Samoan Devotional

Open Heavens Samoa
  • 0,0 (0)
  • CHRISTENDOM
  • MAANDELIJKS BIJGEWERKT

Lifestyle living. It is the Open Heavens devotional based on the Bible written by Pastor EA Adeboye and translated to the Samoan language.

  1. 1 UUR GELEDEN

    le agasala e faalumaina 2 (Sin is a reproach 2)

    OPEN HEAVENS MATALA LE LAGI MO LE ASO LULU 4 MATI 2026 (tusia e Pastor EA Adeboye)   Manatu Autu:  O le agasala e faalumaina 2 (Sin is a reproach 2) Tauloto Tusi Paia: Esoto 20:5 “aua ‘e te ifo i ai, ‘aua fo‘i ‘e te ‘au‘auna i ai; auā o a‘u o le ALI‘I lou Atua, o le Atua fuā, o lē taui atu i fānau o le amioletonu a o latou mātua, e o‘o i le tupulaga e tolu ma le fa o ē ‘ino‘ino mai ‘iā te a‘u.” Faitauga - Tusi Paia: 2 Tupu 5:20-27 O ananafi, na ou talanoa atu o le agasala a se tagata, e faalumaina ma o’o ai o ia i le pogisa. O le asō, o le a ou talanoa atu i agasala a matua, e mafai ona taofia latou fanau ma augatupulaga e tupuga mai ai, e maua ma fiafia i faamanuiaga a le Atua.  O agasala a tagata e tutupu mai ai faafitauli e tuufaasolo i augatupulaga. O lona uiga o nisi tagata e matua pagatia o latou tulaga i le taimi nei, ona o agasala na faia e o latou matua. I le faitauga mai le Tusi Paia o le asō, na faataga e Kiasi le matapeapea e faia ai le agasala, ae na folafola e le tagata o le Atua le fetuu ia te ia ma ona suli, ua faapea atu, ‘O le a pipi‘i atu ai ‘iā te oe ma au fānau le lepela o Naamanu i āu tupulaga’. I aso anamua, aemaise i Aferika, e masani ona suesue lelei aiga o tagata e fuafua e faaipoipo i ai latou fanau ae lei faaipoipo. Mo se faataitaiga, e latou te suesue pei iai se talaaga o le ma’i maliu, lepela poo le ulu leaga i aiga o lea tagata, aua latou te iloa afai e iai ni tulaga faapea, e mautinoa e toe aliae mai i le isi augatupulaga.  E iai taimi, o le agasala a le tagata e aafia ai lana fanau ao soifua pea o ia. O se faataitaiga o Akana i le Iosua 7:1-26. O lona matapeapea na lē usitai ai i le Atua, peitai na tauai ai lona aiga i maa ma faaumatia, na aafia ma maua e lana fanau le taui o se agasala latou te lei faia. O Eli o seisi tagata na faatamala ma tuulafoai lana fanau e lē aoaoina, na matua aafia ai ona suli (1 Samuelu 2:27-36). I le tele o tausaga na mavae talu ona fetuu le aiga o Eli, na taunuu ia Aviata, ua tulia ese mai le avea ma ositaulaga sili, e lē faapea o se mea na ia faia, ae ona o le upu a  le Atua e faasagatau ia Eli, o se tasi o ona tuaā (1 Tupu 2:27).  E ese mai i fetuu e mafai ona maua mai matua o se tagata, o soo se tagata a na te lei talia Iesu Keriso e avea ma ona Alii ma Faaola o loo i lalo o se fetuu e afua mai ia Atamu ma Eva, o uluai matua o le uluai tagata. Le au pele e, ou te manao ia e iloa, na afio mai Iesu e faasaoloto iai latou o saisaitia, ma e aofia ai ma le soloia o tala o fetuu tuufaasolo i lou aiga. Afai o loo e tau ma fetuu tuufaasolo i augatupulaga po’o ni faaletonu o loo tutupu pea i lou aiga, e mafai ona faasaolotoina oe i le asō i le suafa o Iesu. Ole ma alaga atu i le Atua, e faaumatia e lona malamalama soo se faafitauli na tutupu mai i agasala a ou matua ma tuaā. A e liliu ia Iesu ma lou loto atoa, e na te faaulufale atu oe i lona aiga e faamamāina ma faasaolotoina mai fetuu, i le suafa o Iesu, Amene.

    5 min

  2. 1 DAG GELEDEN

    O le agasala e faalumaina 1 (Sin is a reproach 1)

    OPEN HEAVENS MATALA LE LAGI MO LE ASO LUA 3 MATI 2026 (tusia e Pastor EA Adeboye)   Manatu Autu:  O le agasala e faalumaina 1 (Sin is a reproach 1) Tauloto Tusi Paia: Roma 6:23 “Auā o le oti, o le totogi lea o le agasala; a o le ola e fa‘avavau, o le mea foa‘ifuaina mai lea e le Atua, i lo tatou Ali‘i o Keriso Iesu.” Faitauga - Tusi Paia: Ioane 5:1-15 I le faitauga o le Tusi Paia i le asō, na faamalolo e Iesu se tagata na ma'i mo le 38 tausaga. I se taimi mulimuli ane, na maua atu e Iesu i le malumalu ma lapatai ia te ia e ‘alo ese mai le agasala ina ne'i oo atu i ai se ma'i e sili atu ona leaga. O le lapataiga a Iesu ua faaalia ai, o le agasala a le tagata e oo mai ai  le faalumaina ma pulea ai o ia e malosiaga o le pouliuli. Afai e agasala se tagata ae lē salamo, fai mai le tauloto o le asō, e totogi e le tagata le tau o le agasala, ma o le tau, o le oti. I le Mareko 2:1-12, o loo faamatala e le Tusi Paia se tagata supa pe pipili na avatu ia Iesu. E toafā tagata na amoina o ia i lona moega agai i le fale sa a’oa’o ai Iesu, ua lē mafai fo‘i i latou ‘ona fa‘alatalata atu ‘iā te ia, auā le motu o tagata, ‘ona latou tatala lea o le taualuga o le fale e tautonu ifo ‘iā te ia, ‘ona latou tu‘utu‘u ifo ai lea o le moega o lo‘o ta‘oto ai le supa. Ina ua silasila atu Iesu ia te ia, na ia silafia e manaomia e lea tagata se vavega, ma na fetalai muamua atu Iesu, "Lo'u atalii e, ua fa’amagaloina au agasala." I nisi fa’aupuga, sa fetalai atu Iesu, "Se'i vagana ua lafoai ese au agasala, e te le maua le vavega o loo e sa’ilia." O le agasala, e na te taofia tagata mai le mauaina o latou vavega, ma e manaomia le ave’esea o agasala uma o taofia le maua o faamanuiaga a le Atua ma faaavaanoa ai le ala mo vavega. O agasala a le tagata pipili na oo ai i se tulaga pagatia, ae ina ua fetaiai ma le malamalama, na faaumatia le tulaga pagatia. A fesootai se tagata ma le malamalama, e faaumatia soo se ituaiga pouliuli i lona olaga. Afai e iai se tulaga faalumaina i lou olaga na mafua mai i se agasala, a’o e ole atu i le Alii mo le fa’amagaloga i le asō, ma folafola e te lē toe foi i ai, ou te folafola atu, e ‘auina atu e le Alii lona malamalama i lou olaga e aveese ai le tulaga faalumaina, i le suafa o Iesu.   Le ‘au pele, o le agasala, e fa’alumaina, e oo mai ai le maasiasi ma le oti. Ae o le amiotonu, e viia ma faaeaina e le Atua (Faataoto 14:34). Ina ia si’itia oe e le Atua, e tatau ona e tautino ma salamō mai  so’o se agasala i lou olaga. E naunau Iesu e avatu ia te oe se amataga fou pe a e liliu atu Ia te Ia. ‘Aua neʻi avea au agasala e taofia ai lou olioli i le fesoasoani a le Atua; taʻutino ma salamo mai au agasala i le asō, ona aveeseae lea e lou Tamā i le lagi soo se mea e faalumaina oe (1 Ioane 1:9).  E mafai e le agasala ona taofia le malamalama o le Atua mai le susulu atu ia te oe, ma ana faamanuiaga mai le tafe atu i lou olaga, i le suafa o Iesu, Amene.

    5 min

  3. 2 DGN GELEDEN

    Faagalo ae tausisi ma agai i luma (Forget and press forward)

    OPEN HEAVENS MATALA LE LAGI MO LE ASO GAFUA 2 MATI 2026 (tusia e Pastor EA Adeboye)   Manatu Autu: Faagalo ae tausisi ma agai i luma (Forget and press forward) Tauloto Tusi Paia: Filipi 3:13-14 “Le ‘au uso e, ‘ou te lē manatu ‘ua ‘ou maua, a o le mea e tasi ‘ou te faia, ‘ou te fa‘agalogalo i mea ‘ua tuana‘i, ‘ou te momo‘e punou a‘i fo‘i i mea o lumana‘i. ‘Ou te tausisi atu i le fa‘ailoga, ‘ia maua ai le taui na vala‘auina ai a‘u mai lugā e le Atua ‘iā Keriso Iesu.” Faitauga - Tusi Paia: Kenese 50:15-21 E faigofie ona galo iai tatou mea matagofie ua faia e le Atua, o le mafuaaga lea e tele ai fuaitau o le Tusi Paia o loo faamanatu mai iai tatou, ‘aua nei galo’. I le Teuteronome 8:11, na lapatai e Mose le fanauga a Isaraelu ia aua nei galo iai latou lo latou Atua.  Fai mai le Salamo 103:2, e aua nei galo se tasi o ana meaalofa. E faapena foi le Salamo 78:7, o loo lapatai mai e aua nei galo iai tatou ana galuega. Peitai e ui o le finagalo o le Atua e aua nei galo iai tatou mea uma ua ia faia, o loo ia faatonuina foi i tatou e aua le tumau ai i le tuanai.  I le tauloto mai le Tusi Paia o le asō, na faamatala e Paulo i le Ekalesia i Filipi o se tasi o mea e na te faia o le faagalogalo i mea ‘ua tuana‘i, ‘ae momo‘e punou a‘i fo‘i i mea o lumana‘i, ona ia lapatai lea iai latou ia manatunatu faapea, e pei ona tusia i le fuaiupu 15. E iai tagata ua uu mau i manuia o le tuanai, e talanoa i ala na faaaogaina ai i latou e le Atua ma latou maua vavega tetele i aso ua tuanai. Peitai e leai ni fua i o latou olaga i le taimi nei e latou te iloa le Atua. E tumu i latou i le loto ita, loto lē faamagalo, loto leaga ma isi fua o le tino. O kerisiano e talanoa ma viia le Atua i mea tetele ua faia i le tuanai e aunoa ma le fiaai e siitia mea e faia, e latou te lē maua le faauuga fou mai ia te ia. E fou lona alofa mutimutivale i taeao uma (Failauga 3:23), o lona uiga o soo se kerisiano e tumau i mea ua tuanai, o le a ia misia le siitia o le agalelei ma le alofa mutimutivale o le Atua. E atoa i le asō le 84 o ou tausaga, i le alofa tunoa o le Atua, o loo ou faia pea mea tetele mo lona malō aua ua aoaoina au e aua le tumau i manuia o le tuanai ae ou te faalagolago i lona alofa mutimutivale e fou i taeao uma.  Le au pele e, o le faagalogalo o mea ua tuanai e fesoasoani ia te oe e momoe punouai i mea matagofie i le lumanai. O le faagalogalo o mea faigata na ui mai ai e oo i mea na manaumalo ai, o le a fesoasoani ia te oe e ausia faamanuiaga fou ua saunia e le Atua. Ana le faagalo e Iosefa le tigā o mea leaga na faia e ona uso, semanu e saisaitia pea o ia e le loto ita. E pei ona tatou vaai i le faitauga mai le Tusi Paia o le asō, na ia fai i ona uso e ui o latou mea na faia sa fuafuaina e faaumatia ai o ia, ae na liua e le Atua mo lona lelei.  E iai ea se mea i lou tuanai e tatau ona e faagalogalo ina ia mafai ona alu i luma i mea tetele e sili atu? Ole atu i le Atua e faaali atu ia te oe ma faamalosi ia te oe ina ia e lafoai iai. Ao e faia, ou te tatalo ia susulu pea ou ala, i le suafa o Iesu.  Tatalo,  Tamā, ia e faamanuia ia Pastor EA Adeboye i lona aso soifua, ma ia e siitia pea o ia ma ana galuega e faia mo oe, i le suafa o Iesu, Amene.

    5 min

  4. 2 DGN GELEDEN

    Fa’asa’oloto Mai Fetu’u Tuufaasolo I Auga Tupulaga. (Deliverance From Generational Curses)

    OPEN HEAVENS MATALA LE LAGI MO LE ASO SA 1 MATI 2026 (tusia e Pastor EA Adeboye)   Manatu Autu: Fa’asa’oloto Mai Fetu’u Tuufaasolo I Auga Tupulaga. (Deliverance From Generational Curses) Tauloto Tusi Paia: Efeso 1:3 “Ia fa‘afetaia le Atua, o le Tamā o lo tatou Ali‘i o Iesu Keriso, o lē ‘ua fa‘amanuia mai ‘iā i tatou i mea uma lava e manuia ai i la le Agaga, i mea o i le lagi, ‘ona o Keriso;” Faitauga - Tusi Paia: Ieremia 31:27-31 Sa sau ia te a’u se tamaita’i e tolusefulu tolu (33) ona tausaga, ua fai lona aiga, mo se tatalo. O lona faafitauli, o loo fai pea ana feau vai (tulou) i le moega pe a moe i le po ma ua fa’amāasiasia ai lava ia. Sa ou fai i ai e lē o se faafitauli lea tulaga ma o le a avatu e le Atua ia te ia se totoga fou. Peita’i a’o lei faia le tatalo na fai mai le māfine, “Lau susuga e le na o a’u o loo mafatia i lea tulaga i lo’u aiga.” Na fa’aauau ona faamatala mai ia te a’u, e maua ai lona tinā, tinā o lona tinā, ma fafine uma o lona aiga i le fa’ama’i lea o le fa’asusū moega pe a momoe i le po (tulou). Na o’u iloa ai i le taimi lea o le faafitauli o le māfine e alu i auga tupulaga. I le suesuega atili o le mataupu na o’u iloa ai o le faafitauli na amata mai i se mea na tupu i le va o se isi tagata ma le tinā o lona tinā, ma folafola ai e lea tagata se fetu’u i luga o lona tinā matua e faapea, “e amata atu nei, o fafine uma o lou aiga o le a fa’asusũ moega (tulou), sa ou fai i le māfine, “tu’u lou ola iā Iesu Keriso ona e alu ese lea ma le toto o lou aiga fa’aletino ae avea oe ma tagata fou. Na talia e le tinā le faaolataga ma na fo’i mai i le aso no soso’o ai ma le olioli tele. O le taimi lea ua le sau na o ia, a ua omai ma isi fafine o lo latou aiga. Na faapea mai le māfine ia te a’u o le taimi muamua lea ua lelei ai sana moe i le po atoa ma ua le susū ai lona moega. O isi fafine na latou omai na ofo uma o latou ola ia Iesu ma na uma ai fo’i ma le fetu’u. Ou te avatu le talalelei mo oe, afai o aafia lou aiga i se fetu’u mo ni auga tupulaga, e faaumatia i le asō, i le suafa o Iesu.  A omai tagata i totonu o le aiga o le Atua, na te fa’afouina mea uma lava i o latou olaga (2 Korinito 5:17), ma agava’a ai i latou i manuia tuufaasolo i auga tupulaga. Soosemea sa polokaina ma faalavelave i tagata ona e mafua mai o latou gafa ma tupuaga, o le taimi e avea ai Iesu Keriso ma o latou Fa’aola, e lē toe i ai se malosiaga o le fili ia i latou auā ua ulufale i latou i se aiga fou, aiga o le Atua. I lona aiga Paia, o i ai le ola, tamāoaiga, poto, fua tulu’i, olioli, filemu, ma mea lelei uma lava. O le soifua tului o se faamanuiaga mo i latou uma o i le aiga o le Atua, ma i vaega o le olaga na pagatia ai i latou ona o le agasala a o latou tuaā e tupuga mai ai, na folafola e le Atua o le a ia āsia i latou i lona alofa le mavae ma lona alofa mutimutivale (Esoto 20:6). I le aiga o le Atua, e lē toe sa’o ai le fa’aupuga faapea e ai e tamā le vine moto ae magiagia ai nifo o le fanau (Ieremia 31:28-30). E alu loa se uso ia Keriso, avea loa ia ma suli o le itū paia o le Atua ma avea ana faamanuiaga sautualasi ma vaega o lona olaga i aso ta’itasi, o measina ia a soose tagata faatuatua. Le au pele e, ua e auai i le aiga o le Atua? Ia faia sau faaiuga i le asō, I le suafa o Iesu, Amene.

    5 min

  5. 3 DGN GELEDEN

    Aao taumatau o le Atua (Gods right hand).

    OPEN HEAVENS MATALA LE LAGI MO LE ASO TOONAI 28 FEPUARI 2026 (tusia e Pastor EA Adeboye)   Manatu Autu: Aao taumatau o le Atua (Gods right hand). Tauloto Tusi Paia: Efeso 2:6 “Ua na toe fa‘atutū fa‘atasi mai fo‘i, ma fa‘anonofo fa‘atasi i tatou ma Keriso Iesu i mea o i le lagi.” Faitauga - Tusi Paia: Salamo 110:1-3 O le fa’aupuga “aao taumatau” e tāua tele I le Tusi Paia. O loo fa’aalia ai se tulaga o avanoa aloaia, se nofoaga mamalu ma fa’aaloalogia. Mo se fa’ata’ita’iga, o lo tatou Alii o Iesu Keriso o loo afio i le itu taumatau o le Tamā (Eperu 1:3). Ua fa’aalia fo’i I le Eperu 12:2, ina ua uma ona puapuagatia Iesu ma maliu i luga o le satauro, ona nofo ai lea o Ia i le itu taumatau o le nofoalii o le Atua. O le aao taumatau o le Atua ua fai ma sui o lona malosi silisili ma lona mana. Fai mai le 1 Peteru 3:22 “o ia o lo‘o i le itū taumatau o le Atua, ‘ina ‘ua afio a‘e o ia i le lagi, na to‘ilalo ‘iā te ia o agelu, ma faipule, ‘atoa ma ē malolosi.” O le tagata o loo faatatau i ai le fuaiupu ua taua i luga, o Iesu. O Ia o loo afio i le aao taumatau o le Atua ma le mana uma lava e gaua’i atu i le Atua. Po o le a lava se tulaga maualuga faalelalolagi o galue ai se uso, e sili atu lava le mana ma le pule o i le aao taumatau o le Atua. O le aao taumatau o le Atua o le nofoaga e gaua’i i ai agelu uma, Pule ma le mana uma i le Atua. Fai mai fo’i Salamo 18:35; o le aao taumatau o le Atua o le nofoaga o tausiga ma fesoasoani. Fai mai le fuaiupu tauloto o le asō, ona o i tatou o fanau a le Atua, ua nonofo faatasi i tatou ma Keriso, ma talu ai o lo o i ai Keriso i le aao taumatau o le Atua, o loo tatou i ai fo’i faatasi ma Ia. O le i ai i le aao taumatau o le Atua o lona uiga, e lē taitai e mativa i fesoasoani ma foa’i. O lona uiga e te maua pea e lē aunoa i le taimi e manaomia ai le fesoasoani tele e te manaomia. O i latou o i le aao taumatau o le Atua, e lē itiiti i latou auā o lona aao taumatau o le nofoaga o le mana, e pei ona o tatou vaaia i le Mareko 14:62; fai mai, ‘“Ona fetalai atu lea o Iesu, “O a‘u lava lea; ‘tou te iloa fo‘i le Atali‘i o le tagata e nofo i le itū taumatau o Lē e ona le mana,’ ‘e sau fo‘i o ia i ao o le lagi.”’  O lona uiga, o i tatou kerisiano, o tagata o le mana ma le fa’ama’ite. Tatou te ola fiafia i le fesoasoani, tausiga ma le manuia mai le Atua.  Paga lea, peita’i e ui o lo tatou fa’asinomaga lea o le fanau a le Atua, a o loo ola pea nisi kerisiano mamao ese mai le mea moni auā faapei o le atalii faamaumauoa i le Luka 15:11-32; na ta’asē i latou mamao ese mai le aao taumatau o le Tamā. Ua o latou usitai i le valaau a le agasala ma fa’atigā i le alofa tunoa o le Atua i luga o latou olaga.  Le au pele e, afai e te le’i talia ma gaua’i i le Atua, po ua e ta’asē mamao ese fo’i mai ia te Ia, ou te valaaulia oe i le asō e te sau ia te Ia. O loo tuitui le Alii i le faitoto’a o lou loto (Fa’aaliga 3:20); tatala lou loto ia te Ia, o loo faatalitali lou Atua e talia oe i ona aao mafola; aua e te tuua lou Tamā ia faatalitali ai pea mo oe. Sau e talia ma fiafia i lou nofoaga i le aao taumatau o lou Atua, i le suafa o Iesu, Amene.

    5 min

  6. 5 DGN GELEDEN

    E na te uluai saunia mea e te moomia (He provides ahead of your needs).

    OPEN HEAVENS MATALA LE LAGI MO LE ASO FARAILE 27 FEPUARI 2026 (tusia e Pastor EA Adeboye)   Manatu Autu: E na te uluai saunia mea e te moomia (He provides ahead of your needs). Tauloto Tusi Paia: Salamo 147:5 “E silisili lava lo tatou Ali‘i, e tele lona malosi; e lē ma fa‘amatalaina lona poto.” Faitauga - Tusi Paia: 1 Nofoaiga Tupu 29:11-12 O le Atua e silisili ese lona mana, o lona mana o loo vaaia, e le gata i ana galuega mamana, ae o le taimi e auina mai ai i lona alofa mutimutivale lana fesoasoani tatou te manaomia, ae tatou te lei iloa o loo tatou manaomia le fesoasoani. I ni tausaga talu ai, ao silia ma le 95 pasene o le redemption city o loo ola ai laau ma le vaomatua, sa ou alu ou te savali i se tasi po e pei ona masani ai. I aso na, ou te fiafia ou te savali i tafatafā ala i le vaomatua ma tatalo ina ia aua nei faalavelave mai se tasi ia te au. I lenā po, sa ou savali ma tatalo ma ou fiafia i lo’u taimi paganoa ma le Atua ae faafuaseia ona fai mai ou te tū. Na ou tū ma tilotilo i le eleele ma ou vaai ai i se mea ese i lo’u ala. E foliga mai o se oga laau, na ou manatu na o mai nisi ta laau ae lē uma ona la’u. Peitai na ou tei i le gaoioi, ma ou vaai atu i se gata tele. Na vave ona iloa mai au e le gata ma tū i luga lona ulu e sauni e osofai mai. Na ou solomuli ae ou te tilotilo atu i lou itu taumatau, o loo taatia ai se alā tele. Na uluai faatulaga iina se alā e le Atua, ma na ou faaaogaina e fasi ma tapē ai le gata. Na saunia e le Atua i lona alofa mutimutivale lena alā i lona tulaga na iai ae ou te lei ui atu i lea auala , i lea po. Ou te tatalo ia saunia e le Atua Silisili Ese fesoasoani uma e te manaomia ae lei oo i le taimi e te manaomia ai i le suafa o Iesu.  Ae lei osofaia Samasoni i le silia ma le afe Filisitia i le Faamasino 15:14-15, na saunia e le Atua le auvae o se asini ma ia tuuina i le nofoaga e faigofie ona ia tago atu iai. I le Numera 20:1-11, ae lei oo atu le fanauga a Isaraelu i le toafa, sa saunia e le Atua le papa e puna mai ai le vai latou te manaomia. Le au pele e, ua maea saunia e le Atua le fofo i soo se faafitauli e ono feagai ma oe. E alofa mutimutivale tele o ia ia te oe, na te le faatagaina oe e te oo i se tulaga ua leai se fofo i luitau e feagai ma oe. Afai o loo avea se faafitauli ma avega mamafa ia te oe, aua e te popole, liliu atu i le Atua, ma ole atu ia faapupulaina ou mata ia iloa le tali ua ia saunia. Ou te tatalo ia e tulai mai ma le manumalo i ou luitau uma i le suafa o Iesu.  Tatalo Tamā, faamolemole tatala o’u mata ina ia ou iloa fofō ua e saunia mo soo se luitau i o’u ala, i le suafa o Iesu, Amene.

    5 min

  7. 6 DGN GELEDEN

    E na te silafia mea e tatau ona faia (He knows what to do)

    OPEN HEAVENS MATALA LE LAGI MO LE ASO TOFI 26  FEPUARI 2026 (tusia e Pastor EA Adeboye)   Manatu Autu: E na te silafia mea e tatau ona faia (He knows what to do) Tauloto Tusi Paia: Salamo 34:17 “Ua ‘alalaga ē ‘ua amiotonu, ‘ona fa‘afofoga mai ai lea o le ALI‘I; ‘ua ia lavea‘i mai fo‘i ‘iā te i latou a‘i o latou puapuagā uma.” Faitauga - Tusi Paia: Ioane 6:5-13 I le 2 Tupu 5:9-14 ina ua alu atu Naamanu ia Elisaia ma le naunau ia malolo mai le lepela, na ia manatu e sau i fafo le perofeta e faaloaloa ona lima ia te ia. Sa iai lona manatu i le ala e faia ai le galuega a le perofeta ia te ia, peitai e ese le finagalo o le Atua, ma ana ia lē mulimuli i faatonuga a Elisaia, e tumau lava o se lepela. E faapena i le faitauga mai le Tusi Paia o le asō, na silasila atu Iesu i le motu o tagata o lolofi atu e fia faalogo i ana aoaoga. Na ia silafia e ono fia aai ma o lea na fai atu ai i lona au soo e saili mai se meaai mo i latou. Ao ia fesili atu, fai mai le Tusi Paia na ia silafia le mea o loo ia faia.  Le au pele e, e iai le talalelei mo oe, ua silafia e le Atua pe faapefea ona ia saunia fofō o faafitauli e ono feagai ma oe. Sa fai mai se tasi o ou atalii e faapea, ‘ae lei tulai mai lou faafitauli, ua maea silafia e le Atua le tali’. Ua ia saunia le tali a lei tupu mai le faafitauli. E saunia e le Atua tali o soo se faafitauli, ae lei amata mai. Ou te tatalo, e faaali atu e le Atua le fofo o so’o se mauga o loo avea ma luitau ia te oe ma lou aiga, i le suafa o Iesu.  E silafia e le Atua le mea e faia e tali ai i ou manaoga. I le faitauga mai le Tusi Paia o le asō, na fafagaina le 5000 o tagata i le 5 falaoa poo areto ma i’a e 2, ae 12 ato o toega o meaai na maua mai ai. E ono fesili seisi, ‘o fea na aumai uma ai falaoa? O la’u tali, na aumai mai ia Iesu aua o ia o le areto o le ola. E na te faia ma saunia areto e tele ao tufa atu e le au soo areto e lima lea na ia vaevaeina mai le amataga, i le suafa o Lē na auina mai a’u, e te maua mea uma ma sili atu e te manaomia, ae lei maea lenei tausaga. Fai mai le Salamo 90:1-2 “Le Ali‘i e, ‘ua fai oe ma mea matou te nonofo ai, i lea tupulaga ma lea tupulaga. A o le‘i fānaua mai mauga, e le‘i faia fo‘i e oe le lalolagi ma le atu laulau, o le Atua oe mai le vavau e o‘o i le fa‘avavau.” O loo faaali mai e le Tusi Paia iai tatou, o le Atua Silisili Ese sa iai o ia mai le tasi augatupulaga i leisi augatupulaga, ae lei faia mauga. E na te silafia le faavae o mauga uma, o lona uiga e mafai ona ia aveesea soo se mauga. E silafia lelei e le Atua le mea e tatau ona faia, e na te fofoina ou faafitauli, o lea, valaau ia te ia e fesoasoani mai ia te oe, e manumaloina soo se faafitauli o loo feagai ma oe. Ia e faatuatua i Lē e silafia mea uma ma malosi, ona mautinoa lea e te manumalo. E silafia e le Atua auala e fofo ai faafitauli. Tuu lou faatuatua ia te ia, i le suafa o Iesu, Amene.

    5 min

  8. 24 FEB

    O Le Atua E Leai Se Tapula’a (7) - The Unlimited God (7)

    OPEN HEAVENS MATALA LE LAGI MO LE ASO LULU 25  FEPUARI 2026 (tusia e Pastor EA Adeboye)   Manatu Autu: O Le Atua E Leai Se Tapula’a (7) - The Unlimited God (7) Tauloto Tusi Paia: Esoto 3:14 “Ona fetalai mai lea o le Atua ‘iā Mose, “O A‘U O LĒ OLA, O LO‘O OLA LAVA;” ‘ua ia fetalai mai fo‘i, “‘E te fai atu i le fānauga a Isaraelu, ‘ia fa‘apea ‘O A‘U O LĒ OLA, o ia na ‘auina mai a‘u ‘iā te ‘outou.’” Faitauga - Tusi Paia: Tanielu 7:13-14 O le a faaiu atu i le asō le talanoaina o le Atua e leai se tapulaa i le faamatala atu lea o se mea na tupu i le 1983 ao fuafua le matou fonotaga tele faale tausaga i le aai o le Redemption City. O lea taulaga, o le togavao na iai muamua, ao amata ona faufau ni fale, na faafuasei ona o mai ni manufelelei ninii e faitau selau afe ma ua lilo uma ai laau i le siomaga. I totonu o le aso e tasi, ua aina uma e nei manulele laulaau uma o laau ma ua manogi leaga le nofoaga ia latou leaga (tulou). O le ninii ia o nei manulele ma e matou te le iloa pe faapefea ona aveesea. Ina ua ou ta’u atu i le Atua le faafitauli, na ia faapea mai, ‘tuu mai ia te a’u’. Mulimuli ane, ua felelei mai ni aeto pe  a ma le sefululua, ou te leiloa poo fea e o mai ai ma amata ona latou aia nei manulele ninii. E lei leva ni itula ae leai ma se manulele ninii o totoe, ona felelei ese lea o aeto. Ou te folafola atu, e auina atu e le Atua fesoasoani ia te oe mai nofoaga e te ono lē manatu iai, i le suafa o Iesu.  Ina ua matou fia amataina se lotu i totonu o Isaraelu, na ou logoina se tasi o amepasa i le atunuu lea lo matou faamoemoe. Ina ua faalogo iai le amepasa, na ata ma faapea mai, ‘e iloa uma e tagata e uo mamae Amerika ma Isaraelu, peitai ua faailoa e Isaraelu ia Amerika, ‘ona o Amerika o se atunuu kerisiano, e lē afaina le tele o le mau Ekalesia, ae matou te lē fia faalogo lava i ni Ekalesia Penetekoso i lo matou atunuu. A faapea a latou tala e fai i le au Amerika, ao lea e te sau mai Nigeria, e iai ea se avanoa e ono mafai ai ona faatu se tou lālā i Isaraelu?’ Na ou fai iai, e ese mai ai la’u mataupu. Ona o ia o se amepasa, na vave ona suia i tu masani faa amepasa ma ua fesili mai poo le a se mea e na te faia mo a’u ona ua ia iloa manino, o le a matou sauni e faia le tusi talosaga. Na ou talosaga atu i le amepasa pe mafai ona ia alu e momoli la matou tusi talosaga i le malo o Isaraelu, ma na ia faia. E ono masina mulimuli ane, ua resitara la matou Ekalesia i Isaraelu. O lo matou Atua e leai se tapulaa i lana pule ma le malosi. E mafai ona ia tatalaina tulafono ma poloaiga mo oe.  Le au pele e, a e feagai ma luitau e foliga ua matua tetele ua tau lē  mafai ona foia, ia e manatua o loo e auauna i le Atua na ia vaeluaina le sami ulaula e ui ai le fanauga a Isaraelu ia saogalemu ai i leisi itu ( Esoto 14:21-22). Valaau ia te ia ma le faatuatua i le asō, ona ia aveesea lea o luitau uma o faalavelave i lou alualu i luma ma avatu le manumalo ia te oe i soo se itu.  Tatalo Tamā, e leai se mea e gata ai, faamolemole aveese soo se mea o taofia ai a’u mai le fiafia i mea uma mai ia te oe, i le suafa o Iesu, Amene.

    5 min
Bekijk alles (1,4K)

Info

Lifestyle living. It is the Open Heavens devotional based on the Bible written by Pastor EA Adeboye and translated to the Samoan language.

Informatie

  • Maker
    Open Heavens Samoa
  • Jaren actief
    2022 - 2026
  • Afleveringen
    1,4K
  • Beoordeling
    Veilig
  • Copyright
    © 2026 Samoan Devotional
  • Website van aflevering
    Samoan Devotional