SBS Khmer - SBS ខ្មែ‪រ‬ SBS Audio

** ក្រុមជួយសង្គ្រោះ រកឃើញសាកសពនារីម្នាក់ ក្រោយហេតុការណ៍ផ្ទុះអគារនៅទីក្រុងស៊ីដនី។ ** ប្រជាជនអូស្រ្តាលីរាប់លាននាក់នឹងទទួលបានការដំឡើងប្រាក់ឈ្នួល 3.75%។ ** អូស្រ្តាលីស្វាគមន៍បទឈប់បាញ់នៅមជ្ឈឹមបូព៌ា និងសំណើដោះលែងចំណាប់ខ្មាំង។

នាព្រឹកថ្ងៃទី៣០ ខែឧសភា លោកនាយករដ្ឋមន្ត្រី ហ៊ុន ម៉ាណែត បានប្រកាសថា គម្រោងព្រែកជីកហ្វូណន-តេជោ ដែលតភ្ជាប់ផ្លូវទឹក ពីទន្លេ ទៅកាន់សមុទ្ររបស់កម្ពុជា ប្រវែង ១៨០គីឡូម៉ែត្រ ពីខេត្តកណ្តាល ទៅកាន់ខេត្តកែប នឹងបើកការដ្ឋានសាងសង់ក្នុងខែសីហាខាងមុខនេះ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** អ្នកនយោបាយអូស្ត្រាលីស្ទាក់ស្ទើរក្នុងការធ្វើអត្ថាធិប្បាយអំពីលទ្ធផលនៃការកាត់ក្តីរឿងប្រាក់កាសដ៏រសើបរបស់លោក ដូណាល់ ត្រាំ។ ** ការិយាល័យរបស់សមាជិកសភាជាច្រើនរូបត្រូវបានបំផ្លិចបំផ្លាញនៅរដ្ឋវិចថូរៀ។ ** រដ្ឋាភិបាលសហព័ន្ធផ្តល់ជំនួយដល់អ៊ុយក្រែនជាង ៣០ លានដុល្លារសម្រាប់តម្រូវការថាមពល និងមនុស្សធម៌។

កំពូលកីឡាករប្រដាល់កម្រិតពិភពលោក របស់ហ្វីលីពីន និងជាអតីតសមាជិកព្រឹទ្ធសភាហ្វីលីពីន លោក ម៉ានី ប៉ាគីអាវ ( Manny Pacquiao ) បានមកបំពេញទស្សនកិច្ច នៅប្រទេសកម្ពុជា ហើយកាលពីថ្ងៃរសៀលថ្ងៃព្រហស្បតិ៍ ទី៣០ ខែឧសភា លោក ម៉ានី ប៉ាគីអាវ បានជួបលោកនាយករដ្ឋមន្ត្រី ហ៊ុន ម៉ាណែត នៅវិមាន ៧មករា ដែលជាទីស្នាក់ការកណ្តាលរបស់គណបក្សប្រជាជនកម្ពុជា ដែលកំពុងដឹកនាំប្រទេស។

ព័ត៌មានសំខាន់ៗសម្រាប់ថ្ងៃនេះរួមមាន៖ ** រដ្ឋមន្ត្រីក្រសួងអន្តោប្រវេសន៍លោក Andrew Giles លុបចោលទិដ្ឋាការជនបរទេស ៨ នាក់។ ** ចិនដកទណ្ឌកម្មពាណិជ្ជកម្មលើផលិតផលសាច់គោអូស្ត្រាលីភាគច្រើន។ ** ប៉ូលីសសហព័ន្ធអូស្ត្រាលីរឹបអូសគ្រឿងញៀនដ៏គ្រោះថ្នាក់រាប់ពាន់លីត្រ ដែលជាប់ពាក់ព័ន្ធនឹងការរំលោភផ្លូវភេទ។

សប្តាហ៍នេះគឺជាសប្តាហ៍នៃការផ្សះផ្សាជាតិ “National Reconciliation Week” ដោយសម្គាល់កាលបរិច្ឆេទសំខាន់ៗចំនួនពីរនៅក្នុងប្រវត្តិសាស្រ្តរបស់ប្រទេសអូស្ត្រាលី សម្រាប់សិទ្ធិរបស់ជនជាតិដើមដំបូង “First Nations”។ ប្រធានបទនៅឆ្នាំនេះគឺ"Now More Than Ever" " ពេលនេះ ច្រើនជាងពេលណាៗទាំងអស់ " ដោយលើកទឹកចិត្តប្រជាជនអូស្ត្រាលី ឱ្យមករួមគ្នា ដើម្បីបន្តការតស៊ូដើម្បីការទទួលស្គាល់ជនជាតិដើមភាគតិច Aboriginal និងអ្នកកោះ Torres Strait ខណៈពេលដែល ដោះស្រាយបញ្ហាដែលប៉ះពាល់ដល់សហគមន៍របស់ពួកគេ។