Pattcast – De Podcast iwwert Déieren

RTL Radio Lëtzebuerg
  • 0.0 (0)
  • PETS & ANIMALS
  • UPDATED BIWEEKLY

Am "Pattcast", dem Podcast iwwer Déieren, diskutéiere mir iwwer Muppen, Kazen, Päerd an och soss exotesch Aartgenossen. Mir loossen Experte vum Fach zu Wuert kommen a ginn Tipps, wat d'Zesummeliewe mat eise Kolleegen op 4 oder 2 Patten, Flossen oder soss méi einfach mécht.

  1. 12/16/2024

    Episod 20 - Arthrose bei Hënn, 16/12/2024

    Wéi kann ech mengem Hond hëllefen? Mat eiser Invitée, d'Géraldine Flammang, kucke mir wat Arthrose genee ass, wéi een erkennt datt de Mupp betraff ass a wat een alles maache ka fir en ze ënnerstëtzen.

    14 min

  2. 11/15/2024

    Episod 19 - Ernärung bei de Kazen, 15/11/2024

    Wéi ernären ech meng Kaz richteg? Kazen ticke bekannterweis dacks e bëssi anescht wann et ëm d'Ernährung geet. Op wat een oppasse soll beim Fudder fir Kazen, wat ee maache ka wann den Tiger glott ass a wéi ee seng Kaz dozou kritt genuch ze drénken, erkläert eis Invitée Corinne Bormes déi sech mam Thema auskennt.

    18 min

  3. 10/15/2024

    Episod 18 - Déierepensiounen, 15/10/2024

    Wéi erkennt een eng seriö Déierepensioun? Dës Kéier hu mir d'Bérit Majeres vum Service Bien-être de l'animal vun der ALVA bei eis op Besuch. Zesumme kucke mer op wat een oppasse soll wann een eng Déierepensioun sicht, wéi een eng seriö a gutt Pensioun erkennt a wéi ee sech soll uleeë wann ee säin Déier déi éischt Kéier an d'Pensioun gëtt. Op där anerer Säit interesséiere mir eis awer och dofir wat een alles maache muss fir eng Pensioun fir Muppen oder Kazen opzemaachen.

    16 min

  4. 07/26/2024

    Episod 17 - Éischt-Hëllef beim Hond a bei der Kaz, 26/07/2024

    Wéi soll een am Noutfall reagéieren? An der aktueller Episod vum Pattcast hu mir zesumme mat der Corinne Bormes iwwer d'Éischt-Hëllef beim Hond an der Kaz geschwat; si ass Infirmière vétérinaire. Mir hu si ënner annerem gefrot, wéi een an engem Noufall reagéiere soll, wat an eng Éischt-Hëllef-Trousse gehéiert a firwat filmen a verschiddene Situatiounen hëllefräich ka sinn.

    18 min

  5. 06/17/2024

    Episod 16 - Fellfleeg, 17/06/2024

    De Pelz vun Hond a Kaz richteg fleegen De Pelz vun eise Véierbeener, Hond a Kaz, soll net nëmmen am Fréijoer oder am Hierscht gefleegt, mee dat ganzt Joer iwwer. Wisou dat sou wichteg ass a wéi een dat richteg mécht, gesi mir an dëser Episod vum Pattcast. Invitée am Studio dofir war d'Déierecoiffeuse Stéphanie Flammang.

    27 min

  6. 04/23/2024

    Episod 15 - Papageien, 23/04/2024

    Den Dr Carlo Manderscheid, eisen Invité, ass ënnert anerem op Papageie spezialiséiert Zesumme mam Déierendokter huele mir dës eenzegaarteg Déieren ënnert d'Lupp, kucke wéi ee se hale soll, op wat ee bei der Ernärung oppasse soll, wéi ee se beschäftegt a gesond hält.

    27 min

  7. 03/07/2024

    Episod 14 - Reptilien a Spannen, 07/03/2024

    Aartgerecht Haltung vun de Schlaangen, Spannen, Bartagamen, Deckelsmouken a Co An dëser Episod thematiséiere mir, zesumme mam Veterinär Jeff Schreiner, d'Reptilien an d'Spannen. Hie schafft am "Haus des Meeres" zu Wien mam Schwéierpunkt Exoten a wëll Déieren. Mir ginn ënner anerem gewuer wou hier déi Faszinatioun vun de Leit fir dës Déiere kënnt, wéi ee Reptilien a Spannen aartgerecht hält a wéi ee reagéiere soll, wann een zum Beispill eng Schlaang oder eng grouss Spann an der Natur fënnt.

  8. 12/14/2023

    Episod 13 Wann de Mupp fortgelaf ass, 14/12/2023

    Wat soll een da maachen? Zesumme mam Tanja Forette vun de Sichhënn.lu, hunn d'Nicky Soisson an d'Sandra Mélan d'Fortlafe vun den Hënn thematiséiert. Wéi soll ee virgoen, wann de Mupp sech aus dem Stëbs gemaach huet respektiv wéi kann een dëst sou gutt wéi méiglech versichen ze verhënneren besonnech elo fir d'Feierdeeg.

See All (20)

About

Am "Pattcast", dem Podcast iwwer Déieren, diskutéiere mir iwwer Muppen, Kazen, Päerd an och soss exotesch Aartgenossen. Mir loossen Experte vum Fach zu Wuert kommen a ginn Tipps, wat d'Zesummeliewe mat eise Kolleegen op 4 oder 2 Patten, Flossen oder soss méi einfach mécht.

Information

More From RTL Radio Lëtzebuerg