Beti a'i Phobol

BBC Radio Cymru
  • 0.0 (0)
  • DIARIOS PERSONALES
  • CADA DOS SEMANAS

Beti George yn holi rhai o bobl mwyaf diddorol Cymru. Beti George interviews some of Wales' most interesting people

  1. HACE 41 MIN

    Stephen Rule - Doctor Cymraeg

    Mae Stephen yn cael ei adnabod fel y ‘Doctor Cymraeg’ ac yn adnabyddus fel athro Cymraeg, awdur a chrëwr cynnwys. Mae’n defnyddio’r cyfryngau cymdeithasol (Instagram, TikTok a Youtube) er mwyn gwneud dysgu Cymraeg yn hwyl ac yn annog a helpu dysgwyr yr iaith i ennill hyder. Fel rhywun a ddysgodd Cymraeg yn hwyrach ymlaen yn ei fywyd, mae eraill sydd yn wynebu heriau tebyg iddo yn medru uniaethu gydag ef ac mae ei angerdd yn ysbrydoliaeth iddynt. “Gorau, Dysgu, Cyd-Ddysgu” yw ei ‘motto’! Cafodd ei fagu ym mhentref Coed Llai ger yr Wyddgrug mewn ystâd tai cyngor, mewn ardal ddifreintiedig a Stephen oedd y person cyntaf yn ei deulu i fynd i'r Brifysgol. Mae ei Dad, ei Daid a'i Frawd ac ambell ewythr yn gweithio i gwmni Airbus ym Mrychdyn. Fe ddaw o gefndir di-gymraeg, ac anogaeth athrawes yn ysgol Castell Alun wnaeth ei ysbrydoli i ddysgu'r iaith a chael mynd i Jambori yr Urdd yn 12eg mlwydd oed. Fe aeth i Brifysgol Aberystwyth i astudio Cymraeg gydag Ieithoedd Celtaidd, a bu'n gweithio mewn siop yn y dref H&AR Ellis Hardware am tua dwy flynedd, ac yno y magodd hyder i siarad Cymraeg. Mae ganddo ddilyniant mawr ar y cyfryngau cymdeithasol gydag oddeutu 100 mil yn ei ddilyn. Cawn hanesion difyr ei fywyd ac mae'n dewis 4 cân yn cynnwys un gan Al Lewis.

    49 min

  2. 22 FEB

    Mati Roberts

    Beti George sydd yn cael cwmni ysbrydoledig Mati Roberts, y Nyrs o Gaerdydd sydd wedi helpu i sefydlu ysgol yn Affrica yn ei amser rhydd. Pan welodd Mati Roberts decstilau lliwgar mewn siop yn Affrica fe newidiodd llwybr ei bywyd hi a chymuned gyfan yn Ghana am byth. Deuddeg mlynedd ers disgyn mewn cariad gyda'r defnydd mae ganddi fusnes creadigol sy'n rhoi hwb i economi'r wlad ac yn helpu addysgu dros 200 o blant - a hyn oll wrth barhau i weithio fel nyrs arbenigol yng Nghaerdydd, yn diogelu plant ac yn gofalu am iechyd rhywiol pobol ifanc. Mae Mati yn sôn iddi ddarganfod fod ganddi ddyslecsia a dyspracsia wrth astudio yn y Coleg. Cawn glywed hefyd stori hyfryd am ei Thaid, y diweddar John Rowley oedd yn Bennaeth y BBC yng Nghymru am gyfnod, gafodd ei adael yn fabi bach yn amddifad wrth giât fferm teulu caredig yn Bwlch y Cibau ger Llanfyllin.

    49 min

  3. 8 FEB

    Geraint Hughes

    Mae'r cwmni heddiw yn barod iawn i fentro mewn byd busnes a hynny er lles yr economi leol. Bwyd ac amaeth yw ei arbenigaeth ac ymhlith ei fentrau fe blannodd lannerch o olewydd, y mwyaf gogleddol yn Ewrop. Geraint Hughes yw'r cyntaf ym Mhrydain i werthu olew Camelina, a bu'n tyfu cywarch. Ond ei lwyddiant gyda Jones Crisps yw ei fenter fwyaf adnabyddus mae'n siŵr. Mae gan Geraint ugain mlynedd o brofiad o weithio’n agos gyda mentrau bwyd-amaeth ar draws Cymru a’r DU i wireddu syniadau a dod o hyd i atebion ar gyfer heriau. Mae’n rhedeg cwmni Lafan sydd yn cyflogi nifer o bobol a'u pwrpas yw meithrin a chefnogi timau o bobl dalentog sydd am weld dyfodol gwell i ardaloedd gwledig Cymru. Mae Geraint yn fab fferm o Ben Llŷn, ac mae'n sôn am ei fagwraeth hapus, ei deulu a'i ddiddordeb ifanc mewn tyfu llysiau. Mae'n dewis 4 cân yn cynnwys ‘Gwreiddiau’ gan Swnami “Cân y teulu ar hyn o bryd a’r plant wrth eu boddau yn dawnsio iddi".

    49 min

  4. 1 FEB

    Annie Maycox Walker

    Dyw’r cwmni heddiw ddim wedi cael bywyd hawdd ac mae hynny'n deillio o gyfnod plentyndod pan gafodd ei cham-drin yn rhywiol gan ei thaid. Mae'n teimlo'n gryf bod angen iddi ddweud ei stori am nad yw'r pwnc yn ei barn hi yn cael ei drin mor agored ac y dyle fe. Ar hyd y blynyddoedd mae Annie Maycox wedi dioddef o iselder ac roedd hi'n troi at fwyd i leddfu rhywfaint ar yr atgofion. Canlyniad hynny oedd iddi fagu pwysau a chyrraedd dros 20 stôn. Mae'n ddiolchgar am yr help mae wedi cael gan wahanol gyrff a nawr mae hi'n cymryd mounjaro ac wedi colli 5 stôn mewn 9 mis. Mae Annie yn gweithio fel colurwraig theatr a'r cyfryngau. Bu'n gweithio ar gyfres ddrama 'Skins' ar gyfer Sianel 4, ac E4, Rownd a Rownd ac mae hi wedi gweithio gyda Caprice y cyn model, ac actorion megis David Charles Prowse - Darth Vader, a Toby Kebbell. Bellach mae ganddi gwmni gwneud fideos pop gyda'i gŵr Jamie. Cawn hanesion ei bywyd, ac mae'n dewis 4 cân, yn cynnwys cân gan Elin Fflur a'r gân olaf “Standing With You” gan Guy Sebastian. Trafodir cam-drin rhywiol yn y bennod hon o Beti a'i Phobol. Os ydych chi wedi’ch effeithio gan gynnwys y rhaglen yna mae gwybodaeth am fudiadau gall helpu ar gael trwy fynd i BBC Action Line bbc.co.uk/actionline

    50 min

  5. 18 ENE

    Meinir Gwilym

    Meinir Gwilym, y gantores sydd wedi cynhyrchu 6 albwm dros 20 mlynedd, yw gwestai Beti George. Mae hi hefyd yn gyflwynwraig radio a theledu, ac yn wyneb cyfarwydd ar gyfresi Garddio a Mwy ar S4C - ac yn aelod o'r grŵp Pedair. Cawn ei hanes ym Mhatagonia gyda Pedair a datblygiad y grŵp. Mae hi'n trafod heriau cerddorion Cymraeg a'r gostyngiad mewn breindaliadau, effaith y llwyfannau digidol a pa mor anodd ydi hi bellach i wneud bywoliaeth fel cerddor. Fe fydd yn trafod crefydd ac fe gawn glywed sut mae hi'n mynd ati i greu caneuon a phwysigrwydd geiriau, a’r ysbrydoliaeth sy’n dod o brofiadau bywyd. Mae bywyd personol a chefndir teuluol Meinir Gwilym yn cael sylw, gan gynnwys hanes y teulu, perthynas â rhieni a brodyr, a’r dylanwad cerddorol yn y cartref. Mae’r sgwrs yn cynnwys atgofion am blentyndod, addysg, a’r ffordd y mae cerddoriaeth yn rhan annatod o’r teulu.

    49 min

  6. 11 ENE

    Iolo Williams

    Iolo Williams y naturiaethwr, awdur a'r cyflwynydd poblogaidd ar raglenni natur ar BBC Cymru ac ar y rhwydwaith Prydeinig yw gwestai Beti George. Mae’n adnabyddus am raglenni fel Springwatch, Autumnwatch a’i gyfres ei hun ‘Wild Wales’ ac mae wedi cyflwyno rhaglenni Radio Cymru, Galwad Cynnar a chyfres Sarn Helen. Mae'n trafod dylanwad ei Daid arno ac yn sôn am ei Dad fel ei arwr " dyn cadarn, gonest oedd yn trin pawb 'run fath". Cawn hanesion ei fagwraeth yn Llanwddyn, ei gyfnod yn Ysgol Gynradd Llanwddyn ble 'roedd ei Dad yn Brifathro ac wedyn yn yr Ysgol Uwchradd Llanfyllin, lle y byddai Iolo yn aml yn triwanta. Mae'n trafod ei gyfnod yn y coleg yn Llundain ac y bu bron iddo ymuno â'r fyddin ar ôl ei arholiadau Lefel O. Yn 2023 cafodd drawiad ar y galon a strôc ond adferodd yn dda, diolch i weithredu cyflym a gofal gan y GIG. Mae'n trafod y cyfnod yma ac yn sôn nad ydi o ofn marw " mae marw yn rhan o fyw", ac ein bod yn cael " un go ar fywyd".

    49 min

  7. 4 ENE

    Ani Glass

    Ani Glass yr artist electro-pop o Gaerdydd yw gwestai Beti George. Enillodd ei halbwm cyntaf Mirores wobr Albwm Cymraeg y Flwyddyn, ac mae ei hail albwm Phantasmagoria newydd ei rhyddhau. Cawn hanesion difyr ei bywyd o'r sîn gerddoriaeth, i'w chefndir mewn ffasiwn, a'i chariad tuag at Lerpwl a'r Beatles. Yn y 5 mlynedd diwethaf mae hi wedi croesawu merch fach i'r byd, ac mae hi'n fyddar. Mae Ani yn sôn am ddysgu BSL ac am gyfansoddi a chynhyrchu cerddoriaeth gynhwysol. Fe gafodd Ani hefyd ddiagnosis o diwmor ar yr ymennydd, ac mae'r albwm diweddaraf Phantasmagoria yn gasgliad o ganeuon sydd yn ymateb i'r byd o'i chwmpas. Ymysg ei dewisiadau cerddorol mae 'Pan Ddaw Yfory' gan Caryl Parry Jones a darn 'Mishima/Closing' gan artist sydd wedi ei dylanwadu, Philip Glass.

    49 min

  8. 28/12/2025

    Rhai o uchafbwyntiau Beti a'i Phobol 2025

    Rhaglen wahanol i'r arfer i nodi diwedd blwyddyn arall. Pytiau o rai o sgyrsiau Beti a'i Phobol 2025, gan ddechrau gyda dwy bennod gynta’r flwyddyn - tad a merch yn sôn am y hunlle brofon nhw fel teulu oherwydd ymddygiad anfaddeuol y Swyddfa Bost. Cawn glywed stori Siân Thomas a Noel Thomas. Fe awn wedyn i China i sgwrsio a Teleri Wyn Davies. Mae hi yn byw yn Shenzen, yn ne-ddwyrain y wlad, a'i gwaith yno yw hyfforddi rygbi merched. Fe gafodd Beti gwmni Glenda Jones-Williams o Frynaman yn wreiddiol sydd â swydd uchel yng nghwmni anferth Coca Cola. Mae'n is-lywydd pobol a diwylliant y cwmni yng ngogledd Ewrop, Asia ac ardal y Môr Tawel ac mae'n teithio'r byd gyda'i gwaith. Mae bywyd wedi bod yn hectic i'r awdur, y cyfansoddwr a'r dramodydd Daf James yn ddiweddar oherwydd llwyddiant ysgubol ei gyfres ddrama - Lost Boys and Fairies. Ond fe lwyddodd i dreulio awr fach yng nghwmni Beti George. Fe gawn hefyd gwmni'r Pianydd byd enwog o Bentrebychan, Llŷr Williams, Georgia Ruth, Mark Williams, Jess Davies, yr artist Gareth Parry a'r meddyg Dr Llinos Roberts.

    50 min
Ver todo (645)

Acerca de

Beti George yn holi rhai o bobl mwyaf diddorol Cymru. Beti George interviews some of Wales' most interesting people

Información

  • Creador
    BBC Radio Cymru
  • Años de actividad
    2012 - 2026
  • Episodios
    645
  • Clasificación
    Explícito
  • Copyright
    © (C) BBC 2026
  • Mostrar sitio web
    Beti a'i Phobol

Más de BBC

También te podría interesar