Todos os podcast | Como que non?

AGalegaAudio

Programa de humor e variedades con Carlos Tresandí

  1. Jun 28

    Comoquenoners 2026 noite 2

    Desde o Pub Ícaro e con público en directo, o COMO QUE NON?! despide a súa novena temporada coa entrega do COMOQUENONER ORIXINAL que vai recaer nunhas desas persoas do público que nos levan acompañando durante moitas noites de gravacións en directo. Ademais teremos a GRAN FINAL do CONCURSO CQN?! entre María Xosé Rodríguez e Tere Tresandí, as concursantes que acadaron as maiores puntuacións nesta campaña. Estarán acompañadas polos membros do equipo: Alejandro Martínez "Pini", que tamén analizará as últimas Efemérides Aleatorias, Dani Lorenzo, Fran Rodríguez, Alberto Cunha e J. Pablo Sangiao. Sangiao fará doblete presentándonos a derradeira "Versión Sangiao" da temporada. Óscar Rosende completará os equipos de axuda do Concurso CQN?! e Pepe Capelán vai saudarnos desde os "Headquarters" da Radio Galega. O programa rematará cunha canción en directo interpretada por Carlos Tresandí con Sangiao á guitarra que porá o broche de ouro a este ano radiofónico comoquenoner.

  2. Jun 21

    Comoquenoners 2026 noite 1

    Esta noite entregaron o COMOQUENONER ESPECIAL e o COMOQUENONER DE HONRA. Ademais, Fran Rodríguez volveu co seu "Museo Mutante" amosándonos unha das últimas figuras da súa colección: o Conde Draco. Dani Lorenzo volveu chegar tarde e protanizou o derradeiro Mundo Paquitof da temporada. Tivemos Efemérides Aleatorias con Alejandro Martínez "Pini", a J. Pablo Sangiao e a Alberto Cunha imitando a Serrat interpretando "Romeo & Juliet" dos Dire Straits xunto a Óscar Rosende dos "Great Straits". Dirixiu coma sempre, Carlos Tresandí."

  3. Jun 14

    Dark Angelina

    Ademais tivemos outra edición do Mundo PAquitof de Dani Lorenzo que nos falou das épocas máis escuras de Angelina Jolie. Alberto Cunha presentou o derradeiro Musicalia da historia completando a sección sobre plaxios que comezara hai dúas semanas. Non faltaron as Efemérides Aleatorias de Alejandro Martínez "Pini" e para terminar en alto, J. Pablo Sangiao repetiu a última Versión Sangiao pero, desta vez, sen equivocacións e con Carlos Tresandí facéndolle os ventos."

  4. Jun 7

    Versión na limo

    Tivo que enfrontarse ás preguntas de Carlos Tresandí pero contou, como é habitual, coa colaboración do equipo entre os que se atopaban Alberto Cunha e Dani Lorenzo. Alejandro Martínez "Pini" analizou unha nova Efeméride Aleatoria e J. Pablo Sangiao interpretou unha "Versión Sangiao" irrecoñecible "chorando na limo"... A música en directo púxoa Adrián Timms que nos interpretou unha versión do tema de George Ezra "Budapest" en rigoroso directo.

  5. May 31

    Emily Bronte

    Pepe Capelán propuxo unha nova pregunta no CCCP, Alberto Cunha falounos de plaxios na súa sección "Musicalia" e tivemos Efemérides Aleatorias analizadas por Alejandro Martínez "Pini". Dani Lorenzo, por non variar, chegou tarde e J.Pablo Sangiao mantivose atento a todo o que aconteceu no programa cos seus comentarios incisivos habituais. A música en directo púxoa Adrián Timms que nos interpretou unha versión do clásico de Otis Redding "(Sitting on) The dock of the bay". E todo isto dirixido e presentado polo de sempre: Carlos Tresandí

  6. May 17

    Goma 2

    Foron o primeiro grupo de rock en usar unha gaita nas súas composicións! Ademais Carlos Tresandí volveu recibir a Tere Tresandí que nos falou do seguinte show das Tanxugueiras que se vai encargar de deseñar lumínicamente e tamén aproveitou para responder a unha nova pregunta de Pepe Capelán no CCCP. Dani Lorenzo non defraudou no seu "Mundo Paquitof" falándonos dunha música andina moi especial... E tamén estiveron J. Pablo Sangiao, Fran Rodríguez, Alejandro Martínez "Pini" coas súas Efemérides Aleatorias e a música en directo de Adrian Timms que nos interpretou o seu tema "Soldiers dance on TikTok"

  7. May 10

    A liteira de arriba

    Participou na penúltima edición regular do CONCURSO CQN?! antes da Gran Final. Lograría resolver as preguntas de Carlos Tresandí e clasificarse? Tamén respondeu outra pregunta; a do CCCP de Pepe Capelán que nos quedara pendente da pasada semana. J. Pablo Sangiao volveu protagonizar unha nova Versión Sangiao e presentounos EN RIGOROSO DIRECTO o último single de LaBandaDelCuarto con Rober Carcos á guitarra titulado "Lo que soy". Ademais tivemos Efemérides Aleatorias con Alejandro Martínez "Pini" e a participación do Equipo Cómico Habitual: Fran Rodríguez, Dani Lorenzo e Alberto Cunha!

  8. May 3

    Deseño de iluminación

    Falounos das Tanxugueiras e de todo o relacionado coa parte de atrás dos eventos musicais, a iluminación e o que xurdiu. Tamén houbo Museo Mutante con Fran Rodríguez que trouxo peluche! Escoitamos a excusa de Dani Lorenzo por chegar tarde, analizamos Efemérides Aleatorias con Alejandro Martínez "Pini", acompañáronnos J. Pablo Sangiao e Alberto Cunha... E a música en directo correu a cargo dos CONTRA TEMPO (Cunha brothers e Sabela Cereijo) que nos interpretou unha versión en directo do mítico "La, La, La"

See All (105)

About

Programa de humor e variedades con Carlos Tresandí

Information