Wi snackt platt

NDR

Bi "Wi snackt Platt" dreiht sik allens üm Plattdüütsch un dat, wat los is in'e plattdüütsch Welt. Wat dat plattdüütsche Reportagen ut Hamborg un Norddüütschland sünd, Interviews op Platt oder Geschichten ut den Olldag - düsse Podcast is för jedeen wat, de Plattdüütsch geern hett oder dat lehren will. In „Wi snackt Platt“ dreht sich alles um Plattdeutsch und das, was die plattdeutsche Welt bewegt. Ob plattdeutsche Reportagen aus Hamburg und Norddeutschland, spannende Interviews oder Geschichten aus dem Alltag – hier kommt jeder auf seine Kosten, der Plattdeutsch liebt oder es lernen möchte.

Episodes

  1. 1d ago

    Wi snackt Platt: Plattdüütsche Bökermess un de Tokunft vun't INS

    Bi "Wi snackt Platt" maakt wi dütmal Lust op de Plattdüütsche Bökermess, de dat tokamen Wekenenn, an'n 7. un 8. November, in'n Lichtwarksaal vun'e Carl-Toepfer-Stiften to beleven gifft. Verlagen ut acht Bunnslänner präsenteert jümehr ne'en Böker un plattdüütsche Bestseller. Autorinnen un Autoren leest ut jümehr Böker vör. Un ok plattdüütsche Institutschonen ut den ganzen Noorden sünd vör Oort. Benita Brunnert hett sik dat Programm vun'e Bökermess un ok dat, wat an ne'e Böker rutkamen is, mal ankeken un vertellt dorvun.Denn geiht dat ok noch üm de Tokunft vun't Institut för Nedderdüütsche Spraak (INS). De plattdüütsch Forschens- un Dokumentatschonsinrichten is finanziell dör swore Tieden gahn. Nu aver geiht dat wedder opwarts. Wi weern verleden Wekenenn bi de Johrhööftversammeln vun't INS mit dorbi un hebbt mit de Lüüd dor snackt.Bavento wiest wi in düssen Sennen ok noch hen op en plattdüütsch Gottsdeenst in'e Michaeliskark in Neegraven-Fischbeek (1. November, morgens Klock 10). Dorto geiht dat ok üm den Optakt vun Annie Heger ehr "Bethlehem"-Wiehnachtstour an'n Maandag, den 23. November, in't Ohnsorg-Theater. Un dat geiht üm den plattdüütsch Leeskrink vun'n Kulturtreff Noordersteed: de Grupp söcht vunaf Januaar 2027 en ne'e Leidersch oder Leider.Moderatschoon: Jan Wulf

    Wi snackt Platt: Plattdüütsche Bökermess un de Tokunft vun't INS

  2. Oct 25

    Wi snackt Platt: Charly Schreckschuss un Spökels in'e Bökerhall

    He is en echte plattdüütsche Rock- un Rhythm&Blues-Legenn: Rainer Beutin alias Charly Schreckschuss. An'n Freedag, den 30. Oktober, avends üm Klock 8, gifft he tohoop mit siene Schreckschuss-Band en Kunzert in'e Fischhall in Harborg. Wi hebbt mit Charly snackt: doröver, woso he nu doch nich mehr an't Ophören denkt, över siene Kunzerten in't legendäre Onkel Pö un, kloor, ok över sien ne'et Album "Höchste Zeit (Europa)". Spökels in'e Bökerhall - Halloweenlesen op Platt Denn geiht dat ok noch üm en ganz besünner Veranstalten an'n Middeweken, den 28. Oktober: "Spökels in'e Bökerhall" heet dat dor avends vunaf Klock 6 in'e Zentraalbibliothek vun'e Bökerhallen an'n Höhnerposten. Mit dorbi: De Autoren Nikos Saul, G.A. Beckmann un: Mire Buthmann vun'e Tüdelband. Se vertellt uns mehr över düssen Avend mit plattdüütsche Halloweengeschichten, -gedichten un -musik. Organiseert warrt dat Ganze vun't Lännerzentrum för Nedderdüütsch in Kooperatschoon mit de Hamborger Bökerhallen. Dat köst keen Intritt. Moderatschoon: Jan Wulf

    Wi snackt Platt: Charly Schreckschuss un Spökels in'e Bökerhall

  3. Oct 18

    Wi snackt Platt: Fritz-Reuter-Pries, Wippsteert un Anneke Meier

    De Fritz-Reuter-Pries vun'e Carl-Toepfer-Stiften is sowat as de plattdüütsche Nobelpries. All twee Johr warrt he vergeven un dütmal kregen hett em en Mann ut Hamborg, de sik in de verleden Johrteihnten op ganz besünner Oort un Wies üm de Plattdüütsche Spraak verdeent maakt hett: de fröhere Chef-Dramaturg vun't Ohnsorg-Theater Frank Grupe. Schauspeler, Regisseur, Autor un Översetter vun Theaterstücken un Hörspelen is he - un dat al siet vele Johrteihnte. Wi weern mit bi de Priesverleihen an'n verleden Freedag in'n Lichtwarksaal vun'e Carl-Toepfer-Stiften dorbi un wi stellt Jo Frank Grupe vör. Denn kiekt wi ok noch bi en Proov vun de Band "Wippsteert" vörbi - un dat geiht üm Anneke Meier. Se is Physiotherapeutin un arbeidt in dat ne'e Neurologische Therapiezentrum vun de Hamborger Asklepios Klinik Sankt Georg.Moderatschoon: Jan WulfDer Fritz-Reuter-Preis der Carl-Toepfer-Stiftung ist so etwas wie der plattdeutsche Nobelpreis. Alle zwei Jahre wird er vergeben. Diesmal ging er an einen Hamburger, der sich in den vergangenen Jahrzehnten auf ganz besondere Weise um die plattdeutsche Sprache verdient gemacht hat: den früheren Chefdramaturgen des Ohnsorg-Theaters, Frank Grupe. Schauspieler, Regisseur, Autor und Übersetzer von Theaterstücken und Hörspielen ist er – und das schon seit vielen Jahrzehnten. Wir waren am vergangenen Freitag bei der Preisverleihung im Lichtwarksaal der Carl-Toepfer-Stiftung dabei und stellen Ihnen Frank Grupe vor. Außerdem schauen wir bei einer Probe der Band „Wippsteert“ vorbei – und es geht um Anneke Meier. Sie ist Physiotherapeutin und arbeitet im neuen Neurologischen Therapiezentrum der Asklepios Klinik St. Georg in Hamburg.Moderation: Jan Wulf

    Wi snackt Platt: Fritz-Reuter-Pries, Wippsteert un Anneke Meier

  4. Oct 11

    Wi snackt Platt: Hennebarg-Shanties, Fleescher-WM un "Smiet rin"

    Bi "Wi snackt Platt" sünd wi dütmal bi den Hennebarg Chor "Shanties und mehr" ut Hamborg-Poppenbüttel to Besöök. An'n Dingsdag, den 13. Oktober, avends vunaf Klock 7, gifft de Chor en Kunzert in'e Parkresident Alstertal un an'n Sünnavend, den 24. Oktober, namiddags vunaf Klock 5, sünd de Hennebarg-Shanties in't New Living Home in Looksteed to beleven. Denn stellt wi Jo ok noch Ulrike Töppen vör. Se is de eenzige Noorddüütsche in dat Team vun'e düütsche Fleescher-Natschonalmannschopp, de in'n Ogenblick för de Fleescher-WM traineert. Un wi maakt Lust op uns ne'e plattdüütsche Höörspeelreeg "Smiet rin - Mehr as blots ümtrecken".Moderatschoon: Jan Wulf

    Wi snackt Platt: Hennebarg-Shanties, Fleescher-WM un "Smiet rin"

  5. Oct 4

    Wi snackt Platt: Finkwarder 1964, Fro Pieper un Ollis Olenhoff

    Dütmal hebbt wi bi "Wi snackt Platt" glieks twee Theatertipps för Jo: Tanks Theater in Noordersteedt speelt vunaf den 8. Oktober de Kumedi “Ollis Olenhoff” un bi de Plattdüütsche Bühn Tangsteed steiht vunaf den 9. Oktobermaand de Ohnsorg-Klassiker “Fro Pieper lävt gefährlich" op den Speelplan. Dorto sünd wi ok noch in dat ole Finkwarder ünnerwegens - “Finkenwerder - Insel in der Elbe” heet een bannig interessante hoochdüütsch-plattdüütsche NDR-Fernsehreportaasch ut dat Johr 1964, de een sik nu nochmal bi uns op ndr.de/platt ankieken kann.Moderatschoon: Jan WulfDiesmal haben wir bei „Wi snackt Platt“ gleich zwei Theatertipps für euch: Tanks Theater in Norderstedt spielt ab dem 8. Oktober die Komödie „Ollis Olenhoff“, und bei der Plattdeutschen Bühne Tangstedt steht ab dem 9. Oktober der Ohnsorg-Klassiker „Fro Pieper lebt gefährlich“ auf dem Spielplan. Außerdem sind wir noch im alten Finkenwerder unterwegs: „Finkenwerder – Insel in der Elbe“ heißt eine sehr interessante hochdeutsch-plattdeutsche NDR-Fernsehreportage aus dem Jahr 1964, die man sich jetzt noch einmal bei uns auf ndr.de/platt ansehen kann.Moderation: Jan Wulf

    Wi snackt Platt: Finkwarder 1964, Fro Pieper un Ollis Olenhoff

  6. Sep 27

    Wi snackt Platt: Quickborn-Pries för Rolf Zuckowski un de Melkhoff Reitbrook

    An'n Sünnavend, den 26. September, is Rolf Zuckowski mit den Pries vun'e Hamborger Quickborn-Vereenigen ehrt worrn. Uttekent worrn is he för sien Engagement för die plattdüütsche Spraak. Mehr as 80 Leder op Platt hett he bet nu in siene Ledermaker-Karrieer schreven, vör allen ok för de Finkwarder Speeldeel. Bavento sett he sik mit sien Stiften "Kinder brauchen Musik" dorför in, dat dat mit de plattdüütsche Spraak wiedergeiht. Wi sünd bi de Priesverleihen in'n Lichtwarksaal vun'e Carl-Toepfer-Stiften mit dorbi ween. Bavento geiht dat ok noch üm dat ne'e Stück vun'n Theatervereen Rellingen. "Wo to Höll geiht dat na'n Heven" heet dat Stück, dat an'n tokamen Sünnavend, den 3. Oktober, Premieer fiert. - wi hebbt de Lüüd vun'n Theatervereen Rellingen bi en Proov besöcht. Un wi sünd op den Melkhoff Reitbrook bi Jan-Hendrik un Gerd Langeloh to Besöök. Moderatschoon: Jan Wulf

    Wi snackt Platt: Quickborn-Pries för Rolf Zuckowski un de Melkhoff Reitbrook

  7. Sep 20

    Wi snackt Platt: Vertell doch mal, Ohnsorg in't TV un "De Nervbüdel"

    Bi "Wi snackt Platt" stellt wi Jo dütmal dat ne'e Motto vun uns Geschichtenwettstriet "Vertell doch mal" vör, wi verloost Korten för de Live-Opteken vun de Kumedi "Kribbeln in'n Buuk - Der Himmel voller Geigen" in't Ohnsorg-Theater an'n 26. September (Dat Stück is noch an'n sülvigen Avend in't NDR Fernsehn to sehn) - un wi maakt en Provenbesöök bi de Lohbrügger Börgerbühn, de vunaf den 4. Oktober dat Stück "De Nervbüdel" speelt.Moderatschoon: Jan WulfDe enkelten Themen in düsse Utgaav:📜 Vertell doch mal 2027: Dat ne'e Motto heet "Lütte Wunner" - mit en egen 1000-Euro-Pries för den Nawuss ünner 18 Johr 📺 Ohnsorg in't NDR Fernsehen: "Kribbeln in'n Buuk - Der Himmel voller Geigen" - wi verloost Korten för de Live-Opteken an'n 26. September 🎭 De Nervbüdel: De Lohbrügger Börgerbühn proovt de plattdüütsche Kumedi in't "Theater an'n Ne'en Weg" in Bardörp - Premieer an'n 4. Oktober. 🌿 Hör mal 'n beten to: Matthias Stührwoldt över de Brummelbeern in'n Goorn.All Utgaven vun uns "Wi snackt Platt"-Podcast gifft dat ünner ndr.de/platt, in de NDR Hamborg APP un bi ARD Sounds.----Bei "Wi snackt Platt" stellen wir diesmal das neue Motto unseres Geschichtenwettbewerbs "Vertell doch mal" vor, verlosen Karten für die Live-Aufzeichnung der Komödie "Kribbeln in'n Buuk - Der Himmel voller Geigen" im Ohnsorg-Theater am 26. September (das Stück ist noch am selben Abend im NDR Fernsehen zu sehen) - und wir machen einen Probenbesuch bei der Lohbrügger Bürgerbühne, die ab dem 4. Oktober das Stück "De Nervbüdel" spielt.Moderation: Jan WulfThemen dieser Ausgabe: 📜 Vertell doch mal 2027: Das neue Motto heißt "Lütte Wunner" - mit einem eigenen 1000-Euro-Preis für den Nachwuchs unter 18 Jahren. 📺 Ohnsorg im NDR Fernsehen: "Kribbeln in'n Buuk - Der Himmel voller Geigen" - Karten für die Live-Aufzeichnung am 26. September werden verlost. 🎭 De Nervbüdel: Die Lohbrügger Bürgerbühne probt die plattdeutsche Komödie im "Theater am Neuen Weg" in Bergedorf - Premiere am 4. Oktober. 🌿 Hör mal 'n beten to: Matthias Stührwoldt über die Brummelbeern im Garten.

    Wi snackt Platt: Vertell doch mal, Ohnsorg in't TV un "De Nervbüdel"
  • 7 Episodes

About

Bi "Wi snackt Platt" dreiht sik allens üm Plattdüütsch un dat, wat los is in'e plattdüütsch Welt. Wat dat plattdüütsche Reportagen ut Hamborg un Norddüütschland sünd, Interviews op Platt oder Geschichten ut den Olldag - düsse Podcast is för jedeen wat, de Plattdüütsch geern hett oder dat lehren will. In „Wi snackt Platt“ dreht sich alles um Plattdeutsch und das, was die plattdeutsche Welt bewegt. Ob plattdeutsche Reportagen aus Hamburg und Norddeutschland, spannende Interviews oder Geschichten aus dem Alltag – hier kommt jeder auf seine Kosten, der Plattdeutsch liebt oder es lernen möchte.

Information

  • Creator
    NDR
  • Years Active
    2017 - 2026
  • Episodes
    7
  • Rating
    Clean
  • Copyright
    © Norddeutscher Rundfunk
  • Show Website
    Wi snackt platt

You Might Also Like