بودكاست الناحية التانية Na7yaTanya Podcast

Na7ya Tanya
  • 0.0 (0)
  • PERSONAL JOURNALS
  • SERIES

بودكاست 𓃀 𓂋 𓈖 𓂝 𓅓 𓆓 حواري 𓎛 𓅱 𓂝 𓂋 𓇋 يتناول كل ما له علاقة بمصر متعددة الثقافات والأفكار، والتي نعتقد أنها مجتمع واحد ولكنها مُكوْنَة من عِدْة مجتمعات أصغر.    نتوهم أن علينا السير في اتجاه بعينه، على الرغم من وجود اتجاهات متنوعة عن الفكرة والموضوع والحادثة التاريخية والإنسان المصري.في كل حلقة ناحية جديدة لنفس الموضوع من زاوية مختلفة غير اعتيادية أو موضوع جديد في رحلة فكرية معرفية يقودنا فيها ضيفنا لنستكشف سويًا الناحية التانية.

Season 1

  1. حلقة #01 أم كلثوم في عُمر السبعين تقدم 59 حفلاً للمجهود الحربي | كريم جمال | بودكاست الناحية التانية

    EPISODE 1

    حلقة #01 أم كلثوم في عُمر السبعين تقدم 59 حفلاً للمجهود الحربي | كريم جمال | بودكاست الناحية التانية

    وانت في قربك ناسيني .. زي بُعدك. بابا كان بيحاول ينكشني بجملة "عبدالوهاب محمد" عشان أعمل له قهوة، وهي جزء من أغنية "حُب إيه" من ألحان بليغ حمدي. مين فينا مسمعش أم كلثوم .. سواء وهو صغير ومش مدرك ولا فاهم الكلام أو شاف والده أو والدته وهم منسجمين مع كل كلمة ونغمة. مين فينا مزهقش وهو صغير عشان مش فاهم الكلمات .. إحنا هنحكي عن الست لأكثر من سبب؛الأول مرور 100 سنة على بداية تسجيل صوت أم كلثوم في اسطوانات، السبب الثاني مرت الذكرى الـ 49 على وفاة أم كلثوم يوم 3 فبراير 1975.السبب الثالث والأخير .. هو صدور كتاب أم كلثوم وسنوات المجهود الحربي في أغسطس 22 وصدر منه طبعتينهنتكلم عن الناحية التانية في حياة الست ناحية معروفة أه ولكن محدش جمع أخبارها ومشاهدها زي ما جمعها الباحث والكاتب الموسيقي؛ كريم جمال.

    2 min
  2. حلقة #02 العمارة البيئية وتأثيرها على ترشيد استهلاك الطاقة | صلاح المولد | بودكاست الناحية التانية

    EPISODE 2

    حلقة #02 العمارة البيئية وتأثيرها على ترشيد استهلاك الطاقة | صلاح المولد | بودكاست الناحية التانية

    كان حلم من أحلامي يكون لي بيتي الخاص وبعد رحلة بحث وتجهيز من 2009 أخدت عشر سنوات قدرت أحقه في 2019. مكنش عندي القدرة إني أبني بيت من الصفر ولكن الفكرة دي ظهرت لي من العدم خلال صيف 23 لأتأثرنا كلنا بجدول مواعيد قطع الكهرباء؛ على الرغم من إن الحكومة أكدت على وجود فائض للطاقة خلال السنوات اللي فاتت. أنا هنا مش عشان نتكلم على أرقام مشاريع آبار الغاز والبترول في البحر المتوسط وغرب خليج السويس ولا مشاريع الطاقة المتجددة، سؤالي الأهم؛ هل نقدر نحقق ترشيد استهلاك للطاقة من خلال تصميم المباني؟ وبالتالي نقلل استهلاك تكييفات اللي بتبلع جزء كبير من الكهرباء وقت الصيف، ونرجع لتصماميم البيوت ما قبل الكهرباء واللي كنا بيها بنتغلب على حرارة الجو وتكون جيدة التهوية والإضاءة وبالتالي مواجهة الأثر المناخي السيء علينا .. ..على الرغم من إننا كمواطنين بنستهلك 40% من الطاقة اللي بننتجها طبقًا لموقع وزارة الكهرباء، لكن هل نقدر نعمم دا على كافة المباني الحكومية!؟بمعنى أدق الاهتمام بالعمارة البيئية. اللي متاحة من خلال نظرتنا العميقة لطريقة بناء أهل النوبة أو الواحات أو العمارة المصرية القديمة.هنتكلم في الموضوع دا مع صلاح المولد معماري وباحث عمراني. عمل دراسات عليا في التصميم والتخطيط البيئي واشتغل على أبحاث عمرانية عن تصميم الشوارع علاقتها بالمشي وازاي تساعدنا على التنقل النشط.

    30 min
  3. حلقة #03 ماذا حدث للمصريين اقتصاديًا واجتماعيًا؟ | الباحث مجدي عبدالهادي | بودكاست الناحية التانية

    EPISODE 3

    حلقة #03 ماذا حدث للمصريين اقتصاديًا واجتماعيًا؟ | الباحث مجدي عبدالهادي | بودكاست الناحية التانية

    أوائل التسعينات لما بدأت أخد مصروف يومي ف ايدي حوالي 25 قرش، كان أبويا بيحاول بيعلمني إزاي أدير مصروفاتي بنفسي وكان مديني الاختيار إني أخده بشكل أسبوعي أو شهري، ف الأول طبعًا فشلت في حكاية الشهري دي .. لكن بمرور الوقت كلنا بنتعلم.مع ظروف التضخم وارتفاع الأسعار بفتكر طريقة بابا وهو بيحاول يقنعني إن دا سعره غالي أو مش هقدر أجيب دا دلوقتي لكن ممكن على الصيف نقدر نجيب اللي إنت عاوزه…في الوقت دا قدرته المادية أنا مش متخيلها ولا مُدْركها .. لكن عدى بينا.. .. دا اللي بفكر فيه حاليًا وسط كل الظروف اللي حوالينا .. إزاي التغييرات الاقتصادية دي غيرتنا في معيشتنا وحياتنا الاجتماعية ... إزاي بنعدي الأزمة وأثرها فينا إيه.الاقتصادي الكبير جلال أمين ومن خلال كتابه ماذا حدث للمصريين اللي صدر في 98.. قدم تصوره ل اللي حصل للمصريين خلال الفترة من 45 إلى 95. كان بيتكلم فيه عن ضعف روح الانتماء وانتشار اللامبالاة وتأثير سياسة الانفتاح على القيم المجتمعية دا غير عدم الاهتمام بالعقول المصرية والسماح لهجرتها أو بمعني أصح دفعها عن غير قصد للهجرة، كل الأوضاع المجتمعية والاقتصادية أثرت علينا من مختلف الجوانب وساهم في تغيير العلاقات بين الطبقات الاجتماعية المختلفة وترتيبها. هنتكلم في الحلقة الثالثة من بودكاست الناحية التانية عن الظواهر الاقتصادية والتغيير المجتمعي وأثره علينا .. مع "مجدي عبدالهادي" الباحث الاقتصادي.

    1h 26m
  4. حلقة #4 ليه نهتم بتنوع البيئة المصرية؟ |فرح كمال أحد شُركاء شركة Dayma| بودكاست الناحية التانية

    EPISODE 4

    حلقة #4 ليه نهتم بتنوع البيئة المصرية؟ |فرح كمال أحد شُركاء شركة Dayma| بودكاست الناحية التانية

    من صغري وأنا وغيري من الجمهور كان بيستمتع ببرنامح عالم الحيوان -اللي كان بيتقدم في التليفزيون المصري يوم الجمعة بعد الصلاة- وكنا منبهرين جدًا باللي بيتقدم من معلومات..    وبمرور الوقت ظهرت قنوات تانية واتعرضنا لكتير من الأفلام الوثائقية والتسجيلية ..وبدأنا نفهم أهمية البيئة ف حياتنا وتغير المناخ زاد من احترمنا ل بيئتنا نوعًا ما .. لكن بعد فترة طويلة جدًا راح بسببها وبسبب ضعف القوانين المنظمة كتير من الكائنات الحية اللي كانت محتاجة رعاية مننا!    ممكن ناخد فكرة عنها!.زي "غزال المها" و "الضبع المخطط" و"القط الصحراوي"، وتمساح وسلحفاة والسمك البلطي النيلي، و"فقمة الراهب المتوسطية" و"السلاحف البحرية" و"سمك القرش الأبيض المتوسط" أما كائنات البحر الأحمر زي "الأطوم أو بقر البحر" و"القرش الحوتي والرمادي" و"الشعاب المرجانية" أما الواحات فا مهدد فيها "غزال الرمل" و"الضب الصحراوي" وبعض الطيور المهاجرة مثل "طيور الحباري".     الحلقة الرابعة هندخل بشيء من التفصيل نتكلم ونحكي عن أثر الطبيعة المصرية علينا.. مع أحد شُركاء شركة Dayma "فرح كمال" تابعونا على؛   انستجرام https://www.instagram.com/na7yatanya   تيك توك https://www.tiktok.com/@na7yatanya   إكس https://www.x.com/@Na7yaTnya   فيسبوك https://www.facebook.com/Na7yaTanya   أنغامي https://open.anghami.com/Ko68tKL3aQb   سبوتيفاي https://open.spotify.com/show/5rBNmOyiisXvvSdVWiHHUh?si=c5dd206c08974950   أبل بودكاست https://podcasts.apple.com/us/podcast/%D8%A8%D9%88%D8%AF%D9%83%D8%A7%D8%B3%D8%AA-%D8%A7%D9%84%D9%86%D8%A7%D8%AD%D9%8A%D8%A9-%D8%A7%D9%84%D8%AA%D8%A7%D9%86%D9%8A%D8%A9-na7yatanya-podcast/id1788759949   انشروا الحلقة لو عجبتكم مع أحبائكم وأصدقائكم.   egypt #podcast  #thoughts #The_Other_Side##مصر  #بودكاست  #أفكار   #الناحية_التانية #بودكاست_الناحية_التانية

    1h 31m
  5. حلقة #5 جيل "زي" مش عارف الفرق بين سعاد حسني وفاتن حمامة!؟| فاطمة عبداللاه | بودكاست الناحية التانية

    EPISODE 5

    حلقة #5 جيل "زي" مش عارف الفرق بين سعاد حسني وفاتن حمامة!؟| فاطمة عبداللاه | بودكاست الناحية التانية

    حكى لي صديق شغال في إحدى كليات الإعلام الخاصة بإنه كان بيتكلم عن سعاد حسني وفاتن حمامة والسينما المصرية وطلابه مكانوش عارفين الفرق ما بينهم!.. أنا قلت وماله عادي مايعرفوش ف صديقي استغرب وقال إزاي! ردي إنهم تعرضوا لوسائل إعلامية مختلفة عن اللي تعرضنا لها خلال فترة التسعيينات وأوائل الثمانينات وبالتالي المحتوى مختلف وطريقة تلقيهم له مختلفة واللي عجبنا مش شرط يعجبهم وإن دا دورك إنت ك مًعلم ومُيسر دوره إنه يفتح لعقولهم آفاق جديدة ويقدر يخليهم يتفرجوا على الفيلم وبعدين نتناقش في المحاضرة عن جماليات الإخراج والصورة والحبكة الدرامية وحلاوة السيناريو والحوار.   هنا جه ف بالي سؤال إزاي الأباء والأمهات الحاليين وسط الزحمة وضيق الحال المادي وضغوط تانية كتير جدًا بيتعاملوا مع أولادهم وبناتهم في سن المراهقة وبداية دخول الجامعة..   إزاي بيدوا لهم المساحة للتعبير عن نفسهم والتفكير في مشاعرهم وبيسمعوا لهم ولا ﻷ! خصوصًا لو دا أساسًا مش متاح للأهل. النهاردة بنتكلم مع أ/ فاطمة عبداللاه استشاري تربوي، حلقتنا الخامسة من بودكاست الناحية التانية   تابعونا على؛ انستجرام https://www.instagram.com/na7yatanya    تيك توك https://www.tiktok.com/@na7yatanya    إكس https://www.x.com/@Na7yaTnya    فيسبوك https://www.facebook.com/Na7yaTanya    أنغامي https://open.anghami.com/Ko68tKL3aQb    سبوتيفاي https://open.spotify.com/show/5rBNmOyiisXvvSdVWiHHUh?si=c5dd206c08974950    أبل بودكاست https://podcasts.apple.com/us/podcast/%D8%A8%D9%88%D8%AF%D9%83%D8%A7%D8%B3%D8%AA-%D8%A7%D9%84%D9%86%D8%A7%D8%AD%D9%8A%D8%A9-%D8%A7%D9%84%D8%AA%D8%A7%D9%86%D9%8A%D8%A9-na7yatanya-podcast/id1788759949    انشروا الحلقة لو عجبتكم مع أحبائكم وأصدقائكم.   #egypt #podcast #thoughts The_Other_Side# #مصر #بودكاست #أفكار #الناحية_التانية #بودكاست_الناحية_التانية

    1h 11m
  6. حلقة #6 إزاي الطفل يتعلّم ونتعلّم منه!؟ | سيرة الشاعر زين العابدين فؤاد | بودكاست #الناحية_التانية

    EPISODE 6

    حلقة #6 إزاي الطفل يتعلّم ونتعلّم منه!؟ | سيرة الشاعر زين العابدين فؤاد | بودكاست #الناحية_التانية

    من صغري أبويا كان مهتم يخليني أقرا: قصص تراث، مجلات أطفال. لكن اللي فضل معايا أكتر هو الفن اللي جمعنا ف البيت: صوت سعاد حسني وصفاء أبو السعود، عبد المنعم مدبولي، لبلبة، محمد ثروت… وصوت بابا شارو -محمد محمود شعبان - في الإذاعة المصرية. كمان الرسوم والأغاني اللي صنعها كبار زي صلاح جاهين وسيد حجاب ومحيي اللباد وحلمي التوني وحجازي… قائمة طويلة، فتحت باب الخيال لعقلي.كل ده خلاني أسأل نفسي: هو أدب الطفل بدأ منين؟ مين اللي أسس البذرة الأولى؟ من كامل الكيلاني وعبد التواب يوسف ويعقوب الشاروني… وصولًا للجيل اللي حمل الراية. ضيفنا النهاردة واحد من أعمدة أدب الطفل في مصر والعالم العربي. شاعر وفنان، كتب ورسم وغنّى للأطفال… لكن الأهم إنه عاش معاهم تحت ظروف استثنائية: من مصر لليمن إلى لبنان؛ حتى تحت القصف، كان شايف إن الشعر والرسم مش رفاهية، لكن حق للطفل.معايا الشاعر زين العابدين فؤاد. تابعونا على؛ انستجرام https://www.instagram.com/na7yatanya تيك توك https://www.tiktok.com/@na7yatanyaإكس https://www.x.com/@Na7yaTnya فيسبوك https://www.facebook.com/Na7yaTanya أنغامي https://open.anghami.com/Ko68tKL3aQb سبوتيفاي https://open.spotify.com/show/5rBNmOyiisXvvSdVWiHHUh?si=c5dd206c08974950 أبل بودكاست https://podcasts.apple.com/us/podcast/%D8%A8%D9%88%D8%AF%D9%83%D8%A7%D8%B3%D8%AA-%D8%A7%D9%84%D9%86%D8%A7%D8%AD%D9%8A%D8%A9-%D8%A7%D9%84%D8%AA%D8%A7%D9%86%D9%8A%D8%A9-na7yatanya-podcast/id1788759949 انشروا الحلقة لو عجبتكم مع أحبائكم وأصدقائكم .#egypt #podcast #thoughts #The_Other_Side##مصر #بودكاست #أفكار #الناحية_التانية #بودكاست_الناحية_التانية

    1h 15m
  7. حلقة #7 هل المطبخ المصري فقير!؟ |هدير أحمد علي مبادرة Nawaya | بودكاست #الناحية_التانية

    EPISODE 7

    حلقة #7 هل المطبخ المصري فقير!؟ |هدير أحمد علي مبادرة Nawaya | بودكاست #الناحية_التانية

    ذكرياتي مع جدتي فيها مشاهد مقدرش أنساها؛ خصوصًا وقت الخبيز… كانت بتخبز مع السيدات اللي حوليها كل شهر أو كل شهرين، وفي نهاية يوم الخبيز نشوي بتنجان أو يعملوا صينية بطاطس ع الغداء. لكن قبل ما نتحرك كأطفال بيكون أخر الخبيز دا هدية اسمها "أبوري" وهو عبارة عن عيش سخن سميك شوية بيتفتح ويتحط جواه معلقة سمنة ومعلقتين سُكْر للتحلية. حاجة يمكن مبقتش موجودة في عصرنا دا عشان الخبيز جوا البيوت قل أو بقا معتمد على الأفران اللي بتشتغل بالغاز.. زمان كانت الأفران يا بتشتغل بقش الرز اللي دلوقتي بيتحرق ع الفاضي أو من خلال أدوات تانية. لكن الأهم هنا في حلقتنا هي الإجابة على سؤال "هل مطبخنا المصري فقير في مكوناته زي ما إحنا معتقدين؟.. السؤال دا هتجاوبنا عنه أ/"هدير أحمد علي" مديرة مشاريع في Nawaya تابعونا على؛ انستجرام https://www.instagram.com/na7yatanya تيك توك https://www.tiktok.com/@na7yatanya إكس https://www.x.com/@Na7yaTnya فيسبوك https://www.facebook.com/Na7yaTanya أنغامي https://open.anghami.com/Ko68tKL3aQb سبوتيفاي https://open.spotify.com/show/5rBNmOyiisXvvSdVWiHHUh?si=c5dd206c08974950 أبل بودكاست https://podcasts.apple.com/us/podcast/%D8%A8%D9%88%D8%AF%D9%83%D8%A7%D8%B3%D8%AA-%D8%A7%D9%84%D9%86%D8%A7%D8%AD%D9%8A%D8%A9-%D8%A7%D9%84%D8%AA%D8%A7%D9%86%D9%8A%D8%A9-na7yatanya-podcast/id1788759949 انشروا الحلقة لو عجبتكم مع أحبائكم وأصدقائكم. egypt #podcast #thoughts #The_Other_Side##مصر #بودكاست #أفكار #الناحية_التانية #بودكاست_الناحية_التانية

    48 min
  • 7 Episodes

About

بودكاست 𓃀 𓂋 𓈖 𓂝 𓅓 𓆓 حواري 𓎛 𓅱 𓂝 𓂋 𓇋 يتناول كل ما له علاقة بمصر متعددة الثقافات والأفكار، والتي نعتقد أنها مجتمع واحد ولكنها مُكوْنَة من عِدْة مجتمعات أصغر.    نتوهم أن علينا السير في اتجاه بعينه، على الرغم من وجود اتجاهات متنوعة عن الفكرة والموضوع والحادثة التاريخية والإنسان المصري.في كل حلقة ناحية جديدة لنفس الموضوع من زاوية مختلفة غير اعتيادية أو موضوع جديد في رحلة فكرية معرفية يقودنا فيها ضيفنا لنستكشف سويًا الناحية التانية.

Information