Dúchas

Cúán de Búrca ⁊ Cían Mac Coisteala

‘Dúchas’: Podchraoladh faoinár mbéaloideas, ár miotaiseolaíocht, ár bpisreoga agus ár ndúchas. Buail isteach ag teach an dúchais d’oíche scéalaíochta cois teallaigh i dteannta Chían Mhic Choisteala ⁊ Chúáin de Búrca. Sa tsraith éadrom spraíúil seo, foghlaimeoimid faoi na creidimh agus na scéalta atá i gcroílár ár bhféiniúlachta mar Ghaeil. Fill ar do dhúchas!

  1. hace 1 día

    ‘An Chónra a Dhiúltaigh a Bheith Curtha’

    Cuirimid tús le sraith a dó de ‘Dúchas’ le splanceagrán taibhsiúil a chuirfidh cáithníní ar do chraiceann! Buailtear le capall a bhfuil bua na cainte aici, bean a labhraíonn in ainneoin a báis, agus buachaill báire bastallach amuigh ag ragairne spórt. Samhain shona daoibh go léir… is go maire na mairbh! Ba mhaith linn buíochas ó chroí a ghabháil leis na haisteoirí gutha ar fad a ghlac páirt san eagrán seo. Thug sibh beocht do na carachtair agus chuir sibh go mór leis an scéal. Táimid fíorbhuíoch as bhur gcuid ama, bhur gcuid tallainne agus bhur gcuid oibre. Emer Nic Róibín — Máthair Cholmáin Jason Ó Nialláin — Colmán Saoirse Nic Aogáin — An Capall Cainteach Órnaith Ní Fhearghail — An Corpán Ceanndána Eoin P. Ó Murchú — Fear na Reilige Go raibh míle maith agaibh as ucht bhur rannpháirtíochta agus as cabhrú linn an scéal seo a thabhairt chun beatha. Ní bheadh a mhacasamhail indéanta gan sibh!

  2. 8 sep

    Beo ón bPicnic Leictreach

    Tá siad ar ais! San eagrán féiltiúil féastach seo — taifeadta go beo sa Phuball Gaeilge ag an bPicnic Leictreach — insíonn na leaids scéalta taibhsí faoi mhuintir Cosby agus an tSráidbhaile fadó, pléann siad féilte agus nósanna ólacháin na nGael mar a bhí sa chianaimsir, agus dáileann siad cannaí Smirnoff Ice go fial ar lucht a n-éisteachta. Ár mbuíochas le hOllscoil na Gaillimhe as urraíocht a dhéanamh ar an eagrán seo! :)

  3. 4 mar

    Beo ó Nás na Ríogh

    Thriail na buachaillí báire chomh fada le Nás na Ríogh ar na mallaibh chun eagrán Dúchas a thaifead go beo ós comhair a lucht leanúna dhílis. Phléigh siad Bríd, banéarlamh Chontae Chill Dara. Ar bhean rialta is banab í nó bandia breabhsánta? Cé na cleachtais agus na deasghnácha a bhain le Lá ‘le Bríde (nó Imbolg, más págánach salach thú ar nós an Choistealaigh)? Cén saghas tagairtí atá i lámhscríbhinní ár sinsear ar an mbandia? É sin uilig agus i bhfad eile san eagrán bríd-mhar beoga seo.

  4. 27 ene

    Na Normannaigh

    Caisleáin, cathanna agus coiníní: is iomaí lorg a d'fhág na Normannaigh ar fhód Bhanba, ach cérbh iad na heachtránaithe caithréimeacha seo an chéad lá ariamh? Pléann na buachaillí na fáthanna a tháinig na Normannaigh go hÉireann agus cuid den diabhlaíocht a bhí ar bonn acu anseo.

  5. 27/10/2025

    Samhain

    Cé acu is measa, an diabhal nó goth baddie stuacach? An tairseach ifrinn atá sa Workman's Club nó Uaimh na gCat taobh le Ráth Cruachan? San eagrán speisialta seo pléann na buachaillí an fhéile ársa Oíche Shamhna, seanchas na cianaimsire, saol gnéis an Daghdha, Seán an Lampa, arm osnádúrtha, diabhlaíocht Donnchadh Ó Curraoin agus conas is féidir le collchnónna do chleamhnas a thairngreacht cois teallaigh!

  6. 26/05/2025

    An Conriocht

    Céard is conriocht ann agus céard a tharla do na mic tíre a chónaigh fud fad na tíre fadó? San eagrán seo, pléann na buachaillí stair an mhic tíre in Éirinn, finscéal na gconreachta, agus gabhair amaideacha a fhaigheann bás i mbolg an fhaoil!

  7. 13/04/2025

    Sean-Nós

    Amhránaíocht ar an sean-nós, cumhacht mhistiúil na filí, ceol draíochta is mallachtaí, ní féidir a shéanadh go bhfuil ról lárnach ag an bhfocal canta inár bhféiniúlacht mar Ghaeil. San eagrán seo, suíonnn na stócaigh síos le Saoirse Nic Aogáin chun iniúchadh a dhéanamh ar an gceol álainn corraitheach seo agus níos mó eolais a fháil ar chúlra agus stair an traidisiúin. Cailleann Cúán a mhaighdeanas 'windeáil' fiú agus í ag casadh cúpla vérsa dúinn ach faraor, nuair a chríonann an tslat is deacair í a lúbadh!

  8. 31/03/2025

    An Chailleach

    Cé hí an 'Cailleach'? Bean olc dhraíochtúil le scuab, coirce is cat dubh nó bandia ársa a tharraingíonn brat an gheimhridh thar fhód na hÉireann is na hAlban? San eagrán seo, déanann na buachaillí iniúchadh ar íomhá na seanmhná seargtha seo agus an iomaí slite a fhítear í trí bhéaloideas na hÉireann.

Ver todo (16)

Acerca de

‘Dúchas’: Podchraoladh faoinár mbéaloideas, ár miotaiseolaíocht, ár bpisreoga agus ár ndúchas. Buail isteach ag teach an dúchais d’oíche scéalaíochta cois teallaigh i dteannta Chían Mhic Choisteala ⁊ Chúáin de Búrca. Sa tsraith éadrom spraíúil seo, foghlaimeoimid faoi na creidimh agus na scéalta atá i gcroílár ár bhféiniúlachta mar Ghaeil. Fill ar do dhúchas!

Información

  • Creador
    Cúán de Búrca ⁊ Cían Mac Coisteala
  • Años de actividad
    2025 - 2026
  • Episodios
    16
  • Clasificación
    Apto
  • Copyright
    © Cúán de Búrca ⁊ Cían Mac Coisteala
  • Mostrar sitio web
    Dúchas

También te podría interesar