, sal die wetsontwerpe na die komitee-fase gaan en dan na die derde leesfase, voordat dit na die Nasionale Raad gaan. Kosmos 94.1 Nuus het met die voormalige Speaker van die Nasionale Vergadering, professor Peter Katjavivi gepraat oor die parlement se werkstempo, wat uiters stadig is.

    1 min

  2. 44m ago

    Trump is sat vir Iran

    President Donald Trump van Amerika dreig met nog aanvalle op Iran en waarsku dat noodsaaklike burgerlike infrastruktuur geteiken kan word. Amerika se Sentrale Bevel het bevestig dat die weermag Dinsdagnag meer as 80 teikens getref het. Dit sluit meer as 60 klein bote van die Islamitiese Rewolusionêre Wagkorps in die Straat van Hormuz in. In reaksie het Iran Amerikaanse militêre terreine in Bahrein en Koeweit aangeval. Trump, wat ook dreig om weer Iranse hawens te blokkeer, sê Iran is "nie meer die boelie" van die Midde-Ooste nie:

    19 sec

  3. 1h ago

    Kom maak pot met 'n doel!

    Die jaarlikse liefdadigheidsgeleentheid en kookkompetisie, “Potjies with Purpose”, is terug en hierdie keer word fondse ingesamel vir die Namibiese o.18-meisiehokkiespan. Die geleentheid, wat in samewerking met die Namibiese Hokkie-unie gehou word, samel fondse in vir hul toer na Zimbabwe in Augustus. By die geleentheid op 25 Julie ding die spanne mee in korporatiewe en sosiale kategorieë by Affiespark in Windhoek. Kosmos 94.1 Nuus het met organiseerder Rozanne Fourie gesels:

    1 min

  4. 1h ago

    Kommer oor herroepte gewigsverlies medisyne

    Suid-Afrika se gesondheidsreguleerders waarsku die publiek en gesondheidsorgpersoneel om nie herroepte iDEXIS Semaglutide- en Tirzepatide-medisyne te gebruik, voor te skryf of uit te reik nie. Die reguleerders het gewaarsku aptekers en mediese praktisyns wat voortgaan om die herroepte medisyne in voorraad hou, voor te skryf of uit te reik, kan gedissiplineer word. Rodgers Baloyi van die Suid-Afrikaanse Reguleringsowerheid vir Gesondheidsprodukte sê die produkte is in Junie herroep omdat dit 'n ernstige risiko vir die veiligheid van pasiënte inhou:

    13 sec

  5. 2h ago

    SA se plaaslike regering beleef 'n krisis

    United Africans Transformation sê die Nasionale Tesourie se besluit om befondsing vir 69 munisipaliteite te bevries, ontbloot 'n toenemende plaaslike regeringskrisis wat veroorsaak word deur finansiële wanbestuur, korrupsie en swak regering. Die party voer aan gemeenskappe dra die las van mislukte basiese dienste en groeiende munisipale skuld. Mighty Mabule van die organisasie vra herstelplanne, leefstyloudits van geïmpliseerde amptenare, vervolging waar korrupsie gevind word, en die aanstelling van gekwalifiseerde amptenare gegrond op meriete:

    15 sec

  6. 2h ago

    Ten spyte van uitdagings is Lüderitz bedrywig

    Lüderitz ervaar 'n toename in aktiwiteit namate werk vorder aan verskeie groot ontwikkelings, insluitend die land se vlagskip groenwaterstofprojek, Hyphen Hydrogen Energy, die uitbreiding van die Lüderitz-hawe, en Fase 3 van die Lüderitz Waterfront Development Company-projek. Kosmos 94.1 Nuus het gepraat met voormalige burgemeester van Lüderitz en nou landsleier vir die globale logistieke maatskappy Alistair Group, Phil Balhao, wat sê beleggersvertroue in die dorp groei, maar daar is nog struikelblokke.

    1 min

  7. 3h ago

    Bibi sê Turkse regering is radikaal

    Israel se eerste minister, Benjamin Netanyahu, sê hy het president Donald Trump van Amerika gewaarsku om nie F-35 Stealth-vegvliegtuie aan Turkye te verkoop nie. Hy sê dit sal die magsbalans in die Midde-Ooste “vernietig”. Trump het vroeër die week aangedui hy is bereid om ʼn verbod op die vliegtuie se verkope aan Ankara wat hy in sy eerste termyn ingestel het, om te keer. Netanyahu het aan CNN gesê Turkye is nie regtig ʼn model-bondgenoot van Amerika nie:

    19 sec

  8. 3h ago

    Motsoaledi sê swakplekke moet aandag kry

    Die minister van Gesondheid, Aaron Motsoaledi, sê langdurige swak plekke in die openbare gesondheidstelsel moet dringend aangespreek word. Dit volg nadat die Gesondheidsombud bevind het die dood van ses gesondheidswerkers by mediese instellings in KwaZulu-Natal was nie die gevolg van swak werksomstandighede of afknouery en viktimisasie in die werkplek nie. Die ondersoek het wel aansienlike sistemiese probleme geïdentifiseer wat mediese beroepslui raak. Motsoaledi sê besnoeiings dra grootliks by tot probleme wat gesondheidswerkers se welstand betref:

    21 sec
See All (150)

About

Kry die nuus soos dit breek.

Information

  • Creator
    Kosmos 94.1
  • Years Active
    2019 - 2026
  • Episodes
    150
  • Rating
    Clean
  • Copyright
    © Kosmos 94.1
  • Show Website
    Nuus