بودكاست هادي الأحمد

هادي الأحمد
  • 0.0 (0)
  • CAREERS

بودكاست من تقديم شخص غير مثير للاهتمام مع ناس مثيرين جداً للاهتمام

Episodes

  1. ثلاث نصائح للاستفادة من القراءة

    08/04/2022 · BONUS

    ثلاث نصائح للاستفادة من القراءة

    اقرأ مقالي: ملاحظات عن تعلم الكتابة القراءة الكثيفة بحد ذاتها مانها طريقة سحرية لحتى تصير كاتب أحسن أو لحتى تتعلم أساليب كتابية جديدة، وحتى لو قلت انو "لازم تقرأ بهدف" ما رح يكون الكلام واضح تماماً لانو بكتير من الاحيان الناس يلي بتحتاج هالنصيحة مارح يكون عندها فكرة شو هو هاد الهدف يلي لازم يقرأو مشانو لحتى يحققو فائدة من القراءة. لهيك، هي تلت أهداف بتقدر تقرأ النص وانت حاططها ببالك وتستفيد منه لحتى تكسب خبرة أكبر. طبعاً في أهداف تانية وأساليب تانية لتشوف النص من خلالها، بس هالتلت أساليب برأيي بيعملو تأثير كبير عالطريقة يلي بتفكر فيها بالقراءة وبيخلوك تستفيد من القراءة أكتر. فيك تفكر بهالاساليب التلاتة على أنها هرم،  بدايةً من قاعدة الهرم بتلاقي أسهل طريقة لحتى تستفيد منها من نص معين: والي هي الاستفادة الحرفية: على سبيل المثال، لو كنت عم تقرأ مقال عن التسويق الهرمي، فالفائدة المباشرة الحرفية من هالمقال هية كالتالي: "الكاتب عم يحكي عن مشكلة انتشار التسويق الهرمي بين الناس رغم انها عملية نصب معروفة" كل ما قدرت توصف المعلومات يلي قدرت تستخلصها من هاد المقال، كل ما صارت فائدتك من هالنص اكبر، الكاتب العادي لازم يكون على الاقل قادر على فهم النص بالكامل واستخلاص الشي المهم منو. المرحلة التانية من الهرم هية انك تفهم توجه الكاتب خلال هالنص والطريقة يلي عم يستخدمها ليوصل المعلومة على سبيل المثال، ممكن نقول بحالة المقال السابق نفسو انو: "الكاتب هاد حابب يساعد الناس لتعرف ليش هالنوع من التجارات دائماً بينتهي بالنصب ومركّز على تبسيط هالشي للقارئ بأنّه عم يعرض الموضوع من نظرة الناس يلي موجودين بقمّة الهرم" كل ما قدرت تحدد أكتر شو التوجه تبع النص يلي عم تقراه، وشو الكاتب عم يحاول يعمل كل ما استفدت من النص اكتر   الموضوع هون مو مرتبط بالمعلومات المسرودة نفسها وانما بيرتبط بترتيب المعلومات والصياغة يلي عم يعتمدها الكاتب لحتى يوصل أفكارو. راس الهرم والطبقة الأخيرة هون هية فهم طريقة تفكير الكاتب وطريقة شغلو على هاد النص على سبيل المثال بالنسبة لنفس المقال السابق، ممكن تقول شي متل: "الكاتب هاد بالعادة بيحط أمثلة مجازيّة كتير ودائما بيشوف الموضوع على انو مشكلة ولازم يحكي عن حلها وهالشي واضح من أسلوبو بعرض النقاط وانواع الأدلة يلي بيستخدمها لحتى يثبت كل نقطة" كل ما قدرت تحدد أكتر شو الأساليب يلي بيستخدمها الكاتب بالكتابة وشو الطريقة يلي بيوصل فيها معلوماتو بتقدر تفهم أكتر شو الشي يلي بيخلي النص تبعو سيء او جيد، بتقدر تفهم كمان شو يلي بيعجبك أو ما بيعجبك بأسلوب كتابته بوضوح اكتر، وبتقدر تفهم شو نوعية الأخطاء يلي وقع فيها بالنص بطريقة اوضح، وكيف وقع فيها، وكيف بتقدر تتفاداها انت بالمستقبل. بالمختصر، لازم تشوف النص من زوايا مختلفة لحتى تقدر تحقق من قراءتو استفادة عالية، مو بالضرورة تعيد قراءة النص تلت او اربع مرات لحتى تستخلص هالجوانب، بتقدر من اول مرة انك تستنتج كل هالافكار لو كنت مركز فعلاً على انك تلاقيها كهدف من القراءة. مع الوقت رح يصير هاد الشي اسهل ورح تقدر تحدد بسهولة اكبر شو ميزات وعيوب النص يلي عم تقرأو وشو يلي ممكن تستفيد منو ككاتب من هالنقاط.

    3 min
  2. رغيد حلاق من قلب صناعة الألعاب - بودكاست هادي الأحمد

    11/02/2020

    رغيد حلاق من قلب صناعة الألعاب - بودكاست هادي الأحمد

    بهالبودكاست بحكي مع رغيد حلاق، عن صناعة الألعاب ووضع مجتمع اللاعبين بالشرق الأوسط. https://twitter.com/RagidHallak

    1h 21m
  3. من شخص يلعب الألعاب لشخص يعمل مع شركات الألعاب

    SEASON 1, EPISODE 2 TRAILER

    من شخص يلعب الألعاب لشخص يعمل مع شركات الألعاب

    مقتطف من الحلقة القادمة

    1 min
  4. العلاقة بين القارئ والكاتب

    10/21/2020

    العلاقة بين القارئ والكاتب

    كيف لازم تكون العلاقة بين القارئ والكاتب من خلال النص

    1 min
  5. عبدالهادي العاني من كواليس عالم التلفزيون - بودكاست هادي الأحمد

    10/18/2020

    عبدالهادي العاني من كواليس عالم التلفزيون - بودكاست هادي الأحمد

    بهالبودكاست بنحكي مع عبدالهادي عن مجال التصوير التلفزيوني، أفضل وأسوأ ما فيه، وكيف الناس بيعيشو على اسنتغرام @radyf_blog @abdalhadealani radyf.com

    54 min

Trailer

About

بودكاست من تقديم شخص غير مثير للاهتمام مع ناس مثيرين جداً للاهتمام

Information