Ek en my mense

Klank Kompas
  • 0.0 (0)
  • CHRISTIANITY
  • UPDATED WEEKLY
Ek en my mense

Hierdie boeiende podcast bring 'n reeks inspirerende stories van hoop. Elke episode bied aangrypende getuienisse, stories en opinies wat jou sal aanmoedig om te volhard en vas te hou aan die hoop wat daar in Christus is.

  1. Ep. 21 - Om gemeente te wees: Francois en Enel Lambrechts van Knysna Kerk

    FEB 26

    Ep. 21 - Om gemeente te wees: Francois en Enel Lambrechts van Knysna Kerk

    Op ons storietoer deur die Suid-Kaap het ons in Knysna gaan kuier by Francois en Enel Lambrechts, ‘n leraarspaar wat passievol betrokke is by hul gemeente en gemeenskap. Wat aanvanklik net ‘n video oor hul kankerbediening sou wees, het vinnig uitgebrei na nog iets - ‘n eerlike refleksie oor diversiteit, gemeenskapsontwikkeling en die uitdagings én voorregte van dominee-wees. Kyk die video oor hul kankerbediening hier: https://youtu.be/KwoXrrvjgg0 In hierdie episode deel hulle die "good and the bad (uitdagings)" van ‘n gemeente wat aktief streef na diversiteit. Hulle gesels oor hoe verhoudings eerder as vinnige oplossings die sleutel is tot ware gemeenskapsontwikkeling en hoe hulle roeping as leraars nie is om alles self te doen nie, maar om ander toe te rus om ook hulle gawes uit te leef. Ons praat oor die spanningslyn tussen kerk-wees en ‘n NGO-wees, oor hoe ‘n geloofsgemeenskap mense moet help om werklik deel te word van ‘n gemeente, en nie net ‘n plek bied waar nood verlig word nie. Ons raak ook aan die unieke dinamika van ‘n man-en-vrou-span in dieselfde gemeente, en hoe hulle die balans probeer hou tussen bediening en gesinslewe.

    23 min
  2. Ep. 20 - Kerkbode Kollig word een jaar oud

    FEB 19

    Ep. 20 - Kerkbode Kollig word een jaar oud

    Kerkbode se podcast, Kollig, word op 19 Februarie ’n jaar oud. ’n Jaar gelede het die Kaapkerk-span saam met Kerkbode begin om ons kommunikasie-mediums uit te brei met ’n podcast. Dit was ’n jaar waarin baie lesse geleer is, ondervinding opgedoen is, en aangrypende stories gedeel is. Ek het met Heléne Meissenheimer en Le Roux Schoeman gesels oor die pad van die afgelope jaar. Heléne is ’n joernalis by Kerkbode en aanbieder van Kollig. Le Roux is die redakteur van Kerkbode. Ons gesels oor hoekom hulle met ’n podcast begin het, wat die impak daarvan is, en ook hoe dinge agter die skerms lyk. Deel jou stories: https://kerkbode.christians.co.za/kontak-ons/ Volledige onderhoud - prof Pieter Carstens: https://iono.fm/e/1420421

    40 min
  3. Ep. 19 - Twee ma's help ander met geloofsgroei

    JAN 13

    Ep. 19 - Twee ma's help ander met geloofsgroei

    Corli en Mariëtte van MaWees kuier in die Kaapkerk-ateljee en deel inspirerende insigte oor hoe hulle ander ma’s ondersteun in hul geloofsreis. Hulle beskryf hulself nie as “professionele ma’s” nie, maar eerder as vroue wat elke dag saam met die Here stap, luister en leer om te word wie Hy hulle roep om te wees. Met nederigheid en oorgawe deel hulle hoe God se leiding hulle toerus om ander te bemoedig en te versterk. MaWees is ’n aanlyn gemeenskap van ma's en vroue wat graag saam, emosioneel en geestelik, wil groei. Web: https://www.mawees.co.za/ Tel.: 063 388 9337 E-pos: hallo@mawees.co.za

    17 min
  4. Ep. 18 - Msinga se stof bly op my skoene

    09/17/2024

    Ep. 18 - Msinga se stof bly op my skoene

    'n Groep predikante en leiers vanuit die Wes-Kaap het onlangs die Msinga-gebied in KwaZulu-Natal besoek en deelgeneem aan verskeie bedieningsaktiwiteite by gemeentes. Die groep bestaan uit DJ Muller en Daniel De Wet (beide van Kaapkerk), Nati Stander (George-Bergsig), Albert Myburgh en Mizelle Prinsloo (beide van Durbanville-Bergsig). In hierdie episode gesels DJ met hulle, maar ook van die geestelike leiers in Msinga.

    19 min
  5. Ep. 17 - Klein, maar getrou: Die kerk in Japan

    08/27/2024

    Ep. 17 - Klein, maar getrou: Die kerk in Japan

    In hierdie episode gesels ons oor die werk van Missie Japan, ’n vennootskap tussen die NG Kerk in Suid-Afrika en die Gereformeerde Kerk in Japan. Ons gesels met Stéphan van der Watt, ’n sendeling wat al meer as 15 jaar in Japan werk, en Yoshitsugu Ohnishi, ’n Japannese pastoor en dosent in Ou Testament studies. Hulle deel hul ervarings van die verspreiding van die Evangelie in ’n land waar minder as 1% van die bevolking Christene is, en hoe diakonale werk ’n kragtige uitdrukking van Christus se liefde in aksie geword het. Van grondvlak-inisiatiewe in Suid-Afrika tot hulpverlening in Japan, hierdie gesprek beklemtoon die diep verbintenis tussen ons kerke en die voortdurende behoefte aan ondersteuning, gebed, en betrokkenheid van die wêreldwye Christelike gemeenskap. Kontak Stéphan (Missie Japan): • Webwerf: www.missiejapan.co.za • E-pos: jsvdwatt@gmail.com

    17 min

  6. 08/21/2024

    Ep. 16 - Ondersteunende Leierskap: Ryno Els oor jongmense en geloof

    In hierdie episode gesels ons met Ryno Els, van Toringkerk. Hy is ’n predikant met ’n vars perspektief op hoe ons die volgende generasie kan ondersteun in hul geestelike reis. Ryno deel sy insigte oor ’n reeks gesprekke wat hy onlangs met jongmense gehad het, waar die idee van ’n “bottom-up approach” na vore gekom het. Hy beskryf hoe hierdie jongmense pleit vir meer geloof as ’n bron van betekenis en sin, veral in ’n tyd waarin daar dikwels druk is om universele waardes bo spesifieke geloofsoortuigings te plaas. Die episode van "Onverwagse Oomblikke" waarna verwys word in die gesprek: https://iono.fm/e/1472534

    16 min
  7. Ep. 15 - U2 Konferensie: "Gewyde seer..." (Deel 2/2)

    08/07/2024

    Ep. 15 - U2 Konferensie: "Gewyde seer..." (Deel 2/2)

    Op dag twee van die U2 konferensie, reflekteer ons oor 'n aangrypende aanbieding van die vorige aand. Dit gaan oor seerkry, brutale eerlikheid en die bediening. Ons hoor ook van die rol wat U2 in twee broers se lewens gespeel het, voor én na die een se dood.

    18 min
  8. Ep. 14 - U2 Konferensie: "Rou, eerlike geloof..." (Deel 1/2)

    08/06/2024

    Ep. 14 - U2 Konferensie: "Rou, eerlike geloof..." (Deel 1/2)

    Op 6 -7 Augustus het 'n konferensie oor U2 se musiek en die teologiese invloed daarvan, by die Andrew Murray Sentrum vir Spiritualiteit in Wellington plaasgevind. Dit was 'n baie verrykende ervaring. DJ Muller het op dag een van dié konferensie met die organiseerders en 'n paar deelnemers gesels oor hul ervarings. Musiek in hierdie podcast: Verskeie snitte deur U2. Beskikbaar op YouTube: https://www.youtube.com/channel/UC4gPNusMDwx2Xm-YI35AkCA

    20 min
See All (21)

About

Hierdie boeiende podcast bring 'n reeks inspirerende stories van hoop. Elke episode bied aangrypende getuienisse, stories en opinies wat jou sal aanmoedig om te volhard en vas te hou aan die hoop wat daar in Christus is.

Information

  • Channel
    Klank Kompas
  • Creator
    Klank Kompas
  • Years Active
    2024 - 2025
  • Episodes
    21
  • Rating
    Clean
  • Copyright
    © Klank Kompas
  • Show Website
    Ek en my mense

More From Klank Kompas

To listen to explicit episodes, sign in.

Stay up to date with this show

Sign in or sign up to follow shows, save episodes, and get the latest updates.
Select a country or region

Africa, Middle East, and India

Asia Pacific

Europe

Latin America and the Caribbean

The United States and Canada