Fanékungok yan si Dabit

David Jesus Taitingfong

5.0 (8)
Leisure

Join host David Jesus Taitingfong, aka Dabit, for Chamorro-centered conversation and storytelling. From passionate learners to fluent speakers, diverse voices gather to explore cultural identity, everyday life, and everything in between. Immerse yourself in the beauty of Fino’ Chamoru. Maila' hålom!

05/12/2025

Dabit Taitingfong – "i mås ayudånte: an siña hao mañodda' komunidåt"

Gi ini na episót, umófaisen si Jay nu guahu 🤓 inigui' palu i sinangån-ña: "Suette yu' na umabok ham yan si Dabit, yan ná'magof lokkue' na gaige yu' na hu li'e' palu gi hinanao-ña umeyak fumino' Chamoru desde umásodda' ham gi dos mit bente. Magåhet na gófmagof yu' siña en hingok dídide' put si Dabit yan i lina'lå'-ña yan i che'cho'-ña gi fino' Chamoru. Pues anyways, enao ha' nu i tinituhon. Puedi en fehmåni i inadingan-måmi yan si Dabit". Saina ma'åse' ta'lo Jay na un cho'guiyi hit nu ini. Hu agradesi hao, che'lu!

35 min
04/28/2025

Erin Nikole Gums – "komu listo i estudiånte, siempre gaige i ma'estro"

Gi ini na episót hu ofaisini i abok-ku si Erin Nikole Gums. Ai adai, mamåhlao yu’ nu taimanu umásodda’ ham. Yan umádingan ham dídide’ nu eyu gi halom i episót, pues nangga nåya ya para en hingok. Lao magåhet nai na magof na umásodda’ ham. Yan ya-hu prumaktika fumino’ Chamoru yan si Erin sa’ guaha na biåhi ga’o-ña munå’i yu’ notan bos, yan ti hu ossitátani hamyu: gófmaolek na práktika eyu! An ti en chéche’gue nåya, chagi fan. Pues anyways, enao ha' nu i tinituhon. Puede en fehmåni i inadingan-måmi yan si Erin.

22 min
04/21/2025

Clarissa Mendiola – "achokka' mappot, guaha lokkue' minagof gi halom i fino'-ta"

Gi ini na episót hu ofaisini i abok-ku si Clarissa Mendiola. Lao para en hingok yu’ fuma’na’an gui’ si Mames sa’ eyu i na’ån-ña Chamoru. Yan gi magåhet, ti sesso umádingan ham nu i achok håfa. Sessoña umádingan ham an in nisisita kulan “extra pair of eyes” nai nu i kadakuat fina’tinas-måmi. Títuge’ gui’ ya guaha na biåhi, ha faisen yu’, “Dabit, kao siñun taitai fan?” Yan kákanta yu’ ya guaha na biåhi, hu faisen gui’ “Mames, kao siña un ékungok fan”? Yan eyugui' i inabok-måmi. Pues anyways, enao ha’ nu i tinituhon. Puedi en fehmåni i inadingan-måmi yan si Mames.

27 min
04/14/2025

Isa Gagarin – "låyiyi na para un gosa i hinanao-mu, ti nisisåriu na pau makkat"

Gi ini na episót hu ofaisini i abok-ku si Isa Gagarin. Ya un tungo’ håfa? Meggaiña i inadingan-måmi gi fino’ Chamoru ki nu fino’ Ingles. Håssan ham umádingan gi fino’ Ingles gi entre hami. Yan ná’chalek sa’ mandanña’ ham yan palu i manabok-måmi gi halacha, lao ti mamfífino’ siha ya pues pinat Ingles i inadingan-måmi ya sahnge gi talanga-hu. Hu atan gui’ kulan, “ei? håyi este na taotao?”. Ai niná’chalek. Pues anyways, enao ha’ put i tinituhon. Puedi en fehmåni i inadingan-måmi yan si Isa.

29 min
04/07/2025

Jay Quintanilla – ”...pues eyu na hu gófsiente na nina'yi yu’ ni minahalång-hu ni isla”

Gi ini na episót, hu ofaisini i abok-ku, i fafa’na’gue-ku lokkue’: si Jay Quintanilla. Maleffa yu’ ngai’an umásodda’ ham lao anai in géftingo’ na gófmiña ham nu i fino’ Chamoru, ayu nai umabok ham. Ya-hu kada humami yan si Jay sa’ giya guahu: gof ná’chalek gui’, gof Chamoru iyo-ña “sense of humor”. Puedi annok gi i episót. Lao enao ha’ put i tinituhon: puedi en fehmåni i inadingan-måmi yan si Jay

36 min
03/31/2025

Schyuler Lujan – "achok mappot...ná'triste...ná'o'son...ñálalang...cho'gue ha'"

Gi ini na episót, hu ofaisini i abok-ku si Schyuler Lujan. An guaha nai un bisita i website, Lengguahita: eyugui' i fina’tinås-ña. Umátungo’ ham gi 2020 anai sumaonao ham gi chumilong na klas fino’ Chamoru. Ginen guihi na tiempo, umabbok ham magåhet sa’ mampos yan-måmi i fino’ Chamoru. Kulan, Chamoru nerds ham. Anåkko’ i episót ya pues bei na’kádada’ ini. Puedi en fehmåni i inadingan-måmi yan i abok-ku, si Schyuler. Bisita iyo-ña blog: https://lengguahita.wordpress.com Supotta i che'chócho'-hu: https://buymeacoffee.com/dabit

40 min
03/25/2025

Zach Villagomez – “anai dumådangkulo yu’...ti hu aksepta na Chamoru yu'”

Gi ini na episót, hu ofaisini i abok-ku si Zach Villagomez ya un tungo’ håfa? Ti hu tungo’ i inamko’-ña mo’na nai monhåyan i inadingan-måmi. Ya tåtatte ha gågao yu’, “Oh Dabit. Kao siña un na’tungo’ iyo-mu listeners na: bente åños yu’”. Ilek-ku, haaa?! Magåhet nai?! Anai hu hungok enao: nina’magof yu’ sa’ ombre: guiya i mås hoben na fífino’ ni hu tungo’. Monhan “conversational” gui’ gi fino’-ta. Pine’lo-ku na achá’amko’ gui' yan si Jesus pat si Jorell, lao åhe’ – hobenña gui’! Pues anyways: gi hiyong eyu, fehmåni inadingan-måmi, yan si Zach.

21 min
03/17/2025

Alicia Aguigui Dart – “an dumångkulo yu’, kanna’ tåya’ Chamoru gi lina’lå’-hu”

Gi ini na episót, hu ofaisini i abok-ku si Alicia Aguigui Dart. Umásodda' ham gi anai på'go in tutuhon umeyak fumino' Chamoru. Sumaonao ham gi chumilong na klas fino' Chamoru ya an maloffan fa'na'an kuatro pat singko na meses, mama'tinas gui' inetnon praktika ya ha kombida ham ni manestudiånte guatu gi inetnon-ña. Ginen guihi na tiempo, in cháchagi mandanña' simåna yan simåna. Puede en fehmåni i inadingan-måmi.

18 min
03/10/2025

Jorell Meno – "anai hu saonao gi setbisio, hu yute'ñaihon i fino' Chamoru...isao-hu ha'"

Gi ini na episót, hu ofaisini i abok-ku si Jorell Meno. Umásodda' ham gi håcha pat hugua na såkkan tåtte. Chumilong ham gi palu na manera: kákanta ham; hami ha' siña fumino' Chamoru gi halom i kadakuat familian-måmi; guaha hugua na patgon-ña yan guahu lokkue'; yan mama'tinas ham "Instagram account" ni puru ha' fino' Chamoru! Ai na minagof. Puede en fehmåni i inadingan-måmi yan si Jorell.

17 min
03/03/2025

Jesus Lujan – "chagi...chagi...tulaika i chalån-mu, lao mungnga pumåra"

Gi ini na episót, hu ofaisini i fafa'na'gue-ku, si Jesus Lujan. Fina'nåna'gue yu' nu guiya put i ma'pos na håcha pat hugua na såkkan. Ti umádingan ham nu ini lao guiya fuma'nå'gue yu' nu kåntan Chamorrita! Fa'na'an bai ofaisini gui' ta'lo nu eyu na detti. Lao put på'go: puede en fehmåni i inadingan-måmi.

21 min
03/03/2025

Fanékungok yan si Dabit: I Tinituhon

Håfa adai todus hamyu guenao huyong! Inigue' i tinituhon, i finé'nana na episót put iyo-ku Podcast: "Fanékungok yan si Dabit". Hu sangåni hamyu nu håyi yu' yan håfa na hu fa'títinas i Podcast. Puede yan-miyu!

4 min

11 Episodes

5

out of 5

8 Ratings

Join host David Jesus Taitingfong, aka Dabit, for Chamorro-centered conversation and storytelling. From passionate learners to fluent speakers, diverse voices gather to explore cultural identity, everyday life, and everything in between. Immerse yourself in the beauty of Fino’ Chamoru. Maila' hålom!

Creator

David Jesus Taitingfong
Years Active

2K
Episodes

11
Rating

Clean
Copyright

© David Jesus Taitingfong
Show Website

Fanékungok yan si Dabit