weder übel no hart

Anna und Lara
  • 0.0 (0)
  • SOCIETY & CULTURE
  • UPDATED BIWEEKLY

Hallo zemme! Mir si "weder übel no hart", zwei Zwilling us dr Schwiz, wo viel und gern rede. Genau so vielsitig wie eusi Interesse, werde au d Theme si, wo mr uf dem Podcast mit euch genauer wei aluege. Ehrlich, direkt und ungfilteret werde mir eus ustusche, euch unterhalte und euch vilicht drbi au neui Denkastöss mitgeh. Grenze setze mir eus keini; s git nämlich scho gnueg. "weder übel no hart" uf Instagram: @annauebelhart, @larauebelhart. Bi Froge, Aregige, Kritik, Feedback oder Idee: eifach e DM schicke.

  1. 3D AGO

    #71 It's Wedding Season und mir gönge driii

    Liebi Lüt Mir rede hüt über DAS Thema, wo eus momentan grad gfühlt überall begegnet: Hochzite! Es isch Früehlig und alli Liebeshungrige chrieche hervor und binde sich vor versammelter Gsellschaft fürs Lebe. Das wird nid nur im persönliche Umfeld spürbar, sondern au popkulturell sit eh und je usgschlachtet. Weddings si zwar e zimli zitloses Phänomen, aber WIE mir mit dem kulturelle Ritual umgönge, seit sehr viel über eus und d Welt, in dere mir aktuell Lebe, us. Und will so viel verschiedeni Aspekt drzue ghöre, bietets au enorm viel Stoff zum Bespreche. Vo dr Brutpaarmode (mir si stark prägt vo "Zwischen Tüll und Tränen") über patriarchali Traditione (dr Vater übergibt sini Zuchtstute an neue Bsitzer) bis zu dr beschte Szene in dr Twilight-Trilogie; mir biete euch e bunte Brutstruss, wo dir gern dörfet fange. "weder übel no hart" uf IG: @annauebelhart; @larauebelhart

    1h 24m

  2. MAY 10

    #70 Duregnudlet vo "The Drama"

    Hallo liebi Hörendi Es isch Zit für e paar Job-Updates, denn mir hei beidi dr erschti Monet im neue Job hinter eus und chönne scho moll bitz reflektiere, was sich veränderet hett und wie mir das so finde. Mir hei beidi dringend brueflich früsche Wind brucht. D Frog isch nur: Ischs e agnehmi Bise oder e durerüttelnde Tornado? E neue Job afoh isch jedefalls für eus (und wahrschinli auf für die meischte vo euch) e riese stress und d Afangszit dementsprechend chli rough. Umso passender also, dass mir in dere Folg ine Filmbesprechig vomene Film inegange si, wo eus ähnlich fescht Hops gnoh hett.  "The Drama", vom Filmemacher Kristoffer Borgli (bitte lueget euch moll e Foti vo ihm ah, you are very welccome), isch zurzit im Kino, nachdem e usklügelti Press Tour eus scho sit Monate geil uf de Film gmacht hett. Und was sölle mr sege: Dr Name isch Programm und s isch definitiv es Kinoerlebnis, wo me nid so schnell vergisst. Drum heimer au mit EUCH drüber welle rede. Bis Minute 57:00 simmer inhaltlich spoilerfrei unterwegs, nocher werde d Charte ufe Tisch glegt.  Was isch euri Meinig zu "The Drama"? Lönds eus wüsse! Wennder usserdem euri beschte Wedding Storys (au anonym möglich) weit teile, do findet ihr eus uf Instagram: @annauebelhart; @larauebelhart

    1h 21m

  3. MAY 2

    #69 BBB – Bad Basel Bitches

    Ihr Liebe 3 Hüt rede mir aber wirklich s letschte moll für e laaangi zit über s Thema "Umzug" (we promise). Das Kapitel isch nämlich endlich abgschlosse und d Anna offiziell e BBB - Bad Basel Bitch. Welcome to the Club! Ca. 7 Johr hett eus e zweistündigi Zugfahrt trennt; jetzt sis no 10 Min. Fuessmarsch. Wie mr mit eusere Sorg, dass mr spötischtens jetzt weirdi Twins werde, umgönge, hemmer alässlich dere Nöchi au no schnell welle aspreche. Sone Umzugsprozess bringt viel Ballascht ufe, wo me cha abwerfe, wenn me will; oder me entscheidet sich, dass de im Podcast teilt wird. Drum hett d Anna eus ganz spontan e Iblick in es Produkt us ihrer Vergangeheit geh: ihres alte Tagebuech vo 2009. Und mir hei denn no e Schlenker ine chli es darkers Thema gmacht, wo mir eusi Gedanke zu Trauma und Mental Illness Porn teilt hei. Lönd eus gern eures Feedback, bitz Liebi, konstruktivi Kritik und neugierigi Nochfroge do. UND GOOD WEDDING STORIES!!!! do findet ihr eus uf Instagram: @annauebelhart; @larauebelhart

    1h 4m

  4. APR 18

    #68 Nehmet de Männer s Mikrofon weg

    Ihr Liebe Nachere Pause letscht Wuche melde mir eus mit paar Updates und mache e aktuelle Mood-Check. Mir si eus beidi grad chli dure Alltag am kämpfe und hei eusi eigene Päckli z träge. D Anna darf momentan 15 Stund vo ihrer Lebenszit pro Wuche im Zug verbringe und bereitet sich ufe Umzug vor, während d Lara grad es intensivers Thema mit ihrer Psyche hett und sehnlichscht uf paar verschriebeni Droge hofft. S isch grad nid so easy, aber mir hei e sehr potenti Coping Strategy: Humor. Vilicht no bitzli sponsored vo eusem Schlofmangel. Eus hett de Yap uf jede Falll guet doh und mir hoffe, dass es au euch chli Unterhaltig cha biete, falls ihr vilicht grad  au chli e herusforderndi Phase heit. Just keep swimming, s chunnt guet. 3 "weder übel no hart" uf IG: @annauebelhart; @larauebelhart

    1h 1m

  5. APR 4

    #67 Mir sötte alli meh achtsam unhinged si

    Hallo zemme 3 Dr Zuestand vo eim vo de Hosts hett dere Episode möglicherwis e verkaterte und dezent "unhinged" Touch geh. Denn nachere chli wilde Partynacht, viel Tanze und wenig Schlof, hemmer hüt über euse Umgang mit Usgang welle rede. De hett sich nämlich über d Johre gwandlet und isch us verschiedenschte Gründ moll chli meh, moll chli weniger wichtig gsi. Und moll chli meh oder weniger unhinged. Mittlerwile gsehnd mr sehr viel positivi Aspekt am unhinged si, wenns achtsam igsetzt wird. Was mir mit dem paradoxe Konzept meine? We'll tell you. Mir hei aber au no über dr Anna ihre Neustart im Job gredet, paar aktuelli Food Obessions besproche (LEUTE, Senf?!???) und natürlich - mir lönd euch doch nid hange - zwei geili Empfehlige useghaue, wo eus die Wuche versüesst hei. Viel Spass bim Inezieh und denket dra: eifach moll wieder chli losloh. "weder übel no hart" uf IG: @annauebelhart; @larauebelhart Empfehlige: ZDFunbubble "13 Fragen" Ely Oaks uf Spotify

    57 min

  6. MAR 28

    #66 Lost im Ikea und anderi Möbelüberforderige

    Hallo ihr Liebe :) Weder mir no wahrschinlich ihr hei immer d Kapazitäte für ernschti, schweri Theme. Drum gits hüt e gueti alti Plauderfolg. Mir bespreche irrelevanti und trotzdem wichtigi Theme wie s Reguliere vo dr Airpod-Lutstärki, eusi Blockade bim Wohnig irichte, eusi Meinig zu Kino oder Museum als Date-Idee und was füre Fiebertraum sone Ikea-Trip cha si; vor allem mit raging unmedicated ADHD. Usserdem haue mr paar nice Empfehlige und Hacks use, wo euch s Lebe villicht nit eifacher, aber sicher besser mache: Malen nach ZahlenAktuelli Usstellig im Kunstmuseum NeubauFilm: Train Dreams uf NetflixFilm (aktuell no im Kino): Marty Supreme Trailer uf YTDanke fürs drilose 3 "weder übel no hart" uf IG: @annauebelhart; @larauebelhart

    1h 15m

  7. MAR 21

    #65 Arbeitslos mit 27: wenn me uf eimoll dr Aschluss verliert

    Hallo mitenand Hüt gits am Afang e chline Recap zumene Event, wo mir bsuecht hei, wo euses obsessed Fan-Herzli zum höcher schloh brocht hett: e HEATED RIVALRY PARTY. Mir verzelle euch, warum mir's geil finde, wenn's im Nachtclub e Liinwand mit Videoprojektion git, was e Party, wo Kesha und Chappell gspielt wird, miteme Techno Rave gmeinsam hett und wie d Vibes vo de Girls, Gays und Theys denn so gsi isch. Nach dere chline Yap Session simmer denn zumene ernschtere Thema witergschwenkt und ich ha d Anna dörfe mit Froge zu ihrer Arbeitslosigkeit als jungi 20-something-Person löchere. Sie hett mir muetig Red und Antwort gstande zu dem Thema und au die unbequeme Aspekt nid usklammeret (s RAV ghört überraschenderwis nid in die Kategorie, wild). Ich bi sicher, das Gspröch wird euch d einti oder anderi Reality Check, aber au wertvolli Tipps und e chline Hoffnigsschimmer geh. Cause, you know, as the hot priest knows: it'll pass.  Danke fürs Zuelose! "weder übel no hart" uf IG: @annauebelhart; @larauebelhart

    1h 12m

  8. MAR 14

    #64 Feministisch kämpfe, R.I.P. Opere und Ballet und welle Bridgerton-Charakter mir si

    Hallo ihr Liebe Mir hei eus gar nonig so richtig vom feministische Kampftag UND em Abstimmigssunntig chönne erhole und scho haut dr Timothée Chalamet e Kontroverse use, wo d Gmüeter online ordentlich erhitzt hett - zu Recht? Zum Glück hemmer uf das abe au paar Feel-good-Tipps und chönne euch als wunderbare Eskapismus zwei romantischi Serie ans Herz legge. Und füre chline Dopamin-Kick gits e Song-Empfehlig, wo vor churzem au als Performance z bewundere gsi isch und definitiv e Itrag ind Gschichtsbüecher verdient hett. Danke, mother of Opere-Techno, Rosalía, geheiligt werde deine C**t-Energy. Usserdem hemmer hüt usnahmswis au no e mega nützliche Erwachsene-Tipp teilt; Sache gits. Enjoy 3 "weder übel no hart" uf IG: @annauebelhart; @larauebelhart Links: Berghain Remix uf SporityHoly Rosalía Performance (BRIT Awards 2026)Unkommerzieller Marktplatz Basel"Love Life" uf Netflix"Bridgerton" uf Netflix

    1h 3m
See All (71)

About

Hallo zemme! Mir si "weder übel no hart", zwei Zwilling us dr Schwiz, wo viel und gern rede. Genau so vielsitig wie eusi Interesse, werde au d Theme si, wo mr uf dem Podcast mit euch genauer wei aluege. Ehrlich, direkt und ungfilteret werde mir eus ustusche, euch unterhalte und euch vilicht drbi au neui Denkastöss mitgeh. Grenze setze mir eus keini; s git nämlich scho gnueg. "weder übel no hart" uf Instagram: @annauebelhart, @larauebelhart. Bi Froge, Aregige, Kritik, Feedback oder Idee: eifach e DM schicke.

Information

  • Creator
    Anna und Lara
  • Years Active
    2021 - 2026
  • Episodes
    71
  • Rating
    Explicit
  • Copyright
    © 2026 weder übel no hart
  • Show Website
    weder übel no hart