Sjóvá spjallið

Sjóvá

0.0 (0)
BUSINESS
UPDATED BIMONTHLY

Tryggingar geta virkað flóknar við fyrstu sýn og því er lykilatriði að tala um þær á mannamáli. Sjóvá spjallið er hlaðvarp þar sem við ræðum um tryggingar og forvarnir þannig að fólk geti verið betur upplýst um hvernig tryggingar henta þeirra þörfum.

05/14/2024

Skjáhætta í umferð

Skert athygli við akstur vegna farsímanotkunar er einn stærsti áhættuþáttur umferðarslysa á heimsvísu. Óheimilt er skv. lögum að nota farsíma og önnur snjalltæki án handfrjáls búnaðar en samt á fólk erfitt með að láta tækin eiga sig í umferðinni. Hrefna Sigurjónsdóttir, verkefnastjóri forvarna, spjallar við Árna Friðleifsson, aðalvarðstjóra í umferðardeild Lögreglunnar á höfuðborgarsvæðinu.

51 min
11/16/2023

Fjölsmiðjan: Tækifæri til framtíðar

Fjölsmiðjan sinnir mikilvægu hlutverki þegar þörf er á félagslegum úrræðum fyrir ungmenni. Þar getur ungt fólk á aldrinum 16-24 ára fengið verkþjálfun og fræðslu ásamt því að vinna að framleiðslu ýmiss konar. Hrefna Sigurjónsdóttir, verkefnastjóri forvarna, spjallar við Sturlaug Sturlaugsson, forstöðumann Fjölsmiðjunnar.

48 min
05/03/2023

Eldvarnir í dagsins önn

Eldvarnir geta skilið milli lífs og dauða. Eldsvoðar gera sjaldnast boð á undan sér en með traustum eldvörnum má koma í veg fyrir alvarleg tjón. Hrefna Sigurjónsdóttir, verkefnastjóri forvarna, spjallar við Bjarna Ingimarsson, starfandi formann Landssambands slökkviliðs- og sjúkraflutningamanna og varðstjóra hjá Slökkviliði höfuðborgarsvæðisins

49 min
02/16/2023

Öryggi í hestamennsku

Hestamennska er vinsæl íþrótt og tómstundaiðja á Íslandi auk þess að vera marglaga atvinnugrein. En að mörgu er að huga þegar kemur að öryggi knapa og forvörnum í hestamennsku. Hrefna Sigurjónsdóttir, verkefnastjóri forvarna, spjallar við Tinnu Dögg Kjartansdóttur, hestakonu og eiganda netverslunarinnar Brokk.is sem selur hágæða öryggisvesti með innbyggðum loftpúðum.

26 min
10/03/2022

Spjallið: Bylting í öryggismálum á sjó

Sjóbjörgun er stór þáttur í starfsemi Slysavarnafélagsins Landsbjargar og nýtt björgunarskip er nú komið til Vestmannaeyja. Skipið mun stórefla öryggi sjófarenda auk þess að auka öryggi afskekktari byggða. Til stendur að endurnýja öll 13 björgunarskip Landsbjargar. Örn Smárason, verkefnastjóri sjóbjörgunar hjá Landsbjörg, spjallar við Hrefnu Sigurjónsdóttur, verkefnastjóra forvarna, um eitt stærsta fjárfestingaverkefni Slysavarnafélagsins Landsbjargar til þessa.

30 min
05/24/2022

Viðskiptavinurinn í forgang

Stjórn fyrirtækis þarf að móta skýra stefnu til að ná skilgreindum markmiðum og hana þarf að endurmeta reglulega. Samtakamáttur er lykilatriði og finna þarf jafnvægi í rekstri og ánægju viðskiptavina. Svali Hrannar Björgvinsson, framkvæmdastjóri markaðsmála- og viðskiptaþróunar hjá Sjóvá, spjallar við Hrefnu Sigurjónsdóttur, verkefnastjóra forvarna, um stjórnun og stefnumótun.

36 min
03/10/2022

Spjallið: Aksturshegðun Íslendinga

Umferðin er samvinnuverkefni sem krefst þess að allir leggi sitt af mörkum til að hún gangi að óskum. Umferðaröryggi er málefni sem krefst stöðugrar athygli og endurmats enda er um að ræða mikið hagsmunamál fyrir samfélagið. Gunnar Geir Gunnarsson, deildarstjóri öryggis- og fræðsludeildar Samgöngustofu, ræðir aksturshegðun Íslendinga við Hrefnu Sigurjónsdóttur, verkefnastjóra forvarna.

37 min
12/08/2021

Spjallið: Hvernig á að tryggja fyrirtæki?

Öll fyrirtæki þurfa að tryggja sig fyrir ófyrirséðum atburðum og hafa ríkar skyldur gagnvart starfsfólki. Stofnun fyrirtækis fylgir nokkur áhætta og alltaf ábyrgð. Auk samningsbundinna skyldutrygginga standa til boða ýmsar frjálsar tryggingar sem atvinnurekandi ákveður sjálfur að taka. Hrefna Sigurjónsdóttir, verkefnastjóri forvarna, spjallar við Dagnýju Ýr Kristjánsdóttur, viðskiptastjóra hjá fyrirtækjaráðgjöf Sjóvár, um hvernig best er að tryggja fyrirtæki.

23 min

Tryggingar geta virkað flóknar við fyrstu sýn og því er lykilatriði að tala um þær á mannamáli. Sjóvá spjallið er hlaðvarp þar sem við ræðum um tryggingar og forvarnir þannig að fólk geti verið betur upplýst um hvernig tryggingar henta þeirra þörfum.

Creator

Sjóvá
Years Active

2021 - 2024
Episodes

25
Rating

Clean
Copyright

© Copyright 2021 All rights reserved.
Show Website

Sjóvá spjallið