Todos os podcast | Efervesciencia

AGalegaAudio
  • 0.0 (0)
  • Science

Manuel Vicente fai máis accesible a ciencia neste programa de divulgación para todos os públicos

  1. Sep 27

    Efervesciencia 27-09-2026

    Todos os podcast | Efervesciencia

  2. Sep 20

    Efervesciencia 20-09-2026

    Todos os podcast | Efervesciencia

  3. Sep 13

    Efervesciencia 13-09-2026

    Falamos co experto en cartografía Miguel García sobre a recomendación da ONU de substituir o clásico mapamundi Mercator por proxeccións que reflictan mellor o tamaño de cada rexión, como a de Equal Earth. O cosmólogo Antón Baleato explícanos que vai investigar dende o Instituto Galego de Física e Altas Enerxías. A sexóloga Laura Veiga comenta un estudo pioneiro sobre saude mental, saúde menstrual e calidade de vida.

  4. Sep 6

    Efervesciencia 06-09-2026

    Abrimos a nosa vixésima tempada acudindo ao Congreso de Estatística, Investigación Operativa e Ciencias de Datos que se desenvolve en Santiago. Imos coñecer como con estas disciplinas científicas se poden optimizar recursos e apoiar a toma de decisións fundamentadas. Falamos de modelos de predición e de como a combinación de ferramentas clásicas con técnicas computacionais avanzadas nos sitúan ante un panorama de grandes oportunidades para a innovación científica e social. Contamos coa axuda da presidententa da asociación organizadora do congreso, Lola Martínez; da coordinadora de Estatística da USC, Mercedes Conde; do catedrático de Estatística da USC, Julio González; do profesor do Instituto de Matemáticas da Universidade de Sevilla, Alberto Torrejón; de Anabel Forte, da Universidade de Valencia e de Carmen Vinuesa, da Universidade de Extremadura.

  5. Jun 26

    Efervesciencia 26-6-2026

    Pode construirse en Galicia o futuro acelerador de partículas do CERN de Xenebra? Pois niso están a Xunta de Galicia, a través da Axencia Galega de Innovación, o Centro para el Desenvolvemento Tecnolóxico e a Innovación (CDTI) do Ministerio de Ciencia, Innovación e Universidades, e o Instituto Galego de Física de Altas Enerxías. Neste programa explicamos en que consiste esta iniciativa e como se pode artellar a participación galega. Cóntannolo o conselleiro de Educación, Ciencia e Universidades, Román Rodríguez, e o director do IGFAE, Carlos Salgado. Ademais falamos de curiosas investigacións sobre o mundo das gaivotas co ornitólogo Nacho Munilla e co catedrático de zooloxía da Universidade de Vigo, Alberto Velando.

  6. Jun 25

    Efervesciencia 25-06-2026

    Programa realizado no Observatorio astronómico de Cotobade, onde realizamos unha observación pública e inclusiva do ceo nocturno coa colaboración da Asociación Amipa e a Asociación Astronómica Sirio.

  7. Jun 24

    Efervesciencia 23-6-2026

    Un equipo de investigadores do Instituto Lunenfeld-Tanenbaum de Toronto descubriu que medicamentos como Ozempic ou Mounjaro exercen efectos protectores directos sobre o fígado, independentemente da perda de peso asociada. Nese equipo traballa unha galega, María Jesús González, coa que falamos sobre esta investigación e as súas posibles aplicacións. Xa se pode ler en galego "Donaira", a utopía de ciencia ficción feminista escrita por Charlotte Perkins. Conversamos coas súas traductoras, Estíbaliz Espinosa e Irene Lema. Homenaxeamos o bioquímico e fundador da Sociedade Galega de Comunicación Científica, Esteban Fernández Moreira, recentemente falecido, escoitando unha das súas antigas colaboracións con Efervesciencia.

  8. Jun 24

    Efervesciencia 24-6-2026

    Como era Galicia durante a última glaciación? Ata onde avanzará o mar e como afectará iso á costa galega no futuro? Son preguntas que nos responde Augusto Pérez Alberto, profesor emérito de xeografía física da USC que prepara a súa segunda tese de doutoramento, centrada en elaborar un mapa de solos de Courel. Imos ata o Centro de Investigación en Tecnoloxías, Enerxía e Procesos Industriais para xogar con escolares ao videoxogo Alerta Verde. O subdirector do CINTECX, Alejandro Gómez, explícanos en que consiste este proxecto educativo integral de divulgación científica. Ademais falamos co matemático Víctor Tilve dun proxecto para medir a variación do brillo durante o próximo eclipse solar.

See All (107)

About

Manuel Vicente fai máis accesible a ciencia neste programa de divulgación para todos os públicos

Information