حديث التغيير

Yasmen
  • 0.0 (0)
  • SELF-IMPROVEMENT
  • UPDATED WEEKLY

البودكاست ده معمول لكل حد نفسه يغيّر…يعدّل حياته، يتخطى اللي مر بيه، ويرجع يفتكر نفسه تاني.لكل حد بيعدي بمشاعر محدش بيتكلم عنها وبيحتاج دعم أو تشجيع بسيط يكمل بيه في طريق التغيير.في "حديث التغيير"، بنحكي بصوت هادي وبقلب صادق عن القرارات، والخوف، والوِحدة، والطريق اللي بنمشيه لوحدنا أحيانًا.لو محتاج كلمة تطبطب، أو تفتحلك باب… تعالى نسمع سوا. تقدمه: ياسمين

  1. FEB 2

    تعبت في حاجة ومكملتش… خسارة؟

    في الحلقة دي هنتكلم عن إحساس الخسارة اللي بييجي بعد ما تستثمر وقتك ومجهودك ومشاعرك في حاجة… شغل، علاقة، هدف، أو حلم… وفي الآخر تحس إنك ضيّعت كل ده على الفاضي.هنفهم سوا إن “اللي ماكملش” مش دايمًا معناه فشل، وإن التعب عمره ما بيروح هدر… يمكن ربنا كان بيحميك، أو بيجهزلك طريق أنضف وأرحم.لو جواك سؤال: هو تعبي راح فين؟… الحلقة دي ليك 🤍

    6 min

  2. 12/03/2025

    الصورة الكاملة

    قبل ما ندخل على اللي جاي… مهم نرجع نبص لورا لحظة.مش علشان نلوم نفسنا أو نحصي اللي ناقص،لكن علشان نفهم الصورة كاملة: إحنا اتغيّرنا إزاي؟مشينا قدّ إيه؟وإيه اللي المفروض نركز عليه في اللي جاي؟ الحلقة دي مساحة صادقة،تشوف فيها روحك بوضوح،وتلمس تفاصيل يمكن ما أخدتيش بالك منها طول السنة. 🎧 اسمعها…يمكن لحظة واحدة تعيد ترتيب نظرتك للسنة كلها،وتفتحلك باب جديد للمتبقّي من عمرك.

    6 min

  3. 10/30/2025

    بين حياتين

    في كل مرة تنتقل فيها لمرحلة جديدة، ربنا بيكون بيجهزك لحاجة أكبر…مش دايمًا الطريق بيكون واضح، ساعات بنحس بتوهان أو فقد توازن،لكن الحقيقة إن دي لحظة “تحوّل” بتكسر القديم وتفتح باب لفصل جديد في حياتك.في الحلقة دي من حديث التغيير، هنتكلم عن “الانتقال” —عن الشجاعة إنك تكمّل رغم الغموض، وعن الإيمان إن ربنا بيقودك بخطوات محسوبة نحو الخير اللي كاتبه ليك.

    8 min

  4. 09/20/2025

    لحد إمتى تهرب؟

    الهروب عمره ما كان حل. اللي بنهرب منه بيكمل معانا، ونفضل شايلينه على ضهرنا سنين طويلة، لحد ما نحس إن روحنا تقيلة، ومش قادرين نكمل. المواجهة يمكن تكون صعبة، بس هي اللي بتخفف الحمل، وبتحررنا من القيود اللي بنحطها حوالينا. الحلقة دي دعوة حقيقية إنك توقف تهرب، وتبدأ تواجه… عشان ترتاح بجد.

    12 min

  5. 08/21/2025

    اللحظات اللي بقضيها مع نفسي… هي اللي بتنقذني

    في عالم بيجري بسرعة… وأصوات ما بتسكتش… ساعات بننسى أبسط وأغلى حاجة: إننا ندي نفسنا وقت.وقت مع الذات مش رفاهية، ولا هروب… لكنه لحظة إنقاذ. لحظة نسمع فيها قلوبنا، نرتب أفكارنا، ونشحن طاقتنا من جديد. في الحلقة دي هنغوص مع بعض في: ليه "Me Time" مش رفاهية… لكنه ضرورة حياتية. إزاي اللحظات دي بتنعكس على صحتنا النفسية والجسدية. مين أكتر ناس محتاجين الوقت ده فعلًا. وإزاي نتعامل مع اللي مش فاهمين ليه وقتك مع نفسك أولوية. يمكن اللحظة اللي هتقضيها مع نفسك النهاردة… هي اللي تنقذك بكرة.

    7 min

  6. 07/31/2025

    لما الحياة ما تمشيش زي ما كنا متخيلين

    في وقت كنا فاكرين إننا ماشيين صح… فجأة كل حاجة اتشقلبت. خططنا، تعبنا، تمسكنا، ورغم دا كله… الطريق خدنا في اتجاه تاني ما كانش على الخريطة. في الحلقة دي، بنفتح باب الكلام عن الخيبات، عن "اللي ما حصلش"، عن لحظة الانكسار اللي بعديها بنكتشف نفسنا من أول وجديد. هنتكلم عن "ليه الحلم وقع؟"، و"هل اللي حصل دا فشل؟"، ولا يمكن كان لازم يحصل علشان نوصل لحاجة أعمق وأصدق؟ لو مريت بيوم حسيت فيه إنك تايه، أو فقدت حاجة كنت فاكر إنها مستقبلك، الحلقة دي ليك… وهتطبطب على قلبك. 🎧 استمع دلوقتي… وسيب لنفسك مساحة تفهم، وتسامح، وتبدأ من جديد 🕊️

    7 min

  7. 07/15/2025

    التغيير مرعب… بس يمكن هو المخرج الوحيد؟

    في اللحظة اللي نحس فيها إننا تعبنا من مكانّا، من شغل، من علاقة، من نفسنا القديمة… بيطلع قدامنا خيار اسمه: "التغيير".بس أول ما نقرّب منه، نحس برعب غريب.رعب من المجهول، من الفشل، من الوحدة… ومن إننا نسيب اللي متعودين عليه حتى لو مش مريح. في الحلقة دي، هنتكلم سوا بصوت صادق وهادي عن: ليه بنخاف من التغيير؟ هل التغيير فعلاً خطر… ولا إحنا اللي تعودنا على التعب؟ وإزاي نعرف نفرّق بين الخوف اللي بيحمينا، والخوف اللي بيحبسنا؟ حلقة عميقة وحقيقية… يمكن تلمسك من جوهويمكن، تكون هي الخطوة الأولى في طريق التغيير اللي بتستحقه 💛

    7 min

  8. 07/03/2025

    العلاقات الداعمة… مين بيدعمك في رحلتك؟

    وجودك وسط الناس الصح، بيهوّن كتير من تعب الطريق… ناس تفهمك، تسمعك، تشوفك زي ما أنت، وتشيل معاك لما الدنيا تتقلّ. وفي الحلقة دي، بنتكلم عن العلاقات اللي بتقويك، عن دور الأشخاص اللي وجودهم جنبك يديك طاقة تكمل، وعن أهمية إنك تكون محاط بعلاقات داعمه تحس فيها إنك مش لوحدك. وهنتكلم كمان عن دورك… إزاي تكون أنت كمان شخص داعم، وجودك يفرق، وكلامك يلهم، وحضورك يطمن

    5 min
See All (22)

About

البودكاست ده معمول لكل حد نفسه يغيّر…يعدّل حياته، يتخطى اللي مر بيه، ويرجع يفتكر نفسه تاني.لكل حد بيعدي بمشاعر محدش بيتكلم عنها وبيحتاج دعم أو تشجيع بسيط يكمل بيه في طريق التغيير.في "حديث التغيير"، بنحكي بصوت هادي وبقلب صادق عن القرارات، والخوف، والوِحدة، والطريق اللي بنمشيه لوحدنا أحيانًا.لو محتاج كلمة تطبطب، أو تفتحلك باب… تعالى نسمع سوا. تقدمه: ياسمين

Information