ERGO

ERGO PODCAST
  • 4.8 (13)
  • Society & Culture

Ergo../ˈəːɡəʊ/..Latin for “Therefore…”پودكاست ايرجو فيه بنفكر ونتناقش في مواضيع كتير بتهمنا في حياتنا..مواضيع ليها علاقة بالإيمان ومعنى الحياة والأسئلة الوجودية..بنحاول نتعمق فيها ونطرحها من زوايا فلسفية ونفسية واجتماعية

  1. 5d ago

    هل الأخلاق نسبية؟ | د. محمد سامي ووسيم صبري

    ليه الصح صح؟ وليه الغلط غلط؟ وهل الأخلاق فعلًا نسبية؟ في حلقة جديدة من بودكاست Ergo، بنناقش مفهوم الأخلاق بطريقة أعمق: هل فعلًا فيه حاجات صح وحاجات غلط؟ وإيه اللي هيحصل لو قلنا إن «كل شيء نسبي»؟ في الحلقة بنتناقش في: - هل «كل شيء نسبي» جملة منطقية؟ - هل الأخلاق نسبية؟ - إيه علاقة الأخلاق بالأفعال، العواقب، والدوافع؟ - هل الأخلاق سؤال عن أنا المفروض أعمل إيه؟ ولا أنا المفروض أكون مين؟ - إيه علاقة الحق بالخير والمحبة؟ - هل ممكن أحب شخص، لكن طريقة حبي له تكون مؤذية ليه؟ - هل الهدف إننا نعمل الصح، ولا نوصل لمرحلة إننا نحب الصح والحق والخير؟ وسيم صبري | ماجستير فلسفة - الجامعة الأمريكية بالقاهرة د. محمد سامي | دكتوراة الفلسفة من جامعة أكسفورد. ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ———

    هل الأخلاق نسبية؟ | د. محمد سامي ووسيم صبري

  2. Sep 24

    هل عندي عقلية استهلاكية؟ | حسام حشمت وأمير كرم

    في الحلقة دي من بودكاست Ergo، بنتكلم عن العقلية الاستهلاكية (Consumerist Mindset)، وإزاي بقينا نشتري حاجات مش بالضرورة محتاجينها، لكن بناءً على رغبتنا في الحصول على السعادة أو متعة الحاجة الجديدة. بنسأل: إيه اللي بيخلينا نرغب في منتجات معينة؟ وإزاي الـMarketing، وضغط الأقران (Peer Pressure)، وثقافة «عبادة كل ما هو جديد» ممكن يأثروا على رغباتنا وقراراتنا؟  لكن الموضوع مش بيقف عند المنتجات. بنتكلم كمان عن اللحظة اللي العقلية الاستهلاكية بتبدأ تدخل فيها علاقاتنا الإنسانية، فنبدأ نتعامل مع الأشخاص بنفس منطق الاستهلاك. وفي المقابل، بنحاول نفكر في ثقافة الاكتفاء والعطاء كنوع من التدريب الداخلي لمواجهة الثقافة الاستهلاكية. ومن الموضوعات والأسئلة اللي بنتناقش فيها: - يعني إيه الاستهلاكية؟ وإيه الفرق بين الاحتياج والرغبة؟ - إزاي الـMarketing وضغط الأقران بيأثروا على رغباتنا وقراراتنا؟ - هل المجتمع قادر أنه يخلق رغبات جديدة ماكانتش عندنا قبل كده؟ - ليه ثقافة الاستهلاك مرتبطة بعدم الرضا و«عبادة كل ما هو جديد»؟ - إزاي العقلية الاستهلاكية ممكن تنتقل من تعاملنا مع المنتجات لطريقة تعاملنا مع الأشخاص والعلاقات؟ - إيه هي Hedonic Treadmill، وإزاي بتشرح دورة الرغبة والشراء والتعود؟ - هل الاستهلاكية بتغيّر تدريجيًا نوع الأشخاص اللي احنا بنكونهم؟ - إيه معنى ثقافة الاكتفاء والعطاء، وإزاي ممكن نتدرّب عليها؟ وفي النهاية، يمكن السؤال الأهم في الحلقة مش: «أشتري ولا ماشتريش؟» لكن: «أنا ليه بعمل كده؟» حسام حشمت | ماجستير اللاهوت - كلية اللاهوت ببرنستون أمير كرم |  طبيب أسنان، ماچستير تقويم الأسنان  جامعة القاهرة  🎧 الحلقة متاحة على جميع منصات البودكاست. https://www.buzzsprout.com/2140749/episodes/ ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre.  ——— تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ---- 00:00 — يعني إيه الاستهلاكية؟ 05:17 — إزاي الـMarketing بيخلق رغباتنا؟ 11:17 — «عبادة كل ما هو جديد» 22:46 — الاستهلاك كبُعد روحي ونفسي 29:05 — الرغبات اللي بنتعلمها وثقافة عدم الرضا 35:07 — لما العقلية الاستهلاكية تدخل علاقاتنا 46:58 — ثقافة الاكتفاء والعطاء: الترياق للاستهلاكية

    هل عندي عقلية استهلاكية؟ | حسام حشمت وأمير كرم

  3. Sep 17

    العلاقات العاطفية مع الذكاء الاصطناعي | شهد عمر ووسيم صبري

    هل ممكن الإنسان يدخل في علاقة عاطفية مع الـAI؟ وليه أصلًا حد ممكن يتعلق عاطفيًا ببرنامج على الكمبيوتر؟ في الحلقة دي من بودكاست Ergo، بناقش ظاهرة العلاقات الرومانسية مع الذكاء الاصطناعي، وبنسأل: إيه اللي بيخلي شخص يتعلق بـAI، حتى وهو عارف إن اللي قدامه مش إنسان حقيقي؟ بنتكلم عن العلاقات دي، وعن أزمة الوحدة، وعن الفرق بين العلاقة مع شخص حقيقي والعلاقة مع كائن إحنا نقدر نصممه على مزاجنا، ونخليه دايمًا مهتم، متاح، وبيستجيب بالطريقة اللي إحنا عايزينها. ومن الموضوعات والأسئلة اللي بنتناقش فيها: - ليه حد ممكن يتعلق عاطفيًا ببرنامج على الكمبيوتر؟ - إيه اللي بيحصل لما أصمم الشريك أو الرفيق بالضبط زي ما أنا عايزه؟ - هل الـAI ممكن يساعد في التغلب على الوحدة على المدى القصير، لكنه يزودها على المدى الطويل؟ - إزاي الـAI بيتعلم يعمل Mutual Self-Disclosure ويشارك الشخص حاجات عن نفسه عشان يخلق ارتباط عاطفي؟ - هل ممكن التعود على مستوى معين من الاهتمام من الـAI يخلي العلاقات الحقيقية أصعب؟ - هل خداع الذات (Self-Deception) ممكن يخلّي الشخص يقنع نفسه إن العلاقة دي حب حقيقي؟ - إيه علاقة الحرية والاختيار بالحب؟ وهل معنى الحب إن الطرف الآخر كان ممكن يقول «لأ»؟ - هل لما أصمم كائن ميقدرش يرفضني، أنا بفقد فرصة إني أتكوّن كإنسان؟ - هل ممكن استخدام الـAI من سن صغير يأثر على تعلم المهارات الاجتماعية والقدرة على الحب؟ - إزاي التعامل مع الـAI ممكن يطبّع سلوكيات مؤذية، زي إني أغلط في الآخر أو أؤذيه؟ وفي النهاية: لو حد بيفكر يدخل في علاقة مع الـAI، إيه الأسئلة اللي محتاج يسألها لنفسه؟ وسيم صبري | ماجستير فلسفة - الجامعة الأمريكية بالقاهرة Shahd Omar | Psychotherapist | Researching Artificial Intimacy & Human-AI Relationships | Doctoral Candidate ——— الحلقة متاحة على كل منصات البودكاست 🎧 https://www.buzzsprout.com/2140749/episodes/ ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ——— 00:00 — الـAI رفيق عاطفي 06:34 — إزاي بنتعلق بالـAI؟ 10:14 — تصمم شريكك على مزاجك 18:57 — الـAI وأزمة الوحدة 26:05 — هل الـAI بيخلّينا ننسى إزاي نحب؟ 36:10 — هل ممكن الـAI يخلّيني أحس إني محبوب؟ #الذكاء_الاصطناعى #ai #podcast #relationships #علاقات

    العلاقات العاطفية مع الذكاء الاصطناعي | شهد عمر ووسيم صبري

  4. Sep 10

    التكنولوجيا والازدهار الإنساني | هل الراحة كفاية؟ | وسيم صبري ويوسف يعقوب

    الذكاء الاصطناعي بيساعدنا نعيش حياة أفضل؟ ولا ممكن، من غير ما ناخد بالنا، ياخد مكان حاجات مهمة في حياتنا؟ في الحلقة دي من بودكاست Ergo، بناقش الذكاء الاصطناعي والتكنولوجيا، وعن الطريقة اللي ممكن نبص بيها للتكنولوجيا في علاقتها بـ الحياة التي تستحق أن تُعاش. ومن الأسئلة والموضوعات اللي بنتناقش فيها: هل الـAI هيستبدلنا؟ ولا اللي هيحصل إننا هنستبدل بشخص بيعرف يستخدم الـAI كويس؟ ليه رد فعلنا تجاه التكنولوجيا بيختلف حسب سننا وخبرتنا؟ لو قدرنا ننقل الوعي والذكريات إلى جهاز أو روبوت… هل ده هيبقى نفس الإنسان؟ هل ممكن الـAI نفسه يبقى كيان عاقل ومستقل ومنافس للإنسان؟ إيه هو The Promise of Technology؟ وهل التكنولوجيا فعلًا بتوعدنا بالراحة والتحرير والازدهار؟ إزاي التكنولوجيا ممكن تريحنا من أعباء، وفي نفس الوقت تاخد مع الأعباء حاجات كانت ليها قيمة؟ لما التكنولوجيا توسّع دايرة حياتنا، هل إحنا فعلًا كسبنا وقت؟ إزاي التكنولوجيا ممكن تأثر على علاقتنا بالطبيعة، وبالناس اللي حوالينا، وبنظام حياتنا؟ إيه اللي مهم للازدهار الإنساني؟ وإيه الحاجات اللي لازم نتمسك بيها؟ هل كل حاجة التكنولوجيا بتقدمها لازم نقبلها ونواكبها؟ إيه الفرق بين إن التكنولوجيا تريحني وإنها فعلًا تخليني أكون كل ما يمكن أن أكونه؟ هل استخدام الـAI ممكن يحسّن المظهر على حساب الجوهر؟ الحلقة متاحة على كل منصات البودكاست 🎧 https://www.buzzsprout.com/2140749/episodes/ وسيم صبري | ماجستير فلسفة - الجامعة الأمريكية بالقاهرة يوسف يعقوب | ماجستير فلسفة العلم والدين - جامعة إدنبره ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ——— 00:00 — هل الـAI هيستبدلنا؟ 04:42 — علاقتنا بالتكنولوجيا بتتغير مع الوقت 18:57 — الوعد والمفارقة في التكنولوجيا 25:58 — إيه اللي لازم نتمسك بيه من أجل الازدهار الإنساني؟ 30:48 — الـAI والتعليم: هل الراحة معناها حياة أفضل؟ 36:40 — الـAI: على حساب الجوهر؟ #الذكاء_الاصطناعى #ai #podcast

  5. Sep 3

    إيه سر قوة المزيكا؟ | ماهر ملاخ وأندرو أشرف

    ليه الموسيقى مهمة بالنسبة لنا كده؟ وليه ممكن أغنية أو لحن يخلينا نفتكر موقف، نعيش خبرة بشكل أعمق، أو حتى يصحّي فينا شوق لحاجة أكبر؟ في الحلقة دي من بودكاست Ergo، بنتكلم مع ماهر الملاخ عن الموسيقى والفن والجمال، وعن الموسيقى كوسيلة للتعبير، وعن قدرتها إنها توصل حاجات ماينفعش نعبر عنها بالكلام المجرد. بنتكلم عن الموسيقى كأنها بتلون الوقت، وبتدينا عدسة نقرأ بها المواقف، وبتساعدنا نفتكر ونعيش الخبرة بشكل أعمق. وبنتكلم كمان عن البعد الجماعي للموسيقى: ليه بنغني مع بعض في الأفراح والحزن والحفلات؟ وليه الموسيقى بتدينا إحساس إننا مربوطين ببعض وإننا حاجة أكبر من الفرد؟ وبناقش بعض الأسئلة، منها: ❓ هل جمال المزيكا في قوة التعبير بس؟ ❓ ليه محتاجين الموسيقى والفن؟ ❓ الحق والخير والجمال: إيه اللي بيميز الجمال؟ ❓ هل الجمال يعبر عني وعن صراعي ورفضي؟ ❓ هل فيه نوع من الجمال بيصحّي فيا شوق لحاجة بدور عليها؟ ❓ ليه الموسيقى تجربة جماعية؟ وإيه علاقة الموسيقى باللمة والتناغم؟ ❓ ليه بنغني في الأفراح والحزن والحرب وحتى في الكورة؟ ❓ إزاي الموسيقى بتلون الوقت؟ وإزاي الموسيقى بتدينا عدسة نقرأ بها المواقف؟ ❓ إزاي بتُستخدم الموسيقى في الأفلام لفهم الموقف وتوصيل رسالة؟ ❓إيه علاقة الموسيقى بالخلق والإبداع؟ ❓ إزاي أثرت التكنولوجيا والـAI على صناعة الموسيقى؟ ماهر ملاخ | Artist and Producer أندرو أشرف | ماجستير في الأدب الحديث والمعاصر - جامعة نوتينجهام ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال: Instagram: https://www.instagram.com/ergo.thepodcast Facebook: https://www.facebook.com/ergothepodcast Tiktok: https://www.tiktok.com/@ergo.thepodcast Youtube: https://www.youtube.com/@Ergo_Podcast ——— 00:00 الموسيقى بتصحّي فينا حاجات 07:06 الموسيقى، التعبير، والحق والخير والجمال 19:02 الموسيقى كتجربة جماعية وبتشاور على حاجة أكبر 25:44 الموسيقى بتلون الوقت وبتعمّق الخبرة 32:10 الموسيقى في الأفلام والصمت الذي يسبق العاصفة 36:16 الموسيقى، التناغم، والـAI #music #مزيكا #جمال

  6. Aug 27

    ليه بنتجوز؟ | د. ماهر صموئيل ويوسف يعقوب

    لماذا نتزوج؟ هل الزواج وصول إلى الاستقرار، أم خروج من حالة استقرار؟  في هذه الحلقة من بودكاست Ergo، نناقش سؤالًا أساسيًا: ليه أنا عايز أتجوز؟  أهم الأسئلة والموضوعات في الحلقة: ❓ لماذا نتزوج؟ ❓ لماذا لا نسأل "لماذا نتزوج" لكن نسآل "بمن نتزوج" و"كيف نتزوج"؟ ❓ ما أشهر الإجابات الخاطئة عن سؤال: لماذا نتزوج؟ ❓ الخوف من الوحدة والخزي والصورة المجتمعية ودورهم في قرار الزواج؟ ❓ هل الزواج من أجل الحب الرومانسي سبب كافٍ للزواج؟ هل الحب الرومانسي هو فعلًا ما نحتاجه لتأسيس زواج دائم وناجح؟ ❓ ما الفرق بين Passion (الشغف)، Intimacy (القرب)، Commitment (الالتزام)؟ ❓ ما معنى الازاحة الوجودية (Existential Displacement)؟ ❓ هل الزواج هو الذي يعطي لحياتنا المعنى؟ ❓ ماذا يحدث عندما نحمل الزواج أكثر من حجمه وأكثر من طاقته؟ ❓ لماذا نكتشف بعد الزواج أننا لم نكن نعرف أنفسنا أو الآخر كما كنا نظن؟ ❓ ما الغرض الصحيح من الزواج؟ و كيف تساعد العلاقة مع شريك الحياة والأولاد في تطوير إنسانيتنا؟ ❓ هل الشخص الذي لا يتزوج يتعطل في تكوين إنسانيته؟ ❓ هل الزواج وصول إلى الاستقرار، أم خروج من حالة استقرار؟ الحلقة مع د. ماهر تناقش الزواج والحب والعلاقات الإنسانية من زاوية نفسية ووجودية، وتحاول أن ترجع بالسؤال إلى بدايته: أنا ليه عايش؟ وأنا ليه بتجوز؟ د. ماهر صموئيل | استشاري طب المخ والأعصاب والطب النفسي، ماجستير الفلسفة والدين، دكتوراة الفلسفة في دراسات التثاقف - جامعة ڤوپرتال يوسف يعقوب | ماجستير فلسفة العلم والدين - جامعة إدنبره ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre.  ——— تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ---- 00:00 ليه جوازات كتيرة بتفشل؟ ولماذا نتزوج؟ 06:55 ليه الناس بتتجوز؟ أشهر الإجابات الخاطئة 11:21 هل الحب الرومانسي كفاية للجواز؟ 18:11 ليه الشغف بيفقد في أسابيع؟ 28:44 هل الجواز هو اللي هيديني معنى لحياتي؟ 33:47 طيب لماذا نتزوج؟   #marriage #الزواج

  7. Aug 20

    مفارقة الخيال - The Paradox of Fiction | نور حجازي ووسيم صبري وأندرو أشرف

    ليه بنبكي ونتأثر وإحنا عارفين إن اللي قدامنا مجرد فيلم وإن الشخصيات مش حقيقية؟ في الحلقة دي بنحاول نفكر بعمق في مفارقة الخيال (The Paradox of Fiction): إزاي نتأثر بشدة بشخصيات ومواقف إحنا عارفين إنها مش موجودة؟ وهل المشاعر اللي بنحسها وإحنا بنتفرج على فيلم أو بنقرأ قصة هي مشاعر حقيقية؟ بنتكلم عن علاقتنا بالقصص، وعن فكرة إننا كائنات بتحكي قصص وعايشين في قصص، وإن القصص مش مجرد حاجة بنحب نعملها، لكنها طريقة بنبص بيها على العالم ونفهمه. وبنناقش كمان التعليق المؤقت لعدم التصديق (Suspension of Disbelief)، وهل إحنا فعلًا بنوقف عدم التصديق عشان نعيش تجربة الخيال، ولا إن المسألة أعمق من كده. ومن هنا بنوصل لسؤال أكبر: هل القصص والفن بيأثروا فينا أكتر مما إحنا متخيلين؟ وهل ممكن الفن يغيّر طريقتنا في رؤية العالم، وفي فهم الإنسان، وفي تصورنا لما هو أخلاقي وصحيح؟ بنتوقف عند نقد أفلاطون للفن والقصص، وفكرة إننا ممكن نتأثر أخلاقيًا وفكريًا بما نشاهده، حتى لو كنا عارفين إنه خيال. وفي المقابل، بنتكلم عن قدرة الفن على إنه يفتح لنا العالم في حتت مكناش هنعرف نشوفها، ويساعدنا نفهم خبراتنا الإنسانية بطريقة مختلفة. وفي النهاية، بنرجع للسؤال: إزاي نتعامل مع الفن وإحنا واعيين بقد إيه هو مؤثر فينا؟ لأننا مش بس بنتفرج على القصص... إحنا عايشين في قصص نور حجازي | PhD Researcher | Phenomenology & Robotic Intelligence - University of Bristol وسيم صبري | ماجستير فلسفة - الجامعة الأمريكية بالقاهرة أندرو أشرف | ماجستير في الأدب الحديث والمعاصر - جامعة نوتينجهام ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ——— 00:00 — لماذا نتأثر بالخيال؟ 06:27 — مفارقة الخيال 17:13 — هل نعلّق عدم التصديق؟ 20:59 — إحنا كائنات بتحكي قصص وعايشين في قصص 27:12 — أفلاطون: خطورة الفن والقصص 33:27 — مسؤوليتنا مع القصص والفن #الخيال #أفلام #شخصيات #paradox #fiction #movies #القصص

    مفارقة الخيال - The Paradox of Fiction | نور حجازي ووسيم صبري وأندرو أشرف

  8. Aug 13

    ليه العلاقات العميقة تستاهل كل التعب ده؟ | أندرو أشرف ويوسف يعقوب

    إيه اللي بيخلي الحياة دي كويسة؟ وإيه اللي بيخليها تستاهل تتعاش؟ إحنا غالبًا بنتعامل مع النجاح والإنجاز والشهرة والفلوس كأنهم الإجابة الطبيعية على السؤال ده. لكن ماذا لو كانت الإجابة في مختلفة؟ في الحلقة دي من بودكاست Ergo بنفكر سوا في أهمية العلاقات العميقة: مش مجرد إن عندك ناس كتير حواليك، أو Friends كتير على Instagram، لكن إنك تكون معروف من جوه، تقدر تبقى على طبيعتك، وتحس إنك متشاف ومتقدر من غير شروط. بنتكلم عن الوحدة، والانتماء، والعلاقات العميقة، وليه الإنسان فعلًا كائن علاقاتي، وإزاي العلاقات بتأثر علينا نفسيًا وجسديًا. لكن في نفس الوقت، بنحاول نضبط توقعاتنا: العلاقات العميقة مش معناها إن الحياة هتبقى وردي ومفيش مشاكل؛ بالعكس، العلاقات صعبة ومكلفة ومحتاجة وقت ومجهود عشان تتبني وتحافظ عليها. إزاي نستثمر في العلاقات الموجودة حوالينا؟ وماذا عن العلاقات اللي فيها مقارنة، تملك، Codependency أو استغلال؟ وهل الألم اللي حصل لنا في علاقات سابقة معناه إن مفيش فرصة لعلاقات صحية بعد كده؟ ولو العلاقات فعلًا من الغايات المهمة في الحياة… هل إحنا فعلًا بنستثمر فيها؟ ولا بنهرب من بذل المجهود فيها ونقنع نفسنا إننا مرتاحين؟ أندرو أشرف | ماجستير في الأدب الحديث والمعاصر - جامعة نوتينجهام يوسف يعقوب | ماجستير فلسفة العلم والدين - جامعة إدنبره الحلقة متاحة على كل منصات البودكاست 🎧 https://www.buzzsprout.com/2140749/episodes ——— بودكاست Ergo من إنتاج المركز الثقافي اﻹنجيلي العربي.  This podcast is a production of the Arab Evangelical Cultural Centre. ———   تقدروا تتابعونا وتتواصلوا معنا من خلال:  Instagram: https://www.instagram.com/ergo.thepodcast  Facebook: https://www.facebook.com/ergothepodcast  Tiktok: https://www.tiktok.com/@ergo.thepodcast  Youtube: https://www.youtube.com/@Ergo_Podcast ——— 📚 المصادر: 1- Harvard Study of Adult Development — Harvard University https://www.robertwaldinger.com/harvard-study/ 2. Robert Waldinger — “What Makes a Good Life?” | TED https://www.ted.com/talks/robert_waldinger_what_makes_a_good_life_lessons_from_the_longest_study_on_happiness%3Flanguage%3Den 3. David Brooks — The Social Animal https://books.google.com.eg/books/about/The_Social_Animal.html?id=IRLSygAACAAJ&redir_esc=y 4. Emma Watson — Jay Shetty’s On Purpose Podcast https://youtu.be/2caQ4j9oohE?si=jgk0FUh5dlzxZwfg 5. Erich Fromm — The Art of Loving https://books.google.com.eg/books/about/The_Art_of_Loving.html?id=TRMEDVrkf9EC&redir_esc=y 6. Marriage Story (2019) 7. C.S. Lewis — The Four Loves

See All (49)

Ratings & Reviews

4.8
out of 5
13 Ratings

About

Ergo../ˈəːɡəʊ/..Latin for “Therefore…”پودكاست ايرجو فيه بنفكر ونتناقش في مواضيع كتير بتهمنا في حياتنا..مواضيع ليها علاقة بالإيمان ومعنى الحياة والأسئلة الوجودية..بنحاول نتعمق فيها ونطرحها من زوايا فلسفية ونفسية واجتماعية

Information

  • Creator
    ERGO PODCAST
  • Years Active
    2023 - 2026
  • Episodes
    49
  • Rating
    Explicit
  • Copyright
    © 2026 ERGO
  • Show Website
    ERGO

You Might Also Like