RFI Fulfulde

•

Channel • 7 Shows

News

News

Updated daily
Education

Education

Every two weeks
Business

Business

Updated weekly
News

News

Updated 12 hr ago
Science

Science

Updated weekly
Science

Science

Updated weekly
Society & Culture

Society & Culture

Updated weekly

14 APR

Cellal: hannde en ngarti e ñawu wi'eteengu "Cancer du laryunx", ko ñawu kanseer e nder daande

Hannde ngartaten ko e go’oto e fannuuji kanseer gooɗɗi kono jeebaaɗo, woni ko wi’etee "Cancer du larynx. "Kanseer du larynx", ko ñawu kanser mo neɗɗo heɓata e nder goddol walla konndol makko. Ko tergal e nder goddol neɗɗo oo, bi’eteengal ‘’larynx’’, caabotoongal neɗɗo oo ina haala, balloowal neɗɗo oo foofde, e ko nanndi heen. Ko ngal tergal ñawata, heɓaa kanser. Oo kanser, ina jaali e nder Afrik. Ngam yeewtude e oo kanser, en njaɓɓoto Doktoor Ibrahiima JALLO, ko wittiyanke e nder duɗal toowngal Gamal Abdel Naseer ngal Konakiri. Ko kanko kadi ardii serwis cafroowo kine, noppi e daaɗe to suudu safrirdu Jean Paul 2 to Gine.

14 Apr

•

10 min
17 JUL

Mbismiɗen hannde ko Porofeseer Mamadou Dinde Diallo, taariikayanke, omo yeewtana en e uddugol daakorɗe France e nder Afrik

Hankadi France nattii jogaade daakorde konu e nder diiwe hirnaange e wuddu Afrik. Daakorde wootere heddinoonde to Dakar laamorgo Sénégal, uddete/ommbete hannde. Ko hello taariika mawngo e nder jokkondiral hakkunde konu France e konuuji leyɗe Afrik woni e uddeede. Ko holno taariika jokkondiral France e Afrik e bannge konunkaaku yaari haa hande ? Ko holɗum ngol jaltugol jibinta ? Koɗo men hannde ko Porofeseer Mamadou Dinde Diallo, taariikayanke, cukko hooreejo iniwersite Kankan. Himo jaaboo laamnde Ibraahiima Timmbi Bah

17 Jul

•

6 min
28 APR

Toɓɓere men hannde yowitii ko e ñawu foofaango innirteeɗo Asma

Hannde e o altine, 28 ndu lewru 4ɓuru, kaalaten ko he Asma e dow toɓɓere: ɓurde faamde ñawu nguu ngam waawde wuurdude e maggu Ñannde 2 lewru 5ɓuru lewru faandu nduu, woni ñalawma winndereyaŋkeejo teddiniraande ñawu Asma. Ko fartaŋŋe ngam humpitde e jeertinde yimɓe ɓee ko faati e oo rafi, keɓoowo sukaaɓe e mawɓe fof. Nde tawno so o safraaka no moƴƴi tan, omo waawi battinde no feewi e nguurndam gonnduɗo e makko oo. Holko woni sabu rafi Asma? Holno wonnduɓe e oo rafi ɓee kaani wurduude e maggu no haaniri nii? Ko doktoor Elhajji KAN, keertorɗo ñabbuuli becce njeewtitten e nguu ñawu

28 Apr

•

10 min
15 JUL

Mouhamadou ahmadou no taskoo yaltugol Paul Biya mo duuɓi 92 fii mannda 8ɓo huureyaaku leydi

Cameroun, kumpa taƴi. Paul Biya mawɗo leydi mo duuɓi 92 laatoto kanndidaajo e suɓngooji hooreyaaku saatiiɗi ñannde 12 lewru 10ɓuru. Hari ngal pellitla no habba, sabu laatagol makko kanndidaajo addiino lurral e nder fedde makko politik. Mbele Paul Biya laamiiɗo Cameroun ko ɓadii duuɓi 43 no jogii fartanŋe heɓugol manda 8taɓo? Taw si o waawan renndinde yimɓe fedde makko politik caggal makko? Noy wonata darnde lunndiiɓe laamu e ɗii sungooji, caggal ngal pellital Paul Biya? Koɗo men hannde ko Dr Dr Mouhamadou Ahmadou, jannginoowo sariya to iniwersite Yaoundé. Himo jaaboo lamnde Ibrahima Timbi Bah…

15 Jul

•

6 min
6 DAYS AGO

Njaɓɓiɗen hannde ko Ousmane Magadji, winndiyaŋke, omo artana en e alhaali dawrugol leydi Kamerun, teeŋti e luural gonngal e nder fedde politik RDPC

Cameroun, ko dawroyaŋkeeɓe cappanɗe njeetato e ɗiɗo (82) kolli yiɗde/faale maɓɓe wonde kandida e suɓngooji lefol laamu garooji. E ngol doggol, dawroyaŋkooɓe mawɓe leydi ndii fow ina tawa e maggol. Gila e hooreejo leydi ndii Paul Biya, haa e luulndiiɓe laamu makko Maurice Kampto e Cabral Libii. Jeese kese kadi ina tawe e ɓee kandidaaɓe wano Bello Bouba Maigari e Issa Tchiroma Bakary yaltuɓe e fedde politik laamuyaŋkoore. Holko saabii ngal keewal ɓee faalaaɓe ƴamde lefol laamu nguu? Mbele piile maɓɓe ɗee njaɓete ? Holko luural wonungal e nder RDPC, fedde politik laamuyankoore battinta ? Koɗo men hannde ko Ousmane Magadji, winndiyankeejo, himo jaaboo laamnde Ibrahima Timmbi Bah

6 days ago

•

5 min
6 DAYS AGO

[Taskaram pillitaaɗo] - E nder yeewtere men hertanaande rewɓe, hannde hiɗen yeewtida e rewɓe darnanɓe ko'e mumen golle

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde yo alkamisaare sakittitoonde e nduu lewru. No woowi ni, hannde yewtere nde rewɓe njeyi. Rewɓe gollooɓe e jogiiɓe gollirɗe. Ɓe mballa ɓamtaare maɓɓe e ɓamtaare heewɓe woɓɓe. Hannde en njaɓɓoto Fatoumata Lamarana Ba, mo Guinée. Oo yo debbo demoowo Kindia, leydi Guinée. En njaɓɓoto duu Amina Diagayeté, oo yo debbo jeeyoowo kosam gilla ko ɓadii duuɓi 40. Nii woni yewtere nde hannde Bisimilla moon.

6 days ago

•

10 min
30 JUN

[Taskaram fillitaaɗo]:hannde hiɗen yeewti alhaali ñawu foroore no wi'e "goitre" e faransiire ?

Hannde e nder Cellal ko Ngalu, njeewtuɗen ko ko yowiti e ñawu wi’eteengu foroore, fallalde, walla luukdu hino wi'e e ɗemngal faransiire "Goitre." Ina gasa tawa on njiyii walla on nanii ngu ñawu feeñoongu e daande, nde tawno daande jom mum ɓuutata ma ƴuufa. Holko woni oroore "goitre"? Holko addata ñawu nguu, kadi holno ngu safrortee? Ngam jaabaade namne men ɗee, men mbismo Dokteer Abdul Aziz JALLO, cafroowo hertoriiɗo ñabbuuli nanngooji kalla ko faati e hoore, no wi’e ORL. E nder hen kadi, en njaɓɓoto e nder hallirde men, Aminata Anne, mo wonndi e nguu ñawu foroore. O haalanan en holnde ñawu nguu nanngi mo, kadi holno o wurdi e maggu? Heɗɗiiɓe tedduɓe, mi salminii on kadi mi bismiima mon e yeewtere Cellal ko Ngalu!

30 Jun

•

10 min
27 MAY

Alhaali rewɓe ɗannoranɓe laawi ɗi rewaa sariya e caɗeele ɗe ɓe hawrata e mum [taskaram fillitaaɗo]

Rewɓe heewɓe ina ngummoo ɗoo e Afrik ngam yiɗde naatde Orop. E nder teemedere kala yimɓe yiɗuɓe yahde Erop hara ko ɗannoranɓe laaɓi ɗi ndewaani sariya, sappo ɓee ko rewɓe. Ko ɗuum anndini yiilirde Erop halfinaande keeri leyɗe taweteeɗe e Dental Leyɗe Erop, Frontex. So tawii heewɓe e maɓɓe njolata ko e laaɗe ɗee, ina waɗi e maɓɓe rewooɓe e laabi lesɗii. Keewal rewɓe ɓee, ina jaalɗi e ɗee ɗalle e ndewaani sariya. E taskaram Dinngiral Rewɓe hannde, Alhuseynu Bah bismii ko Njooro Njaay, gardiiɗo fedde nde wona laamuyaŋkoore haɓantoonde ɗanle ɗe ndewwani sariya, kadi meeɗnooɗo jeyeede e salndu fedde adunaaru halfinaandu ɗanle.

27 May

•

10 min
7 MAR

[Taskaram pillitaaɗo] Toɓɓere men hannde ko jaŋnde sukaaɓe ɓee e nder galleeji maɓɓe ɗii

Tedduɓee heɗiiɓe taskaram Laawol Ganndal e Needi on calminaama. Toɓɓere men hannde ko holno jinnaaɓe ɓee mballirta ɓiɓɓe maɓɓe no njanngiri e nder galleeji ɗii. Hoɓɓe men e ndee yeewtere ko Aadama SOH, gardiiɗo fedde jinnaaɓe janngooɓe to Gine ina wonndi e Tijjaani Aamadu YATASAYE, jinnaanɗo suka janngoowo to Mali. On njaaraama

7 Mar

•

10 min
10 JUN

[Fillitaaɗo] Ko holɗi e fitnaaji walla caɗeele pawetee e ɓee rewɓe puuliiɓe woɓɓe wi'a jaabiyaaɓe ?

Dinngiral rewɓe e ndee talataare hannde, njeewtaten ko ko feewti e fitinaaji keewɗi faweeɗi e dow rewɓe puuliiɓe, woɓɓe mbiya jaabiyaaɓe. Teskaama e leyɗe keewɗe e ndee duunde Afrik, puliiɓe ɓee no wuuri caɗeele e nder renndooji ɗii. Kono ko rewɓe ɓee ɓuri yeɗaade e kaa lorra. No ara e sahaaji nde ɓe dooletee walla ɓe lettee. Woɓɓe tuugoo e piɗe finaa-tawaaje walla e dalillaaji aadiyankooji ɗi wonaa goonga tappina ɓe. E nder yeewtere ndee, en yewtan kadi ko yowitii e ɗee mette ɗe ɓee puuliiɓe (jaabiyaaɓe) nguuri sabu wikkeede e loñeede sera. Maa en jeewtidu e ardiiɓe pelle daraniiɓe haŋŋeeji maɓɓe. Tedduɓe, ko nii woni mbaadi yeewtere men hannde, bisimillah mon.

10 Jun

•

10 min

Tawu ɗoo nooneeji sertuɗi Podkastiiji RFI (Rajo Faransi Winndere), ngam waawaa faamude e heɗaade aduna oo e noone goɗɗo : denndaangal kabaaruuji, e pinal e fannuuji ngurdam e jeewte renndo woodaaɗe e nder Faransi walla e nder Aduna on. Ekkito kadi ɗemngal faransiire, e sabu ɗii Podkastiiji amen hertiiɗi ɗoo, ƴeewu aduna keso.