不想禁文藝

9 Start Art
  • 5.0 (1)
  • HOBBIES

三個曾經同居嘅on9文青，圍繞文學、電影、音樂、藝術、哲學等話題吹下水，希望同你一齊9 start art。 或者文藝，真係唔係你想像中咁「文藝」。 ｜主持：Mola、Lulu、四寶 ｜IG：9startart (https://www.instagram.com/9startart/) Powered by Firstory Hosting

  1. 2D AGO

    S1E77｜書｜三位主持嘅 2025 閱讀回顧 (下)

    新年快樂！大家最近過成點啊？2026 年已經嚟到 2 月，連農曆都過埋，我哋都係嗱嗱臨總結埋 2025 年嘅閱讀狀況，幫新一年開個靚頭先！ 今集，終於到 Lulu 介紹佢想頒發嘅三個好書大獎。第一本，叩問點解人類會起咁多「沒趣」嘅建築，而建築又可以點樣「人本」？第二本係一本附帶平面圖、邀請讀者一齊觀察間屋有咩「景轟」嘅推理小說。而第三本就係一個 Lulu 由細睇到大嘅明星真情流露、剖白自己嘅書，當中意外地金句百出，亦都非常之值得推薦。 最後再簡單講吓我哋睇邊個國家嘅書最多，同埋今年有咩閱讀目標。希望我哋，仲有手機對面嘅聽眾們，對 2026 嘅展望都可以順利完成！ Highlight: 00:55 Lulu：最相逢恨晚大獎《人本建築》 07:52 香港有冇有趣嘅建築？ 13:02 Lulu：最易入口嘅推理書大獎《詭屋》 17:04 Lulu：最多金句大獎《做自己，為什麼還要說抱歉？》 21:57 睇得最多嘅國家統計 23:00 2026 年嘅閱讀目標 28:12 岸久二三事：點解釋「PDF」？ 提及嘅書： Thomas Heatherwick 著、托馬斯‧海澤維克工作室譯：《人本建築：一位匠造者的世界建設指南》(Humanise)，2025 建築遊人、陳潤智著：《築覺︰閱讀香港建築》，2019 雨穴著、丁世佳譯：《詭屋》(変な家)，2023 林依晨著：《做自己，為什麼還要說抱歉？》，2022 ~ 鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！ Powered by Firstory Hosting

    32 min

  2. JAN 28

    S1E76｜書｜三位主持嘅 2025 閱讀回顧 (上)

    話說我哋做過音樂、電影嘅年度回顧，今次終於輪到書喇。我哋會分別揀三本書，頒發 (9作嘅) 大獎殊榮，以表揚呢本書喺我哋心目中嘅價值。 Mola 揀嘅書除咗有 Podcast 以前講過嘅《蚱蜢：遊戲、生命與烏托邦》，一本呢，就沉重噉帶你進入犯罪側寫師嘅工作現場；一本呢，就可可愛愛噉一邊查案，一邊帶你認識動物。 至於四寶，就揀咗佢絕對「唔推薦」嘅漫畫、最愛嘅作家嘅第一部長篇小說，同埋令佢驚歎點解咁「好讀」嘅哲學書。 由於時間關係，Lulu 揀嘅三個大獎就留返下集先講啦！Highlight:00:53 Mola：哲學BL大獎《蚱蜢：遊戲、生命與烏托邦》01:43 Mola：認清自己做唔到犯罪側寫師大獎《追逐怪物的人》11:14 舐自己條脷25:44 Mola：可愛大獎《誰是仿冒大王？》27:38 四寶：推薦有罪大獎《晚安布布》35:23 四寶：24分之14大獎《柔軟的耳朵與火山上的歌》39:08 四寶：這本哲學真好讀大獎《法國現象學的蹤跡：從沙特到德里達》提及嘅書： Bernard Suits 著，胡天玫、周育萍譯：《蚱蜢：遊戲、生命與烏托邦》(The Grasshopper: Games, Life, and Utopia)，2016 權日勇、高納穆著，黃莞婷譯：《追逐怪物的人》(악의 마음을 읽는 자들: 국내 최초 프로파일러의 연쇄살인 추적기)，2021 John Douglas, Mark Olshaker, Stephen Singular 著，張琰、吳家恆、劉婉俐、李惠珍、陳四平譯：《破案神探》(Mindhunter: Inside the FBI's Elite Serial Crime Unit)，2017 胡妙芬著，彭永成繪：《達克比辦案1：誰是仿冒大王？》，2015 淺野一二O著， 林子傑譯：《晚安，布布》(おやすみプンプン)，2008-2016 包冠涵著：《柔軟的耳朵與火山上的歌》，2025 劉國英著：《法國現象學的蹤跡：從沙特到德里達》，2018 提及嘅劇集： 金元錫執導，金銀姬編劇：Signal (시그널)，2016 朴寶藍執導，薛伊娜編劇：解讀惡之心的人們 (악의 마음을 읽는 자들)，2022 Joe Penhall 開創：Mindhunter，2017-2019 ~鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！ Powered by Firstory Hosting

    44 min

  3. JAN 3

    S1E75｜音樂｜椎名林檎（下）：一日一蘋果，規限遠離我

    椎名林檎，真係一個好「怪」嘅歌手——中意將各種音樂風格炒埋一碟但又唔會衝突、作啲詞晦澀到要人邊聽歌邊查字典、MV同舞台概念誓要特別到令人想唔記得都難。 女王就係要將所有框框都打碎同踢爆！ Highlight: 00:38 由電影音樂總監到奧運音樂總監 10:22 Mola 嘅入坑經歷 15:24 Mola 為我哋講解「都節音階」 25:22 對稱美學 28:03 令 fans 查字典查到津津樂道嘅歌詞 32:51 用特別嘅概念同舞台衝擊樂壇 36:18 董生心中「永遠嘅流行音樂女神」 38:55 岸久二三事：水浸翻車魚 提及嘅音樂： 椎名林檎 - Gamble (FMV)椎名林檎 - りんごのうた (蘋果之歌) (MV)東京事変 - りんごのうた (蘋果之歌)椎名林檎 - ギブス (石膏)椎名林檎 - 旬 (MV)椎名林檎 - 本能 (MV) 參考資料： 椎名林檎 - 維基百科，自由的百科全書加爾基 精液 栗子花 - 維基百科，自由的百科全書無限償還 - 維基百科，自由的百科全書【音樂專欄】個性派創作才女「椎名林檎」出道25年，她被神化了？必聽 10首日本歌手椎名林檎（Shiina Ringo）經典歌曲季節音樂-春日選曲-10-椎名林檎-【平成風俗】高寧、施曉詩：〈解析椎名林檎的音樂風格——《教育》和《大人》的旋律創作與鋼琴編配〉，《音樂時空》2014 年第 2 期，頁 88-91。椎名林檎：日本樂壇的蘋果女王椎名林檎出道20周年 站穩日本歌壇的惡女歌姬椎名林檎出道20週年！盤點不可不知的「林檎學」六大要點椎名林檎是一位怎麼樣的歌手？閒談椎名林檎與2015《椎名林檎と彼奴等がゆく 百鬼夜行》董啟章專欄：女神與女鬼 ~ 鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！ Powered by Firstory Hosting

    41 min

  4. 12/13/2025

    S1E74｜音樂｜椎名林檎（上）：新宿蘋果女王

    有一位喺 90 年代出道嘅日本歌手，佢嘅魅力經年不衰，直到依家仍然吸引住一代又一代嘅 fan 屎入坑（無錯，就係講緊四寶）；一唱起「今期流行」，就會自動接落佢個名度——佢就係椎名林檎！呢集主要會由佢出道前嘅經歷講到東京事變，睇下蘋果女王究竟是怎樣長成的。如果有講錯／講得唔到位，請各位資深🍎迷多多包涵！ Highlight: 00:28 多謝 Mola 獻唱 04:54 藝名「林檎」嘅由來 06:45 開始介紹生平 11:45 某主持都跨到三個八度？！ 19:30 十幾歲已經有女王風範 26:21 「新宿系」呢個 term 點嚟？ 30:25 東京事変 members 個個大有來頭 35:43 岸久二三事：一場由椎名林檎引發嘅誤會 提及嘅音樂： 椎名林檎 - 浴室 (切蘋果 Live：https://www.bilibili.com/video/BV1As411z773/?uid=42563141733431317A373733)椎名林檎 - 罪と罰 (罪與罰)椎名林檎 - シドと白昼夢 (席德與白日夢)椎名林檎 - 歌舞伎町の女王 (歌舞伎町女王)椎名林檎 - 丸の内サディスティック (丸之內虐待狂)Grover Washington Jr. - Just The Two Of Us (feat. Bill Withers) 參考資料： 椎名林檎 - 維基百科，自由的百科全書東京事變 - 維基百科，自由的百科全書無限償還 - 維基百科，自由的百科全書《無罪償還》的一些事【自翻】椎名林檎傳—— PART 1【自翻】椎名林檎傳——PART 2【音樂專欄】個性派創作才女「椎名林檎」 - a5511867的創作 - 巴哈姆特30歲樂壇登頂，40歲任奧運音樂總監，椎名林檎厲害在哪裡？日本音樂節目 由頂級音樂人解說樂團「東京事變」的魅力出道25年，她被神化了？東京事変回來了，又好像從未離開：椎名林檎與團員的競技與再生破譯樂理：席捲J-POP樂壇的「Just The Two of Us」經典和弦進行最不像樂團的樂團：《東京事變》簡介椎名林檎出道20周年 站穩日本歌壇的惡女歌姬椎名林檎出道20週年！盤點不可不知的「林檎學」六大要點無罪モラトリアム的意義 ~ 鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！ Powered by Firstory Hosting

    37 min

  5. 11/17/2025

    S1E73｜哲學｜《蚱蜢：遊戲、生命與烏托邦》 (下)：唯獨 Game 一個是不可給取替，是我生命裡的一切

    上集講完《蚱蜢：遊戲、生命與烏托邦》入面嘅遊戲定義，今集我哋會睇埋大蚱蜢同徒弟 Skepticus 嘅辯論 💬（想知點解講講下遊戲，會出現退休軍官嘅 BL 故事 🤼‍♂️💓，就要聽下呢集啦）。除咗 Skepticus 對定義嘅質疑，今集嘅另一個重點就係大蚱蜢 🦗 終於復活返嚟，同大家分享佢心目中嘅烏托邦——一個以玩遊戲作為本質，唔需要勞動嘅理想世界。喺呢個世界，所有嘢都係撳個掣就有，唔使愁買唔起樓，但你中意嘅話，都可以自己起棟樓 for fun 或者挑戰下自己。中意玩遊戲嘅人可能會覺得呢個世界好美好，但係咪真係所有人都接受到噉嘅生活呢？ Highlight: 00:52 提出「前遊戲目標」會唔會令個定義太狹窄？ 05:58 真係唔係講緊一個相愛相殺 BL 故事咩？ 13:39 啲職業玩家為工作而遊戲嘅話，會唔會同遊戲態度有衝突？魷魚遊戲又算唔算？ 20:59 「扶阿婆過馬路」都可以係遊戲？ 26:27 大蚱蜢夢見嘅烏托邦 31:04 個烏托邦真係會冇藝術？ 36:24 後續討論 41:47 岸久二三事：篤小腿之謎 提及作品： 伯爾納德．舒茲 (Bernard Suits) 著，胡天玫、周育萍譯：《蚱蜢：遊戲、生命與烏托邦》 (The Grasshopper: Games, Life, and Utopia)，2016 年 ~ 鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！ Powered by Firstory Hosting

    45 min

  6. 10/27/2025

    S1E72｜哲學｜《蚱蜢：遊戲、生命與烏托邦》 (上)：Game一事賽一智

    無論你中唔中意玩遊戲，由細到大都總會有相關經驗，可能係細個玩嘅天下太平 🚩、過三關，又或者係 board game 同電子遊戲 👾。但你又有冇諗過，呢啲五花八門嘅「遊戲」之間究竟有咩共通點？ 美國哲學家 Bernard Suits 喺 1978 年出版嘅《蚱蜢：遊戲、生命與烏托邦》裡面就提出咗一個遊戲定義：「玩一場遊戲，意味自願去克服非必要嘅障礙。」呢本書由對話嘅形式寫成，你會見到主角大蚱蜢（一個「捨生取遊戲」嘅昆蟲界哲學大師 🦗）同佢嘅信徒 Skepticus 瘋狂討論「遊戲」，入面會有認真嘅分析，都有搞笑嘅例子。今集，我哋會一齊睇下大蚱蜢嘅遊戲理論，大家都可以一邊聽，一邊諗下你心目中嘅遊戲符唔符合佢嘅定義 💬。 Highlight: 00:27 Mola 點解會講呢本書？ 01:54 本書嘅時代、作者；同伊索寓言〈螞蟻與蚱蜢〉有咩關係？ 05:42 本書嘅角色同架構 10:07 Part 1：大蚱蜢嘅遺言 15:59 Part 2：遊戲嘅定義係咩？ 18:39 1️⃣ 「前」遊戲目標？遊戲目標？ 22:41 馬拉松 🏃‍♂️ 32:38 2️⃣ 遊戲方法 33:22 3️⃣ 遊戲規則 40:00 4️⃣ 遊戲態度 提及作品：伯爾納德．舒茲 (Bernard Suits) 著，胡天玫、周育萍譯：《蚱蜢：遊戲、生命與烏托邦》 (The Grasshopper: Games, Life, and Utopia)，2016 年 ~ 鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！ Powered by Firstory Hosting

    44 min

  7. 10/06/2025

    S1E71｜電影｜Together 長相黐守 (下)：黐死不渝的愛

    唔知大家睇咗Together 未呢？最後，Tim 同 Millie 要面對一個選擇：到底要唔要接受真真正正「做一個整體」，抑或拼命保持分離，即使可能會令彼此受傷或者犧牲（諗起都痛）。Lu 嘗試生動咁描述一啲 body horror 情節，大家聽完 podcast 有興趣，記得睇埋電影！ Highlight: 00:20 繼續講劇情 06:08 柏拉圖《會飲篇》：愛情＝被劈開兩半嘅人搵返另外一半 07:17 happy/sad ending？ 08:32 討論「關係成癮／互累症」 13:02 男女主角原來係現實中嘅真 couple 19:39 如果 merge 完又愛上第二個⋯⋯ 22:30 睇 body horror 唔會嘔嘅 Lulu 24:27 岸久二三事：四寶買咗個超伏嘅 headphone 提及作品： Michael Shanks 執導：《Together》(長相黐守)，2025Coralie Fargeat 執導：《The Substance》(完美物質)，2024柏拉圖 (Plato) 著：《會飲篇》(Symposium) ~ 鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！ Powered by Firstory Hosting

    27 min

  8. 09/13/2025

    S1E70｜電影｜Together 長相黐守 (上)：黐嗎驚

    痴線？痴情？痴埋？！  一對情侶搬去鄉下重新生活，但一次意外令佢哋嘅身體產生咗啲好恐怖嘅變化，我諗大家睇吓 poster / trailer 都估到咩事。愛情變咗一場超自然嘅考驗，佢哋會點面對呢？ Highlight: 00:40 大家驚唔驚 Body horror？ 02:30 睇下個 trailer 先 04:05 故事背景：主角 couple 嘅感情狀態🤔 09:22 正式入戲玉～ 13:21 Lulu 覺得拍得最好嘅一幕 16:19 失控嘅 Tim 走去學校搵 Millie，會發生咩事？ 21:45 Millie 都開始病發🥶 27:44 同《The Substance》比較 30:14 喺 Jamie 屋企發現到啲嘢，真相開始浮出水面 提及作品： Michael Shanks 執導：《Together》(長相黐守)，2025 (Trailer: https://youtu.be/v4Xu-jxRG5c?si=OIcOnfhE67CBygvZ)Coralie Fargeat 執導：《The Substance》(完美物質)，2024 ~ 鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！ Powered by Firstory Hosting

    33 min
See All (78)

About

三個曾經同居嘅on9文青，圍繞文學、電影、音樂、藝術、哲學等話題吹下水，希望同你一齊9 start art。 或者文藝，真係唔係你想像中咁「文藝」。 ｜主持：Mola、Lulu、四寶 ｜IG：9startart (https://www.instagram.com/9startart/) Powered by Firstory Hosting

Information

  • Creator
    9 Start Art
  • Years Active
    2021 - 2026
  • Episodes
    78
  • Rating
    Clean
  • Copyright
    © 9 Start Art
  • Show Website
    不想禁文藝