Tengivagninn

RÚV
  • 0.0 (0)
  • ARTS
  • SERIES

Í Tengivagninum er fjallað um það helsta sem er að gerast í menningu í sumar.

  1. EPISODE 1

    Upphafið, forsagan, ofurhetjur og Gervigreindarlestin

    Tengivagninn hefur göngu sína og því byrjum við á byrjuninni, upphafinu sjálfu. Kristján Mímisson fornleifafræðingur segir okkur frá þáttunum Ancient Apocalypse, forsögu mannkyns og kenningum um forna menningarheima. Gísli Einarsson, framkvæmdastjóri Nexus segir okkur frá upprunasögum ofurhetja í gegnum tíðina. Í siðari hlutanum heyrum við svo brot úr fyrsta íslenska útvarpsþættinum sem gerður var alfarið með gervigreind, Gervigreindarlestinni, og Anna Marsibil Clausen, Ævar Kjartansson og Birgir Þór Harðarson ræða gervigreind, útvarp og framtíðina.

    1h 55m

  2. EPISODE 2

    Velkomin heim, fiðlusónötur Eugene Ysaÿe, þjóðlagahátíð og Marvara

    Við helgum okkur tónlist af ýmsum toga í þætti dagsins. Thelma Hrönn Sigurdórsdóttir ræðir við Tuma Torfason trompetleikara og tónskáld sem numið hefur erlendis en heldur tónleika í Hörpu á tónleikaröðinni Velkomin heim. Sólveig Steinþórsdóttir fiðluleikari gaf á dögunum út plötu með fiðlusónötum Eugene Ysaÿe. Hún segir okkur frá tónskáldinu, verkunum og einleikshlutverkinu. Síðari hluti þáttar er svo tileinkaður Þjóðlagahátíð á Siglufirði. Gunnstein Ólafsson fer yfir dagskránna og eys úr viskubrunni sínum um þennan sprellifandi menningararf og belgíska/danska/sænska partífolksveitin Marvara kíkir í heimsókn og við heyrum nokkur lög.

    1h 55m

  3. EPISODE 3

    Illska, samlíðan, Hermigervill og Þórir Baldursson

    Til okkar komu þau Sigríður Þorgeirsdóttir, prófessor í heimspeki við Háskóla Íslands og Marteinn Knaran Ómarsson meistaranemi í almennri bókmenntafræði. Umræðuefnið var ekki af smærri gerðinni, það er illskan sjálf. Bæði eiga þau greinar í nýútkomnu hefti Ritsins, tímarits hugvísindastofnunar en yfirskrift þess er illska og óhugnaður. Samkennd og samlíðan komu mikið við sögu í spjalli okkar og því rifjum við upp viðtal við Öldu Björk Valdimarsdóttur um bjartar og myrkar hliðar samlíðaninnar. Síðari hluti þáttarins er svo helgaður samtali tónlistarmannana Sveinbjörns Thorarensen eða Hermigervils og Þóris Baldurssonar en við fengum Sveinbjörn til þess að velja fyrirmynd, einhvern áhrifavald sem hefur markað sín spor á ferli hans og hann valdi Þóri. Þeir voru að hittast í fyrsta sinn af alvöru og þeir ætla að rekja feril beggja, grúska í plötum bæði tíndum og ótíndum.

    1h 55m

  4. EPISODE 5

    Intuition Intermission, Ástarsögufélagið, fólksfjöldi og Kunningjar

    Við kíkjum á útskriftarsýningu í hollenskum listaháskóla, konunglegu listaakademíunni í Den Haag og forvitnumst um lokaverkefni Einars Viðars Guðmundssonar Thoroddsen, sem var að klára nám þar í grafískri hönnun. Við veltum líka fyrir okkur fólksfjölgun og grípum niður í bókmenntaþættinum Skorningar sem var á dagskrá Rásar 1 fyrir rúmum áratug. Anna María Björnsdóttir ræðir við þær Berglindi Ernu Tryggvadóttur og Þórunni Rakel Gylfadóttur um Ástarsögufélagið - félag sem var stofnað til að hefja ástarsögur til virðingar og vegar. Í seinni hluta Tengivagnsins fáum við til okkur listhópinn Kunningja sem er skipaður þeim Hallveigu Kristínu Eiríksdóttur og Arnari Geir Gústafssyni, þau eru nýkomin heim til Íslands frá Slóvakíu þar sem þau könnuðu mörkin á milli mennsku og bjórsku á listahátíðinni Into the Miracles.

    1h 55m

  5. EPISODE 6

    Kundera allur, Selasæng, Hammond í Hörpu og Biggi Veira

    Tékkneski-franski rithöfundurinn Milan Kundera er fallinn frá, 94 ára að aldri, eftir langvinn veikindi. Hans frægasta verk er án efa Óbærilegur léttleiki tilverunnar frá árinu 1984 sem hefur verið inngangur margra inn í heim fagurbókmenntanna. Friðrik Rafnsson hefur þýtt höfundarverk Kundera á íslensku og við grípum niður í þætti hans um höfundinn frá 2009. Í Selasæng er skyggnst inn drauma og minningar. Frásagnir fólks um lífið í sveitinni vefjast saman við minningar listakonunnar Geirþrúðar Einarsdóttur úr tjaldferðalögum æsku sinnar. Jóhannes Ólafsson fer og hittir Geirþrúði í þætti dagsins. Tónlistarkonan Sara Mjöll Magnúsdóttir er komin frá Bandaríkjunum þar sem hún leggur stund á píanó- og hammondorgelleik og heldur tónleika í Hörpu í kvöld. Hún leit við hjá okkur og sagði frá sér, hljóðfærinu og dagskrá tónleikanna. Í síðari hluta Tengivagnsins tökum við Birgi Þórarinsson, Bigga Veiru, í langt viðtal og ræðum meðal annars tónlist sem er ekki teknó.

    1h 55m

  6. EPISODE 7

    Bilað er best, Bossinn, LungA, Brynhildur Karls og Ragga Gísla

    Á morgun kemur út platan Bilað er best með tvíeykinu Magnúsi Trygvasyni Eliassen og Tómas Jónssyni. Biluð hljóðfæri, suð og rispaðar plötur koma við sögu og við hittum Magnús í stuttri stund milli stríða. Listahátíðin LungA á Seyðisfirði hófst í vikunni og stendur fram yfir helgina. Við hringjum austur og tökum stöðuna á stemningunni og því sem er fram undan. Sérlegur útsendari Tengivagnsins spókar sig í sólinni í Skandinavíu um þessar mundir og sækir stórtónleika gamalla en merkilegra kalla. Við heyrum í Guðna Tómassyni útvarpsmanni. Í síðari hluta þáttar heyrum við samtal tónlistarkvennanna Brynhildar Karlsdóttur og Ragnhildar Gísladóttur. Kvikindi mætir Grýlu í fyrirmyndarviðtali vikunnar.

    1h 55m

  7. EPISODE 9

    Ideoscapes, IceDocs, skáldskaparkröfur og íslenskar költmyndir

    Í þætti dagsins hittum við þýsku listakonuna Karin Sanders í Gallerí i8 þar sem sýning hennar Ideoscapes stendur nú yfir. Karin er sennilega nafntoguðust fyrir hugmynd sína um pálmatré í Vogabyggð en á Ideoscapes má skoða nákvæmar eftirmyndir af 12 íslenskum fjöllum. Alþjóðlega heimildarmyndahátíðin IceDocs hefst á Akranesi annað kvöld og stendur fram á sunnudag. Yfir 30 myndir verða sýndar en Ingibjörg Halldórsdóttir, einn af stofnendum hátíðarinnar fer yfir dagskránna. Karl Ólafur Hallbjörnsson flytur pistil um kröfur lesenda og höfunda skáldskapar til hvers annars og veltir fyrir sér í því samhengi bandaríska rithöfundinum Gene Wolfe, sem þekktur er fyrir krefjandi vísindaskáldskap. Í síðari hluta þáttar koma þær Sigríður Regína Sigurþórsdóttir og Harpa Hjartardóttir í Tengivagninn og velta fyrir sér íslenskum költmyndum.

    1h 49m

  8. EPISODE 10

    Höggmyndaganga, dánarfregnir, Páll Ivan og Róshildur

    Listasafn Reykjavíkur, Borgarsögusafn og bókmenntaborgin standa á morgun fyrir kvöldgöngu þar sem myndlistakonan Ingunn Fjóla Ingþórsdóttir segir frá völdum verkum Ásmundar Sveinssonar við Ásmundarsafn og í Laugardalnum. Ingunn segir okkur frá Ásmundi og við heyrum brot úr viðtölum við hann. Thelma Hrönn Sigurdórsdóttir veltir fyrir sér dánarfregnum á tímum ólínulegra miðla í pistli dagsins. Páll Ivan frá Eiðum ræðir listina, lífið, kaupmennskuna og sjálfsefann og í síðari hluta þáttarins kemur tónlistarkonan Anna Róshildur í heimsókn en hún gaf á dögunum út stuttskífu sem nefnist v2,2. Platan var samin og tekin upp í Flateyri, á flugvöllum, í kirkju og á dönskum sveitabæ. Við hlustum á þessi nýju lög og hlustum líka á lög með nokkrum tónlistarkonum sem eru í uppáhaldi hjá Önnu Róshildi, Dolly Parton, Rósalía og Ólöf Arnalds.

    1h 55m
See All (74)

About

Í Tengivagninum er fjallað um það helsta sem er að gerast í menningu í sumar.

Information

  • Creator
    RÚV
  • Years Active
    2020 - 2023
  • Episodes
    74
  • Rating
    Clean
  • Copyright
    © RÚV
  • Show Website
    Tengivagninn