852 2050

Civic Exchange

大家好, 你而家收聽嘅係Podcast 節目852 2050,每一集會以輕鬆傾偈嘅方式同嘉賓一齊探討創新、具教育意義但又「貼地」嘅綠色議題! 我哋亦有另一個節目「環保Lover會客室」,我哋會訪問同環保/綠色生活有深厚聯繫嘅嘉賓,聽下佢哋嘅生活同經歷,點樣去愛護環境,錫多啲個地球,以及對唔同綠色議題嘅睇法。 有興趣嘅話就訂閱我哋喇! ✨ — 歡迎大家訂閱埋其他Podcast網路平台,同follow我哋其他social media: 🎧 Apple Podcast:https://podcasts.apple.com/us/podcast/852-2050/id1694246787 🎧 Google Podcast:https://podcasts.google.com/feed/aHR0cHM6Ly9tZWRpYS5yc3MuY29tLzg1MjIwNTAvZmVlZC54bWw 🎧 Spotify:https://open.spotify.com/show/3pI80q4c7PtTP7mMroBpTN 🎧 YouTube:https://www.youtube.com/@HK2050isNOW 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow #podcast #cantonese #cantonesepodcast #8522050 #環保Lover會客室 #環保L

  1. Nov 14

    【852 2050】全球暖化會喺未來5年超出1.5°C目標?聯合國氣候專家Debra Roberts 教授親解「氣候過衝」:香港青少年仲可以點做?(英文Podcast)

    你可能覺得氣候變化太宏大太遙遠,但最近聯合國氣候專家警告大家:我哋好可能喺未來 4 至 5 年內突破全球暖化 1.5°C嘅臨界點,正式進入「氣候過衝(Climate Overshoot)」時代 ⚠️,到底我哋仲可以點做? 📌 影片重點 氣候過衝係咪等於玩完?思匯政策研究所喺今集 8522050 邀請到聯合國環境規劃署《限制氣溫超標》報告核心團隊成員Debra Roberts 教授,聯同思匯嘅Kitty同Charlie一齊探討氣候過衝嘅成因、潛在影響,同埋我們應該點做 🎙️: 🌡️重新定過氣候目標:升溫超過 1.5°C 唔代表放棄,而係要用更進取嘅方式,將大氣中嘅碳排放降低,基於自然的解決方案又可以幫到咩手?保育自然同生態旅遊又會有咩機遇? 🚌 香港生活嘅減碳優勢:香港擁有極方便嘅步行環境同公共交通網絡,原來日常每一步,好似搭巴士地鐵、食餐素等都可以減碳? 🙌青年參與氣候行動:跨學科教育點解咁重要?未來需要嘅唔單止係科學家,更需要識溝通、識整合跨領域知識嘅年輕人,身為GenZ嘅Charlie仲問到青少年到底點樣可以將氣候焦慮轉化為具體行動? 🤝 突破同溫層嘅跨界合作:科學界、政府、商界同民間之間嘅合作點樣可以推動實質改變,為未來建立更具氣候韌性仲會可持續發展嘅社會? 氣候行動從來唔需要完美主義,無論係返工返學嘅生活選擇,定係投身跨界合作,每個人都可以搵到自己嘅角色 🌱 📌 精華重溫: 00:00 認識 Debra Roberts 教授 00:55 到底乜嘢係氣候過衝(Climate Overshoot)? 01:30 全球升溫超過攝氏1.5度,會帶嚟咩影響? 02:01 基於自然嘅解決方案點樣幫到手應對氣候危機? 02:36 點樣令年青人參與氣候行動? 03:46 年青人而家可以做啲咩? 05:27 點樣氣候教育需要跨學科改革? 08:58 點樣促進唔同界別之間有效溝通? 11:25 面對氣候危機,我哋仍有冇理由保持樂觀? 12:35 教授俾下一代氣候行動家嘅建議 13:17 環境保育理念點樣可以逐步成為社會主流? 14:19 點樣建立跨界夥伴關係去推動氣候行動? 🔎 延伸閱讀+資料來源: 嘉賓介紹🗣️: Debra Roberts教授曾任聯合國政府間氣候變化專門委員會(IPCC)第六次評估報告第二工作組聯合主席,現為IPCC即將發表嘅《氣候變化與城市特別報告》統籌作者,亦係UNEP《限制氣溫超標》報告核心團隊成員。佢曾獲選為全球氣候政策範疇最具影響力嘅100人之一,喺生物多樣性規劃、適應氣候變化同可持續發展方面擁有超過30年嘅經驗! 聯合國《限制氣溫超標》報告:https://www.unep.org/en/publications/report/limiting-overshoot-navigating-exceedance-15degc-and-pathways-towards-return 想了解更多智庫研究同青年活動,歡迎瀏覽我哋網站同社交媒體平台: 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 👇 留言話我哋知:面對氣候變化,有咩會令你對未來仍然抱有希望? 大家好, 你而家收聽嘅係Podcast 節目852 2050,每一集會以輕鬆傾偈嘅方式同嘉賓一齊探討創新、具教育意義但又「貼地」嘅綠色議題,! 有興趣嘅話就訂閱8522050,與我哋一齊探討氣候變化、可持續發展,同埋香港點樣邁向更具氣候韌性嘅未來! ✨ #氣候變化 #氣候過衝 #DebraRoberts #基於自然的解決方案 #8522050

    【852 2050】全球暖化會喺未來5年超出1.5°C目標?聯合國氣候專家Debra Roberts 教授親解「氣候過衝」:香港青少年仲可以點做?(英文Podcast)
  2. Feb 21

    【環保Lover會客室EP18】東方昇深入秘魯亞馬遜雨林拍攝《國家級地理任務》心聲大揭秘︱生態旅遊兩難:原來動物唔係想見就見!︱反思香港人心急又「有錢大晒」心態?︱親眼目睹氣候變化

    Amigo My Friend!到底東方昇點解會應承我哋一齊拍《國家級地理任務》呢?佢又點睇環保同保育? 歡迎嚟到新一集「環保Lover會客室」!今集我哋遠赴地球之肺——亞馬遜森林,喺秘魯一帶同王嘉偉先生(東方昇)一齊拍片,當然就唔會錯過機會,邀請佢擔任今集Podcast嘅嘉賓! 🎙 ️ 平時螢幕前搞笑幽默嘅東方昇,嚟到亞馬遜竟然變得感性?由細個睇《變變變生命力》,到公開試喺地理科表現最好嘅學生,再到親身踏足熱帶雨林,佢見到啲咩同課本截然不同嘅景象?距離同我哋上一次錄podcast「8522050」已經兩年幾,佢有咩新諗法?喺今集入面,東方昇分享咗佢喺亞馬遜十幾日嘅深刻體會: 🌴理想 vs 現實:點解話喺亞馬遜睇動物捕捉黃金畫面,係對城市人耐性嘅最大考驗?每日得2個鐘電+2個鐘WiFi,沖涼要頭燈,點算好? 🏨生態旅遊嘅矛盾:資源緊絀、研究人員又要做科研又要洗碗煮飯, 喺保育同商業之間,點樣取得平衡?遊客想要冷氣同 WiFi ,大自然俾唔到嗰陣又點算? 🦜鸚鵡喺大自然原來可以飛得咁高咁自由——同喺籠養嘅畫面差幾遠?大自然萬物點樣共生?東方昇做咩事睇蝴蝶會差啲想嘔? 🌊氣候變化嘅實證:導遊講述河道崩塌、洪水衝爛路,生態鏈點樣環環相扣? 🇭🇰俾香港人嘅反思:習慣用金錢解決問題嘅我哋,係咪忘記咗點樣知足?點解要由自身出發減少慾望同浪費? 如果你對氣候變化、亞馬遜森林、野生動物、生物多樣性、保育、生態旅遊、碳中和、香港環保生活等等等等有興趣,或者單純想認識下認真嘅東方昇,千祈唔好錯過呢集! 特別鳴謝何鴻毅家族香港基金同Crees Foundation令今次亞馬遜之旅變成現實! ✨ 今集重點 00:00 圓夢之旅:東方昇點解對亞馬遜雨林情有獨鍾? 01:15 理想與現實:就算喺亞馬遜啲動物都唔係隨處可見? 04:13 鎂光燈背後:亞馬遜雨林嘅極簡生活 05:20 動物園點解有問題?最難忘野生鸚鵡自由飛翔? 09:41 氣候變化實錄:點解洪水會沖爛河道,連路都搵唔返? 11:11 秘魯原居民見到大自然唔打卡,反而會有其他諗法? 13:41 生態旅遊兩難:遊客點解要管理自己期望同行為? 19:08 對香港人嘅建議:唔好用錢衡量所有嘢 💚仲有好多精彩內容,記住留意本集內容啦! 🌱 ✨ 立即訂閱,加入我哋一齊令諗下點樣令環境更好更可持續 🎉 🎧以下觀眾萬勿錯過: • 睇完《國家級地理任務》嘅觀眾 • 對生態旅遊同亞馬遜森林有興趣嘅人 • 思考人同自然要點樣同存嘅朋友 • 任何關心香港氣候未來嘅人 ➡️Follow 東方昇 social media: Instagram: https://www.instagram.com/wong_kar_wai/ Facebook: https://www.facebook.com/ilovechinaverymuch/ 毛記電視YouTube Channel: https://www.youtube.com/@100MOSTHongKong/ ➡️認識何鴻毅家族香港基金: https://www.rhfamilyfoundationhk.org/tc/ ➡️認識Crees Foundation:https://www.crees-foundation.org/ — 大家好, 你而家睇緊係Podcast 節目「環保Lover會客室」,我哋會訪問同環保/綠色生活有深厚聯繫嘅嘉賓,聽下佢哋嘅生活同經歷,點樣去愛護環境,錫多啲個地球,以及對唔同綠色議題嘅睇法。有興趣嘅話就訂閱我哋喇! ✨ — 歡迎大家都收聽我哋嘅Podcast 節目,同follow我哋其他social media: 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow — 【 製作團隊 】 |企劃:Ivy Yeung |主持:Kitty Tam |拍攝、編輯、剪輯後製:Fred Tran #環保Lover會客室 #東方昇 #亞馬遜 #podcast #廣東話 #cantonesepodcast #MeetingEcoLover #OneBowLover #國家級任務 #國家級地理任務 #王嘉偉 #WongKaWai #interview #訪問 #CivicExchange #思匯政策研究所 #HK2050isNow #香港 #氣候變化 #環保 #保育 #生態保育 #生物多樣性 #氣候教育 #環境教育 #可持續發展 #秘魯 #熱帶雨林 #生態旅遊 #香港YouTuber #原住民智慧 #旅遊 #大自然 #金剛鸚鵡 #碳中和 #climateaction #Conservation #HongKong #ClimateChange #GlobalWarming #EnvironmentalEducation #ClimateLiteracy #Resilience #Biodiversity #Sustainability #EnvironmentalProtection #WildlifeConservation #AmazonRainforest #EcoTourism #Peru #Travel

    【環保Lover會客室EP18】東方昇深入秘魯亞馬遜雨林拍攝《國家級地理任務》心聲大揭秘︱生態旅遊兩難:原來動物唔係想見就見!︱反思香港人心急又「有錢大晒」心態?︱親眼目睹氣候變化
  3. Jan 9

    【環保Lover會客室EP17】返工為層樓定為夢想?地產界人士30歲追夢唔躺平變身觀鳥畫家!專訪紀錄片《早鳥》主角之一蔡逸俊:麻雀最似香港人咁堅韌|氣候變化已經改變四季

    點解一個地產界打工仔會30歲去追夢做畫家?而原本唔太鍾意雀仔嘅佢點樣由畫畫開始關心香港自然同物種?🌱 歡迎嚟到新一集「環保Lover會客室」!今集我哋邀請到香港自然紀錄片《早鳥》的主角之一 —— 蔡逸俊(Anthony)!佢唔單止係一位喺地產發展商工作嘅打工仔,更係一位追夢嘅水彩畫家,之後仲贏到比賽出書畫本地雀仔!🎨 由朝九晚五嘅打工仔,到30歲先開始拜師學畫,Anthony 點樣喺繁忙嘅香港生活中拒絕躺平,搵到屬於自己嘅「火」🔥?喺AI年代,佢俾年輕人乜嘢建議?夢想點解咁緊要?佢筆下嘅香港雀鳥又隱藏住咩氣候變化嘅秘密?冬至24度有咩問題?點解今年特別多蝴蝶?🦋 面對日益嚴峻嘅氣候危機,身為地產業界人士,佢又點睇城市發展同自然保育之間嘅平衡?即刻去片,聽下 Anthony 充滿啟發性嘅分享!🌍 ✨ 今集重點 00:00嘉賓 Anthony斜槓人生:由地產界人士到30歲追夢做畫家 04:08 點解揀大自然做訪問?行山觀鳥可以吸走負能量? 05:06 觀鳥似玩 Pokémon?畫鳥仔可以出書? 09:04 氣候異象:冬至24度?原來有啲香港常見物種都係外來物種? 12:49 打工仔環保Tips:少揸車、少即棄、帶杯買咖啡 已經幫到手 13:44 點解做到紀錄片《早鳥》主角之一?地產發展 vs 自然保育:點樣取得平衡? 16:41 Anthony對2050年香港嘅期望 💚仲有好多精彩內容,記住留意本集內容啦! 🌱 ✨ 立即訂閱,加入我哋一齊令諗下點樣令環境更好更可持續 🎉 🎧以下觀眾萬勿錯過: • 想追夢但唔知點樣開始嘅香港人 • 城市規劃同發展業者 • 關注氣候同環境教育嘅學生+年青氣候行動家 • 任何關心香港氣候未來嘅人 ➡️Follow Choy Yat Chun Anthony social media: Instagram: https://www.instagram.com/yatchun_studio/ Facebook: https://www.facebook.com/yatchunstudio/ — 大家好, 你而家睇緊係Podcast 節目「環保Lover會客室」,我哋會訪問同環保/綠色生活有深厚聯繫嘅嘉賓,聽下佢哋嘅生活同經歷,點樣去愛護環境,錫多啲個地球,以及對唔同綠色議題嘅睇法。有興趣嘅話就訂閱我哋喇! ✨ — 歡迎大家都收聽我哋嘅Podcast 節目,同follow我哋其他social media: 🎧 Apple Podcast:https://podcasts.apple.com/us/podcast/852-2050/id1694246787 🎧 Spotify:https://open.spotify.com/show/3pI80q4c7PtTP7mMroBpTN 🎧 YouTube:https://www.youtube.com/@HK2050isNOW 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow — 【 製作團隊 】 |企劃:Ivy Yeung |主持:Kitty Tam |拍攝、編輯、剪輯後製:Fred Tran #podcast #廣東話 #cantonesepodcast #環保Lover會客室 #MeetingEcoLover #OneBowLover #蔡逸俊 #yatchunstudio #早鳥 #interview #訪問 #CivicExchange #思匯政策研究所 #HK2050isNow #香港 #氣候變化 #環保 #保育 #生態保育 #生物多樣性 #氣候教育 #環境教育 #觀鳥 #雀鳥 #水彩畫 #追夢 #地產 #躺平 #麻雀 #紅耳鵯 #ESG #城市發展 #紀錄片 #climateaction #Conservation #HongKong #ClimateChange #GlobalWarming #EnvironmentalEducation #ClimateLiteracy #Resilience #Biodiversity #Sustainability #EnvironmentalProtection #WildlifeConservation #HongKongNature #UrbanPlanning #drawing #watercolour #NeverTooLate#Slashie #WorkLifeBalance #Birdwatching #Art

    【環保Lover會客室EP17】返工為層樓定為夢想?地產界人士30歲追夢唔躺平變身觀鳥畫家!專訪紀錄片《早鳥》主角之一蔡逸俊:麻雀最似香港人咁堅韌|氣候變化已經改變四季
  4. 12/23/2025

    【環保Lover會客室EP16】香港係咪太細搞唔起基於自然嘅解決方案?IUCN專家破解迷思:唔係講面積,係講質素!其實仲可以做亞洲NbS領航城市?︱氣候變化、生物多樣性、未來路向大解析

    🌱香港只係石屎森林?定有機會做下一個全球基於自然嘅解決方案城市領袖? 歡迎嚟到新一集「環保Lover會客室」!今集我哋好榮幸繼續邀請到國際自然保護聯盟(IUCN)總部基於自然的解決方案中心全球總監(或譯全球基於自然嘅解決方案中心主任)Charles Karangwa 先生坐低傾下!Charles嚟咗香港10 日,行程超級緊密,同政府部門、環保團體同金融機構等會面,仲話今次香港之行令佢覺得深受啟發性,點解呢? 我哋探討咗一個香港人成日問嘅問題:「香港地少人多,點樣大規模推動『基於自然嘅解決方案』 (Nature-based Solutions, NbS)?」Charles 喺節目中直接打破迷思,解釋點解「規模」唔係講緊地理面積大細,而係講緊生態系統嘅質素同功能!由我哋引以為傲嘅郊野公園,到國際金融中心地位,再到粵港澳大灣區內嘅創科角色,香港其實揸住一副好牌! 想知香港點樣可以行得更快、更果斷?即刻去片! ✨ 今集重點 00:00 Charles訪港 10 日嘅感受 01:04香港獨特優勢同自然條件 02:21核心問題:香港咁細,點做大規模 基於自然嘅解決方案? 03:29警告:「求其種幾棵樹」唔等於基於自然嘅解決方案! 03:59 香港下一步可以有咩合作機遇? 💚仲有好多精彩內容,記住留意本集內容啦! 🌱 ✨ 立即訂閱,加入我哋一齊令諗下點樣令環境更好更可持續 🎉 🎧以下觀眾萬勿錯過: • 環境相關專業人士 • 城市規劃同發展業者 • 關注氣候同環境教育嘅學生+年青氣候行動家 • 政策制定者同政府官員 • 任何關心香港氣候未來嘅人 — 大家好, 你而家睇緊係Podcast 節目「環保Lover會客室」,我哋會訪問同環保/綠色生活有深厚聯繫嘅嘉賓,聽下佢哋嘅生活同經歷,點樣去愛護環境,錫多啲個地球,以及對唔同綠色議題嘅睇法。有興趣嘅話就訂閱我哋喇! ✨ — 歡迎大家都收聽我哋嘅Podcast 節目,同follow我哋其他social media: 🎧 Apple Podcast:https://podcasts.apple.com/us/podcast/852-2050/id1694246787 🎧 Spotify:https://open.spotify.com/show/3pI80q4c7PtTP7mMroBpTN 🎧 YouTube:https://www.youtube.com/@HK2050isNOW 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow — 【 製作團隊 】 |企劃:Ivy Yeung |主持:Kitty Tam |拍攝、編輯、剪輯後製:Fred Tran #podcast #環保Lover會客室 #MeetingEcoLover #OneBowLover #IUCN #國際自然保護聯盟 #CharlesKarangwa #interview #訪問 #CivicExchange #思匯政策研究所 #HK2050isNow #香港 #氣候變化 #環保 #保育 #氣候變化 #生態保育 #生物多樣性 #氣候教育 #環境教育 #基於自然的解決方案 #氣候科學 #生物多樣性 #城市發展 #可持續發展#自然向好 #綠色金融 #城市規劃 #粵港澳大灣區 #climateaction #Conservation #Naturebasedsolutions #HongKong #ClimateChange #GlobalWarming #EnvironmentalEducation #ClimateLiteracy #Resilience #Biodiversity #ClimateScience #Sustainability #EnvironmentalProtection #WildlifeConservation #HongKongNature #NatureBasedSolutions #SustainableFinance #UrbanPlanning #GreenCity #GBA #UrbanEcology

  5. 11/26/2025

    【環保Lover會客室EP15】IUCN專家教路:香港發展配合大自然可應對社會問題,仲有條件做世一?︱投資自然可以提前避險仲賺錢?︱北都發展x基於自然嘅解決方案係機會︱「香港絕對做得到」

    🌱香港呢個人口稠密嘅國際金融中心,係咪可以轉型成為基於自然嘅解決方案( NbS )嘅全球典範? 歡迎嚟到新一集「環保Lover會客室」!今集我哋好榮幸邀請到重量級嘉賓——國際自然保護聯盟(IUCN)總部基於自然的解決方案中心全球總監(或譯全球基於自然嘅解決方案中心主任)Charles Karangwa 先生坐低,一齊討論呢個問題! Charles 分享佢細個嗰陣見證環境退化嘅經歷點樣塑造咗佢嘅事業,講解人同自然嘅關係點解密不可分🏞️,仲解釋咗「基於自然嘅解決方案」真正嘅意思——運用大自然去解決我哋嘅社會問題,例如氣候變化、水浸同熱浪等相關災害。 佢更深入剖析,🇭🇰香港作為國際金融中心應該點樣引導資金,投資喺能保護我哋共同未來嘅「自然基建」,將風險轉化為機遇,帶領可持續發展同綠色金融發展,而北部都會區正正就係其中一個好機會! 💚原來基於自然嘅解決方案唔止種樹? 除咗綠化仲可以修復大自然? 🌳 Charles細個住喺森林旁邊,見證咗砍伐樹林帶嚟咩問題呢? 🌏 IUCN 喺各地成立NbS 中心到底係做咩嘅呢?原來香港都有機會成為全球典範? 💰投資大自然原來都可以幫資產避險?仲可以幫我哋鞏固國際綠色及可持續金融樞紐地位? 💼北部都會區呢個發展計劃點解會係機遇? 🔮 Charles對2050年香港又有咩願景? ✨ 今集重點 00:00 歡迎IUCN專家Charles Karangwa 00:38 到底咩係基於自然嘅解決方案(NbS)? 02:05點解俾野狗咬、見證食水變泥水令Charles投身環境事業? 05:26 IUCN 嘅NbS中心四大工作範疇 08:40點解會選擇嚟香港? 10:58 香港地少人多點樣落實 NbS? 12:26 香港作為國際金融中心點樣推動綠色投資? 15:12 如果香港成功推行NbS對全球有咩影響? 17:53專家教你重新思考投資大自然嘅「成本效益」同「風險管理」 19:49北都發展係融入自然嘅黃金機會 20:58 專家對香港2050 年嘅願景 💚仲有好多精彩內容,記住留意本集內容啦! 🌱 ✨ 立即訂閱,加入我哋一齊令諗下點樣令環境更好更可持續 🎉 🎧以下觀眾萬勿錯過: • 環境相關專業人士 • 城市規劃同發展業者 • 關注氣候同環境教育嘅學生+年青氣候行動家 • 政策制定者同政府官員 • 任何關心香港氣候未來嘅人 — 大家好, 你而家睇緊係Podcast 節目「環保Lover會客室」,我哋會訪問同環保/綠色生活有深厚聯繫嘅嘉賓,聽下佢哋嘅生活同經歷,點樣去愛護環境,錫多啲個地球,以及對唔同綠色議題嘅睇法。有興趣嘅話就訂閱我哋喇! ✨ — 歡迎大家都收聽我哋嘅Podcast 節目,同follow我哋其他social media: 🎧 Apple Podcast:https://podcasts.apple.com/us/podcast/852-2050/id1694246787 🎧 Spotify:https://open.spotify.com/show/3pI80q4c7PtTP7mMroBpTN 🎧 YouTube:https://www.youtube.com/@HK2050isNOW 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow — 【 製作團隊 】 |企劃:Ivy Yeung |主持:Kitty Tam |拍攝、編輯、剪輯後製:Fred Tran #podcast #環保Lover會客室 #MeetingEcoLover #OneBowLover #IUCN #國際自然保護聯盟 #CharlesKarangwa #interview #訪問 #CivicExchange #思匯政策研究所 #HK2050isNow #香港 #氣候變化 #環保 #保育 #氣候變化 #生態保育 #生物多樣性 #氣候教育 #環境教育 #基於自然的解決方案 #氣候科學 #生物多樣性 #城市發展 #可持續發展 #自然向好 #北部都會區 #綠色金融 #城市規劃

    【環保Lover會客室EP15】IUCN專家教路:香港發展配合大自然可應對社會問題,仲有條件做世一?︱投資自然可以提前避險仲賺錢?︱北都發展x基於自然嘅解決方案係機會︱「香港絕對做得到」
  6. 11/12/2025

    【環保Lover會客室EP14】90後港產博士唔做研究走去創業?憑3D打印復育珊瑚衝出國際,由香港搬到阿聯酋!氣候變化要點救珊瑚?|唔小心踩一腳珊瑚要幾年先修復到?︱海洋科技startup點生存

    🪸 原來用3D打印都可以俾到珊瑚BB五星級的家? 歡迎嚟到新一集「環保Lover會客室」!呢集我哋衝出香港,去到阿布扎比,竟然撞到由香港嚟嘅嘉賓余碧芬(Vriko Yu)!佢係香港土生土長嘅海洋科學家,更加係環保科技公司 Archireef 嘅聯合創辦人同行政總裁! Vriko 由中大同港大讀書開始,因為親眼見到海下灣珊瑚兩個月內「由有變冇」,決心用10年時間投身研究。佢同團隊研發出全球首創嘅3D打印陶泥珊瑚礁盤技術,好似為珊瑚BB起「五星級酒店」咁,幫佢哋喺退化嘅海底紮根🌊,實行用基於自然嘅解決方案(Nature-based Solutions,NbS)protect the珊瑚! 呢個「香港製造」嘅技術點樣由實驗室殺出國際,獲得福布斯(Forbes)、彭博(Bloomberg)、世界經濟論壇等關注,甚至吸引到阿布扎比主權基金嘅投資?佢點樣將香港startup帶到阿聯酋🇦🇪?喺中東搞環保科技同香港有咩分別?面對氣候變化,我哋除咗幫珊瑚「移民」仲可以做啲咩?對於想投身綠色創科或者自然創科嘅香港年輕人,Vriko又有咩「唔會餓死」嘅貼士? 今集,我哋同 Vriko 由香港海下灣,傾到阿布扎比嘅未來藍圖,一齊探討點樣將保育變成一門可以持續發展嘅生意💙 🪸精彩金句 •「唔係話今日有呢個產品,我哋就可以唔需要理氣候變化——其實我哋今日要講修復珊瑚,就要在於氣候變化現時會減緩到」 •「一個可能得一米嘅珊瑚,其實已經幾百歲㗎喇…所以可能唔小心一腳(踩到),自然生態真係可能要幾年先修復得到」 •「點解當時會揀(將總部搬去)阿聯酋嘅其中一個原因就係公私營合作落地好快…政府同埋私營機構真係可以行得好埋,坐埋一張枱度…一齊去講個國家…適合落實啲咩NbS項目」 •「諗返過去五年嘅經歷,我都會揀喺香港開始創業…政府的確擺咗好多資源去令初創風氣更好,至少頭一兩年仲喺度揼緊個商業模式嘅時候,你唔使餓死」 •「(希望2050年前嘅香港)生態修復唔再局限於R&D 或者試驗規模,而係真係做到生態系統同金融結合(商業化)」 00:00 點解我哋會喺阿布扎比遇到香港人? 01:02 海下灣珊瑚點樣令Vriko投身珊瑚復育? 05:02 氣候變化對珊瑚保育有咩影響? 07:18 生態旅遊浮潛禮儀:點樣Protect the珊瑚? 08:16 由港大博士到創業家:點解揀阿布扎比做基地? 11:40 營商環境大比拼:香港 vs 阿布扎比 14:49 香港青年綠色創業貼士 17:52 創業成功係「九死一生」:99%係運氣? 19:33 對香港2050年嘅期望 💚仲有好多精彩內容,記住留意本集內容啦! 🌱 ✨ 立即訂閱,加入我哋一齊令諗下點樣令環境更好更可持續 🎉 🎧以下觀眾萬勿錯過: • 環保愛好者 • 潛水人士 • 關注氣候同環境嘅青少年 • 保育專業人士 • 任何關心香港氣候未來嘅人 — 🪸Archireef Instagram: https://www.instagram.com/archireef.co/ LinkedIn: https://www.linkedin.com/company/archireef/ YouTube: https://www.youtube.com/channel/UCkHBRHwbWCTClw9Wl26DYAQ — 大家好, 你而家睇緊係Podcast 節目「環保Lover會客室」,我哋會訪問同環保/綠色生活有深厚聯繫嘅嘉賓,聽下佢哋嘅生活同經歷,點樣去愛護環境,錫多啲個地球,以及對唔同綠色議題嘅睇法。有興趣嘅話就訂閱我哋喇! ✨ — 歡迎大家都收聽我哋嘅Podcast 節目,同follow我哋其他social media: 🎧 Apple Podcast:https://podcasts.apple.com/us/podcast/852-2050/id1694246787 🎧 Spotify:https://open.spotify.com/show/3pI80q4c7PtTP7mMroBpTN 🎧 YouTube:https://www.youtube.com/@HK2050isNOW 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow — 【 製作團隊 】 |企劃:Ivy Yeung |主持、拍攝:Kitty Tam |編輯、剪輯後製:Fred Tran #podcast #廣東話 #cantonesepodcast #環保Lover會客室 #MeetingEcoLover #OneBowLover #Archireef #余碧芬 #VrikoYu #interview #訪問 #香港 #氣候變化 #環保 #保育 #氣候變化 #生態保育 #生物多樣性 #氣候教育 #環境教育 #基於自然的解決方案 #氣候科學 #生物多樣性 #城市發展 #可持續發展 #珊瑚復育 #3D打印 #香港製造 #香港創業 #氣候變化 #阿布扎比 #海洋保育 #香港初創 #阿聯酋 #藍色經濟 #自然向好

    【環保Lover會客室EP14】90後港產博士唔做研究走去創業?憑3D打印復育珊瑚衝出國際,由香港搬到阿聯酋!氣候變化要點救珊瑚?|唔小心踩一腳珊瑚要幾年先修復到?︱海洋科技startup點生存
  7. 05/22/2025

    【852 2050 EP 13】專訪思匯之母陸恭蕙教授:由金融才女到氣候先鋒︱親解政策點樣影響香港未來︱3X年前環保L係如何煉成?︱點解2026年對香港政治咁重要?

    🎙️你有冇諗過其實「環保L」係咩意思? 8522050闊別一年,趁住思匯成立25週年,今集我哋重磅邀請到思匯政策研究所創辦人,同時係本地環保界極具份量嘅陸恭蕙教授(Christine Loh)做嘉賓,分享佢一路走來嘅傳奇經歷——由昔日鎂光燈下嘅模特兒,到讀法律、成為期貨市場風雲人物、再投身政界成為立法局議員、成立智庫,再到做香港環境局副局長、而家擔任科大環境及可持續發展學部做首席發展顧問,係推動香港環保同可持續發展嘅重要人物! 今集可以學到啲咩? ❓Christine點樣由睇雜誌、撞朋友,機緣巧合開始投身環保運動,成為「環保L」?成立智庫思匯政策研究所嘅初心到底係咩?有咩研究好做? ❓佢點睇「環保L」呢個詞?其實做環保係咪真係「L」?年青人應唔應該怕俾人標籤? ❓年青人面對氣候焦慮,覺得自己微不足道,Christine會用咩方法鼓勵大家堅持落去? ❓ Christine當年推動保護海港條例立法,佢點睇最近修例同政策變化?點解會提起藍色經濟?講起香港政治同政策,點解2026年好重要? ❓教育同宣傳點樣配合,令更多人明白可持續發展?點樣用今日語言同新世代溝通?(宣傳:思匯就出新報告講氣候教育喇) ❓香港係咪只係石屎森林?其實香港真係好靚,仲有好多珍貴生態同物種,趁住國際生物多樣性日,Christine同大家分享最鍾意邊種動物(提示:好拮手嘅) ❓2050年嘅香港,Christine有咩願景?密度高嘅城市點樣變得更美麗? 💚想知更多Christine對氣候變化、政策制定同香港未來嘅獨到見解?仲有好多精彩內容,記住留意本集嘅內容啦!🌱 ✨ 立即訂閱,加入我哋一齊令諗下點樣令環境更好 🎉🎧 🌱精華重溫: 00:00 簡介陸恭蕙教授 01:03由做兒童模特兒到大個面對公眾 02:30 從商界、政界到學術界嘅轉變歷程 03:22 創立思匯政策研究所初衷及研究貼士 05:26 政策、政治與政府 07:50 成為「環保發燒友」之路 10:11 香港今昔環保大不同 17:23 氣候教育新思維 19:15 打破香港「石屎森林」嘅誤解 22:58陸恭蕙教授對 2050年香港願景 🎧以下觀眾萬勿錯過: • 環保愛好者 • 教育界人士 • 關注氣候同環境嘅青少年 • 保育專業人士 • 任何關心香港氣候未來嘅人 ➡️Follow Christine social media: LinkedIn: https://hk.linkedin.com/in/christineloh — 大家好, 你而家收聽嘅係Podcast 節目852 2050,每一集會以輕鬆傾偈嘅方式同嘉賓一齊探討創新、具教育意義但又「貼地」嘅綠色議題,! 有興趣嘅話就訂閱我哋喇! ✨ — 歡迎大家訂閱埋其他Podcast網路平台,同follow我哋其他social media: 🎧 Apple Podcast:https://podcasts.apple.com/us/podcast/852-2050/id1694246787 🎧 Spotify:https://open.spotify.com/show/3pI80q4c7PtTP7mMroBpTN 🎧 YouTube:https://www.youtube.com/@HK2050isNOW 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow — 【 製作團隊 】 |企劃:Ivy Yeung |主持:Kitty Tam |拍攝:Fred Tran、Peggy Cheung、Charlie Yip |編輯、剪輯後製:Fred Tran |字幕:Ivy Yeung #CivicExchange #HK2050isNow #思匯政策研究所 #陸恭蕙 #ChristineLoh #香港 #氣候變化 #podcast #廣東話 #cantonesepodcast #8522050podcast #環保 #可持續發展 #藍色經濟 #環保L #公共政策 #香港生態 #環境教育 #氣候教育 #政策 #香港政治 #生物多樣性 #保護海港條例 #青年參與 #國際生物多樣性日

    【852 2050 EP 13】專訪思匯之母陸恭蕙教授:由金融才女到氣候先鋒︱親解政策點樣影響香港未來︱3X年前環保L係如何煉成?︱點解2026年對香港政治咁重要?
  8. 04/12/2025

    【環保Lover會客室EP13】香港觀鳥專家分享氣候變化點影響雀仔︱同本地農民漁民合作保育嘅雙贏秘訣︱亂種紅樹林都會對生態有害?︱南生圍濕地保育︱「雀仔都係一個地方係咪宜居嘅指標」

    🐦 雀仔原來係氣候危機嘅指標? 歡迎嚟到新一集「環保Lover會客室」!我哋今日請到呢位嘉賓個花名叫做「環保村」,到底佢平時會做啲乜嘢,先俾朋友噉樣叫呢?佢其中一個興趣竟然同超英哥一樣係睇雀仔,到底雀仔對環境點解咁重要,而氣候變化又點樣影響佢哋呢?一齊聽下今集嘉賓香港觀鳥會副總監胡明川,喺南生圍同大家分享佢點樣由睇蝴蝶轉到睇雀仔,仲點樣同漁民合作,實現保育同經濟雙贏! 今集可以學到啲咩? 🌏氣候變化嘅影響:氣候變化同極端天氣點樣影響香港嘅農民同漁民,甚至威脅雀仔嘅生存環境? 🌳基於自然嘅解決方案:濕地點解對防止水浸同生物多樣性咁重要?原來亂種紅樹林會有大問題? 入侵物種又點樣威脅本地生態系統? 💪全民參與:點解保育嗰陣同本地社區合作咁重要?鳥會又點樣同佢哋溝通合作? 🔮2050年願景:阿川點睇2050年嘅未來?點樣將可持續發展融入生活每個範疇! ? 🐦精彩金句 •「要(令本地社區去去明白點解要去保育嘅目的)係合作最關鍵但亦都係最難嘅因素。」 •「城市人會覺得(氣候變化)頂多令到我返唔到學或者返唔到工,但係漁民同農民係可以話返俾你聽好多故事,其實佢哋觀察到天氣係有咩變化,點樣影響緊自己生活同生計。」 • 「雀仔係一班好誠實嘅動物,起碼要有個好地方休息同埋要食夠嘢…所以雀仔去選擇去邊其實都話俾我哋聽,個地方生態環境或者個環境嘅健康情況係點樣,所以其實雀仔都係一個地方係咪宜居嘅指標。」 •「(希望環保)唔係剩係環境局或者漁護署做,所有人都可以擁抱、擁有到呢件事,就算個環境有好多掣肘限制,我都希望大家都可以將自己做到嘅嘢盡量去做。」 💚仲有好多精彩內容,記住留意本集內容啦! 🌱 ✨ 立即訂閱,加入我哋一齊令諗下點樣令環境更好更可持續 🎉 🎧以下觀眾萬勿錯過: • 環保愛好者 • 觀鳥人士 • 關注氣候同環境嘅青少年 • 保育專業人士 • 任何關心香港氣候未來嘅人 — 🐦‍⬛Hong Kong Bird Watching Society 香港觀鳥會 Instagram: https://www.instagram.com/hkbws1957/ Facebook: https://www.facebook.com/hkbws/ YouTube: https://www.youtube.com/@hkbws1957/ — 大家好, 你而家睇緊係Podcast 節目「環保Lover會客室」,我哋會訪問同環保/綠色生活有深厚聯繫嘅嘉賓,聽下佢哋嘅生活同經歷,點樣去愛護環境,錫多啲個地球,以及對唔同綠色議題嘅睇法。有興趣嘅話就訂閱我哋喇! ✨ — 歡迎大家都收聽我哋嘅Podcast 節目,同follow我哋其他social media: 🎧 Apple Podcast:https://podcasts.apple.com/us/podcast/852-2050/id1694246787 🎧 Spotify:https://open.spotify.com/show/3pI80q4c7PtTP7mMroBpTN 🎧 YouTube:https://www.youtube.com/@HK2050isNOW 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow — 【 製作團隊 】 |企劃:Ivy Yeung |主持:Kitty Tam |拍攝、編輯、剪輯後製:Fred Tran #香港觀鳥會 #podcast #生態保育 #廣東話 #cantonesepodcast #環保Lover會客室 #MeetingEcoLover #OneBowLover #HKBWS #MingchuanWoo #interview #訪問 #香港 #氣候變化 #環保 #保育 #氣候變化 #生態保育 #生物多樣性 #氣候教育 #環境教育 #基於自然的解決方案 #氣候科學 #生物多樣性 #城市發展 #可持續發展 #濕地 #觀鳥 #極端天氣 #南生圍 #香港農業 #香港漁業 #HK2050isNow #CivicExchange #climateaction #Conservation #Naturebasedsolutions #HongKong #ClimateChange #GlobalWarming #EnvironmentalEducation #ClimateLiteracy #Resilience #Biodiversity #ClimateScience #Sustainability #NamSangWai #BirdConservation #Wetlands #HongKongBirds #Sustainability #EnvironmentalProtection #WildlifeConservation #HongKongNature #BirdWatching

    【環保Lover會客室EP13】香港觀鳥專家分享氣候變化點影響雀仔︱同本地農民漁民合作保育嘅雙贏秘訣︱亂種紅樹林都會對生態有害?︱南生圍濕地保育︱「雀仔都係一個地方係咪宜居嘅指標」

About

大家好, 你而家收聽嘅係Podcast 節目852 2050,每一集會以輕鬆傾偈嘅方式同嘉賓一齊探討創新、具教育意義但又「貼地」嘅綠色議題! 我哋亦有另一個節目「環保Lover會客室」,我哋會訪問同環保/綠色生活有深厚聯繫嘅嘉賓,聽下佢哋嘅生活同經歷,點樣去愛護環境,錫多啲個地球,以及對唔同綠色議題嘅睇法。 有興趣嘅話就訂閱我哋喇! ✨ — 歡迎大家訂閱埋其他Podcast網路平台,同follow我哋其他social media: 🎧 Apple Podcast:https://podcasts.apple.com/us/podcast/852-2050/id1694246787 🎧 Google Podcast:https://podcasts.google.com/feed/aHR0cHM6Ly9tZWRpYS5yc3MuY29tLzg1MjIwNTAvZmVlZC54bWw 🎧 Spotify:https://open.spotify.com/show/3pI80q4c7PtTP7mMroBpTN 🎧 YouTube:https://www.youtube.com/@HK2050isNOW 🔗Hong Kong 2050 is Now網頁 Website:https://www.hk2050isnow.org/ 🔗Hong Kong 2050 is Now Instagram: https://www.instagram.com/hk2050isnow/ 🔗Hong Kong 2050 is Now Facebook: https://www.facebook.com/HK2050isNOW/ 🔗Hong Kong 2050 is Now Twitter:https://twitter.com/hk2050isnow #podcast #cantonese #cantonesepodcast #8522050 #環保Lover會客室 #環保L