Upp á nýtt

RÚV
  • 4.0 (1)
  • Arts
  • Weekly

Í þættinum fær Sverrir Norland til sín skemmtilega gesti sem endurhugsa með honum heiminn.

  1. Episode 1

    Tilfinningar

    Gestir þáttarins eru Brynhildur Guðjónsdóttir, leikhússtjóri í Borgarleikhúsinu, Óskar Arnórsson, arkitekt og kennari við Listaháskóla Íslands og Berglind Rós Magnúsdóttir, prófessor við Háskóla Íslands. Umsjón: Sverrir Norland.

  2. Episode 2

    Vímuefni

    Gestir þáttarins eru Atli Bollason, pistlahöfundur og listamaður, og Hafrún Elísa Sigurðardóttir, Verkefnastýra hjá Frú Ragnheiður. Þau ræða m.a. um Skaðaminnkun hjá Rauða krossinum. Jafnframt koma Halldóra Mogensen, pírati, og Birgir Örn Guðjónsson, lögreglumaður í þáttinn. Botninn slær svo Hrönn Inga Hrönn Jónsdóttir, sem talar um sína eigin reynslu af fíkniefnaneyslu og þeim úrræðum sem í boði eru. Umsjón: Sverrir Norland.

  3. Episode 3

    Sagnfræði og forsetaembættið

    Gestur þáttarins er Guðni Th. Jóhannesson, forseti Íslands og sagnfræðingur. Hann fjallar meðal annars um bókina Stund milli stríða. Saga landhelgismálsins 1961 til 1972. Hann ræðir einnig um sagnfræðistörf almennt, ritstörf og lífið á Bessastöðum. Umsjón: Sverrir Norland.

  4. Episode 4

    Breytingar á vinnustað

    Gestir þáttarins eru Ásdís Eir Símonardóttir mannauðsstjóri, Birna Dröfn Birgisdóttir, sköpunargleðifræðingur og Stefán Darri Þórsson, nútímafræðingur. Rætt er um breytingar á vinnustaðnum síðustu 10 árin, hvernig virkja má sköpunargleði fólks, fjarvinnu, keppnisskap, góða stjórnunartækni - og margt, margt fleira. Þarf ekki að hugsa marga vinnustaði upp á nýtt? Erum við byrjuð á því? Umsjón: Sverrir Norland.

  5. Episode 5

    verðleikasamfélagið

    Gestir þáttarins eru Vilhjálmur Árnason prófessor í heimspeki, Nanna Hlín Halldórsdóttir nýdoktor og Hrefna Óskarsdóttir, sviðssjóri iðjuþjálfunar í verkjateyminu á Reykjalundi. Rætt er um vinnustaðinn og vinnumenningu í samhengi við „verðleikasamfélagið“ og förum á heimspekilegar nótur. Hvernig metum við gildi manneskju? Hvers vegna eru svo margir í eilífu kapphlaupi, keyra sig út og klessa jafnvel á vegg? Umsjón: Sverrir Norland.

  6. Episode 6

    Ráðherra og samskiptasérfræðingur

    Gestir þáttarins eru Áslaug Arna Sigurbjörnsdóttir háskóla- iðnaðar- og nýsköpunarráðherra og Steinar Þór Ólafsson sérfræðingur í samskiptum og markaðsmálum. Áslaug Arna ræðir meðal annars um skrifstofu á ferðalagi vítt og breitt um landið. Umsjónarmaður leggur fyrir hana krefjandi hraðaspurningar - og Steinar Þór, sem hefur mikið pælt í vinnumenningu og vinnustöðum samtímans, deilir með okkur frjóum og skemmtilegum hugleiðingum um hvað gera megi betur. Umsjón: Sverrir Norland.

  7. Episode 7

    Heimurinn eins og hann er

    Að þessu sinni ræðir Sverrir Norland við Stefán Jón Hafstein, sem sendi nýlega frá sér bókina Heimurinn eins og hann er. Umræðuefnin eru stór - loftslagsbreytingar, hungrið í heiminum, hrun veraldarinnar eins og við þekkjum hana - en líka listin og mennskan, mannkynssagan og hvernig takast megi á við áskoranir framtíðarinnar og lifa merkingarþrungnu og góðu lífi.

  8. Episode 8

    Hvað er fyndið og hvað ekki?

    Í fyrri hluta þáttarins koma til Sverris þau Steiney Skúladóttir og Máni Arnarson, sem bæði eru í spunahópnum Improv Ísland og sketsahópnum Kanarí. Þau velta því fyrir sér hvað sé gott grín og Sverrir segir versta brandara sem Steiney hefur heyrt. Í síðari hluta þáttarins kemur svo Ingi Hans Jónsson, sagnaþulur og eftirherma, og ræðir meðal annars Félag íslenskra sagnaþula, þjóðlega fyndni og hvernig móttökuskilyrði fólks breytast milli kynslóða. Má ekkert segja lengur, eru allir orðnir svo agalega viðkvæmir? Umsjón: Sverrir Norland.

See All (13)

About

Í þættinum fær Sverrir Norland til sín skemmtilega gesti sem endurhugsa með honum heiminn.

Information

  • Creator
    RÚV
  • Episodes
    13
  • Rating
    Clean
  • Copyright
    © RÚV
  • Show Website
    Upp á nýtt