Cristais de Meraki

Cristais de Meraki
  • 0.0 (0)
  • PERSONAL JOURNALS
  • UPDATED SEMIMONTHLY

Somos Marta e Ana e temos un podcast para falar con mulleres novas que fan cousas e das cousas que nós facemos. Entre risas e choros intentamos aprender algo máis sobre saúde mental e o mundo caótico no que nos tocou vivir. A todo isto, como estades?

  1. 05/04/2025

    O Cristal de Eva: A raíz que nos impulsa

    Este ano as cantareiras soarán con forza no día das letras galegas. Unha forma de homenaxear no días das nosas letras a memoria popular e a cultura oral. Para celebralo, no programa de hoxe acompáñanos Eva, creadora de Rebelico Revista e pandeireteira en Ferriñas Bravas. Raíz e divulgación feita persoa. A reconexión da xente nova coa cultura popular, a presión de recoñecer o propio éxito, a importancia das referentes, a orixe da vocación... todo isto e moito máis nun capítulo con sabor a foliada. Ídelo perder?

    57 min

  2. 04/06/2025

    O meraki da ansiedade dixital

    O penso, logo existo quedou un pouco obsoleto porque… Existo de verdade se non o ensino nas redes? No capítulo de hoxe mordemos a man que nos dá de comer (máis ou menos) para falar da ansiedade de ter que estar sempre dispoñibles, das vidas perfectas que non o son, do postureo que cansa, do medo a quedar fóra de todo e de como ás veces só sabemos das amigas por un storie. Peroooooo tampouco nos poñamos catastrofistas, as redes son só unha ferramenta máis, o problema é que non veñen con libro de instrucións. O que non se pode negar é que sen wifi non estaríades escoitando este podcast, así que algo bo tiñan que ter 😉

    48 min

  3. 03/16/2025

    O cristal de Alba Verea: Lingua sen fronteiras

    안녕 (Annyeong) (ou sexa, oliiiiii!!!!!) No capítulo de hoxe cruzamos fronteiras para falar con Alba Verea sobre a cultura coreana, marchar da casa, a tradución literaria, os libros da infancia e moitas outras cousas. Pero tampouco imos facer spoiler, que paga a pena escoitalo ;) Como é traducir un Premio Nobel? Cal é a mellor forma de aprender unha lingua? Que semellanzas existen entre a cultura galega e a coreana? Todo isto e máis no capítulo de hoxe. Ide sacando o Duolingo, que a ocasión ben o merece!

    49 min

  4. 02/23/2025

    O meraki das comparacións

    Oliiii!!!! Último domingo de febreiro e toca (redobre de tambores) DOMINGO MERAKI!!! Para o capítulo de hoxe non hai mellor forma de comezar que coas sabias palabras de Olivia Rodrigo, porque está claro que “co-comparison, is killing me slowly”. É o mesmo a competitividade que a envexa? Comparámonos coas nosas amigas? Como nos afectan as redes? Pódese sentir orgullo e ciumes á vez? Como se relaciona todo isto coa nosa autopercepción? Pfffff, que móvida iso de ser humanas e ter sentimentos censurables... ou non? Todo isto e moito máis no epi de hoxe. Dádelle amor para que non teñamos que compararnos cos proxectos doutra xente porfi (é bromis)

    56 min

  5. 02/02/2025

    O Cristal de Paula: Facer de todo e facelo ben

    Oliwis!!! Primeiro domingo de febreiro, primeiro cristal da tempada. Volvemos unha semana máis e, hoxe, moi ben acompañadas por Paula Jorge (@paublackmakeuplover no TikTok): mestra, opositora, creadora de contido, camareira... Todas as Barbies nunha e, sobre todo, Barbie de Burela. Entre vídeos de maquillaxe e lingüística, Paula é a túa amiga favorita das redes: un batiburrillo de todo o que lle gusta e, de vez en cando, de aguantar os comentarios de xente... curiosa. Con todo isto e moito máis, na charleta de hoxe a Paula só lle falta darnos un curso exprés de maquillaxe (que falta nos fai!). Ídelo perder?

    51 min

  6. 01/12/2025

    O meraki de vivir para traballar ou traballar para vivir

    Ola!!!! Unha vez máis, volveeeemoooos!!! (Máis repetitivas que unha tapa de callos). Retomamos as nosas charletas no espazo dixital porque, claramente, non sabemos vivir sen traballar e, xa de paso, autoexplotarnos. Precisamente, con isto arrancamos o primeiro capítulo da tempada. As vosas minitas podcasters favoritas xa son OFICIALMENTE xornalistas, e o mundo laboral é unha movida. Precarias, enfrontándonos a centos de negativas, sen entender como se concilia, facendo cousa só para o currículo e sen saber quen somos fóra do traballo. Conclusión: Contratádenos porfi, somos esclavas do sistema capitalisa (e vivir é moi caro)

    48 min

  7. 06/15/2024

    O Cristal de Ruliña

    Non estabamos mortas nin de parranda, só que a vida nos pasou un pouco por enriba. Hoxe traemos un novo capítulo especial como promesa de que volveremos, malia que aínda non sabemos moi ben as condicións. Para celebrar o regreso haberá que sacar as nosas mellores galas e diso algo deben de saber desde Ruliña Fashion Show, un novo proxecto impulsado por xente tan nova que nos fai sentir vellas a nós e que busca crear un espazo para os deseñadores emerxentes da moda galega. Chega o verán, facemos xa o cambio de armario?

    43 min

  8. 04/15/2024

    O cristal de Carmen: Voces políticas

    Desde o histrionismo até a calma, os memes sobre a presidenta cuqui, os discursos sobre xestión ou os spots electorais que te removen por dentro. Todo é política e en todo hai comunicación. Para afondar sobre todo isto, e o papel que xoga a muller no medio deste caos, Carmen del Río achégase a falar con nós para demostrar que á mocidade tamén lle interesa. Cofundadora da axencia de comunicación política Xacias e do podcast Carretando, non podía haber mellor forma de abrir os cristais desta tempada ;)

    1h 3m
See All (35)

About

Somos Marta e Ana e temos un podcast para falar con mulleres novas que fan cousas e das cousas que nós facemos. Entre risas e choros intentamos aprender algo máis sobre saúde mental e o mundo caótico no que nos tocou vivir. A todo isto, como estades?

Information

  • Creator
    Cristais de Meraki
  • Years Active
    2022 - 2025
  • Episodes
    35
  • Rating
    Clean
  • Copyright
    © Cristais de Meraki
  • Show Website
    Cristais de Meraki