療癒嚟講 come talk healing

Yoyo Sham

5.0 (3)
ALTERNATIVE HEALTH
UPDATED WEEKLY

由岑寧兒和StoryTeller共同製作，與不同範疇嘅嘉賓探討佢哋所熟悉嘅療癒方法，聆聽屬於嘉賓嘅故事。療癒嚟講，希望呢個Podcast可以幫我地去幫自己，尋找自癒嘅方式。

10/27/2021

療癒嚟講，靜觀呼吸放下療癒

不知不覺嚟到療癒嚟講第一季的最後一集喇，主持人兼監制岑寧兒Yoyo當初點解會有想做podcast嘅諗法，其實係來自一個好療癒到佢嘅習慣，meditation冥想。由專注一個呼吸開始，Yoyo接觸到關於 mindfulness 嘅世界。在靜觀嘅世界裡面，我地可以更平靜去睇世界，身心專注係依一刻依一度，唔好捉住過去唔放，亦唔洗驚未發生嘅事，心，就自由。所以，嚟到今季最後一集，今集主題就係 mindfulness。Mindfulness 、正念、冥想、靜觀、覺察、..... 的確有好多唔同嘅詞語近年大家經常聽到，字眼唔同但又好似講緊同一件事，難免令人有啲困惑。我哋特別邀請瑜伽兼正念導師 Janet 嚟分享佢嘅故事。Janet話療癒就係放低療癒，透過觀察呼吸同身體開始，學習與黑暗面同傷口共存，接納自己嘅黑暗面，再發現生命光嘅一面。來到最後一集，我哋一齊透過由一個呼吸開始嚟講療癒！延伸閱讀：《瑜伽生活襌》- https://play.google.com/store/books/details?id=ow-WDwAAQBAJ&rdid=book-ow-WDwAAQBAJ&rdot=1&source=gbs_vpt_read&pcampaignid=books_booksearch_viewport《黑白人生》- https://play.google.com/store/books/details/Janet_Lau_%E9%BB%91%E7%99%BD%E4%BA%BA%E7%94%9F?id=9EsHEAAAQBAJJanet Lau @ Yoga & Wellness Official web site: www.janet-lau.com Facebook: Janet Lau Yoga & Wellness Instagram: janet_lau_yoga_wellness

39 min
10/20/2021

大休息

特別鳴謝冥想練習提供朱朱 @chuchu_nada

10 min
10/13/2021

療癒嚟講，潛意識係一個智慧老人

生活上好多遇到嘅問題其實同潛意識有關，例如會經常發惡夢，會有一啲習慣想改變但發現好難做到，甚至有一啲恐懼搵唔到原因..... 可能你都見過一個關於人類嘅意識嘅解像圖，好似一座冰山咁，露出水面嘅一小部分係顯意識，而隱藏喺水底嘅絕大部分但又對其餘部分產生影響嘅，就係潛意識喇。所以我哋好多行為同情緒的確同潛意識息息相關。今集請到身心靈工作室嘅共同創辦人Sharon同我哋分享一下關於探索潛意識嘅經驗，以及從事催眠治療期間嘅感受同經歷。 Sharon覺得，潛意識或者催眠呢樣嘢幫到自己好多——發現到自己內心世界好多唔同嘅嘢，例如情緒、陰暗面、一直逃避嘅問題，甚至原生家庭對自身嘅影響。而好多人，都有探索自己內心嘅呢份需要。潛意識就好似一位智慧老人，會俾到好多我哋好想知嘅答案。但好得意嘅係，潛意識亦係我哋自己嚟。療癒嚟講，今集講吓你嘅潛意識點樣幫你自己。延伸閱讀：心靈的傷，身體會記住情緒治療：走出創傷，BEST療癒法的諮商實作不開心，當然會生病：情緒排毒治百病愛與和解：華人家庭的系統排列故事 Sharon Chow @ Subport： Official website - http://www.subport.com.hk Facebook - https://www.facebook.com/subportworkshop/ Instagram - https://www.instagram.com/subport.hypnosis/

34 min
10/06/2021

身體掃描

特別鳴謝冥想練習提供朱朱 @chuchu_nada

10 min
09/29/2021

療癒嚟講，一路聞香一路望清自己

你地有無試過聞到一種香氣之後，就好似番返去曾經去過嘅一個地方，諗番起某一個人、某一年、某一件事？香氣，係一個好厲害嘅媒介，可以牽引我地嘅情緒，抒發到平時無留意嘅壓力或者壓抑咗好耐嘅情感。有時停一停，一個深呼吸享受吓香味，已經好療癒。今集請嚟聞香記嘅創辦人笑喜，佢係一位調香師，透過芳香療法製作唔同嘅香氣幫助唔同人舒緩情緒嘅問題。對笑喜嚟講，香氣係一個好好嘅夥伴，令我哋可以了解自己更多同埋學習接受自己嘅情緒，甚至俾我哋選擇帶上唔同嘅眼鏡去睇世界、睇自己。療癒嚟講，今集我地一路聞香，一路學習望清自己。延伸閱讀：笑喜推介：《芳療實證全書：從分子到精油、從科學到身心靈，成為專業芳療師的必備聖經【肯園20週年紀念版】》聞香記: 聞香記 Facebook 專頁聞香記 IG 專頁

31 min
09/22/2021

意象練習

特別鳴謝冥想練習提供朱朱 @chuchu_nada

5 min
09/15/2021

講嘢係一門藝術，聆聽係一份禮物

我地每日都要同人傾偈，同人溝通絕對係一門學問，甚至係一門藝術。坊間有唔少書藉教大家講嘢嘅技巧，點樣用最快最有效嘅方法說服聽眾或客戶，但除左說服別人，係溝通嘅過程當中，有無不自覺傷害別人或者耐心聆聽對方，都非常重要。溝通原來都有分「暴力」同「非暴力」。所以，今集嘅嘉賓搵嚟非暴力溝通資源中心嘅負責人劍玲。暴力溝通其實唔只係我地一般認知傷人嘅說話，即使你溫柔咁獎勵小朋友或者真誠咁向朋友提出建議，都有機會造成暴力溝通。劍玲覺得非暴力溝通其實個和平運動，今集佢將會同我地分享更多關於依一套能夠令大家自由發揮自己, 而唔需要對別人造成傷害嘅溝通方法！延伸閱讀：劍玲推介：《非暴力溝通：愛的語言》非暴力溝通資源中心 NVC Resource Centre：https://www.facebook.com/nvc.resource.centre https://www.instagram.com/kimling_nvc/

27 min
09/08/2021

靜心聆聽練習

特別鳴謝頌缽聲和靜心練習編寫朱朱 @chuchu_nada

7 min
09/01/2021

療癒嚟講，肚餓都可以係一種享受

香港人工作壓力大就要食得餐餐豐盛，但咁樣只會徒增壓力、無真正解決問題。於是今集我哋有悠樂谷創辦人朱朱，講吓佢點樣幫自己嘅身心排毒。朱朱話，曾經覺得自己身體入面同心靈上都會累積咗好多毒素，毒到就嚟爆。後來係頌缽令佢釋放情緒；斷食同瑜珈令佢學識將注意力放返喺自己身上，唔好太在乎出面世界嘅壓力；令身體清空卻同時填滿心靈。延伸閱讀：《The Complete Guide to Fasting: Heal Your Body Through Intermittent, Alternate-Day, and Extended Fasting》

27 min
08/25/2021

呼吸練習

特別鳴謝冥想練習提供朱朱 @chuchu_nada

6 min
08/18/2021

療癒嚟講呢，森林係一個好地方

喺大自然入面，我哋坐喺一棵樹下面發呆或者去海邊散步，好自然就會覺得放鬆同自在。療癒嚟講，森林療癒可能係其中一個最簡單嘅自我療癒方法。第一集我們請咗香港森林浴創辦人Amanda Yik 作為嘉賓，一齊聽佢分享森林療癒嘅經驗同故事。Amanda話，森林唔似我哋老細、唔似我哋身邊嘅人咁樣，入面嘅花草樹木全部都對我哋無任何要求。延伸閱讀：《森林癒：你的生活也有芬多精，樹木如何為你創造健康和快樂》、《樹冠上》、《山林癒》香港森林浴網址：https://www.shinrinyokuhk.com

34 min

11 Episodes

5

out of 5

3 Ratings

由岑寧兒和StoryTeller共同製作，與不同範疇嘅嘉賓探討佢哋所熟悉嘅療癒方法，聆聽屬於嘉賓嘅故事。療癒嚟講，希望呢個Podcast可以幫我地去幫自己，尋找自癒嘅方式。

Creator

Yoyo Sham
Years Active

2K
Episodes

11
Rating

Clean
Copyright

© 2021 療癒嚟講 come talk healing
Show Website

療癒嚟講 come talk healing