بودكاست فتيش

Fittaish Initiative

5.0 (1)
SEXUALITY

🌈 | بودكاست كويري ناطق بالعربي انعمل كرمال نحكي ونسمّع

04/05/2023

إذا بدك جنس اطلبني - عن الوجه الخفي للعمالة الجنسية | م1ح10

عمالة الجنس هي مهنة انوجدت بكل حضارة على وجه الأرض، تُعرف اصطلاحاً بالدعارة. وهي تقديم خدمات جنسية بمقابل مادّي. أُطلق مصطلح العامل بالجنس عام 1978 من قبل الناشطة كارول لي، وهي عاملة جنس تم اغتصابها من قبل شخصين. بتوصف كارول حادثة الاغتصاب إنها اللحظة الحاسمة بحياتها اللي دفعتها للنضال من أجل حقوق العاملات* بالجنس. أمّا بالنسبة لديفد، ضيفنا اليوم، الموضوع مو متعلّق بالاغتصاب الجسدي؛ إنّما بما وصفه بالاغتصاب النفسي. بدأ من اللحظة اللي جبرته فيها ظروف الغربة والقهر إلى الاتجاه نحو عمالة الجنس، المهنة الموصومة بالعار ضمن مجتمعاتنا بما فيها مجتمع الميم عين+. ديفيد بيقاوم هي الوصمة بالسخرية، والضحكة اللطيفة، والنكات المستمرة على المواقف المؤذية يلي بيتعرّض إلها. بنتمنّالكم استماع لطيف 🌈

43 min
11/15/2022

الحلقة الأخيرة وأسئلتكن - عن مروان ورحلة فتيش وشو ناطركن بالموسم التاني | م1ح11

بالحلقة الاخيرة من الموسم الأوّل من بودكاست فتّيش رح يكون معكن مروان هالمرّة بدون ضيف*. ورح يحكيلنا عن تجربته بالسنة الماضية كمقدّم للبودكاست، عن قصته كشخص كويري، ورح يجاوب عَ كلّ أسئلتكن.. وشغلات تانية حابب يشاركها معكن. رح تسمعوا كمان لمحة عن تطوّر فتّيش من بودكاست لمبادرة تطوّعية متكاملة، وتتعرّفوا عَ فريقنا أكتر، وشو خططنا للموسم التاني. رح تكون معكن أميمة ببودكاست جديد كلّياً. بالإضافة لفقرات جديدة مع فنّانين* كويريين، لندخل بشكل أعمق بالمجتمع الكويري الناطق بالعربي. مروان رح يودّعكن بالموسم القادم، بس راجعلكن بعده بقوّة وحرفية أكتر وأفكار جديدة وشغل مهمّ. بنتمنالكن استماع جميل. 🌈

23 min
08/28/2022

القصة قصة حب مش جنس - عن طيف اللاجنسية الواسع والفئة المهمشة من مجتمع الميم عين | م1ح9

الحاجات الفيزيولوجيّة اللي هي: التّنفس، المأوى، الغذاء، الجنس، بحسب أبراهام ماسلو، موجودة بقاعدة هرم ماسلو للاحتياجات الإنسانية. اللّغة العربيّة بتعرّف الحاجة حسب المعجم الوجيز: كلّ ما افتقر إليه المرء وطلبه. في 1% من سكان الكرة الأرضيّة ما بيعتبروا الجنس حاجة بالنسبة إلهم، همّ اللاجنسيين*. أنّك ما تقدري تنجذبي جسدياً لأشخاص إلّا إذا في رابط رومانسي، أو أنّك تستمتع بالإمتاع الذاتي ولكن ما بتثيرك العلاقة الجنسية مع شريك* جنسي*... أو أنّك تشتهي الجنس الناعم والحميمية بدون ما تشتهي الإدخال، كل هدول هنن تفضيلات بتندرج تحت اللاجنسية. الفئة اللي رح تخبّرنا عنها ضيفتنا (جي) من خلال سرد لعدّة أحداث وتجارب شخصيّة، لنتعرّف أكتر على هاد الطيف الواسع من اللاجنسية وعن إضافة حرف اللام لتسمية مجتمع الميم عين. بنتمنّالكم استماع لطيف. 🌈

35 min
07/28/2022

أنا دنيا والعراق دنيا تانية - عن حبّ الوطن من طرف واحد والعيش بالجسد الغلط | م1ح8

الهويّة حسب تعريف الفلسفة هي حقيقة الإنسان المطلقة، بمعنى إنها مجموعة صفات بيعرّف فيها الإنسان عن ذاته، سواء معنوية أو جسدية. أنثى، ذكر، عربية، أشقر، سمراء، أمور ما بنختارها، ولكن تعبيرنا عنها، هو تعبيرنا عن هويّتنا اللي عندنا كامل الحقّ لاكتشافها وعيشها بحرّية ومساواة. للأسف هاد الحق ما بيكون متاح للجميع بنفس الدرجة، وأكثر الأشخاص معاناةً بتحصيله هم اللي عندهم هويّة جندريّة غير معياريّة بالنسبة للمجتمع. أنّك تولدي أنثى وتحسّي حالك ذكر أو العكس، هو شي بيعاقبك عليه المجتمع، وممكن يحوّل جسدك لسجن، ضيق وموحش، وأحياناً الأهل هم حرّاسه. ضيفنا آدم (هيك بيقول المجتمع)، ضيفتنا دينا (هيك بتعرّف عن حالها) أنثى، عراقية، بتحكيلنا عن تجربتها مع سجن الهويّة ونضالها للتحرّر منه. بنتمنّالكم* حلقة ممتعة. 🌈

28 min
06/27/2022

طلعت من الخزانة وقفلت ورايي - عن عملية الإفصاح عن الميول ورحلة تقبّل الأهل | م1ح7

ـ بسبب الرفض المجتمعي والديني اللي بيتعرضوا إله الكويريين* بحياتهم* اليومية، كتار بيكونوا مُجبرين* يخلقوا حياة مزدوجة لأنفسهم*. سواء ليحافظوا على علاقاتهم* مع العائلة والأصدقاء، أو بسبب حاجتهم* المستمرّة للأهل ولفرص العمل اللي بكتير أوقات بتتأثّر بكونهم* كويريين*. صحيح إنّه خلق شخصية أخرى بترضي المجتمع يعتبر الخيار الأسهل، لكن بنفس الوقت إله آثاره السلبية العديدة على نفسية الإنسان. ـ ضيفنا اليوم، أنس من سوريا، بيحكيلنا رحلته للخروج من الخزانة، كيف قدر يتعامل مع أهله، وكيف بينظر للموضوع.. بحلقة مميزة موجّهة لأهالي مجتمع الميم عين+ قبل الكويريين أنفسهم*. بنتمنّالكم* استماع لطيف 🌈

36 min
05/27/2022

امشي متل الزلم - عن الرجولة والخزانة والاحتلال وأبو نوّاس | م1ح6

في سنوات الطفولة والمراهقة من حياتنا، نكبر في مجتمع مليء بالقوالب الجامدة التي تحدّد تعريفنا للذكورة والأنوثة. فطريقة المشي والكلام والتعبير عن المشاعر…إلخ، كلّها محكومة بنظام جندري موروث لا يدع مجالاً لنا كأفراد لننمو على سجيّتنا. وهذا ما يضطرّنا، بعد فهمنا لتعقيدات الجندر والجنسانية، لسنوات عديدة لنستعيد علاقتنا بأنفسنا وثقتنا بها. مفهوم الخروج من الخزانة وتأثيره على علاقة الإنسان بجسده، دور الاستعمار الغربي في ترسيخ رهاب التنوّع الذي نعاني منّه في مجتماعتنا العربية، أمور ناقشناها أيضاً في حلقتنا اليوم مع ضيفنا رشيد من سوريا، نتمنّى لكم استماعاً لطيفاً 🌈

31 min
04/30/2022

ما تحرمش نفسك من المتعة - عن المتعة ومعايير الجمال في مجتمع الميم عين+ | م1ح5

الجمال، الجنس، الجسد والغرائز هي مفاهيم تتباين في فهمها والتعامل معها كل المجتمعات في العالم. ولكنها في مجتمعاتنا العربية، لا تزال مواضيع خاضعة لأحكام أخلاقية جمعية، تجعل الحديث عنها أو حتى التفكير بها، يبدو أمراً معيباً. فبين التحريم والإباحة تبقى التجربة الجنسية إحدى الحاجات الأساسية في حياة كلّ منّا. وفي رحلة اكتشافنا لجنسانيّتنا، تتجلى جوانب أخرى من أنفسنا، وتتطوّر علاقتنا مع أجسادنا، ويزداد وعينا بالآخرين. ضيف حلقتنا اليوم، تازر من ليبيا، الكاتب والصحفي الكويري، يحدّثنا عن تحوّل مفهمومه عن التنوّع الجمالي والجنس، من فلسفة "إماتة الجسد وإحياء الروح" إلى "مذهب اللذّة والانفتاح". 🌈

31 min
03/30/2022

إنسانة قبل ما أكون عابرة - عن العبور الجندري وتحدّيات العابرات والعابرين | م1ح4

كلنا كَبشر منجي على هالعالم وعندنا أقدار محدّدة مسبقاً حسب وين وبأيّ زمن عمننولد.. بتستقبلنا العيلة والمجتمع وتقاليدهم وبتحطنا بقوالب جاهزة، ونحنا كلما منكبر منتحرّر منها أكتر. ولكن تكوينة الإنسان ما بتلعب فيها إلّا الطبيعة والصدفة اللي بيختاروا بأيّ جينات الانسان رح ينولد. هون منشوف، انّو أوقات حتّى الطبيعة بتخلقنا بالجسم الغلط.. متل ما بيصير مع العابرين والعابرات جندرياً حول العالم؛ الشي اللي بيتطلّب منهم شجاعة هائلة لاكتشاف وتصويب هاد الخطأ. ضيفتي ياسمين رح تحكيلنا اليوم عن تحدّياتها اليومية كعابرة جندرياً وعن خطوات عملية التصحيح الجنسي اللي بيمرّ فيها معظم العابرين جندرياً حول العالم. 🌈

20 min
02/25/2022

بين جندرين - عن الجندر اللاثنائي وفرض المجتمع للأدوار النمطية | م1ح3

أغلب الناس بتعتقد انّو الإنسان بيولد بأحد الجنسين؛ إمّا ذكر أو أنثى. لكن لمّا بدنا نحكي عن الواقع، أو عن الأجناس اللي قدر الطب والعلم يرصدها؛ هون بيصير فينا نحكي عن أكتر من احتمالين. إلى جانب الجنس (البيولوجي) هناك ما يدعى بالجندر.. أو بكلمات بسيطة: الإحساس الجنسي الذاتي أو الدور الاجتماعي الجنسي للفرد، بمعزل عن جنسو البيولوجي. اسمعوا ضيف حلقتنا لليوم غيس، عميحكيلنا عن تجربتو الشخصية كشخص لاثنائي (نَن-باينري).. وعن تحدّياتو بمجتمع بيفرض عليه كل الوقت أنماط ذكرية ما بتشبهو. 🌈

20 min
01/31/2022

ميم عين بيروت - عن مجتمع الميم عين+ بلبنان والعلاقات السامّة | م1ح2

"كتير عالم بتشوف انّو الدولة العربية الأكثر تحرّراً واستقبالاً للمثلية الجنسية هي لبنان.. يؤسفني قول انّو هيدا الشي مش مزبوط." بهالكلمات بلّش ضيفا اليوم كلامو عن شكل مجتمع الميم عين بلبنان. بهالحلقة رح تسمعوا پول، الناشط السياسي الكويري اللبناني عميحكي عن نظرة المجتمع اللبناني للكوير كوميونتي و"عقوبة المثلية الجنسية" بلبنان، وعن الطابع النسوي الكويري لثورة 17 تشرين.. وكيف غيّرت الثورة حياتو وعملت منو شخص تاني تماماً. منتمنالكن استماع لطيف. 🌈

24 min
01/01/2022

ألف باء غاي - فلسفة عن المثلية وإعلان الميول وتغيير المجتمع | م1ح1

أهلا وسهلا فيكن بالحلقة الأولى من بودكاست فتّيش. ضيفنا اليوم صديق رايق كتير.. حبّينا نحكي سوا عن تجربتو الشخصية كمثلي ونظرتو الذاتية لكتير مواضيع بتخصّ مجتمع الميم عين. من الآوتنغ أمام العيلة، لشو تغيّر بتجربتو الجنسية بالغربة، لكيف قدر يحلّ أزمة الدين لصالح حرّيتو الجنسية… هي وغيرا من المواضيع حكينا فيها بمقابلة كانت أقرب لتبادل أفكار عفوي. منتمنالكن استماع لذيذ. 🌈

22 min
SEASON 1 TRAILER

شو هاد فتيش، كيف بقدر شارك؟ - الحلقة التعريفية | م1ح0

بودكاست فتّيش هو منصّة صوتية ومكان آمن انخلق لنحكي مع بعض ونسمع من بعض تجارب كويرية مننا وفينا رح نستضيف بشكل أساسي أشخاص كوير من كل أطياف مجتمع الميم عين، بالإضافة لأي حدا حابب* يحكي* معنا كويرنس كما أنو مبادرة لنعطي الكوير الناطقين بالعربي مساحة حرّة للتعبير، وللعالم اللي بتجهل طبيعتنا الفرصة انها تسمعنا وتتعرف علينا 🌈

4 min

TRAILER

شو هاد فتيش، كيف بقدر شارك؟ - الحلقة التعريفية | م1ح0

بودكاست فتّيش هو منصّة صوتية ومكان آمن انخلق لنحكي مع بعض ونسمع من بعض تجارب كويرية مننا وفينا رح نستضيف بشكل أساسي أشخاص كوير من كل أطياف مجتمع الميم عين، بالإضافة لأي حدا حابب* يحكي* معنا كويرنس كما أنو مبادرة لنعطي الكوير الناطقين بالعربي مساحة حرّة للتعبير، وللعالم اللي بتجهل طبيعتنا الفرصة انها تسمعنا وتتعرف علينا 🌈

S1

•

4 min

🌈 | بودكاست كويري ناطق بالعربي انعمل كرمال نحكي ونسمّع

Creator

Fittaish Initiative
Years Active

2021 - 2023
Episodes

12
Rating

Explicit
Copyright

© Fittaish Initiative
Show Website

بودكاست فتيش