MIKROSKOP

CSV Fraktioun
  • 0.0 (0)
  • POLITICS

An dësem Podcast huele mer d'CSV-Deputéiert ënnert d'Lupp, oder besser gesot, de MIKROSKOP. Dir léiert déi 21 CSV-Deputéiert privat a politesch besser kennen.

Episodes

  1. #12 - Jean-Paul Schaaf

    JAN 16

    #12 - Jean-Paul Schaaf

    Ronn 20 Joer war de Jean-Paul Schaaf Buergermeeschter vun Ettelbréck, an och elo, als éischte Schäffe vun der Patton-Stad, läit him seng Heemecht an d'Nordstad nach ëmmer um Häerz. Mir schwätzen an dëser Episod iwwert déi geplangte Fusioun vu 4 Gemengen, mä natierlech och iwwert d'Aarbecht vum Jean-Paul Schaaf an der Chamber.

    35 min
  2. #11 - Ricardo Marques

    11/26/2025

    #11 - Ricardo Marques

    Zu Iechternach, a senger Heemecht, hu mer de Ricardo Marques, de jéngsten CSV-Deputéierte getraff. Hien ass zanter eppes méi wéi engem Joer an der Chamber an erzielt, dass et net einfach war, nom Dout vum Max Hengel, fir hien nozeréckelen. De Ricardo mécht awer och Politik fir de Max mat ënnert anerem sengen Theme, wéi mental Gesondheet. Donieft schwätzt de Ricardo iwwert seng portugisesch Wuerzelen an am méi privaten Deel, verréit hien eis, firwat hien de "Kinnek vun Iechternach" ass.

    31 min
  3. #10 - Marc Spautz

    10/10/2025

    #10 - Marc Spautz

    De Marc Spautz ass den Invité fir déi parlamentaresch Rentrée. Den CSV-Fraktiounschef ass geléierte Mecanicien, hie war Gewerkschaftler an ass zanter 1994 an der Gemengen- an zanter 2004 an der Nationalpolitik, als Deputéierten an och kuerz Zäit als Minister. Firwat hien dacks als dat soziaalt Gewësse vun der Fraktioun bezeechent gëtt an d'Fraktioun net de Gesanksveräi vun der Regierung ass, dat verzielt de Marc Spautz an dësem Podcast. Dernieft gi mer awer och ënnert anerem gewuer wéi hien zum Äishockey komm ass.

    29 min
  4. #9 - Claude Wiseler

    06/20/2025

    #9 - Claude Wiseler

    De Chamberpresident ass den Invité an der 9ter Episod vu "Mikroskop". De Claude Wiseler erzielt, wéi hien déi gréisst politesch Enttäuschung 2013 verkraft huet a firwat hien awer besonnesch de Poste vum Chamberpresident immens gären huet a wat hien nach wëll an der Chamber änneren. Donieft geet et ëm d'Wichtegkeet vun der Demokratie a mir léieren den éischte Bierger vum Land och Privat besser kennen.

    32 min
  5. #8 - Laurent Mosar

    05/22/2025

    #8 - Laurent Mosar

    De Laurent, oder Laury, Mosar ass zanter iwwer 30 Joer an der Politik aktiv, lokal an der Stad an national an der Chamber. De Laury ass nach ëmmer ganz engagéiert, motivéiert a virun allem och gutt gelaunt. Wat dreift hien dann nach ëmmer all Dag un sech fir seng Matbierger anzesetzen a wat mécht de Laury privat......ausser Helene Fischer lauschteren ? Dat Alles gitt der an dëser Episod gewuer.

    33 min
  6. #7 - Laurent Zeimet

    05/07/2025

    #7 - Laurent Zeimet

    De Laurent Zeimet ass zanter ronn 14 Joer Buergermeeschter vu Beetebuerg an och zanter 2023 fir d'zweet an der Chamber. Mir schwätze mat him iwwert dat duebelt Engagement awer och iwwert seng Vergaangenheet als Journalist a firwat dass hien Droit studéiert huet.

    28 min
  7. #6 - Octavie Modert

    03/28/2025

    #6 - Octavie Modert

    D'Octavie Modert ass d'Invitée an der 6ter Epsiod vun eisem Podcast MIKROSKOP. Mat der Ost-Deputéiert hu mer eis ënnert anerem iwwer d'Justiz, Landwirtschaft a Wäibau, an natierlech iwwer Kultur, ënnerhalen. Dir léiert d'Octavie Modert am Podcast awer och Privat besser kennen.

    34 min
  8. #5 - Maurice Bauer

    03/14/2025

    #5 - Maurice Bauer

    Den éischte Schäffen aus der Haaptstad, Maurice Bauer ass eisen Invité an dëser Episod. De Maurice ass zanter 2023 och Deputéierten an hie schwätzt iwwert dat duebelt Engagement. Seng Stad läit him immens um Häerz an dat mierkt een och gutt a sengen Aussoen. Lauschtert eran a léiert de Maurice Bauer besser kennen.

    34 min
  9. #4 - Paul Galles

    02/14/2025

    #4 - Paul Galles

    Vum Paschtouer zum Politiker. De Paul Galles hat seng berufflech Carrière als Paschtouer ugefaangen. Wéinst dem Zölibat huet hien dee Beruff awer opginn an ass bei d'Caritas schaffe gaangen ier hie schliisslech an d'Politik koum. De Paul schwätzt am Podcast ganz fräi iwwert seng Decisiounen, iwwert seng Léift zu de Mënschen, iwwert d'Affaire Caritas, déi hie béis getraff huet, iwwert säi Wee vun der Kierch op de Krautmaart an natierlech och iwwer ganz Privates.

    29 min
  10. #3 - Alex Donnersbach

    01/28/2025

    #3 - Alex Donnersbach

    Den Alex Donnersbach, Deputéierten, Schäffen zu Walfer a Generalsekretär vun der CSV ass den Invité an der drëtter Episod vu Mikroskop. Mir kucken op dem Alex seng éischt Zäit am Parlament, säin Engagement an der Gemeng an awer och nach eng Kéier op seng Aarbecht als fréieren CSJ-President.

    31 min
  11. #2 - Jeff Boonen

    01/08/2025

    #2 - Jeff Boonen

    Den Nord-Deputéierte Jeff Boonen ass den Invité an dëser Episod. De Jeff ass zanter 2023 Deputéierten a Bauer. Den Haff am Schweecherdall ass ee Familljebetrib mä ier de Jeff Boonen den Haff iwwerholl huet, huet hien no sengem Studium an der Akerbauschoul geschafft a war ënnert anerem och Mat-Responsabel bei der Organisatioun vun der Foire Agricole. Am Podcast schwätzt de Jeff iwwert d'Landwirtschaft mä och ënnert anerem iwwert d'Energiepräisser.

    33 min
  12. #1 - Françoise Kemp

    12/17/2024

    #1 - Françoise Kemp

    An der éischter Episod vun MIKROSKOP léiere mer d'CSV Süd-Deputéiert Fränzi Kemp besser kennen. D'Françoise ass eng Stack-Diddelengerin an erzielt iwwert säi Liewen an d'Politik mä awer och iwwert hir Aarbecht wärend der Covid19-Pandemie an der Covid-Taskforce. D'Françoise Kemp ass dernieft Generalsekretärin vun der CSV an och dat ass een Thema an dëser éischter Episod vun MIKROSKOP.

    20 min
  • 12 Episodes

About

An dësem Podcast huele mer d'CSV-Deputéiert ënnert d'Lupp, oder besser gesot, de MIKROSKOP. Dir léiert déi 21 CSV-Deputéiert privat a politesch besser kennen.

Information

  • Creator
    CSV Fraktioun
  • Years Active
    2024 - 2026
  • Episodes
    12
  • Rating
    Clean
  • Show Website
    MIKROSKOP