Bergbron Gereformeerde Kerk Preke

Gereformeerde kerk Bergbron
  • 0.0 (0)
  • Christianity
  • Updated Weekly

Klankopnames van Bergbron Gereformeerde Kerk se preke. Bergbron is ‘n Omgee Gemeente Gesalf vir Genesing en Bevryding Om mense hulle identiteit in Christus te laat ontdek omdat Christus hulle vrygemaak het om werklik in oorwinning te kan lewe tot eer van God.

  1. May 31

    Sondag 31 Mei 2026 Stephan Briel

    Lees: Hand 1:1-11.  Fokus: Hand 1:3.  Die koninkryk van God het in Jesus Christus naby gekom.  In die veertig dae tussen Jesus se opstanding en hemelvaart, was die koninkryk van God die sentrale boodskap van Jesus aan sy dissipels (Hand 1:3). Die koninkryk van God was die hart van Jesus se hele aardse bediening. Selfs Johannes die Doper, wie die pad moes voorberei vir Jesus se koms na die aarde, begin sy prediking met die boodskap van God se koninkryk (Mat 3:1-2). En nadat Jesus gedoop is deur Johannes en met die Heilige Gees gesalf is as Messias, begin Hy ook sy prediking deur te sê: “Bekeer julle, want die koninkryk van die hemel het naby gekom” (Mat 4:17).    Vir nadenke en gesprek by selgroepe en huisgodsdiens:  ·       Wat bedoel Johannes en Jesus as hulle sê: “Die koninkryk van die hemel het naby gekom”? (vgl Mat 3:1-2 en Mat 4:17)  ·       Beskryf die “reeds en die nog nie” van die koninkryk van God.  ·       Hoe laat God sy koninkryk kom vandag deur sy kerk?  ·       Hoe verhinder ons die koms van God se koninkryk?

    30 min

  2. May 24

    Sondag 24 Mei 2026 - Stephan Briel

    Lees: Hand 1: 1-11.  Fokus: Hand 1: 8.  Die Heilige Gees bemagtig ons om getuies van Christus te wees.  ·       Wat is die verband tussen die gebeure die Sondagaand met Christus se opstanding (Joh 20:22) en die gebeure na Christus se hemelvaart met Pinkster waarna in Hand 1:8 verwys word?  ·       In die Ou Testament was die Heilige Gees met God se volk (wolk- en vuurkolom, tabernakel en tempel).  ·       Na Christus se kruisiging en opstanding kom woon die Heilige Gees in gelowiges (Joh 20: 22).  ·       Na Pinkster bemagtig die Heilige Gees ook gelowiges om getuies te wees (Hand 1:8).    Vir nadenke en gesprek by selgroepe en huisgodsdiens:  ·       Hoe was die Heilige Gees in die Ou Testament by God se volk teenwoordig?  ·       Hoe verklaar jy die ontvang van die Heilige Gees in Joh 20: 22?  ·       Wat is die verskil tussen die werk van die Heilige Gees voor en na Pinkster?  ·       Hoe weerstaan ons die bemagtigende werk van die Heilige Gees in ons lewens?

    34 min

  3. May 17

    Sondag 17 Mei 2026 Stephan Briel

    Lees: Kol 3:1-17.  Fokus: Kol 3:13,15-16.  Om opreg te vergewe: Bewaar die woord van Christus in jou hart.  ·       God werk deur ons denke en daarom is meditering oor sy Woord so belangrik.  ·       Positiewe emosies soos vrede (v 15) en dankbaarheid (v 15,16) is baie keer die teken dat die woord van Christus ryklik in ons harte woon.  ·       Die Woord woon eers ryklik in ons as dit ons emosies aangeraak het.  ·       Ons emosies is die produk van ons gedagtes en daarom sal leuen gedagtes ook emosies produseer wat nie die werklikheid reflekteer nie.  ·       Moenie aan oortreders die outoriteit gee om jou identiteit en toekoms te bepaal nie.    Vir nadenke en gesprek by selgroepe en huisgodsdiens:  ·       Wat is die verskil tussen Oosterse meditasie en Bybelse meditasie?  ·       Wat is baie keer ‘n goeie maatstaf of die Woord ryklik in ons harte woon?  ·       Waarom reflekteer ons emosies nie baie keer die werklikheid nie?  ·       Waarom dui bitterheid baie keer op afgodery?

    29 min

  4. May 10

    Sondag 10 Mei 2026 Stephan Briel

    Lees: 2 Tim 3:1-17.  Fokus: 2 Tim 3:14-17.  Teen die bedrieërs wat jou wil verlei, roep God jou om te lewe uit sy Woord. 1.    Die bedrieërs wat jou wil verlei ·       Die bedrieërs het die Christelike godsdiens vermeng met die Joodse en Griekse godsdienste.  ·       Volgens die bedrieërs aanbid alle godsdienste dieselfde God, elkeen net op sy eie manier.  2.    God roep jou om te lewe uit sy Woord ·       Ons het 2 wapens teen die bedrieërs: Die Bybel en die onderrig van betroubare leermeesters.  ·       Kenmerke van ‘n betroubare leermeester: (1) Woord is sentraal, (2) lewe en prediking is gerig op God, (3) lewe en prediking is Geesvervuld.   Vir nadenke en gesprek by selgroepe en huisgodsdiens: ·       Kry jy te doen met ‘n vermenging van godsdienste? Verduidelik  ·       Gee die beskrywing van ‘n betroubare leermeesrter.  ·       Hoe kan jy vervul word met die Heilige Gees?

    41 min

  5. May 3

    Sondag 3 Mei 2026 Stephan Briel

    Lees: Mat 6:5-15.  Fokus: Mat 6:12.  Om opreg vergifnis te vra en opreg te vergewe.

    24 min

  6. Apr 26

    Sondag 26 April 2027 Stephan Briel

    Lees: Mat 6:5-15 en Heid Kat vr en antw 126.  Fokus: Mat 6:12.  Vergeef ons ons skulde, soos ons ook ons skuldenaars vergewe.

    32 min

  7. Apr 19

    Sondag 19 April 2026 Chris Raath

    Lees: Psalm 22. Van lyding tot lofprysing en dankbaarheid.

    34 min

  8. Apr 12

    Sondag 12 April 2026 Stephan Briel

    Lees: 2 Kor 4:16-5:10. Fokus: 2 Kor 4:16-18.  Die versekering van toekomstige heerlikheid vul die hede met volharding en moed.  ·       Dissipels van Jesus Christus gee nie tou op nie, maar word daagliks innerlik vernuwe (v.16).  ·       Teenswoordige verdrukking is deel van die sigbare dinge, maar die heerlikheid van die toekoms hoort by die onsigbare dinge (v.18).  ·       Paulus minimaliseer nie die swaarkry van ons fisiese bestaan nie, maar vergroot die ewige heerlikheid (v.17).    Vir nadenke en gesprek by selgroepe en huisgodsdiens: ·       Wat beteken dit om daagliks innerlik vernuwe te word?  ·       Beskryf die drie redes wat Paulus gee in vers 17 waarom ons nie moed verloor nie wanneer ons met lyding en beproewing te doen kry.  ·       Hoe kan ons die onsigbare waarneem?

    33 min
See All (359)

About

Klankopnames van Bergbron Gereformeerde Kerk se preke. Bergbron is ‘n Omgee Gemeente Gesalf vir Genesing en Bevryding Om mense hulle identiteit in Christus te laat ontdek omdat Christus hulle vrygemaak het om werklik in oorwinning te kan lewe tot eer van God.

Information

  • Creator
    Gereformeerde kerk Bergbron
  • Years Active
    2020 - 2026
  • Episodes
    359
  • Rating
    Clean
  • Copyright
    © Gereformeerde kerk Bergbron
  • Show Website
    Bergbron Gereformeerde Kerk Preke