خوي قلبك - Show

Khwi Qalbek
  • 0.0 (0)
  • RELATIONSHIPS

برنامجكم "خوي قلبك شو" برنامج كيهتم بمناقشة مشاكلكم بطريقة مختلفة واللي تقدر ماتعجبش بزاف ديال النّاس. المقاربة ديالنا كتحدّى المعتقدات السّائدة واللّي لقينا راسنا كنآمنو بيها غير حيت كبرنا معاها بلا منعرفو علاش وكيفاش. فهاد البرنامج غادي نواجهو مقاومة قوية من طرف الأفكار الرافضة للتّأقلم مع المجتمع الجديد واللي صعيب عليها تغير مع تغير الوقت. ومن خلال هاد المنبر غادي نبداو نغيرو النضرة ديالنا للأمور والطريقة اللي كنتعاملو بيها فحياتنا مع الناس اللي دايرين بينا. بزّاف ديال النّاس مغاديش يتافقو معانا، واحنا كنحترمو الآراء ديالوم وكنستناو منهم يحترمو الآراء ديالنا.

Episodes

  1. 06/09/2020

    دايريني خدّّامة لختو و أمّّو كتحكّم فكولشي

    سلام أخواتي، إخواني، أنا عمري 22 سنة، مزوجةوساكنة مع عائلة راجلي. أنا كنعاني من جوج ديال المشاكل. المشكلة الأولى هي أم راجلي اللّي خاصها هي كلشي يمشي على حساب داك الشي اللي باغيا وممنوع عليا ندير داك الشي اللّي أنا بغيتو والاّ شهيتووكتحاسب بزّاف. المشكلة التانية هي لوستي اللّي زايدةعليّ شي9 ولاّ 10 سنين ممزوجاش وساكنة بوحدها وخاصها تجي للدّار تلقى ماكلتها واجدة وملّي كيكونعندها التصبين كتجيبو للدار تصبنووخصني أنا نوجد ليها مكلتها ونديرليها حوايجها يتصبنو ونشرهوم وجمعهومليها وهي تلقاهم واجدين. مبغيتش نعاود لراجلي باش منكونش سبب المشاكل بينو وبين عائلتو ومنكبّرش الأمور، ولكن أنا دابا عييت وتسالا لي الصبر وبغيت شي حل.

    14 min

  2. 06/08/2020

    الحلقة الثانية: كنحشم نطلب المصروف من راجلي

    أنا فعمري 21 سنة و ياللهتزوجت، ولكن أنا باقي مامشيت لداري حيت درت غير العقد والعرس باقي. مشكيلتيأنّني مكنقدرش نقول لراجلي بلي محتاجا شيحاجا واخا هو قالي ادا بغيت شي حاجا نقولهالو. هو عمرو جا من راسو وعطاني شي حاجا وبابا كيحسبلو بلي راجلي كيعطينيلمصروف ديالي ومنقدرش نقولولحقيقة حيت أنا بغيت نتزوج بيه. ملّي كنطلب شي حاجا من ماما كتقولي دابا عندك راجلك ونتي مسؤولة منّو. دابا شنوالمعمول؟

    6 min

  3. 06/07/2020

    سنه 48 سنة ولا أدري ماذا ينوي من العلاقة بعد عامين

    متابعة من مدينة : الدار البيضاء السلام عليكم. أنا متابعة من مدينة الدار البيضاء، إسمي م.ع. المشكلة ديالي كتلخصفأنّني تقدّمت فالسّن (43 سنة) ومازال ما سهّل علي الله بولد الحلال. كنعرفواحد السّيد عندو48 عام. تعرّفت عليه تقريبا عامين هادي. هو كيقول ناوي المعقول ولكن ملّي كنفتح معاهالموضوع كيسكتني بكل برودة وكيجاوبني بلي ملّي غادي يجي الوقت هو براسوغادي يقولّي بلّي غادي يجي يكمل كلمتو. المشكلة دابا أنّني ممحتاجاه حتّى فشي حاجة حيت أنا بخدمتي وبداري وما واقفة عليه فوالو. دابا مابقيت عارفة شنونعمل حيت مابغيتش نغامر بهاد المدّة كاملة ونقولّو نتفارقو ونبدا عاود من جديد مع واحد اخر وماتعرف كيفاش غادي يخرج وخصوصا الوقت كايدوز وأنا مابقيتش صغيرة وهاد السيّد اللّي أنا معاهدابا حتّى شيمرّة ماطلبمنّي شيحاجة ماشي هي هاديك وخفت نخسرو على والو إدا زربت وتفارقت معاه. شنو بانليكم؟

    12 min
  • 3 Episodes

About

برنامجكم "خوي قلبك شو" برنامج كيهتم بمناقشة مشاكلكم بطريقة مختلفة واللي تقدر ماتعجبش بزاف ديال النّاس. المقاربة ديالنا كتحدّى المعتقدات السّائدة واللّي لقينا راسنا كنآمنو بيها غير حيت كبرنا معاها بلا منعرفو علاش وكيفاش. فهاد البرنامج غادي نواجهو مقاومة قوية من طرف الأفكار الرافضة للتّأقلم مع المجتمع الجديد واللي صعيب عليها تغير مع تغير الوقت. ومن خلال هاد المنبر غادي نبداو نغيرو النضرة ديالنا للأمور والطريقة اللي كنتعاملو بيها فحياتنا مع الناس اللي دايرين بينا. بزّاف ديال النّاس مغاديش يتافقو معانا، واحنا كنحترمو الآراء ديالوم وكنستناو منهم يحترمو الآراء ديالنا.

Information

  • Creator
    Khwi Qalbek
  • Years Active
    2K
  • Episodes
    3
  • Rating
    Clean
  • Copyright
    © Khwi Qalbek
  • Show Website
    خوي قلبك - Show