Méi wéi Sex

Méi wéi Sex
  • 0.0 (0)
  • Sexuality
  • Semimonthly

De Podcast fir all Mënsch mat engem Kierper.

  1. 1d ago

    Behind the scenes — 200 mol Méi Wéi Sex

    Méi Wéi Sex feiert säin 200 Episoden Jubiläum a säi bestoen säit 2018! Zu deem Ulass beschwätzen Kelly an Joël als dienst-älteste Memberen vum Team d'Geschicht vu Méi Wéi Sex a ginn an Abléck hannert d Kulissen: wéi décidéieren mir amfong eis Themen, wéi huele mir op, a wat geschitt nom Ophuelen? Mir hunn dann och gezielt wee vum aktuellen Team wéi oft mat dabäi war - an a wéienge Konstellatiounen (Episod 1 bis 199 inclus): Joël: 100 Episoden (säit Staffel 2) Kelly: 79 Episoden (säit Staffel 1) Robin: 75 Episoden (säit Staffel 4) Elie: 38 Episoden (säit Staffel 2) Ella: 16 Episoden (säit Staffel 7) Lynn: 9 Episoden (säit Staffel 5) Kelly + Joël: 27 Episoden Joël + Robin: 26 Episoden Grupp (méi wéi 3 Teammemberen): 11 Episoden Joël + Elie + Robin: 7 Episoden Joël + Elie: 5 Episoden Elie + Robin: 5 Episoden Robin + Ella: 5 Episoden Kelly + Elie: 4 Episoden Robin + Lynn: 4 Episoden Kelly + Robin: 3 Episoden Elie + Robin + Ella: 3 Episoden Kelly + Joël + Robin: 2 Episoden Joël + Robin + Lynn: 2 Episoden Joël + Ella: 2 Episoden Kelly + Joël + Elie: 1 Episod Elie + Robin + Lynn: 1 Episod Kelly + Joël + Ella: 1 Episod Joël + Robin + Ella: 1 Episod

  2. Oct 23

    RUBRIK Aktualitéit: Wéi steet et em d’sexuell an affektiv Gesondheet vu Lëtzebuerg

    Déi éischt Ëmfro iwwert sexuell an affektiv Gesondheet zu Lëtzebuerg gëtt eis endlech Zuelen zu wichtegen Theme wéi Queerness, Verhütung, sexuell Bildung, sexualiséiert Gewalt, a nach vill méi. 2.371 Persounen iwwer 18 Joer goufe befrot. D’Studie soll et erméiglechen, d’Problemer a Bedierfnisser an dësem Beräich besser ze verstoen a nei Interventiounen ze entwéckelen déi un d’Realitéit um Terrain ugepasst sinn. Du wëlls méi doriwwer wëssen, wéi et em d’sexuell an affektiv Gesondheet vu Lëtzebuerg steet? Da lauschter eran an d’Rubrik vun dëser Woch. Hëllef fir Betraffener vu Gewalt: Violence.lu Centre National pour Victimes de Violences (CNVV) Telefonsnummer vun der Helpline: 2060 1060 Ënnerstëtzung am Beräich Sexuell iwwerdrobar Krankheete, Verhütung a Schwangerschaftsofbroch: Planning Familial Erwäänten Episode: 92: Méi wéi eng Banan an ee Kondom – Sex Education zu Lëtzebuerg Ëmfro: La santé affective et sexuelle des résident(e)s au Luxembourg Weider Quell: Sexuelle und emotionale Gesundheit: Darf Sex Spaß machen? vum Joël Adami - woxx

  3. Oct 16

    Op sech eleng gestallt – Sexualitéit virun der éischte Kéier

    Schonn iert mir déi éischte Kéier mat enger anerer Persoun Sex hunn, hu mir eng Sexualitéit. D*e Robin an de Joël schwätzen an dëser Episod doriwwer, wéi déi Zäit fir si ausgesinn huet: Dat bedeit engersäits Masturbatiounstipps aus der Bravo, Pornoen an Hentaien mat Kolleg*innen kucken an erotesche Begéinunge mat Uebst a Geméis, mä anerersäits awer och eng Zäit vun Allengsinn a Verlaangeren, déi net ëmmer einfach ass. A wann déi eng drënner gelidden hunn, laang missen ze waarden, wënschen sech anerer vläicht, si hätten sech méi Zäit geholl. Dobäi kënnt, datt et guer net esou einfach aus erauszefannen, wéini mir prett si fir déi éischte Kéier.

  4. Oct 9

    Rubrik –  Eng gutt Fro: Masturbéieren ech ze vill?

    Ech gi moies wakereg, a muss gläich an d’Schoul oder op d’Schaff. Mee e puer Minutte vir séier nach ze masturbéieren hunn ech vläit nach.  Et ass 10 Auer Paus. Séier op d’Toilette masturbéieren.  Mëttesstonn? Grad eppes giess, a lo nach Zäit vir ee Kaffie? Nee, de skippen ech léiwer a rubbele mer nach een.  Ze vill? Ze oft?  Dorëm geet et an dëser Rubrik.

  5. Oct 2

    Voll dobäi oder voll dernieft? – Sex a (keen) Alkohol

    Egal ob een*t selwer drénkt oder net, Alkohol ass e feste Bestanddeel vun eiser Feier- a Rausgokultur. Den Afloss vun dësem Rauschmëttel op eis sozial Dynamiken ass dobäi net ze ënnerschätzen. An der Episod erzielen den Elie, d'Ella a Robin iwwer hire Erfahrungen mat Alkohol - souwuel mat drénken wéi och mat niichter sinn. Si ginn drop an, wéi Alkohol eis Sexualitéit verännere kann, an wourop een*t beim Mix vun Alkohol a Sex oppasse sollt. D'Rubrik ass net wéi gewinnt um Enn, mee kënnt d'nächst Woch :) Studie zu Alkohol a Konsens d'Pëll an Alkohol Ask for Angela - Secherheet beim Rausgoen

  6. Sep 25

    RUBRIK Come Together (Kapitel 4): Dain Emotional Floorplan notzen

    An der läschter Rubrik (Kapitel 3 vum “Come Together") huet Kelly iwwert den Emotional Floorplan geschwat: däin emotionale Grondrëss, deen aus 9 verschiddenen Raim besteet. An dëser Rubrik geet et drëm, wei den Emotional Floorplan dir (an denger Bezéiungspersoun) kann dobai hëllefen erausfanne, wéi's du/dir méi oft an déi Raim kenns/kommt, wou Loscht a Pleséier stattfënnt! Weiderféierend: – Beispill fir en Emotional Floorplan: https://www.emilynagoski.com/erika-moens-emotional-floor-plan-comic Quelle: Kapitel 4 vu "Come Together" vum Emily Nagoski

  7. Sep 18

    Vu Myspace zu Tiktok – Éischt Social Media Notzungen

    Ob een*t lo mat myspace oder Tiktok grouss ginn ass, den Internet bleift den Internet - a Social Media e grousse Bestanddeel vum Liewe vu ville Leit. De Joël an den Elie diskutéieren an dëser Episod, wéi sech sozial Medien an hire Liefzäite verännert hunn, a wéi eng Risiken an Avantagen déi selwecht bliwwe sinn. A natierlech gi si och op déi géigewäerteg Diskussiounen zum potentielle Social Media Verbuet vu Jonker an. Resourcen: Dem Joël seng Recherche iwwer Social Media fir d'Woxx Opklärung iwwer Scams BeeSecure fir Hëllef an Opklärung D'Rubrik ass net wéi gewinnt um Enn, mee kënnt d'nächst Woch :)

  8. Jul 10

    Och bei Eis Leeft et – Queer Perspektiven op d’Menstruatioun

    Menstruatioun ass fir vill Leit oft nach e rengt Fraentheema – an dat ganz bewosst am Zesummenhang mat heterosexueller Reproduktioun. Dobäi mécht dee Framing awer d’Erliefnesser vu queere Fraen, trans an inter Persounen onsiichtbar. De Lëtzebuerg City Museum, Rosa Lëtzebuerg a Méi Wéi Sex hunn den 11. Juni dofir op eng Table ronde mam Titel Och bei eis leeft et – Queer Perspektiven op d’Menstruatioun invitéiert. D’Ekipp vu Méi Wéi Sex a Rosa Lëtzebuerg hunn hir Gäscht mat op eng Rees duerch queer Menstruatiounserfarungen geholl. D’Diskussiounsronn gouf opgeholl an gëtt um Radio ARA an op de Plattforme vu Méi Wéi Sex ausgestraalt. Dësen Event gouf am Kader vun der Ausstellung Et Leeft organiséiert. D'Ausstellung ass nach bis de 19. Juli 2026 am Luxembourg City Museum ze gesinn. An der Rubrik schwätzt Kelly iwwer den emotional Floorplan.

See All (307)

Trailer

About

De Podcast fir all Mënsch mat engem Kierper.

Information

  • Creator
    Méi wéi Sex
  • Years Active
    2018 - 2026
  • Episodes
    307
  • Rating
    Clean
  • Copyright
    © 2024 Méi wéi Sex
  • Show Website
    Méi wéi Sex

You Might Also Like