Örlítið í ólagi

Hrafndis M

Lífið er allskonar, eins og þetta podcast. Hér spyrjum við spurninganna sem enginn bað um svör við, förum djúpt í hlutina og pælum örlítið of mikið í öllu - með húmor, speki og smá tilvistarkreppu á kantinum.

  1. FEB 12

    #20 Fyrirmynd – hver er hún í raun?

    Ég hef aldrei fundið manneskju sem var 100% mín fyrirmynd. Og kannski var vandamálið að ég hélt að fyrirmynd ætti að vera fullkomin. Ég hélt hún ætti að vera stöðug, örugg, rétt, „rétt gerð“. En lífið virkar ekki þannig. Í þessum þætti tala ég um: – Af hverju 30% af manneskju getur verið nóg – Af hverju fólk sem særði mig kenndi mér jafn mikið og þeir sem studdu mig – Af hverju börnin mín eru stundum sterkari en ég – Af hverju ég dáist að Cardi B fyrir að skammast sín ekki fyrir fortíðina sína Kannski er fyrirmynd ekki manneskja sem gerir allt rétt. Kannski er hún manneskja sem tekur ábyrgð. Sem þorir að breyta. Sem þorir að viðurkenna mistök. Sem velur að slíta keðjur svo börnin hennar þurfi ekki að bera þær. Ég er ekki fullkomin. En ég gefst ekki upp. Og í dag get ég sagt það án þess að skammast mín: Ég er mín eigin fyrirmynd.

    26 min

  2. 09/29/2025

    #19 Emotions vs. Feelings – er munur og hver er hann?

    Emotions vs. Feelings – er munur og hver er hann? Við segjum oft: „Ég er svo stressuð“ eða „ég er með kvíða“ – en vitum við raunverulega hvað við erum að finna? Í þessum þætti skoðum við hvort það sé munur á emotions og feelings – og hver hann er. Við förum í heimsókn til möndulsins (amygdala), gamla öryggisvarðarins í heilanum sem ýtir á neyðarhnappinn jafnvel þegar við erum ekki í neinni hættu. Við skoðum líka hvernig búddismi kennir okkur að vera með tilfinningum – í stað þess að flýja þær – og hvað það þýðir að mæta sjálfri sér með núvitund og samkennd í eigin garð. Gígja kemur með mér í þennan þátt, og saman veltum við upp spurningum eins og: Hvernig lærum við að þekkja tilfinningar? Hvers vegna eru þær oft svo flóknar? Og hvernig förum við að því að hlusta í stað þess að laga? Velkomin í örlítið í ólagi 💗

    1h 21m

  3. 08/16/2025

    #18 Imposter Syndrome – Hvað er það?

    Hefurðu einhvern tímann hugsað að þú sért bara heppin, að þú eigir í raun ekki skilið hrós eða að aðrir muni bráðum komast að því að þú veist minna en þau halda að þú gerir? Þá ert þú ekki ein/n. Því í þessum þætti ætlum við ræða imposter syndrome – hvað það er, af hverju við upplifum það, hvernig það mögulega tengist ADHD og AuDHD, og hvaða verkfæri við getum notað til að breyta þessari innri sögu.

    44 min

  4. 07/29/2025

    #17 Hvers vegna líður mér svona? – Fæðingarþunglyndi og skömm

    Meðgöngu- og fæðingarþunglyndi snerta um 1 af hverjum 7 mæðrum á Íslandi – en samt er þögnin oft háværari en hjálpin. Í þessum þætti skoðum við bæði klínískar og tilfinningalegar hliðar: áhættuþætti, einkenni, úrræði og meðferð – en líka mannlegu sögurnar, skömmina, afneitunina og vonina. Ég opna mig um mína eigin reynslu af fæðingarþunglyndi og deili því sem hjálpaði mér að stíga upp úr þessu erfiða tímabili í lífi mínu. Þátturinn er fyrir alla sem hafa upplifað þetta sjálfir – og líka þá sem vilja styðja, skilja og sjá betur inn í líðan foreldra á viðkvæmu skeiði lífsins. Þú ert ekki ein. Þú ert ekki einn. Og það er til hjálp. Heimildir og fræðsla Kristín Rut – Vísir.is: "Kristín fékk alvarlegt fæðingarþunglyndi: 'Þrengdi að hálsinum á yngri stelpunni'" Sigríður Hrund – Vísir.is: "Var með fæðingarþunglyndi í rúm átta ár" Hlaðvarpsþáttur *Einmitt* #49: Sigríður Hrund – "Heppin að fá fæðingarþunglyndi þrisvar" Fræðsluvefir: Heilsuvera (landlæknisembættið) Mín líðan / Heilsugæsla Geðhjálp Miðstöð foreldra og barna (Fyrstu tengsl)

    1h 19m

  5. 07/19/2025

    #16 „Fokk it“ er stundum það besta sem við getum sagt við okkur sjálf.

    Þátturinn í dag er tileinkaður öllum þeim stundum þar sem við erum alveg að bugast, alveg að missa þolinmæðina, alveg að missa vitið eða skíthrædd – og segjum: Fokk it - Ég geri þetta bara. Ég deili mínum eigin "f**k it" mómentum, þar sem ég ákvað að fara í átt sem var óviss, hræðileg og og stundum bráð nauðsynleg – og hvað gerist þegar við hættum að bíða eftir leyfi og förum að lifa lífinu á eigin forsendum. Þetta er fyrir þig sem stendur á brúninni og þarft aðeins spark í rassinn.

    55 min

  6. 06/20/2025

    #15 Það sem pirrar mig við þig – og af hverju það snýst um mig í raun

    Í þessum þætti langar mig að fara betur í það hvernig sambönd – hvort sem það eru ástarsambönd, vinátta eða fjölskyldutengsl – spegla oft dýpstu sárin og falin svæði innra með okkur. Við skoðum hvað það þýðir þegar eitthvað „pirrar“ okkur í öðrum, hvernig við bregðumst við með varnarháttum eða „projectum“ eigin óöryggi – og hvers vegna sambönd eru kannski besti vettvangurinn fyrir skuggavinnu. Það verður djúpt, persónulegt og kannski pínu óþægilegt. En það er líka þar sem vöxturinn býr.

    54 min

  7. 06/13/2025

    #14 Það sem þú forðast, heldur áfram að stjórna þér – Shadow work

    Hvað ef það sem þú ert að fela, bæla og forðast – er lykillinn að frelsi? Í þessum þætti kafað ég inn í „shadow work“, eða skuggavinnu – sjálfsvinnu sem gengur út á að skoða og samþykkja þá parta af okkur sem við höfum lært að skammast okkar fyrir eða bæla niður. Ég útskýri hvað skugginn er samkvæmt hugmyndum Carl Jung, hvernig hann birtist í daglegu lífi og hvers vegna við speglum oft okkar eigin óöryggi í öðrum. Við skoðum: Af hverju sum hegðun pirrar okkur svo mikið í öðrum? Hvernig triggers eru speglar? Hvernig hægt er að vinna með skuggann í stað þess að berjast við hann. Þetta er þáttur um sjálfsást, sársauka, skömm – og hvernig við getum orðið heilari manneskjur með því að horfast í augu við eigin myrkur.

    51 min

  8. 05/23/2025

    #13 Sumar, spjall og smá hjátrú

    Í þessum létta og sumarlega þætti spjöllum við vinkonurnar Hrafndís og Linda um allt og ekkert – sólardagana, sumarið, framtíðar drauma, smá hjátrú og allt það sem brennur á okkur í augnablikinu. Það er hlátur, hlýja og örlítið rugl – akkúrat það sem sólin pantaði 🌼✨

    45 min
See All (20)

About

Lífið er allskonar, eins og þetta podcast. Hér spyrjum við spurninganna sem enginn bað um svör við, förum djúpt í hlutina og pælum örlítið of mikið í öllu - með húmor, speki og smá tilvistarkreppu á kantinum.

Information

  • Creator
    Hrafndis M
  • Years Active
    2025 - 2026
  • Episodes
    20
  • Rating
    Clean
  • Copyright
    © Copyright 2025 All rights reserved.
  • Show Website
    Örlítið í ólagi