Hvar erum við núna?

RÚV
  • 5.0 (1)
  • KIDS & FAMILY
  • SERIES

Spennum beltin og ferðumst hringinn með KrakkaRÚV! Stórskemmtilegir fjölskylduþættir fyrir ferðalanga á ferð um Ísland. Þjóðsögur og ævintýri, bílaleikir, fróðleiksmolar og sögur frá krökkum á öllum aldri. Í hverjum þætti er spurningakeppni þar sem kemur í ljós hvaða fjölskyldumeðlimur veit mest um Ísland...nú eða hlustaði best á þáttinn! Umsjón: Ingibjörg Fríða Helgadóttir og Jóhannes Ólafsson.

Episodes

  1. EPISODE 1

    Reykjanesskagi

    Við hefjum hringferðina á Reykjanesskaga. Heimamaðurinn Jón Grétar frá Suðurnesjabæ segir okkur frá leyndum perlum, við heyrum þjóðsöguna um Rauðhöfða og lærum nýjan bílaleik. Ef þið hlustið vel gætuð þið fengið gott forskot í spurningakeppninni í lokin!

    20 min

  2. EPISODE 2

    Suðurland

    Í þessum þætti ferðumst við um Suðurland, frá Hveragerði að Sólheimasandi. Vinkonunar Hekla og Amalía segja okkur frá heimabæ sínum Selfossi og svo kíkjum við á Sólheima í Grímsnesi en þar býr Sigurrós Tinna sem veit allt um lífið þar. Þjóðsagan frá Suðurlandi gerist í Skálholti og segir frá hugrakkri þjónustustúlku og beinagrind! Ef þið hlustið vel gætuð þið fengið gott forskot í spurningakeppninni í lokin!

    20 min

  3. EPISODE 3

    Suðausturland

    Í þessum þætti ferðumst við um Suðausturland, frá Reynisfjöru að Höfn í Hornafirði! Frænkurnar, suðausturlandssérfræðingarnir og heimamennirnir í Hornafirði þær Elín Ósk og Ída Mekkín segja okkur frá lífinu þar og gefa okkur fullt af hugmyndum um hvað hægt er að gera á svæðinu. Þjóðsaga þáttarins fjallar um eldsumbrot og jökulhlaup, Móðuharðindin og hvers vegna Katla, eldstöðin ógurlega, fékk það nafn! Ef þið hlustið vel gætuð þið fengið gott forskot í spurningakeppninni í lokin!

    20 min

  4. EPISODE 4

    Austurland

    Í þessum þætti ferðumst við um Austurland, frá Höfn í Hornafirði og að nesinu sem er svolítið eins og önd í laginu, Langanesi. Við heyrum í Austfirðingunum og sérfræðingum þáttarins, Maríu frá frá Djúpavogi og Ellý frá Eskifirði. Þær fara alveg yfir Austurlandið eins og það leggur sig og gefa okkur góð ferðaráð. Þjóðsaga þáttarins fjallar um ormagang á Austurlandi, því það eru víst risavaxnir ormar sem liggja á gulli bæði í Lagarfljóti og rétt við Papey. Ef þið hlustið vel gætuð þið fengið forskot í spurningakeppninni í lokin!

    20 min

  5. EPISODE 5

    Norðausturland

    Í þessum þætti ferðumst við um Norðausturland, frá Langanesi og alveg að Siglufirði, þar sem miðnætursólin sest ekki! Sérfræðingur þáttarins kemur frá höfuðstað Norðurlands, en það er Albert Gísli frá Akureyri, en við lærum líka heilmargt um önnur bæjarfélög á svæðinu og jafnvel um heimkynni trölla og jólasveina. Þjóðsaga þáttarins fjallar um Grettir sterka og hvernig honum tókst að sigrast á tröllunum í Goðafossi. Veistu hvers vegna Goðafoss heitir Goðafoss? Hlustaðu vel á þáttinn og þú gætir fengið forskot í spurningakeppninni í lokin!

    21 min

  6. EPISODE 6

    Norðvesturland

    Í þessum þætti ferðumst við um Norðvesturland, frá miðjum Tröllaskaga og að Hrútafirði. Sérfræðingar þáttarins koma frá sitthvoru bæjarfélaginu á Norðvesturlandi, en það eru þau Anton frá Skagaströnd og Valdís Freyja frá Hvammstanga. Þau segja okkur frá alls kyns skemmtilegum og áhugaverðum stöðum til að heimsækja á ferð um svæðið. Þjóðsaga þáttarins fjallar um svarta og loðna krumlu sem á að skjótast út úr berginu í Drangey í Skagafirði og skera á reipin hjá þeim sem þar voga sér að klifra. Við ráðleggjum ykkur að passa ykkur á krumlunni og hlusta líka vel eftir áhugaverðum staðreyndum í þættinum því það gæti komið sér vel í spurningakeppninni í lokin!

    20 min

  7. EPISODE 7

    Vestfirðir

    Í þessum þætti ferðumst við um Vestfjarðarkjálkann, jafnvel þó við vitum ekki alveg afhverju hann er kallaður kjálkinn. Sérfræðingar þáttarins koma frá ýmsum stöðum á Vestfjörðum en það eru Kormákur Elí frá Hólmavík, Urður frá Ísafirði og þau Lara Alexandra og Guðmundur Sævar frá Patreksfirði. Þjóðsaga þáttarins fjallar um fyrstu landnámskonuna í Bolungarvík, hana Þuríði sundafylli, og rifrildi sem hún átti við bróður sinn en það fór alveg gjörsamlega úr böndunum. Ef þið leggið vel við hlustir allan þáttinn þá er klárt mál að þið vinnið spurningakeppnina í lokin!

    20 min

  8. EPISODE 8

    Vesturland

    Í þessum þætti ferðumst við um Vesturland, frá Dölunum og alveg niður í Hvalfjörð. Sérfræðingur þáttarins, Jón Dagur, kemur frá Stykkishólmi en það er einmitt þar sem hægt er að taka ferju og sigla um Breiðafjörðinn til að reyna að telja allar eyjarnar þar. Hvað ætli þær séu margar? Þjóðsaga þáttarins gerist í Hvalfirði, en það er sko ástæða fyrir því að Hvalfjörður heitir það. Rauðhöfði, álagahvalurinn sem við kynntumst í þættinum um Reykjanesskagann, háði nefnilega sitt dauðastríð í Hvalfirði og sagan fjallar um það. Hlustið vel á þáttinn ef þið viljið vinna spurningakeppnina í lokin, og jafnvel plata mömmu og pabba til að stoppa á næstu bensínstöð og kaupa ís í verðlaun!

    21 min

  9. EPISODE 9

    Höfuðborgarsvæðið

    Í þessum þætti ferðumst við um höfuðborgarsvæðið en þar sameinast sveitafélögin Mosfellsbær, Reykjavík, Seltjarnarnes, Kópavogur, Garðabær og Hafnarfjörður í eitt stórt svæði þar sem meirihluti þjóðarinnar býr. Þjóðsaga þáttarins gerist í Reykjavíkurtjörn en þar er sagt að gamlar kerlingar hafi rifist svo mikið að þær breyttu öllum fallega silungnum í tjörninni í......(ööhh..við segjum ekki svarið hér. Hlustið bara á söguna!). Sérfræðingar þáttarins koma víða af höfuðborgarsvæðinu en það eru þau Ómar Smári úr Grafarvogi, Anna Elísabet frá Seltjarnarnesi, Gunnar Karl frá Álftanesi og Valgerður Kristín frá Hafnarfirði. Hlustið vel á þáttinn ef þið viljið vinna spurningakeppnina í lokin!

    20 min

  10. EPISODE 10

    Hálendið

    Í þessum þætti förum við upp á hálendið, en þar búa ekki margir krakkar. Það eru hins vegar margir sem ferðast þar, sérstaklega á sumrin því þá er hægt að keyra torfæra vegina sem eru flestir ófærir yfir vetrartímann. Hálendið er ekki bara frægt fyrir torfæra vegi, óveður og falleg fjöll heldur líka yfirnáttúrulegar verur og útilegumenn. Hvað eru útilegumenn, menn í útilegu? Sérfræðingar þáttarins eru systurnar Ásthildur og Ragnheiður en þær hafa ferðast mikið um hálendið, gist í skálum og farið í sólbað í mosabing lengst inni í hálendisbuskanum. Hlustið vel á þáttinn ef þið viljið vinna spurningakeppnina í lokin!

    20 min

  11. EPISODE 11

    Eyjar í kring um Ísland

    Í þessum þætti siglum við út í eyjar í kringum Ísland, sem er auðvitað líka eyja! Eyjarnar eru ótal margar og það býr ekki fólk í öllum þeirra en við fræðumst um heimskautsbauginn í Grímsey, bíllausa Hrísey og kúmenrækt í Viðey. Hvað heita ferjurnar sem fara út í eyjar landsins? Sérfræðingar þáttarins eru Hallgerður Hafþórsdóttir, Lana Sóley Magnúsardóttir og Anna Eyvör Arnórsdóttir frá Flatey og Guðmar Gísli Þrastarson frá Hrísey. Hlustið vel á þáttinn ef þið viljið vinna spurningakeppnina í lokin!

    21 min
  • 11 Episodes

About

Spennum beltin og ferðumst hringinn með KrakkaRÚV! Stórskemmtilegir fjölskylduþættir fyrir ferðalanga á ferð um Ísland. Þjóðsögur og ævintýri, bílaleikir, fróðleiksmolar og sögur frá krökkum á öllum aldri. Í hverjum þætti er spurningakeppni þar sem kemur í ljós hvaða fjölskyldumeðlimur veit mest um Ísland...nú eða hlustaði best á þáttinn! Umsjón: Ingibjörg Fríða Helgadóttir og Jóhannes Ólafsson.

Information