افتح قلبك

May Abou Zahra
  • 0.0 (0)
  • Self-Improvement
  • Updated Weekly

Empowering women. How to find happiness. We will talk about your mental health

  1. Sep 15

    شريك حياتي مش مسؤول عن سعادتي | أخطاء بتدمر العلاقات وإدارة الخلافات في الزواج

    هل الخلافات الكتير معناها إن العلاقة فاشلة؟ وهل شريك حياتك المفروض يفهمك من غير ما تتكلمي، يغيّر طباعه علشانك، أو يكون مسؤول عن سعادتك وشفائك من جروح الماضي؟   في الحلقة دي من بودكاست «افتح قلبك»، د. مي أبو زهرة بتقابل كوتش العلاقات سادن سعيد، وبيفككوا مجموعة من أشهر المعتقدات اللي بتدمر الزواج والعلاقات وازاي نتعامل معاها هنتكلم عن: • ليه الخلاف مش دليل إن اختيارك غلط أو إن العلاقة لازم تنتهي. • إزاي الحوار والتفاوض بعد المشكلة أهم من عدم وجود مشاكل أصلًا. • الفرق بين المسؤولية المشتركة في العلاقة وتحميل طرف واحد مسؤولية الإصلاح. • ليه الحب مش كفاية لتغيير الطباع الأساسية أو تحويل الشخص لنسخة مختلفة. • إزاي جروح الماضي ممكن تظهر في ردود أفعالنا وتأثر على علاقتنا من غير ما ناخد بالنا. • ليه انتظار شريكك «يفهم لوحده» أو «يحارب علشانك» ممكن يبني توقعات غير واقعية. • إمتى نحتاج نراجع توقعاتنا، وإمتى تبقى المشكلة فعلًا في عدم استعداد الطرف الآخر للمشاركة والتغيير. لو بتلاقي نفس الخلاف بيتكرر، أو بتسألي نفسك: «هل المشكلة فيا؟ فيه؟ ولا في طريقة تعاملنا مع بعض؟» فالحلقة دي ليكي.   شوفي الحلقة كاملة، واكتبي لنا في التعليقات: إيه أكتر حاجة منهم في رأيك  بتدمر العلاقة؟

  2. Jun 17

    ليه مش مبسوطة رغم إن حياتك كويسة؟ | الاكتئاب الخفي بودكاست افتح قلبك

    ‎"أنا عندي كل حاجة، بس مش مبسوطة." 💔 ‎جملة ناس كتير بتقولها جواها، وبتخاف تصرح بها فمحدش يفهمها أو تتفهم غلط.. ‎لو حياتك المفروض إنها كويسة ومثالية، لكنك لسه حاسة بخنقة، ضيق، إحساس بالذنب، أو إن في حاجة دايماً ناقصاكي.. ‎فالحلقة دي من بودكاست #افتح_قلبك معمولة مخصوص علشانك. ‎في حلقة النهاردة، هنتكلم عن: ‎ليه بنحس بالذنب لما نكون مش مبسوطين بالرغم من وجود النعم حوالينا؟ ‎إيه هو الاكتئاب الخفي؟ ‎ليه البعد عن نفسك بيخليكي تحسي دايماً إن في حاجة ناقصة مش عارفاها؟ ‎3 خطوات عملية عشان ترجعي تسمعي نفسك وتفهمي مشاعرك الحقيقية. ‎لو حاسة إنك تايهة، أو مش فاهمة نفسك، أو بتقولي كل يوم "أنا تمام" وإنتِ مش تمام.. الحلقة دي خطوتك الأولى عشان ترجعي لنفسك. ❤️

  3. May 14

    عبد الرحمن أبو زهرة الأب | أسرار ودروس تُحكى لأول مرة بلسان ابنته!

    #قصص_واقعية #بودكاست #مشاعر مين هو عبد الرحمن أبو زهرة الأب بعيد عن التمثيل والشهرة؟ وإزاي قدر يسيب أثر حقيقي في حياتي وفي شخصيتي؟ في حلقة النهاردة من بودكاست #افتح_قلبك، هفتح قلبي معاكم وهشارككم قصة إنسانية مؤثرة عن علاقتي ببابا مش كفنان، لكن كأب كان دايماً السند والضهر الحقيقي في كل المواقف المصيرية اللي مرت عليا. في الحلقة دي هحكي لكم عن: أسرار من طفولتي مع عبد الرحمن أبو زهرة وهل فعلاً كان عصبي زي ما بيتقال؟ دعمه الكبير ليا في قراراتي المصيرية؛ من الجواز في سن صغير ولحد قرار الطلاق. دوره الأساسي في رحلة تخطي الاكتئاب وأصعب فترات حياتي في كندا. مدرسة التربية بالحب: إزاي ندي ولادنا مساحة حرية من غير توجيه مباشر ومزعج؟ دروس العطاء والالتزام اللي اتعلمتها منه وبحاول أنقلها لأحفادي النهاردة.

  4. Mar 29

    أسباب فشل الرجيم.. ليه بنبوظ الدايت وعلاقة المشاعر بالأكل؟ مع د. نيللي شمس

    ليه كل ما نزعل بناكل؟ وليه بنرجع نزيد اللي خسيناه وأكتر؟ وليه بنبدأ دايت ونبوظه بعد أيام أو شهور؟! في الحلقة دي من بودكاست افتح قلبك، بنتكلم في واحدة من أكتر المشاكل اللي بتواجهنا وهي علاقتنا النفسية بالأكل، استضفنا د. نيللي شمس - استشاري التغذية العلاجية والصحة العامة - عشان نجاوب على الأسئلة اللي شاغلة بال كل ست بتحاول توصل لوزن مثالي وصحة نفسية متزنة. في الحلقة دي هتعرفي: هل المشكلة في الإرادة فعلاً ولا في الدايت اللي بتمشي عليه؟ إزاي نفسيتك ومودك بيتحكموا في شكل جسمك ووزنك؟ ليه الدايت بيفشل حتى لو التزمتي بالورقة والقلم؟ حقيقة حقن التخسيس سواء أوزمبيك او مونجارو أو غيرهم، هل هي آمنة ومين اللي مسموح له ياخدها؟ علامات الأكل العاطفي وإزاي تتجنبيه. خطوات عملية لبناء علاقة صحية ومستدامة مع الأكل بدون حرمان. شوفي الحلقة كاملة واعرفي إزاي تصالحي نفسك وتغيري علاقتك بالأكل من النهاردة، وشاركينا في التعليقات: إيه أكتر مشاكلك مع الدايت اللي بتخليكي متكمليش؟ #افتح_قلبك #د_نيللي_شمس #تغذية_علاجية #دايت #صحة_نفسية #الأكل_العاطفي #خسارة_وزن #علاقتنا_بالأكل #بودكاست

  5. Mar 24

    سر الطمأنينة بعد رمضان | كيف يحيي الذكر القلوب؟

    كتير مننا بيحس بالقرب من ربنا في رمضان، لكن بعد العيد المشاعر دي بتقل تدريجيًا، وهنا يجي السؤال المهم: إزاي نحافظ على روح رمضان طول السنة؟ في الحلقة الأخيرة من سلسلة تذوق العبادة كم بودكاست افتح قلبك في رمضان هنتكلم عن عبادة بسيطة لكنها من أعظم العبادات عند الله وهي الذكر. في الحلقة دي هنتكلم عن: ليه الذكر هو العبادة الوحيدة المرتبطة بالكثرة؟ ازاي تخلي الذكر عادة يومية في حياتك فضل الاستغفار والتسبيح والصلاة على النبي إزاي الذكر ممكن يغيّر نفسيتك ويقرّبك من ربنا نصائح عملية تساعدك تحافظ على روح رمضان بعد العيد الذكر عبادة سهلة تقدر تعملها في أي وقت وأي مكان، لكنها ممكن تكون مفتاح تغيير قلبك بالكامل، لو حبيت الحلقة شاركها مع حد ممكن تخليه مطمن، واكتب لنا في التعليقات: إيه أقرب ذكر لقلبك؟

  6. Mar 4

    الراحة النفسية في القرآن | كيف يرمم ما كسرته الدنيا في قلوبنا؟

    هل القرآن فعلًا جزء أساسي من يومك ولا مجرد ضيف على حياتك في رمضان بس؟ صحيح إن رمضان شهر القرآن، بس علاقتنا بالقرآن مش المفروض تكون موسمية نرجع له شهر ونهجره باقي السنة. في الحلقة الثانية من سلسلة تذوق العبادة في رمضان من بودكاست "افتح قلبك"، بنقرب من القرآن كـ أكبر حامل للإيمان، ومصدر السكينة والشفاء للقلوب، وهنعرف ليه العلماء قالوا إن القرآن هو "المنادي للإيمان" في خواتيم سورة آل عمران؟ وإزاي تلاوة آيات بسيطة يوميًا ممكن تغيّر حالتك النفسية، وتنظّم مشاعرك، وتخفف همّك؟ في الحلقة هتتعلمي: إزاي تبدئي تقرئي القرآن حتى لو مش فاهمة كل المعاني يعني إيه "هجر القرآن"؟ وإزاي نحمي بيوتنا منه. خطوات عملية لورد يومي بسيط يخليكي "من أهل القرآن" الفوائد النفسية والروحية لتلاوة القرآن ليه تعليم أولادك القرآن استثمار ليكي قبل ما يكون ليهم لو قلبك مشتت لو حاسة بضغط أو ثِقل يمكن آية واحدة بس تكون بداية تغيير حقيقي 🤍 ابدئي بعلاقة بسيطة ومنتظمة وبنية صادقة مع القرآن، 🤍

  7. Mar 4

    الصلاة والشفاء النفسي | ازاي تخلي رمضان بداية رجوعك الحقيقي لربنا؟

    عمرك فكرتي إن الصلاة ممكن تكون وسيلة علاج نفسي حقيقية؟ 🤔 أهلاً بيكي في أولى حلقات سلسلة "مفاتيح رمضان" من بودكاست #افتح_قلبك. في السلسلة دي، هنكون مع بعض في رحلة عشان نتعلم ازاي نتذوق حلاوة العبادة؟، وهنتكلم عن 4 عبادات أساسية بنعملها كل يوم، وازاي تقربنا من ربنا أكتر في رمضان، وبنبدأ النهاردة بأهم وأول مفتاح وهو "الصلاة". في الحلقة دي بنناقش ليه الصلاة هي العبادة الوحيدة اللي فُرضت في السماء؟ إزاي تحولي الصلاة من عادة يومية لرحلة حب وتواصل حقيقي مع ربنا؟ العلاقة بين الصلاة وتنظيم المشاعر والهدوء النفسي إزاي السجود ممكن يكون بداية الشفاء من القلق والتوتر؟ سر الإحساس بالأمان بعد ما تخلصي صلاة لو حاسة بفتور، و قلبك مرهق، و محتاجة ترجعي، الحل أقرب مما تتخيلي. اكتبي في التعليقات: إيه أكتر حاجة بتشغلك وقت الصلاة وبتخليكي مش مركزة؟

  8. Feb 11

    ازاي تحطي حدود صح في العلاقات؟ | سر نجاح أو فشل أي علاقة

    ليه بنخاف نحط حدود في علاقاتنا؟ وهل محاولاتنا "لتغيير" الطرف التاني هي اللي بتهز ثقتنا بنفسنا؟ النهاردة في حلقتنا من بودكاست "افتح قلبك"، ضيفتي هي أ/ سماح عبد الفتاح، مشيرة العلاقات الأسرية والزوجية، وهنتكلم عن الحقيقة اللي بنعرفها متأخر: إن محدش بيغير حد! ​هنتكلم عن "الحدود الصحية" كبديل لوهم التغيير، وإزاي التربية من الطفولة بتأثر على قدرتنا في التفاهم مع الشريك من غير ما نلغي نفسنا. ​في الحلقة دي هنتكلم عن: 📍 إزاي ترسمي حدود صحية من غير ما "تطلبي التغيير" وتسببي مشاكل؟ 📍 ليه الثقة بالنفس بتتهز لما بنفشل في تغيير اللي قدامنا؟ وإزاي ترجعيها؟ 📍 فخ "الكمال" وصورة "الزوجة السوبر هيرو" اللي المجتمع فرضها علينا. 📍 سر "التربية بالحب والدعاء" وبناء شخصيات مسؤولة في ولادنا. 📍 الفرق بين "وضع الحدود" وبين "الأنانية". 📍 علاقة طفولتنا بقدرتنا على وضع حدود وإحنا كبار. ​الحلقة دي هتساعدك تفهمي ليه محاولات التغيير بتستنزفك، وهتعلمك إزاي تحمي نفسك وتعيشي حياة زوجية أسعد بحدود واضحة وصحية. ​🟢 شاركينا رأيك في الكومنتات: ايه الأفضل بالنسبة لك تحطي حدود للعلاقة من البداية، ولا تحاولي تقبلي الوضع على أمل إنه يتغير بعد الجواز؟

    ازاي تحطي حدود صح في العلاقات؟ | سر نجاح أو فشل أي علاقة
See All (115)

About

Empowering women. How to find happiness. We will talk about your mental health

Information

  • Creator
    May Abou Zahra
  • Years Active
    2023 - 2026
  • Episodes
    115
  • Rating
    Clean
  • Copyright
    © 2022
  • Show Website
    افتح قلبك