Café federal

Radiotelevisiun Svizra Rumantscha (RTR)

Il podcast politic. In sguard davant e davos las culissas da la politica naziunala.

  1. MAR 19

    Café federal 53: «Neutral sco la Svizra»

    Per la pli nova episoda dal Café federal è RTR sa fatschentà cun la neutralitad. Cun la guerra en l'Ucraina e la guerra en Iran èn las discussiuns enturn la rolla da la Svizra grondas. Quai sa mussa era tar in’iniziativa ch'è actualmain vegnida tractada en il parlament.

    53 min

  2. FEB 26

    Café federal 52: La Svizra e l’OSCE

    Avais vus savì che pir cun l'OSCE han ils ministers da l'exteriur svizzers propi cumenzà a far viadis ordaifer la Svizra? En questa episoda prendain sut la marella l'Organisaziun per segirezza e collavuraziun in Europa, che la Svizra presidiescha quest onn. Ina onur, ma er ina sfida che mainia gronda responsibilitad, di il cusseglier federal Ignazio Cassis.

    50 min

  3. JAN 29

    Café federal 51: «Quai è diplomazia»

    Tenor il president american fiss la Svizra betg la Svizra senza l’America. En in pled al WEF ha Donald Trump fatg renfatschas envers la Svizra. Gist suenter è'l s'inscuntrà cun il Cussegl federal. Quel ha fatg sco sche nagut na fiss. È quai la gista strategia U sto la Svizra chattar novs alliads?

    49 min

  4. 12/15/2025

    Café federal 50: United States of Switzerland

    Da puncts culminants e terradas: Las cusseglieras ed ils cussegliers naziunals dal Grischun guardan enavos sin l'onn 2025 ensemen cun noss dus correspundents a Berna, Adrian Camartin e Fabia Caduff.

    48 min

  5. 11/27/2025

    Café federal 49 : Stefan Engler for president

    El na vul betg esser il clown e la cardientscha è per el in impurtant compass. L’entschatta da december daventa il Grischun Stefan Engler da la partida «Il Center» president dal Cussegl dals chantuns. En il Café federal tradescha il politicher da 65 onns pertge ch’el na respunda nagins telefons la fin d’emna e daco ch’el n’è betg in tschitschacameras.

    50 min

  6. 10/23/2025

    Episoda 48: Café federal live – Mez mez

    Temp per far bilantscha. Avant dus onns ha cumenzà la nova legislatura a Berna. Nus guardain tgi da las parlamentarias e parlamentaris grischunas ch’era il pli «husli» e nus dain in sguard en las autras regiuns da la Svizra per guardar tge che ha preoccupà en quels dus onns.

    56 min

  7. 09/24/2025

    Episoda 47: Babilonia federala

    Co statti cun il français federal? Daventa il foss da rösti pli grond? Quant pluriling è il parlament? Daco è la lingua in factur per accelerar ina carriera politica? Remplazza l'englais las linguas naziunalas? Quant ferm è la plurilinguitad en Svizra sut squitsch? En questa epsioda dal Café federal discutain precis questas dumondas.

    33 min

  8. 08/14/2025

    Episoda 46: Trumpads

    Ils dazis americans han schoccà Berna. Nagin avess spetgà che il president Donald Trump decida da dar in dals pli auts dazis a la Svizra. Nus raquintain tge ch'è succedi davos las culissas da las redacziuns e quai cun in giast spezial: Il correspondent da RSI Daniele Papacella.

    28 min
See All (33)

About

Il podcast politic. In sguard davant e davos las culissas da la politica naziunala.

Information

  • Creator
    Radiotelevisiun Svizra Rumantscha (RTR)
  • Years Active
    2020 - 2026
  • Episodes
    33
  • Rating
    Clean
  • Copyright
    © 2026 SRG SSR
  • Show Website
    Café federal

More From RTR – Radiotelevisiun Svizra Rumantscha