Jafnréttisdagar - Equality Days

Jafnréttisdagar

Jafnréttisdagar er árlegur viðburður með fyrirlestrum, umræðum og alls konar viðburðum á vegum háskólanna á Íslandi. Á Jafnréttisdögum eru mismunandi víddir jafnréttis og femínisma settar undir smásjána, svo sem mannréttindi, inngilding, forréttindi, vald og mismunun. Equality Days is an annual event featuring lectures, discussions, and various activities organized by the universities in Iceland. During Equality Days, different aspects of equality and feminism are examined closely, including human rights, inclusion, privilege, power, and discrimination.

Episodes

  1. Inngilding & fjölmenning

    02/13/2025

    Inngilding & fjölmenning

    Miriam Petra Ómarsdóttir Awad, inngildingarfulltrúi Landskrifstofu Erasmus+, útskýrir hugtakið inngilding og segir frá því hvað inngilding og fjölbreytileiki þýðir fyrir hana persónulega. Kristín Heba Gísladóttir, framkvæmdastjóri Vörðu, setur umræðuefnið í samhengi og segir frá stöðu fólks með erlendan bakgrunn. Joanna Marcinkowska, verkefnastjóri inngildingar, leiðir samtalið og segir frá verkefninu "Inngildingu í íslensku háskólasamfélagi", sem hún stýrir. Þátturinn er á íslensku og er á vegum Háskólans á Íslandi. Hann er hluti af Jafnréttisdögum háskólanna 2025.

    48 min
  2. Meðvitund um eigin fordóma & viljinn til að læra

    02/12/2025

    Meðvitund um eigin fordóma & viljinn til að læra

    Einar Svansson og Sigrún Lilja Einarsdóttir, kennarar í fjölbreytileika í stjórnun á háskólastigi hjá Háskólanum á Bifröst, fjalla um eigin reynslu af því að verða meðvituð um eigin forréttindablindu og ómeðvituðu fordóma og hvernig hægt sé að miðla þeirri reynslu til nemenda. Viðburðurinn er hluti af Jafnréttisdögum 2025.

    48 min
  3. Jaðarsetning fólks af erlendum uppruna

    05/06/2024

    Jaðarsetning fólks af erlendum uppruna

    Málstofa á Jafnréttisdögum 2024 í Háskólanum á Akureyri. Fram komu Eva María Ingvadóttir (hún), aðjúnkt við auðlindadeild Háskólans á Akureyri og ráðgjafi fjölmenningar hjá Akureyrarbæ, Fayrouz Nouh (hún), doktorsnemi við Háskóla Íslands. Miriam Petra Ómarsdóttir Awad (hún), sérfræðingur hjá Rannís, Anna Lilja Björnsdóttir (hún), sérfræðingur hjá Jafnréttisstofu. Á þessum viðburði var ljósinu beint að jaðarsetningu fólks af erlendum uppruna í íslensku samfélagi og þá sérstaklega jaðarsetningu kvenna af erlendum uppruna. Anna Lilja Björnsdóttir, sérfræðingur hjá Jafnréttisstofu, kynnti vitundarvakningu þeirra Meinlaust sem var unnin í samstarfi við félagasamtökin Hennar rödd. Í vitundarvakningunni koma fram birtingarmyndir þeirrar öráreitni sem konur af erlendum uppruna verða fyrir í samfélaginu og er markmiðið að fá fólk til að opna augun fyrir afleiðingum slíkrar áreitni. Því næst kynnti Eva María Ingvadóttir niðurstöður rannsóknar á mismunun og hatursorðræðu í garð fólks af pólskum uppruna á Íslandi. Fayrouz Nouh kynnti doktorsverkefni sitt þar sem hún er að skoða stöðu múslimskra kvenna á vinnumarkaði og að lokum fjallaði Miriam Petra Ómarsdóttir Awad um kynþátta og menningarfordóma. Að erindunum loknum fóru fram panelumræður með öllum fyrirlesurum. Anna Lilja Björnsdóttir stýrði þeim umræðum.

    1h 33m
  4. Hvers vegna skiptir UN Women máli?

    04/18/2024

    Hvers vegna skiptir UN Women máli?

    Viðburður á Jafnréttisdögum 2023 í Háskólanum á Akureyri. María Rut Kristinsdóttir, kynningarstýra hjá UN Women flutti erindið: Hvers vegna skiptir UN Women máli? Ísland er í fararbroddi þegar það kemur að því að loka kynjagatinu en þrátt fyrir það mun það taka yfir 130 ár í viðbót að loka gatinu á heimsvísu á núverandi hraða. UN Women er sú stofnun Sameinuðu Þjóðanna sem þrýstir á hraðari breytingar þegar það kemur að jafnréttismálum og afnámi kynbundins ofbeldis. Viðburðurinn var haldinn af Stúdentafélagi Háskólans á Akureyri.

    48 min
  5. Að vera hinsegin í námi og starfi

    04/18/2024

    Að vera hinsegin í námi og starfi

    Málstofa á Jafnréttisdögum 2023 í Háskólanum á Akureyri. Jafnréttisdögum 2023 lauk með eins dags ráðstefnu um Vald, forréttindi og öráreitni, sem var þema daganna. Á dagskrá voru þrjár málstofur sem nálguðust þemað úr ólíkum áttum. Sú fyrsta var haldin í HA, og hinar tvær í HÍ. Ávarp: Elín Díanna Gunnarsdóttir (hún) aðstoðarrektor Háskólans á Akureyri. Erindi: Ingileif Friðriksdóttir (hún), sjónvarps- og fjölmiðlakona, María Rut Kristinsdóttir (hún), kynningarstýra UN Women og Vilhjálmur Hilmarsson (hann) hagfræðingur hjá BHM. Fundarstjóri var Kristín Jóhannesdóttir, Sviðsstjóri fræðslu- og lýðheilsusviðs Akureyarbæjar.

    1h 29m
  6. ADHD í námi og daglegu lífi

    04/16/2024

    ADHD í námi og daglegu lífi

    Viðburður á Jafnréttisdögum 2024 í Háskólanum á Akureyri. Það getur verið krefjandi að vera með ADHD og/eða umgangast fólk sem er með ADHD en þekking eykur líkur á umburðarlyndi og kemur í veg fyrir fordóma. Margar áskoranir geta verið í námi sem og daglegu lífi og því mikilvægt að finna leiðir sem virka fyrir hvern og einn.Í þessu erindi leitaðist Jóna Kristín Gunnarsdóttir, grunnskólakennari, við að svara spurningum á borð við: Er í alvöru hægt að vera í rútínu með ADHD? Af hverju skiptir hreyfing máli? Og hvernig get ég nýtt styrkleika mína til að takast á við erfið verkefni? Viðburðurinn fór fram á íslensku.

    1h 2m
  7. Staða fólks með örorkumat, endurhæfingarlífeyri og örorkustyrk

    04/16/2024

    Staða fólks með örorkumat, endurhæfingarlífeyri og örorkustyrk

    Viðburður á Jafnréttisdögum 2024 í Háskólanum á Akureyri. Kristín Heba Gísladóttir (hún), framkvæmdastjóri Vörðu, rannsóknastofnunar vinnumarkaðarins kynnti helstu niðurstöður skýrslu um stöðu fatlaðs fólks á Íslandi sem kom út í lok síðasta árs. Stór hluti fatlaðs fólks á Íslandi býr við sárafátækt og lífsskilyrði lífeyristaka eru töluvert verri en launafólks. Tæplega sjö af hverjum tíu geta ekki mætt óvæntum 80.000 kr útgjöldum án þess að efna til skuldar og meira en helmingur metur fjárhagsstöðu sína verri nú en fyrir ári síðan. Staða einhleypra foreldra er sérstaklega alvarleg. Viðburðurinn fór fram á íslensku.

    42 min
  • 7 Episodes

About

Jafnréttisdagar er árlegur viðburður með fyrirlestrum, umræðum og alls konar viðburðum á vegum háskólanna á Íslandi. Á Jafnréttisdögum eru mismunandi víddir jafnréttis og femínisma settar undir smásjána, svo sem mannréttindi, inngilding, forréttindi, vald og mismunun. Equality Days is an annual event featuring lectures, discussions, and various activities organized by the universities in Iceland. During Equality Days, different aspects of equality and feminism are examined closely, including human rights, inclusion, privilege, power, and discrimination.

Information