Stöðutakan

Stöðutakan á Uppkast

0.0 (0)
INVESTING
UPDATED WEEKLY

Stöðutakan er vikulegur þáttur um viðskipti og efnahagsmál í umsjón Þórðar Gunnarssonar. Þátturinn er aðgengilegur á öllum helstu hlaðvarpsveitum og í mynd á uppkast.is.

06/10/2022

#8 - Segir lagaumhverfi veðmálamarkaðarins á Íslandi sé í mörgu ábótavant - Daði Laxdal Gautason

Daði Laxdal Gautason, aðstoðarframkvæmdastjóri GAN Ltd, segir að lagaumhverfi veðmálamarkaðarins á Íslandi sé í mörgu ábótavant. Mikil tækifæri eru fyrir íslensku íþróttahreyfinguna varðandi styrktarsamninga við veðmálafyrirtæki, einkum og sér í lagi knattspyrnufélög. Stöðutakan birtist í opinni dagskrá á uppkast.is og á öllum helstu hlaðvarpsveitum.

24 min
06/03/2022

#7 - Segir nauðsynlegt að endurskipuleggja stuðningslán - Rannveig Grétarsdóttir

Endurgreiðslutími stuðningslána til fyrirtækja sem veitt voru í faraldrinum er of skammur, segir Rannveig Grétarsdóttir, framkvæmdastjóri hvalaskoðunarfyrirtækisins Eldingar. Endurgreiðslur stuðningslána eiga að hefjast á þessu ári og ljúka á 18 mánuðum. Rannveig segir að þrátt fyrir að ferðamannastraumur til landsins hafi tekið við sér á ný, þurfi fyrirtæki í geiranum meiri tíma til að ná fyrri styrk. Stöðutakan birtist í opinni dagskrá á uppkast.is og á öllum helstu hlaðvarpsveitum.

29 min
05/13/2022

#6 - Segir Play frábrugðið fyrirrennurum - Almar Örn Hilmarsson

Almar Örn Hilmarsson, fyrrverandi forstjóri flugfélaganna Iceland Express og síðar Sterling, segir að PLAY sé ólíkt Iceland Express og WOW Air að því leytinu til að eignarhaldið sé miklu dreifðara sem geri það líklegra en ella að ákvörðunartaka verði vönduð. Ásamt spjalli um íslenska fluggeirann ræddi Almar um viðskiptatækifæri íslenskra fyrirtækja og einstaklinga í Austur-Evrópu og viðskiptamenninguna á staðnum. Stöðutakan birtist í opinni dagskrá á uppkast.is og öllum helstu hlaðvarpsveitum.

30 min
05/06/2022

#5 - Skúli Hrafn Harðarson

Skúli Hrafn Harðarson hjá eignastýringu Kviku banka bendir á að hlutabréf ættu að vera hluti af vel dreifðu eignasafni til að verja sparnað gegn verðbólgu. Margvísleg áföll hafa dunið yfir íslenskan hlutabréfamarkað síðastliðin 15 ár, en samfara vexti markaðarins og aukins áhuga erlendra fjárfesta er ástæða til bjartsýni. Stöðutakan birtist í opinni dagskrá á uppkast.is og öllum helstu hlaðvarpsveitum.

26 min
04/29/2022

#4 - Arnar Sigurðsson

Arnar Sigurðsson, forsvarsmaður netverslunarinnar Sante, varð fyrir þeirri óskemmtilegu lífsreynslu að ríkisstofnunin ÁTVR höfðaði einkamál gegn fyrirtæki hans og honum persónulegu. Arnar og Sante höfðu fullan sigur í málinu. Arnar bendir á að engin stjórn sé yfir ÁTVR og því hafi stjórnendur þess ansi lausan tauminn við rekstrarákvarðanir. Til dæmis var stjórnunarkostnaður, sem telur ekki launa- og húsnæðiskostnað um 380 milljónir í síðasta birta uppgjöri. Arnar kallar eftir því að Ríkisendurskoðun taki rekstur ÁTVR til skoðunar. Stöðutakan birtist í opinni dagskrá á uppkast.is og öllum helstu hlaðvarpsveitum.

35 min
04/22/2022

#3 - Óli Björn Kárason

Í þættinum ræðir Þórður Gunnarsson við Óla Björn Kárason, þingmann Sjálfstæðisflokksins, um söluna á 22,5% eignarhlut Ríkissjóðs í Íslandsbanka. Stöðutakan birtist í opinni dagskrá á uppkast.is og á öllum helstu hlaðvarpsveitum.

34 min
04/13/2022

#2 - Jón Gunnar Jónsson

Efnahags- og viðskiptanefnd Alþingis fundaði tvisvar með forsvarsmönnum Bankasýslu ríkisins í aðdraganda nýliðins útboðs á 22,5% hlut í Íslandsbanka. Jafnframt átti Bankasýslan fund með fjárlaganefnd Alþingis þar sem fyrirkomulag útboðsins var kynnt. Engar af þeim athugasemdum sem nú hafa komið fram voru fram lagðar á fundum Bankasýslunnar með þingnefndunum. Þetta segir Jón Gunnar Jónsson, forstjóri Bankasýslunnar í samtali við Þórð Gunnarsson í nýjasta þætti Stöðutökunnar. Jón Gunnar segist jafnframt fagna því að Ríkisendurskoðun ætli að taka útboðið til rannsóknar. Hann leggur þó áherslu á að ekki verði gerð tillaga um áframhaldandi sölu á hlutum í Íslandsbanka þar til niðurstaða Ríkisendurskoðunar liggur fyrir. Listi yfir þá sem keyptu hlut í bankanum var birtur í síðustu viku að beiðni fjármála- og efnahagsráðherra. Forstjóri Bankasýslunnar segir að það sé ekki sitt að ákveða hvort tilboðsbók útboðsins verði birt, en fjölmiðlar hafa fjallað um að lífeyrissjóðir hafi þrýst verðinu niður í 117 krónur á hlut, sem samsvaraði um 4% lægra verði en síðasta dagslokagengi bankans fyrir útboðið. Stöðutakan birtist í opinni dagskrá á uppkast.is og öllum helstu hlaðvarpsveitum.

24 min
04/08/2022

#1 - Styrmir Þór Bragason

Stór hluti tekna ferðaþjónustunnar rennur beint úr landi vegna hárra þóknana sem greiddar eru til erlendra bókunarvéla. Algengt er að íslensk ferðaþjónustufyrirtæki greiði allt að 35% þóknun til erlendra bókunarvéla. Þetta segir Styrmir Þór Bragason, fyrrverandi forstjóri og núverandi stjórnarmaður ferðaþjónustufyrirtækisins Arctic Adventures. Telur Styrmir að upphæðirnar sem um ræðir skipti jafnvel tugum milljarða á hverju ári. Þetta segir Styrmir í samtali við Þórð Gunnarsson í Stöðutökunni, nýjum umræðuþætti um viðskipti og efnahagsmál sem birtist í opinni dagskrá á Uppkast.is og helstu hlaðvarpsveitum. Meðal annars sem rætt er um í þættinum eru áhrif innrásar Rússa inn í Úkraínu á hrávörumarkaði, verðbólguhorfur á heimsvísu og margt fleira.

27 min
04/05/2022

Stöðutakan: Kynning

Stutt kynning á Stöðutökunni, vikulegum þætti um viðskipti og efnahagsmál í umsjón Þórðar Gunnarssonar.

14 sec

TRAILER

Stöðutakan: Kynning

Stutt kynning á Stöðutökunni, vikulegum þætti um viðskipti og efnahagsmál í umsjón Þórðar Gunnarssonar.

04/05/2022

•

14 sec

Stöðutakan er vikulegur þáttur um viðskipti og efnahagsmál í umsjón Þórðar Gunnarssonar. Þátturinn er aðgengilegur á öllum helstu hlaðvarpsveitum og í mynd á uppkast.is.

Creator

Stöðutakan á Uppkast
Years Active

2K
Episodes

9
Rating

Clean
Copyright

© Stöðutakan á Uppkast
Show Website

Stöðutakan