Langs Vegen No.

Nettavisa Langsvegen.no

0.0 (0)
NEWS

Valdres og Jotunheimen er kjerneområdene nettavisa Langsveien.no dekker. Både nynorsk og bokmål brukes som skriftspråk. Stadig publiseres artikler og videoer fra andre steder i landet også. Etter 18 år publiseres nå Langsveien.no sin egen podcast. Gud fornøyelse. Med vennlig hilsen Roy Myrland, eier og redaktør.

13H AGO

Ein rosa engel med ballar!

Under innspelinga av podkasten med Hanna Gjeilo Skjåkødegård i Smiu på Bismo i Skjåk, dukka Aud Hove (Sp) – gruppeleiar i Innlandet fylkesting – uventa opp med ei julegåve. Ho ønskte å heidre Hanna for den kompromisslause innsatsen ho har lagt ned som leiar av TAFI ( Tverrfaglig arbeidsgruppe for framtidsskolen i Innlandet ), og for arbeidet med å sikre framtida til Jotunheimen Privatistskole i Lom. Etter ved Arbeidarpartiet, Høgre og MDG i Innlandet fylkesting vedtok å legge ned Lom vidaregåande skule hausten 2024, har Hanna stått støtt i front. Med uredd, sakleg og tydeleg stemme har ho arbeidd målretta saman med både private, stortings- og fylkespolitikarar, samt næringslivet, for å få Jotunheimen privatiskule offentleg godkjend og statsstøtta – på lik linje med andre private vidaregåande skular i Noreg. Langs Vegen No. -Ein podkast frå nettavisa www.langsveien.no og Roy Myrland.

9 min
3D AGO

Hanna Gjeilo Skjåkødegård. -Vilje, verdiar og vidaregåande skule.

Det er ikkje kvar dag ein møter menneske som både har doktorgrad, dugnadsånd og kampvilje nok til å flytte fjell – eller i det minste redde ein vidaregåande skule. I denne podkasten møter du Hanna Gjeilo Skjåkødegård frå Skjåk i Gudbrands dalen, kvinna som stod i første rekke då kampen for vidaregåande opplæring i Lom verkeleg tok til. Med di hjelp kan vi fortelje fleire viktige historier – i podkast, video og tekst. Gå vidare her. Medan skulekampen har rasa, har Hanna vore busett i Bergen. No har ho teke med seg både ektemannen Vetle og døtrene Frida og Maria, og flytta heim att til Skjåk. Familien bur mellombels i ein bustad eigd av Skjåk kommune, ein del av ordninga der folk kan få «prøvebu» i bygda i inntil tre år. Men her er det ingen tvil: Hanna skal ikkje prøvebu. Ho og familien skal bli – så snart huset dei byggjer står ferdig. Saman med TAFI – Tverrfagleg arbeidsgruppe for framtidsskulen i Innlandet, og ei rekkje andre gode krefter, har ho vore med på å samle inn over 65 millionar kroner til det som i dag heiter Jotunheimen Privatistskole. I podkasten får Hanna òg besøk av sambygding Aud Hove, gruppeleiar for Senterpartiet i Innlandet fylkeskommune. Ho har med seg ei gåve av det heilt unike slaget – ei helsing som seier mykje om kva slags menneske Hanna er. Samtalen er spelt inn i Smiu på Bismo i Skjåk, der redaktør Roy Myrland i nettavisa Langsvegen.no både intervjuar og har produsert podkasten. Undervegs blir det både sist, alvor og refleksjonar om bygdekraft, politikk, barn og framtid. Hanna har nemleg også doktorgrad frå Det medisinske fakultetet ved Universitetet i Bergen, og arbeider i dag som postdoktor og forskar innan vekt og spiseforstyrringar hos barn og unge. Podkasten er produsert med annonsestøtte frå: Thorstein Brun og Brun Bygg A/S, Harald Rune Øvstedal og Gjendebåtene, samt Bernt Jo Vole i Visit Bessegen og Gjende. Sjå og høyr heile podkasten – dette er bygdehistorie medan ho blir til. Langs Vegen No. -Ein podkast frå nettavisa www.langsveien.no og Roy Myrland.

44 min
DEC 19

Magne Østby. – Ein gründer som aldri har vore interessert i snarvegar.

VOM hundemat frå Trøgstad har funne vegen ut i verda – heilt utan snarvegar. Det luktar verken eksotisk superfood, avanserte laboratorium eller internasjonale konsern i lokala til Vom og Hundemat i Trøgstad. Her luktar det rett og slett kjøt. Norsk kjøt. Og det er akkurat slik Magne Østby vil ha det. – Vatn og andre «ingredienser» tilset vi ikkje. Vatn får hundeeigarane ordne sjølve når dei fôrar, seier han kontant over lunsjbordet. Midt i arbeidsdagen har redaktør Roy Myrland i Langs Vegen No rigga seg til for podkastinnspeling. Dette er Langs Vegen No – bokstaveleg tala. Frå kjøkkenbenk til 19 land Historia om VOM starta ikkje med ein stor forretningsplan eller investorar i dress. Ho starta med ein sjuk hund, ein pølsemakar – på kjøkkenbenken i Trøgstad på 1990-talet. Magne Østby visste éin ting: råvarene betyr alt. Då han ikkje fann hundemat han stolte på, laga han like godt sin eigen. Resultatet vart Vom og Hundemat AS, etablert i år 2000 – bygd på eit prinsipp som framleis står fjellstøtt: Berre naturlege, norske råvarer. -Tilsatt vitamin og ikkje noko anna. I dag blir hundematen frå Trøgstad seld til 19 land, verksemda har rundt 35 tilsette, og produksjonen skjer framleis der alt starta – på garden. – Det er ikkje nødvendig å gjere det meir komplisert enn det er, seier Østby. Når verdas beste sledehundar et frå Østfold At filosofien fungerer, er det liten tvil om. Nokre av verdas aller beste hundekøyrarar har valt VOM råfôr når marginane er små og belastninga ekstrem. Sigrar i Iditarod, Finnmarksløpet og ei rekkje andre store nasjonale og internasjonale hundeløp er tekne med hundar som er fôra på råvarene frå Trøgstad. – Når hundane skal yte maks over lang tid, ser folk raskt kva som fungerer, seier Østby nøkternt. Her er det lite skryt – meir konstatering. OL-Trap, presisjon og langsiktig tenking Den same roen og presisjonen går igjen også utanfor hundeverda. Ved sida av rolla som gründer har Magne Østby vore landslagstrenar i hagleskyting, nærare bestemt OL-Trap – ein idrett der detaljar, disiplin og konsentrasjon avgjer. – Det handlar mykje om det same. Førebuingar, grunnarbeid og å gjere ting rett kvar einaste dag, seier han. Sønnene har teke over – faren følgjer med I dag er det sønnene som styrer vidare. Ole Magnus Østby er dagleg leiar, medan Vegard Østby har rolla som driftsleiar. Magne sjølv har trekt seg litt tilbake, men er framleis tett på – som rådgjevar, sparringspartnar og tydeleg verdiberar. – Det er fint å sjå at det lever vidare, seier han. -Her skal folk trivast – kvar einaste dag. For Magne Østby handlar kvalitet ikkje berre om hundemat. Det handlar òg om menneska som lagar ho. Hos VOM er det varm lunsj kvar dag, servert rundt eit bugnande bord som minner meir om eit hotell enn ei industriverksemd. Og to dagar i veka skjer det og noko heilt anna enn produksjon: Då kjem massøren! – Alle tilsette får tilbod om ein halvtime massasje i veka. Det er viktig å ta vare på folk òg, seier Østby, som om det skulle vere det mest naturlege i verda. Kanskje er det nettopp derfor folk blir. Podkast midt i kvardagen – utan filter og utan vatn Podkasten Langs Vegen No er spelt inn midt i dette – utan filter, utan staffasje og utan tilsett vatn. Ein lunsjprat mellom redaktør Roy Myrland og ein gründer som aldri har vore interessert i snarvegar. – Dette er ikkje fancy, seier Østby og ser rundt seg. – Det er berre ordentleg. Og nettopp det er kanskje forklaringa på kvifor hundemat frå Trøgstad har funne vegen til både verdas hardaste vinterløp – og til heilt vanlege matskåler hjå hundefolk over heile verda. Langs Vegen No. -Ein podkast frå nettavisa www.langsveien.no og Roy Myrland.

22 min
DEC 14

Levende lokalsamfunn i gode kommuner, demokrati, politikk, næringsliv–historia om Svein Olav Agnalt

Dagens leder av Lokalsamfunnforeningen er uredd, målretta og kjend for å seie ting som dei er. -Svein Olav Agnalt er ei av dei mest respekterte og tydelege stemmene mot sentralisering i Noreg. I denne podkasten frå Langsvegen.no blir du betre kjent med Agnalt – frå barneåra i Østfold til eit langt liv i politikken, næringslivet og som forkjempar for sterkt lokalsamfunn. I denne episoden av Langs Vegen No blir vi bedre kjent med Svein Olav Agnalt (Ap) – frå oppveksten i Østfold til eit langt liv i politikken, næringslivet og arbeidet for kommune-Noreg og levande lokalsamfunn i heile landet. Undervegs har han samla erfaringar, gode historier og solide mengder politisk nerding. Podkasten er spelt inn på kontoret hans hos Norsk Dekor, verksemda han starta i 25 år sidan, og der han no lever eit fritt og humørfylt seniorliv saman med 16 tålmodige og dedikerte medarbeidarar. Som medgrunnleggjar og leiar av Lokalsamfunnsforeningen, saman med Ole Kristian Narud, har Agnalt vore ei av dei mest standhaftige og viktige stemmene mot sentralisering i norsk politikk. Det blir både humor, lokalpatriotisme og politisk dypdykk når redaktør Roy Myrland frå Langsvegen.no leier samtalen med mannen som var ein populær og omsorgsfull ordførar – og seinare varaordførar – i totalt over 12 år i Skiptvet kommune. Langs Vegen No. -Ein podkast frå nettavisa www.langsveien.no og Roy Myrland.

44 min
DEC 8

Erik Østli ufiltrert: – Livet, jobben og tilfeldigheitene som førte hit

-Ein unike merkevarebyggjar for Beitostølen og Valdres! Dagens podkastgjest er ein mann som i fleire tiår har gjort ein uvurderleg innsats for både unge og eldre skal få oppleve skiglede, meistring og fellesskap. Som eldsjel, samfunnsbyggjar og tidlegare stadionsjef på Beitostølen Skistadion har han teke ansvaret for lokalmiljøet på djupaste alvor – og det gjer han framleis, med ein glød som har gjort Valdres og bygda til ein endå betre stad å bu, besøkje og kome tilbake til. Artikkel og podkast er laga med støtte frå: Vaset Skiheiser, Trio Elektro, Og ikkje minst: Beitostølen er staden der langrennsløparar i snart ti år har hatt den mest snøsikre sesongstarten – og der skisesongen verkeleg tek til! Det er ikkje kvar dag ein oslogut Bøler blir ein av dei viktigaste personane i utviklinga av ei fjellbygd i Valdres. Men Erik Østli, kjend som “Leppa frå Bøler”, har vore heilt avgjerande for både identiteten, økonomien og den sportslege posisjonen til Beitostølen. Som tidlegare stadionsjef på Beitostølen Skistadion har Østli vore den viktigaste merkevarebyggjaren for både Valdres og Beitostølen. Gjennom målretta arbeid, profesjonalitet og ei heilt særskilt evne til å skape tillit i idrettsmiljø nasjonalt og internasjonalt, har han utvikla sesongopninga for langrenn til eit arrangement i verdsklasse. Det har ikkje berre sett Beitostølen tydeleg på kartet – men også skaffa titusenvis av gjestedøgn både på Beitostølen og dalføret. Langs Vegen No. -Ein podkast frå nettavisa www.langsveien.no og Roy Myrland.

1h 2m
DEC 3

Hans-Jørgen Johnsen. -Han har jobba med Noregs største samfunnsutfordring – no fortel han alt

I denne episoden av Langs Vegen No møter du Hans-Jørgen Johnsen – gründaren, brubyggjaren og den uvanleg populære leiaren som topppolitikkar, næringslivsfolk og samfunnsaktørar står i kø for å snakke med. Det er på kontoret til Kopano A/S , oppe i lia bak Farris Bad i Larvik, at podkasten er produsert og spelt inn av redaktør Roy Myrland i nettavisa www.langsvegen.no . Her får du bli med heilt inn i det «indre livet» i Kopano, ei av landets mest spennande arbeids- og inkluderingsbedrifter, og høyre korleis ein organisasjon med røter i Larvik har blitt ein nasjonal kraft i arbeidet med å hjelpe folk inn i jobb. Hans-Jørgen fortel ope om metodane, verdiane og kvardagsarbeidet som ligg bak – og om kvifor dette arbeidet er ei av dei største utfordringane Noreg står overfor dei neste tiåra: å få fleire av dei som står utanfor arbeidsmarknaden, inn i aktivt arbeid og deltaking. Du får òg innsikt i hans personlege reise: kvifor han vel å tre til side no som Kopano har vakse seg stort, kva som krevst for å leie ei organisasjon som skal samfelle heile landet, og korleis han sjølv har jobba med sine sterke – og litt for sterke – sider som detaljstyrar og engasjerte leiar. Og heilt til slutt i episoden deler Hans-Jørgen sine ærlige tankar om kva slags type menneske som bør ta over når han no slepp roret vidare – og kva eigenskapar som trengst for å lykkast i ein jobb som handlar om å løfte andre. Ei varm, lærerik og overraskande open samtale om arbeid, verdigheit, samfunnsansvar – og om å vite når tida er inne for å gi stafettpinnen vidare. Langs Vegen No. -Ein podkast frå nettavisa www.langsveien.no og Roy Myrland.

45 min
NOV 26

Jacob Håvelsrud Svarre– Heile Valdres si trygge skulder.

Nokre menneske får alt til å falle litt meir på plass når dei kjem inn i rommet. Jacob Håvelsrud Svarre er ein slik person. Med humør, varme og ei ro som gjer godt, har han blitt ein av Valdres sine mest folkekjære og tillitsvekkjande skikkelsar. I dag er han dagleg leiar og gravferdskonsulent ved Kampenes Begravelsesbyrå på Fagernes, og det er nettopp i dei lune lokala der denne podkasten er spelt inn. Gjennom samtalen får vi ta del i Jacobs store samfunnsengasjement. Han er eit ja-menneske av sjeldan sort – ein som stiller opp, ser folk, tek ansvar og bidreg i lokalsamfunnet på ein måte som verkeleg sett spor. I podkasten går vi òg åpenhjertig inn i noko mange undrast på, men få vågar å spørje om: Kva skjer egentleg når eit menneske døyr? Korleis ser prosessane ut – både dei praktiske, dei menneskelege og dei djupt respektfulle? Her gir Jacob ei grundig, varm og forståelig forklaring på kva som faktisk kan skje etter eit dødsfall, og han opnar døra til eit fagfelt dei fleste berre ser utanfrå. Gjennom si jordnære og tydelege formidling får vi eit unikt innblikk i arbeidet bak ein gravferd – og kor mykje omtanke, presisjon, medkjensle og humor som ligg i denne viktige jobben. Samtidig får vi vere med på Jacobs mangfaldige livsreise: frå Danmarks flate landskap til Finnmarksvidda, via hundekøyring, utmarksforvaltning, lærargjerning, frivillig arbeid og ein krevjande kreftkamp – og til slutt då han «kom heim» Volbu i Valdres. Jacob Håvelsrud Svarre, Valdres, podkast, gravferdskonsulent, begravelsesbyrå, Kampenes, Fagernes, samfunnsengasjement, ja-menneske, frivillighet, døden, hva skjer når vi dør, dødsfallsprosess, gravferdsprosess, medmenneskelighet, varme, humor, livsreise, Danmark, Finnmark,kreftkamp, # Langs Vegen No. -Ein podkast frå nettavisa www.langsveien.no og Roy Myrland.

1h 2m
NOV 15

Ole Kristian Ødegård. -Om Jo Gjende, treski og samar i skimakerverkstaden på Søre Krukhaugen.

I denne podkastepisoden får du møte Ole Kristian Ødegård frå Heidal – ein mann med ei heilt spesiell lidenskap for fjell, fridom og historie. I over femten år har han studert og dokumentert livet til jegerlegenda Jo Tjøstolvson Kleppe (1794–1884), bedre kjent som Jo Gjende. Gjennom forteljingar, restaurering av gamle bygg og ved å gjenskape både utstyr og den raude Jo Gjende-lua, har Ole Kristian løfta fram arven etter fjelljegeren som levde livet sitt i Jotunheimen. Han har òg utvikla og produsert handlaga treski, inspirert av samisk skikultur, og skia hans har vore med i både filmar og på Norge Rundt – der han har delt kunnskapen sin om tradisjon og handverk. Samtalen er tatt opp i skimakarverkstaden hans i den vesle laftastova, hogt over Heidalen på Søre Krukhaugen, og med utsikt mot fjella som Jo Gjende hadde, og Ole Kristian framleis har, så kjær. Intervjuet er gjort av redaktør Roy Myrland i nettavisa Langsvegen.no . & Langs Vegen No. -Ein podkast frå nettavisa www.langsveien.no og Roy Myrland.

55 min

Valdres og Jotunheimen er kjerneområdene nettavisa Langsveien.no dekker. Både nynorsk og bokmål brukes som skriftspråk. Stadig publiseres artikler og videoer fra andre steder i landet også. Etter 18 år publiseres nå Langsveien.no sin egen podcast. Gud fornøyelse. Med vennlig hilsen Roy Myrland, eier og redaktør.

Creator

Nettavisa Langsvegen.no
Years Active

2K
Episodes

40
Rating

Explicit
Copyright

© 2025 Langs Vegen No.
Show Website

Langs Vegen No.