在生藝術家

在生藝術家
  • 0.0 (0)
  • Arts

歡迎收聽《在生藝術家》，我哋係以人物專訪形式為主嘅 Podcast 系列，希望同大家輕輕鬆鬆傾下藝術偈！喺香港有各類型唔同嘅藝術家，佢哋係點樣喺香港呢個資源咁少嘅地方做藝術嘅呢？又係點樣一步一步建立自己嘅藝術價值？由我哋製作深度訪談節目，探問藝術家嘅生存之道，即刻撳入嚟收聽我哋嘅節目啦！ －－－－－－－－－－－－－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃内容並不反映本局意見。

  1. Jul 21

    樣樣都識，反而樣樣都唔精？｜CityU 創意媒體 SCM 學生真實對談｜在生藝術家 S2 #香港藝術校園巡禮

    🎓 香港藝術校園巡禮 📍第四站：香港城市大學創意媒體學院年度展《嗍》 樣樣都識，反而樣樣都唔精？ 創作人一定要專精一種技能，先可以行得遠？ 定係跨越動畫、電影、遊戲、裝置、錄像等不同媒介，先係 Creative Media 最大嘅優勢？ 今集《在生藝術家》，我哋走入香港城市大學創意媒體學院（SCM），與三位 2026 年畢業生一齊探討創意媒體教育嘅可能性，以及跨媒介創作背後嘅掙扎與選擇。 由動畫、錄像、裝置到 Documentary Theatre，SCM 聚集咗一班背景、媒介同創作方向都截然不同嘅學生。有人希望成為動畫創作者，有人透過劇場同裝置回應社會，亦有人遊走於錄像、文本與空間之間，不斷探索創作嘅可能。 今集唔單止係一集畢業展訪談， 更加係一場關於「跨媒介創作」嘅深入討論。 當一個人可以接觸愈來愈多創作方法，到底係令自己擁有更多可能性，定係反而更難建立一項真正屬於自己嘅專長？ 除此之外，三位嘉賓亦分享咗 SCM 最獨特嘅校園文化——一種高度合作、彼此信任、願意互相支援嘅創作氛圍。由通宵拍攝、跨媒介合作，到學生自發舉辦 Outdoor Screening，呢種 Community 精神點樣影響住每一位創作者嘅成長？ 今集主持 Janet 同 Ariel，將會同三位畢業生一齊拆解 CityU SCM 嘅學習文化，以及 Creative Media 教育所帶來嘅不同可能。 －－－－－－－－－－－－－－－－－－－－－－ 本集嘉賓： 香港城市大學創意媒體學院年度展 2026《嗍》 勞競達 Lo King Tat　@eason3004 鄧善之 Tang Sin Chee　@sinc.venture 臧佳頤 Amy Zang　@_kan.y 藝術求生員－Janet @janet_chanhy 藝術求生員－Ariel @arielauzation 攝影／監製－少年 @teentkwong －－－－－－－－－－－－－－－－－－－－－－ 📍SCM Annual 2026《嗍》 展期：2026 年 7 月 9 日－7 月 26 日 時間： 星期一至五｜12:00－19:00 星期六、日｜11:00－19:00 地點： 香港城市大學邵逸夫創意媒體中心（CMC） 3 樓全層、4 樓及 6 樓 歡迎大家親身到場，支持 48 位畢業生嘅創作。 －－－－－－－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃內容並不反映本局意見。

    樣樣都識，反而樣樣都唔精？｜CityU 創意媒體 SCM 學生真實對談｜在生藝術家 S2 #香港藝術校園巡禮

  2. Jul 13

    裸辭、Burnout、轉行…點解最後都揀讀藝術？｜香港藝術學院｜在生藝術家 S2 #香港藝術校園巡禮

    🎓 香港藝術校園巡禮 📍第三站：香港藝術學院 Hong Kong Art School 畢業展 今集《在生藝術家》，我哋走入香港藝術學院（Hong Kong Art School），與三位 2026 年畢業生分享，點解喺人生行咗一段路之後，仍然決定重新返到校園，追尋藝術創作。 有人由室內設計師轉做全職畫家；有人做咗多年社工，希望透過藝術重新回應社會；亦有人一直從事劇場、攝影及平面設計工作，卻希望重新建立屬於自己嘅創作語言。 由人生轉折、創作迷失，到重新開始——今集唔單止係一集畢業展訪談， 更加係一場關於藝術教育、人生選擇，以及重新尋找創作初心嘅真實對話。 今集主持 Chase 與 Ariel，將會同三位畢業生一齊拆解 Hong Kong Art School 獨特嘅學習文化，包括與澳洲 RMIT 二十多年合作嘅國際課程、澳洲與香港老師截然不同嘅教學方式，以及成熟學生（Mature Students）如何為藝術創作帶來不一樣嘅視角。 －－－－－－－－－－－－－－－－－－－－－－ 本集嘉賓： 香港藝術學院 2026 畢業展 @hkas.bafa.gradshow 蔡思齊 Anthony Choy @_atch 姚冬梅 Torey @torey.yiu 何佩欣 Ho Pui Yan @ballade 藝術求生員－Ariel @arielauzation 藝術求生員－Chase @_chaseess 攝影－李淳 @seanleeshun 監製－少年 @teentkwong －－－－－－－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃內容並不反映本局意見。

    裸辭、Burnout、轉行…點解最後都揀讀藝術？｜香港藝術學院｜在生藝術家 S2 #香港藝術校園巡禮

  3. Jun 18

    畢業即失業？BUAVA 藝術學生真實生存現況公開！｜在生藝術家 S2 #香港藝術校園巡禮

    🎓 香港藝術校園巡禮 📍第二站：香港浸會大學視覺藝術文學士畢業展 畢業即失業？對藝術學生嚟講，畢業唔單止係離開校園。 而係第一次要認真面對一個問題： 究竟點樣繼續做藝術？ 今集《在生藝術家》，我哋走入香港浸會大學視覺藝術院 BUAVA，與兩位 2026 年畢業生一齊回顧佢哋四年嘅創作歷程，以及即將踏入現實世界前嘅思考與焦慮。 由自由度極高嘅 Reg 科制度、創作方向嘅探索，到畢業展前突然推翻設定——今集唔單止係一集畢業展訪談， 更加係一場關於藝術家身份、持續創作，以及藝術與生存之間拉扯嘅真實對話。 今集主持 Chase 與 Janet， 將會同兩位畢業生一齊拆解 BUAVA 嘅學習文化， 以及藝術學生畢業前最真實嘅生存焦慮與想像。 －－－－－－－－－－－－－－－－－－－－－－ 本集嘉賓： 香港浸會大學視覺藝術文學士畢業展 (until I reach the nano) @hkbubava_gradshow 吳雨芯（ James Ng ）＠onsite_party 廖家浠（ Joe Liu ） ＠joe_liu822 藝術求生員－ Janet @janet_chanhy 藝術求生員 － Chase @_chaseess 攝影／監製 － 少年 @teentkwong －－－－－－－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃內容並不反映本局意見。

    畢業即失業？BUAVA 藝術學生真實生存現況公開！｜在生藝術家 S2 #香港藝術校園巡禮

  4. Jun 12

    淚灑誠明！中大藝術系學生談 Crit、自我懷疑與藝術家之路｜在生藝術家 S2 #香港藝術校園巡禮

    🎓 香港藝術校園巡禮 第一站：香港中文大學藝術系 CUHK Fine Arts 讀藝術，究竟係學做Work？ 定係學習點樣認識自己？ 今集《在生藝術家》，我哋走入香港中文大學藝術系 CUHK Fine Arts，與三位 2026 年畢業生——明煒 Nicola、吳采衡 Charlie、蔡香豫（白菜）一齊回顧佢哋喺中大四年嘅創作與成長經歷。 由 Crit culture、林嵐傳說、新生 O Camp、追老師上堂，仲有「淚灑誠明」—— 今集唔單止係一集畢業展訪談，更加係一場關於藝術教育、自我懷疑， 以及尋找創作方向嘅深入對話。 中大藝術系點解成日要學生被質問？ 點解 Crit 有時會令人喊？ 藝術學生又係點樣喺一次又一次被質疑之中，重新理解自己？ 今集主持 Chase（曾於 BU 完成副學士後升讀 CU）以及 CU 師姐 Janet， 將會同三位畢業生一齊拆解中文大學藝術系獨特嘅學習文化，以及藝術學生面對藝術與畢業時最真實嘅焦慮與想像。 －－－－－－－－－－－－－－－－－－－－－－ 本集嘉賓： 中大藝術2026 本科生畢業展「夜機」(Glide Across the Mist) @theartofcuhk2026 林明煒 Nicola － @n_.co_a 吳采衡 Charlie－ @chart_04 蔡香豫（白菜）－ ＠bak.choi_ 藝術求生員－ Janet @janet_chanhy 藝術求生員 － Chase @_chaseess 攝影／監製 － 少年 @teentkwong －－－－－－－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃內容並不反映本局意見。

    淚灑誠明！中大藝術系學生談 Crit、自我懷疑與藝術家之路｜在生藝術家 S2 #香港藝術校園巡禮

  5. Apr 21

    種米同植物研究有咩市場？香港文化人點樣生存？｜大地予我 × Pi Lab｜｜在生藝術家 S2 特別編

    香港文化工作者，仲可以點樣生存？ 今集《在生藝術家》特輯， 由 Chase 同 Ariel 主持， 邀請到「大地予我」成員 Mercury 同 Ivy。 由十年前參與日本越後妻有大地藝術祭開始講起， 喺香港復耕稻田、 尋回失傳本地米種、 出版 《香港稻米圖鑑》同埋《稻觀—稻米觀察學習手冊》 、 舉辦插秧、收割祭同社區工作坊。 今集！唔止講稻，仲講兩位文化人嘅生存之道！ 由佢哋共同創立嘅 Pi Lab開始， 聽下Mercury 同 Ivy 講下野草有幾靚～ 點樣喺香港做植物研究、生態顧問、同教育項目。 希望我哋都可以學下野草一樣野蠻生長！ －－－－－－－－－－－－－－－－－－－－－－ 「大地予我」@giftfromland 開展於 2015 年， 是一個結合土地實踐、農業研究、藝術行動與公共教育嘅跨界計劃。 在香港大埔林村龍丫排，展開本地稻田復耕工作， 並於世界各地種子庫尋回失傳香港傳統米種， 培育出新一代香港本地米種。 多年來，策劃多種活動亦出版書籍， 將農業知識、生態觀察與生活文化連結。 －－－－－－－－－－－－－－－－－－－－－－ Pi Lab Limited @pilabhk 是由 Ivy Wong、 Homan Wang同 Mercury Wong 創立嘅植物研究及生態顧問團隊。 佢哋將植物學知識帶入教育、社區、文化同商業項目之中。 工作包括植物辨識、生態調查、課程設計及土地研究， 在這門冷門的學科當中尋找城市與植物的共存狀態。 －－－－－－－－－－－－－－－－－－－－－－ 主持人－ Ariel Lau @arielauzation 主持人 － Chase @_chaseess 攝影／策劃 － 少年 @teentkwong 協作錄音師 － Oson @ngou._.song －－－－－－－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃內容並不反映本局意見。

    種米同植物研究有咩市場？香港文化人點樣生存？｜大地予我 × Pi Lab｜｜在生藝術家 S2 特別編

  6. Mar 20

    呢個世代仲講「希望」？Reels都可以係藝術品？｜WMA 特約 - 黃慧妍《寶安娜與佳德新村》｜在生藝術家 S2 特別編

    明明係 IG Reels， 點解會變成一個藝術展覽？ 當代藝術家，又可以點樣「入侵」你嘅演算法？ 今集《在生藝術家》由 WMA 特邀製作， 我哋請嚟跨媒介視覺藝術家黃慧妍 Doris Wong， 由佢最新展覽《寶安娜與佳德新村》講起， 帶大家進入 Pollyanna 嘅粉紅世界 @pollyannafromhk， 一齊傾下—— 當短視頻、AI、演算法變成日常， 藝術，仲可以係啲咩？ 呢個世代， 仲講唔講「希望」？ －－－－－－－－－－－－－－－－－－－－－－ 黃慧妍（ @wongandwaiandyin） 香港跨媒介視覺藝術家，創作涵蓋錄像、行為展演及裝置等，關注日常生活經驗與當代影像文化。最新項目《寶安娜與佳德新村》結合 AI 生成影像與 Reels 形式，重構「正能量」與「希望」喺當代社會嘅意義。 本集由 @wma_hk 特約贊助播出 藝術新丁－ 少年 @teentkwong 本集藝術求生員－ Janet @janet_chanhy 協作錄音師 － Oson @ngou._.song －－－－－－－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃內容並不反映本局意見。

    呢個世代仲講「希望」？Reels都可以係藝術品？｜WMA 特約 - 黃慧妍《寶安娜與佳德新村》｜在生藝術家 S2 特別編

  7. Feb 13

    跳舞係揸兜乞食？所有藝術最後殊途同歸？｜不加鎖舞踊館 李偉能、李振宇（下集）｜在生藝術家 S2 Ep7

    ⚠️ 溫馨提示：未睇上集，建議先補返！ 讀文科、搞藝術， 最後係咪都係揸兜乞食？ 想喺藝術界「生存」， 究竟要具備咩條件？ 今集《在生藝術家》（下集）， 我哋繼續同 不加鎖舞踊館嘅 藝術總監 李偉能 Joseph Lee、 駐團藝術家 李振宇 Andy Lee， 由「生涯焦慮」一路講到—— 到底「美」係乜。 藝術係一份職業？ 定只係一個通道、 一副工具， 最後都係關於點樣表達自己？ 如果你都試過問過—— 「點解我會覺得呢樣嘢係美？」 「我係咪一定要靠藝術搵食？」 呢一集《在生藝術家》， 同你一齊傾下 香港當代舞蹈工作者嘅生存哲學。 －－－－－－－－－－－－－－－－－－－－－－ 李偉能（ ＠josephwnlee ） 香港當代舞者、編舞家同策展人，自十七歲開始接觸舞蹈訓練，於倫敦當代舞蹈學院修讀當代舞碩士。返港後加入不加鎖舞踊館，2022年出任藝術總監，帶領舞團探索當代舞嘅可能性，並著力建立本地與國際舞蹈界嘅對話平台。Joseph 主張打破既定舞蹈美學與框架，重新思考身體與動作嘅意義，同時讓作品以觀眾嘅感知為出發點，引導觀眾從「觀看」走向更深層嘅體驗。 李振宇（ @andylee230 ） 不加鎖舞踊館嘅駐團藝術家，畢業於香港演藝學院舞蹈系。Andy 經常參與且跨界表演，例如參與作品如《Boy Story Reborn》《Grey Area》《Comfort Zone》等，以及多個社區與跨媒體項目。強調透過身體嘅動作、節奏同日常感知，去溝通感受與表達，探索身體、互動同社群參與，重新理解舞蹈同身體經驗之間嘅可能性。 不加鎖舞踊館（＠unlockdancingplaza ） 香港具實驗性同前瞻性嘅當代舞團，由王榮祿與周金毅於2002年創立。致力突破傳統舞蹈美學，由身體獨特性出發，重新定義舞蹈，並透過跨媒介、社區參與及公眾工作坊等方式讓舞蹈更貼近人同社會。 －－－－－－－－－－－－－－－－－－－－－－ 藝術新丁－ 少年 @teentkwong 本集藝術求生員－ Ariel Lau @arielauzation 協作錄音師 － Oson @ngou._.song 協作攝影師 － 阿Max @l_aw_.max._ －－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃內容並不反映本局意見。

    跳舞係揸兜乞食？所有藝術最後殊途同歸？｜不加鎖舞踊館 李偉能、李振宇（下集）｜在生藝術家 S2 Ep7

  8. Feb 12

    冇舞台冇界線！冇眼睇？不加鎖舞踊館教你可以點睇當代舞！李偉能、李振宇、路漫漫：重來 (上集)｜在生藝術家S2 Ep6

    明明叫當代「舞」，點解冇舞睇？ 唔識藝術，係咪一定睇唔明？ 今集《在生藝術家》， 我哋請嚟 不加鎖舞踊館 Unlock Dancing Plaza， 同藝術總監 李偉能 Joseph Lee、 駐團藝術家 李振宇 Andy Lee， 一齊傾下——到底當代舞係咩～ 一回事。 當代舞可以點睇？ 點樣將問題「跳」俾觀眾？ 一個舞蹈作品，又係點樣一步一步諗出嚟？ 由表演 《路漫漫：重來》 講起， 慢慢拆解當代舞點樣同「人」、 同「空間」、同「政治」拉上關係。 如果你曾經覺得—— 「當代舞好抽象」 「都唔知佢做緊乜」 「幾時開始跳舞㗎？」 今集， 帶你入場睇當代舞。 －－－－－－－－－－－－－－－－－－－－－－ 李偉能（ ＠josephwnlee ） 香港當代舞者、編舞家同策展人，自十七歲開始接觸舞蹈訓練，於倫敦當代舞蹈學院修讀當代舞碩士。返港後加入不加鎖舞踊館，2022年出任藝術總監，帶領舞團探索當代舞嘅可能性，並著力建立本地與國際舞蹈界嘅對話平台。Joseph 主張打破既定舞蹈美學與框架，重新思考身體與動作嘅意義，同時讓作品以觀眾嘅感知為出發點，引導觀眾從「觀看」走向更深層嘅體驗。 李振宇（ @andylee230 ） 不加鎖舞踊館嘅駐團藝術家，畢業於香港演藝學院舞蹈系。Andy 經常參與且跨界表演，例如參與作品如《Boy Story Reborn》《Grey Area》《Comfort Zone》等，以及多個社區與跨媒體項目。強調透過身體嘅動作、節奏同日常感知，去溝通感受與表達，探索身體、互動同社群參與，重新理解舞蹈同身體經驗之間嘅可能性。 不加鎖舞踊館（＠unlockdancingplaza ） 香港具實驗性同前瞻性嘅當代舞團，由王榮祿與周金毅於2002年創立。致力突破傳統舞蹈美學，由身體獨特性出發，重新定義舞蹈，並透過跨媒介、社區參與及公眾工作坊等方式讓舞蹈更貼近人同社會。 －－－－－－－－－－－－－－－－－－－－－－ 藝術新丁－ 少年 @teentkwong 本集藝術求生員－ Ariel Lau @arielauzation 協作錄音師 － Oson @ngou._.song 協作攝影師 － 阿Max @l_aw_.max._ －－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃內容並不反映本局意見。

    冇舞台冇界線！冇眼睇？不加鎖舞踊館教你可以點睇當代舞！李偉能、李振宇、路漫漫：重來 (上集)｜在生藝術家S2 Ep6
See All (21)

About

歡迎收聽《在生藝術家》，我哋係以人物專訪形式為主嘅 Podcast 系列，希望同大家輕輕鬆鬆傾下藝術偈！喺香港有各類型唔同嘅藝術家，佢哋係點樣喺香港呢個資源咁少嘅地方做藝術嘅呢？又係點樣一步一步建立自己嘅藝術價值？由我哋製作深度訪談節目，探問藝術家嘅生存之道，即刻撳入嚟收聽我哋嘅節目啦！ －－－－－－－－－－－－－－－－－－－－－－－－－－－－ 本節目由在山工作室策劃及製作。在山工作室為藝術發展局資助團體；香港藝術發展局支持藝術表達自由，本計劃内容並不反映本局意見。

Information

  • Creator
    在生藝術家
  • Years Active
    2025 - 2026
  • Episodes
    21
  • Rating
    Clean
  • Copyright
    © 2025 在生藝術家
  • Show Website
    在生藝術家

You Might Also Like