Jan-edana /Baratza

EITB Radio Televisión Pública Vasca
  • 0.0 (0)
  • SOCIETY & CULTURE

Jan-Edana/Baratza inguruko edukiak.

  1. 12/28/2022

    Naiara Rodriguez: ''Arrainen arrasto genetikotik jakin dezakegu zer espezie dauden eta nola mugitzen diren''

    DNA molekula informazio asko dauka, eta ez gure gorputzean bakarrik; inguruan bizidun asko ditugu. Horregatik, DNA asko ere badago. Adituek badakite hori, eta baliatu egiten dute ingurua "irakurtzeko". Lurretik eta airetik ez ezik, itsasotik ere eskura daiteke informazio asko, itsasoko uretatik bertatik. Hori izango da aztergaia, Sustrai podcastaren zortzigarren eta azken atalean. Naiara Rodriguez Ezpeleta AZTIko ikertzaileak azaldu digu nolako informazioa lortzen duten itsasoko uretatik jasotzen duten DNAtik.

    20 min

  2. 12/21/2022

    Nerea Mandaluniz: ''Ardiak zaintzeko modu berriek lagunduko dute atmosferako karbonoa zurgatzen larreetan''

    Askotan hitz egiten da lehen sektoreak kliman duen inpaktuaz. Abeltzaintza adibide nabarmena da. Baina, ez abereekin ezta baratzarekin ere, gaur egungo jarduera ez da lehen bezalakoa. Ahalegina egiten da ahalik eta gehien murrizteko jarduera bakoitzaren inpaktua. Nerea Mandaluniz Astigarraga NEIKEReko ikertzaileak artzaintza berreratzaileaz hitz egin digu Sustrai podcastaren zazpigarren atalean. Ardiak zaintzeko modu berria da eta larratze-eredu berria ere bai. Emisioak murrizteko, eta zelaien oparotasuna handitzeko helburuz sustatua.

    19 min

  3. 12/14/2022

    Javier Amezaga: “Guk aztertzen dugu zer elikagai behar ditugun gramoen zehaztasunarekin”

    Geroz eta gehiago zaintzen dugu zer jaten dugun, eta geroz eta gehiagotan aztertzen dugu jaten dugun hori nahikoa ote den osasuntsu egoteko. Eta testuinguru horretan eta pertsonatik pertsonara aldea dagoenez, planifika daiteke norberarentzat pertsonalizatuta dagoen dieta egokia. Hain zuzen ere, AZTIn ikerketa bat ari dira egiten bide horretan; pertsona baten zelulen lipidoak aztertuta, informazio garrantzitsua eskura daiteke dieta pertsonalizatu horretan laguntzeko. Sustrai podcastaren  seigarren atalean, Javier Amezaga Mariezkurrena AZTIko ikertzaileak  azaldu digu nolakoa den ikerketa hori. Elikagai funtzionalei buruz ere hitz egin digu.

    21 min

  4. 12/07/2022

    Nahia Gartzia: ''Lurzorua ez da landareak sustatzeko euskarri fisikoa bakarrik''

    Hankak asfaltotik atera, espaloitik jaitsi eta lurra bera zapaldu. Zapaltzen ari zaren hori lurzorua da, hazten den guztiaren oinarria. Eta horregatik babestu behar da. NEIKER-eko Nahia Gartzia Bengoetxea ikertzaileak azaldu digu Sustrai podkastaren atal honetan, zer esan nahi duen horrek. Bai eta lurzorua ondo egotea zergatik den ezinbestekoa gainerakoa ere ondo egoteko. Gainera, lurzoru guztiak ez dira berdinak, eta behar ezberdinak izateak esan nahi du lurzoruaren kudeaketa tokian tokikoa dela, konplexua eta leku bakoitzeko beharretara egokitzea dela eraginkorrena.

    21 min

  5. 11/30/2022

    Amaia Lasagabaster:''Fagoek ez dute ordezkatuko elikagaien kontserbazioa; bakterio patogenoen muga dira”

    Antibiotikoek mesedea egin diote gizarteari, baina luzaroan hartuta arazoak ere sortu dituzte. Horregatik, adituak gaixotasun bakterianoen aurka bakteriofagoak erabiltzeko aukera ari dira ikertzen. Bakterioak hiltzen dituzten birusak erabiltzea, alegia. AZTI, ikerketa horretan sartuta d**o buru belarri; hain zuzen ere, Amaia Lasagabaster ikertzaileak eman dizkigu ikerketa horri buruzko azalpenak Sustrai podcastaren laugarren atalean.

    20 min

  6. 11/23/2022

    Gontzal Mugaburu: ''Industria eta ekoizleentzat elikagaiak ardura dira; gauzak ondo eginda toxikaziorik ez''

    Elikagaiak, oro har, seguruak dira gure inguruan, euskal gizartean, Bai kalitatez, bai eta industria praktikari dagokionean. Hala ere, bada arrisku txiki bat, elikagaiekin batera, beste elementu batzuk gorputzean sartzekoa. Toxikazioak dira. Adituek etengabe ari dira aztertzen nolako eragin izan dezaketen. ELIKA fundazioko Gontzal Mugabururekin aritu gara toxikazio ohikoenei buruz. Mugabururen iritzirako,  "Industriarentzat eta ekoizleentzat elikagaiak kaleratzea ardura handia da, baina haiek eta kontsumitzaileok gauzak ondo eginda, ez da toxikaziorik izaten" Entzun Sustrai podcastaren 3. atala!

    18 min

  7. 11/16/2022

    Ana Aizpurua: ''Helburua da mahastien zikloa luzatzea, klima-aldaketaren eragina ardogintzan murrizteko''

    Klima-aldaketak asko eragiten die mahastiei. Landarearen zikloa azkartu egiten da, eta, horren ondorioz, ardogintza kaltetu egiten da. Faktore asko egokitu behar dira ardoaren ekoizpenari eusteko. Hain zuzen, hori da VITISAD proiektuaren helburua, Neiker-ek koordinatua, eta emaitza onak eman ditu. Ana Aizpurua ikertzaileak azaldu digu Sustrai podcastaren atal honetan, zer ikertu duten eta nola.

    20 min

  8. 11/10/2022

    Arantza Madariaga Aberasturi: Ez xahutu elikagairik

    Sustrai podcastaren bidez, elikagaien munduan murgilduko gaitu Guillermo Roa, Elhuyar-eko zientzia dibulgatzaileak. Lurretik, edo itsasotik edo, jatorria edozein dela, elikagaiek gure platererako bidean duten balio-katea aztertuko dugu, ikuspuntu askotatik. Adituek gaur eta  hemen, Euskal Herrian, Europan eta munduan bizi dugun errealitatean zehar eramango gaituzte. Munduan, ustez, badira elikagai nahikoak populazio osoari jaten emateko. Horrela izanda ere, argi d**o ez dela behar bezala banatzen, eta, are gehiago, xahutu egiten da janaria. Arantza Madariaga Aberasturi Elika erakundeko zuzendariak lagundu digu Sustrai-ren aurreneko atalean, batetik, arazo hori zenbatekoa den azaltzen, eta, izan litezken konponbideak aurkezten. Haren eskutik ezagutuko dugu, besteak beste, zein den elikagaien xahuketaren errealitatea Euskal autonomi Erkidegoan.

    26 min
See All (68)

About

Jan-Edana/Baratza inguruko edukiak.

Information

  • Creator
    EITB Radio Televisión Pública Vasca
  • Years Active
    2021 - 2022
  • Episodes
    68
  • Rating
    Clean
  • Copyright
    © 2020 EITB Media
  • Show Website
    Jan-edana /Baratza