Refqet tariq | رفقة طريق

refqet tariq
  • 0.0 (0)
  • SELF-IMPROVEMENT

رفقة طريق معكن لرحلة مليانة حب وسلام وكلام من القلب للقلب خلوكن معي عالسمع ببودكاست اسبوعي كل يوم اثنين الساعة خمسة المسا بتوقيت الإمارات على قناة رفقة طريق لنحكي بمواضيع منوعة بتهم الصبايا ندعم بعض، نفضفض لبعض لنعيش حياة اكثر فرح وإنجاز وصحة

  1. 09/08/2021

    لصبايا العشرينات

    لما كنت بالعشرينات مثلك هلا فيه شغلات كثير ما عشتها مزبوط شغلات تانية زعلتني وقهرتني اكتشفت بعدين انها ما كانت مستاهلة وانها صارت لخيري وبعد ما مرقت العشرينات بحلاوتها وحيرتها كنت دايما قول لو حدا خبرني شو اعمل وكيف اتصرف يمكن كانت مساحة الضحكة عندي غطت كتير على مساحة الدمعة لهيك بعد ما قربت من الاربعين ما بدي ياك تقولي لو رح خبرك عن كل شي عشته وجربته واستنتجته عن هديك المرحلة كيف تعيشيها لاقصاها تفرحي، تتعلمي، تجربي وتغامري وما تزعلي على شي ،تلحقي قلبك وإحساسك بكل خطوة ويكون رضاك عن حالك قبل رضا كل الناس عنك. اسمعي الحلقة لتعرفي تفاصيل اكتر وانشالله تكون مساحة الضحكة والذكريات الحلوة كبيرة كتير بعشريناتك.

    11 min

  2. 07/14/2021

    عن المتعة والسعادة

    كم مرة بحياتكن توقعتو جرعة كبيرة من السعادة من شيء انتظرتو كثير لتحصلو عليه ولما حصلتو عليه خلصت بهجته بأقل من شهر وما عطاكن السعادة المطلوبة؟ وكم مرة خلاكن عطاءكن وتعاونكن مع الناس تحسو بسعادة مالها حدود ولفترة طويلة؟ بكثير أوقات بتختلط علينا مشاعر المتعة والسعادة وما منقدر نميز بيناتن بالحلقة الثانية عشر من رفقة طريق عن المتعة والسعادة رح نكتشف أهم الفروقات والمسببات لكل وحدة منهن اللي بتوصل حتى لكيمياء الدماغ والهرمونات اللي بيصنعها وكيف فينا نتجنب الخيبات لما نفرق الشعورين عن بعض وما نربط سعادتنا بأي مادة أو إنسان بتمنى تلاقو بالحلقة كل المتعة والفائدة

    9 min

  3. 01/11/2021

    مهارات لسلامك الداخلي

    مهارات لسلامك الداخلي عنوان الحلقة الحادية عشر من رفقة طريق رح نشوف فيها كيف التغاضي والتسامح وتغيير ردود أفعالك الدفاعية على تصرفات اللي حواليك بيضمن سلامة وراحة بالك وخفة بقلبك وروحك كيف لما بتبدلي توقعاتك من الناس بالرضا والامتنان عن حالك عالمك رح يتغير بلحظة ولما بتعطي من قلبك بدون انتظار مقابل لعطاءك رح تعوضك الدنيا اضعاف وتلاقي الخير وين ما رحت اسمعو الحلقة لتعرفو تفاصيل وامثلة اكثر بتمنى تنال اعجابكم

    12 min

  4. 12/28/2020

    العيد والاحتفال

    الحلقة العاشرة من رفقة طريق مستوحاة من اجواء الاعياد بنهاية السنة بعنوان العيد والاحتفال رح نشوف فيها أنه مو بالضرورة أبدا نستنى العيد لنحتفل ونحس بالبهجة فينا نعتبر أي يوم أو لحظة سعادة عيد بحياتنا وأنه العيد ماله قانون أو دستور لازم نمشي عليه بكل سنة وممنوع يتغير، منقدر دايما نخلق بهجة جديدة للعيد حسب الظروف والامكانات المتاحة وما نضل نقارن الاعياد ببعضها ونزعل ونتحسر اسمعو الحلقة لتعرفو تفاصيل أكثر وانشالله تكون أيامكن كلها احتفالات وأعياد وكل عام وانتو بالف خير

    11 min

  5. 12/21/2020

    ثقة بالنفس أو غرور

    الحلقة التاسعة من رفقة طريق بعنوان ثقة بالنفس أو غرور رح نشوف فيها التغيير الكبير اللي بتعمله ثقتك بنفسك وتقديرك لحالك على كل شي بحياتك زواج،عمل، تحقيق أحلام وغيره وأنه الواثق من نفسه أبعد ما يكون عن المغرور والمتعجرف وكيف لما بتتنازلي مرة رح تكملي حياتك بسلسلة تنازلات مالها نهاية.. اسمعو الحلقة لتعرفو تفاصيل أكثر  بتمنى تنال أعجابكم وتفيدكم

    16 min

  6. 12/14/2020

    حصاد آخر السنة

    حصاد آخر السنة هو عنوان الحلقة الثامنة من رفقة طريق رح نشوف فيها شو المعايير اللي على أساسها منصنف كل سنة بحياتنا وليش منعمم حدث واحد على السنة كلها ..ومنضل نقارن السنين ببعضها ..ويا ترى التغيير اللي منستناه من سنة لسنة بحياتنا وأحوالنا نحن ولا السنين مسؤولين عنه اسمعو الحلقة لتعرفو تفاصيل أكثر وطرق لترتيب حساباتكن والتخطيط للسنة الجديدة بتمنى الحلقة تنال إعجابكن

    11 min

  7. 12/07/2020

    كل شي ممكن.. ليش لأ؟

    الحلقة السابعة من رفقة طريق بعنوان كلشي ممكن.. ليش لا؟ ..رح نشوف فيها مقومات الانسان الناجح والمؤثر بحياته وحياة اللي حواليه ..كيف بتغيير طريقة تفكيرنا وتصنيفنا لحالنا منغير وضعنا بالحاضر والمستقبل ..كيف ضروري نفكر بالاشياء اللي بدنا هي بدل اللي منخاف منها ومنكرهها ..اسمعو الحلقة لتعرفو تفاصيل أكثر بتمنى الحلقة تنال إعجابكم

    13 min

  8. 11/30/2020

    لحظات تخطف الانفاس

    إذا فكرنا بحياتنا منلاقيها عبارة عن مجموعة لحظات وتفاصيل ومواقف مرتبة بدقة وجمال خاص ...بالحلقة السادسة من رفقة طريق رح نحكي عن لحظات تخطف الأنفاس، لحظات بتحرك جواتنا براكين من المشاعر والعواطف منوقف عندها عاجزين عن الوصف والتعبير لحظة ولادة الطفل، وقوعنا بالحب لاول مرة، لقاء شخص عزيز بعد غياب.. وغيرها كثير خلوكن عالسمع لتعرفو تفاصيل أكثر  بتمنى الحلقة تنال إعجابكم

    8 min
See All (14)

Trailer

About

رفقة طريق معكن لرحلة مليانة حب وسلام وكلام من القلب للقلب خلوكن معي عالسمع ببودكاست اسبوعي كل يوم اثنين الساعة خمسة المسا بتوقيت الإمارات على قناة رفقة طريق لنحكي بمواضيع منوعة بتهم الصبايا ندعم بعض، نفضفض لبعض لنعيش حياة اكثر فرح وإنجاز وصحة

Information